27/08/2025
Sa pakig hinabi ni Mayor Mayo Almario kang Davao Oriental Electric Cooperative (DORECO) General Manager, Boy Hernaez, gibutyag sa mayor nga nakipagkita sya sa mga top executives sa Aboitiz Power niadtong tuig 2022.
Matod pa sa mayor, gipasalig sa Aboitiz nga kung mahitabo ang ilang pag operate sa probinsya dili mutaas ang ilang singil tungod ang presyo regulated sa Energy Regulatory Commission con ERC. Dili pud kuno nila abandonahon ang โmissionary linesโ o mga lugar diin gamay lang ang konsumante sama sa Sitio Licop sa Barangay Sainz kay apil kana sa ilang prankisa.
Giklaro pud sa Aboitiz nga manginahanglan sila mu hire sa ilang mga empleyado ug ang unahon nila sa pag recruit mao mismo ang mga taga DORECO kay anad na sa trabaho. Kung sila na ang mu dumala, ang top management sa DORECO i-hire gihapon nila apan di na parehas ang position.
Gipatawag sa buhatan sa Mayor si Hernaez aron personal niyang maingnan sab sa iyang mga solusyon sa problema sa brownout.
Matud pa, 30% kuno sa rason sa brownout tungod sa NGCP apan 70% gikan mismo sa problema sa DORECO sama sa karaan nga copper lines, mga sanga sa lubi og mga tanom nga naka apekto sa linya.
Gisugyot ni Almario nga kon ang mga tag-iya sa yuta dili motugot nga ipaputol ang kahoy nga nagapeligro sa linya, pwede mangayo og tabang ang DORECO sa PNP ug AFP ubos sa balaod nga R.A 11361 o ANTI - OBSTRUCTION OF POWER LINES ACT. Dugang niini, motabang ang City Government pinaagi sa pag-hire og job orders sa matag barangay aron motabang sa pagmonitor ug pagputol sa mga sangang makadaot sa linya.
Apan matud pa sa Mayor, kon dili mosaka ang performance sa DORECO, posible nga dili siya mopirma sa 'Certificate of No Objection' kung mag apply na kini og renewal. Ang prangkisa sa kooperatiba molungtad hangtod tuig 2030.
Wala pay pinal nga desisyon ang Aboitiz maong gi challenge sa Mayor ang DORECO nga i improve ang kalidad sa serbisyo aron mahimo kining competitive kung musulod man ang Aboitiz. | CIO
Together, Yes We Can
๐๐๐ซ๐ ๐๐ ๐๐๐ง๐๐ง
