UR 107.9 Radio

27/03/2026

Sugdan na sa People’s Administration ang Weekend Car-Free Days sugod ugma, 𝐌𝐚𝐫𝐬𝐨 𝟐𝟖, 𝟐𝟎𝟐𝟔 isip kabahin sa interbensyon sa krisis sa enerhiya.

Sugdan na sa People’s Administration ang Weekend Car-Free Days sa pili lamang nga lugar, sugod ugma, Marso 28, 2026 isip kabahin sa interbensyon sa krisis sa enerhiya.

Subay sa gipagula ni Mayor Joel Mayo Almario nga Executive Order No. 063 ipasirado gikan sa kanto nga dalan atubangan sa City Hall hangtod sa kanto sa 7-Eleven ingon man ang dalan kung asa nahimutang ang Night Market padulong sa kanto atbang sa Baywalk Hotel.

Ipatuman kini matag Sabado ug Dominggo gikan ala 1:00 sa hapon hangtod alas 7:00 sa gabii. Sulod niining mga orasa, sirado ang dalan alang sa tanang de-makinang sakyanan gawas lang sa mga emergency response, law enforcement, ug uban pang awtorisadong service vehicles.

Mahimo kining gamiton sa mga Matinian sama sa walking, jogging, ug uban pang ehersisyo ug sports sama sa sikat karon nga Pickleball. Gidasig usab ang mga lokal nga MSMEs sa pag-abli og mga pop-up stalls ingon man ang mga buskers, artists, ug coffee carts.

Tinguha sa People’s Administration nga mabawasan ang konsumo sa kuryente ug petrolyo apil na ang pag-promotar sa mas himsog nga lifestyle. Ginaawhag ni Mayor Almario nga magsambuok ang komunidad pinaagi sa pag-apil niining inisyatibo sa pagdaginot sa enerhiya. | CIO

Together, Yes We Can
Para Sa Tanan

27/03/2026

Nagpaabot og mensahe si City Vice Mayor Lorenzo Leon G. Rabat atoll sa pakighinabi sa mga Campus Journalists Interns gikan sa Davao Oriental State University (DORSU), dili pa lamang dugay, kabahin sa padayon nga pagsaka sa presyo sa petrolyo nga nasinati sa katawhan sa syudad sa Mati karong panahona.
Gipahayag sa bise mayor nga ang katawhan kinahanglan mosalig nga ang gobyerno nagpadayon sa pagtrabaho aron matubag ang mga panginahanglan sa publiko, ilabi na sa epekto sa pagsaka sa presyo sa mga panaliton.

Sumala pa kaniya, nasabtan sa gobyerno nga ang pagtaas sa presyo sa gasolina adunay direktang epekto sa presyo sa mga basic commodities. Bisan pa niini, giingon niya nga kinahanglan adunay limitasyon sa pagsaka sa presyo, ug kinahanglan magpabiling mabinantayon ang mga awtoridad sa pag-assess kung unsa gyud ang angay nga pagtaas.

Gipasidan-an usab niya ang pipila ka mga negosyante nga posibleng mogamit sa pagsaka sa petrolyo isip rason aron mupataas sa presyo bisan dili direktang naapektuhan ang ilang mga produkto.

Gidugang pa niya nga sabton sa gobyerno ang sitwasyon sa mga negosyong nagsalig sa transportasyon ug sa mga imported nga produkto, diin natural nga mosaka ang presyo tungod sa dugang gasto.

Bisan pa niini, gipasiugda niya nga adunay Price Coordinating Council nga nagbantay ug nagtakda sa pinakataas nga angay nga presyo sa mga basic commodities aron mapanalipdan ang interes sa mga konsumante.

NEWS WRITER:
Everlyn Bautista | Christopher Bautista

26/03/2026

26/03/2026

DOPPO CLARIFIES MISLEADING SOCIAL MEDIA POST

DOPPO CLARIFIES MISLEADING SOCIAL MEDIA POST

The Davao Oriental Police Provincial Office - DOPPO would like to clarify regarding a misleading social media post currently circulating online involving the alleged arrest of a security guard inside a convenience store.

The circulated images are AI-generated and do not depict a real incident. DOPPO would like to emphasize that the personnel from the Philippine National Police (PNP) seen in the photo are NOT from DOPPO.

Additionally, the uniform patch shown is not from Davao Oriental, and there is no MiniStop convenience store within DOPPO’s area of responsibility. Thus, the post is false and misleading.

However, since the content has been shared on Davao Oriental pages and accounts, it may cause confusion, alarm, and misperception among residents, potentially affecting public trust and order within the province.

DOPPO is now conducting an investigation to determine the source and individuals responsible for spreading this false information.

The public is reminded that the dissemination of fake news may constitute violations under the Philippine Laws, including the following:

1. Cybercrime Prevention Act of 2012 (RA 10175) – Applicable when a post is false and damages the reputation of a person, group, or organization.

2. Unlawful Use of Means of Publication (Article 154) – Applicable when false news is published or spread, potentially endangering public order or harming public interest.

3. Alarm and Scandal (Article 155) – Applicable when false information causes panic, confusion, or public disturbance.

DOPPO strongly urges everyone to exercise responsibility in using social media platforms. Always verify information from official and credible sources before sharing it to prevent misunderstandings and the spread of misinformation.

Police Regional Office 11
Rcadd ProEleven

11/03/2026

𝐍𝐗𝐓𝐆𝐄𝐍 𝐍𝐄𝐖𝐒 𝐞𝐩𝟎𝟐

𝑾𝒐𝒓𝒌𝒊𝒏𝒈 𝑻𝒐𝒈𝒆𝒕𝒉𝒆𝒓 𝒇𝒐𝒓 𝑩𝒆𝒕𝒕𝒆𝒓 𝑻𝒓𝒂𝒏𝒔𝒑𝒐𝒓𝒕𝒂𝒕𝒊𝒐𝒏 𝒊𝒏 𝑴𝒂𝒕𝒊!

The city continues programs to listen to and support local drivers. Led by Councilor Xander “B**g” Alcantara Xander B**g Alcantara, Chairman of the Committee on Transportation, dialogues, workshops, and seminars were held with TODA presidents and members to understand their daily challenges and find solutions.

Clearer communication and improved services for everyone using transportation in Mati.

🎥 𝑾𝒂𝒕𝒄𝒉 𝒕𝒉𝒆 𝒇𝒖𝒍𝒍 𝒓𝒆𝒑𝒐𝒓𝒕 𝒉𝒆𝒓𝒆.

Newshead/ Director: Stella Maries Fernando
Anchor: Jocosol
Newswiter/ Reporter: Christine Joy Tupasan
Camera: Domenick Mamonong

11/03/2026

‎𝐃𝐀𝐕𝐎𝐑 𝐃𝐞𝐥𝐞𝐠𝐚𝐭𝐢𝐨𝐧, 𝐀𝐧𝐝𝐚𝐦 𝐧𝐚 𝐚𝐥𝐚𝐧𝐠 𝐬𝐚 𝐏𝐚𝐥𝐚𝐫𝐨𝐧𝐠 𝐏𝐚𝐦𝐛𝐚𝐧𝐬𝐚 2026. ‎

‎Nagsugod na og pagpangandam ang delegasyon sa Probinsya alang sa umaabot nga Palarong Pambansa 2026 pinaagi sa usa ka komprehensibong programa para sa ilang mga atleta.

‎ Gibutyag ni Provincial Sports Development Office Head, Peter Paul Vincent Chiu nga Lakip sa ilang preparasyon ang intensive training, psychological conditioning, ug paghatag og nutritional support aron masiguro nga lig-on ang pisikal ug mental nga kahimtang sa mga partisipante. ‎ ‎

Gipasabot sa mga opisyal nga sayo pa lang, ginamonitor na ang mga kwalipikadong atleta aron matutokan ang ilang performance ug kahimsog sa panglawas.

‎Magpadayon usab ang close coordination sa Department of Education (DepEd) aron masubay ang pag-andam sa matag atleta ug masiguro ang angay nga suporta. ‎

‎Sumala sa mga opisyales, tumong nila nga maandam ang mga atleta dili lamang sa pisikal nga aspeto kondili apil usab sa mental ug emosyonal nga kahimtang alang sa nasudnong kompetisyon.

Writer: Cristine Joy Tupasan

Photo: Provincial Sports Development Office Davao Oriental Fb Page

10/03/2026

𝐋𝐓𝐎 𝐁𝐎𝐒𝐒 𝐏𝐑𝐎𝐉𝐄𝐂𝐓: 𝐆𝐈-𝐏𝐋𝐀𝐍𝐎 𝐍𝐀𝐍𝐆 𝐒𝐔𝐆𝐃𝐀𝐍 𝐒𝐀 𝐌𝐀𝐓𝐈.

Ang proyekto sa LTO nga gitawag og Barangay Outreach and Support Services (BOSS) Project gilauman nga makahatag og mas maayong serbisyo alang sa katawhan sa Mati, ilabi na sa mga driver nga wala pay rehistro sa ilang sakyanan ug wala pay lisensya. ‎ ‎

Ang tumong niining programa mao ang paghatag og mas accessible nga serbisyo alang sa mga driver, labi na sa mga nagpuyo sa layo nga mga barangay. Pinaagi niini, mas mapadali ang proseso sa pagkuha og lisensya ug pagparehistro sa sakyanan. ‎ ‎Dugang pa, ang maong proyekto magahatag usab og dugang kahibalo sa mga driver mahitungod sa tama ug dili tama nga pamatasan sa DALAN, ilabi na kung magbiyahe sa National Highway.

Pinaagi niini, gilauman nga malikayan ang mga AKSIdente sa kalsada ug maminusan ang porsyento sa mga sakyanan nga wala marehistro. ‎ ‎Gilauman nga kini nga lakang mahimong epektibo nga pamaagi aron makatabang sa katawhan sa syudad, ilabi na sa mga nagpuyo sa lagyong lugar, aron mas sayon ug mas paspas ang pagkuha og lisensya ug rehistro. ‎ ‎

Sa pagkakaron, wala pa’y eksaktong detalye kung kanus-a magsugod ang maong BOSS Project. Apan gisiguro ni Konsehal Xander Paul “B**g” Alcantara, isip commitee chair sa komitiba sa transportasyon sa syudad nga adunay na sila’y nabisitahan nga pipila ka mga barangay isip kabahin sa pag-andam alang sa implementasyon sa programa.

Writer: Myline P. Dela Peña

Photo: Konsehal Xander “B**g” Alcantara Fb Page

06/03/2026

‎𝐏𝐒𝐃𝐎 𝐏𝐞𝐭𝐞𝐫 𝐏𝐚𝐮𝐥 𝐕𝐢𝐧𝐜𝐞𝐧𝐭 𝐂𝐡𝐢𝐮, 𝐆𝐢𝐛𝐮𝐭𝐲𝐚𝐠 𝐚𝐧𝐠 𝐌𝐚𝐬 𝐋𝐚𝐰𝐨𝐦 𝐧𝐠𝐚 𝐇𝐚𝐠𝐢𝐭 𝐬𝐚 𝐃𝐚𝐯𝐫𝐚𝐚 𝐌𝐞𝐞𝐭.
‎
‎Gibutyag ni Provincial Sports Development Officer (PSDO) Peter Paul Vincent Chiu nga dili lamang pagpauswag sa ranking ang ilang giatubang nga hagit sa Davraa Meet, kondili usab ang pagmintinar sa kalidad sa preparasyon bisan pa sa limitadong resources.
‎
‎Sa interbyu nga gipahigayon sa mga DevCom interns niadtong Martes, Pebrero 3, 2026, sa buhatan sa Provincial Sports Development Office, gipasiugda ni Chiu nga ang pagbalanse sa komunidad ug sa aktuwal nga kapasidad sa probinsya maoy usa sa labing sensitibong aspeto sa iyang trabaho isip PSDO.
‎
‎Sumala kaniya, samtang nagkadako ang interes sa publiko sa matag kompetisyon, nagkadako usab ang responsibilidad sa opisina sa paghatag og maayong resulta. “Dako ang pressure nga mosaka ang ranking, apan kinahanglan gihapon nga realistiko ta sa atong resources,” matod ni Chiu.
‎
‎Gipasabot niya nga ang pagplano sa training schedules, maayong koordinasyon sa mga coaches ug trainers, ug hapsay nga pakig-alayon sa mga opisyal sa Department of Education maoy pundasyon sa ilang preparasyon.
‎
‎Ang regular nga assessment sa kahimtang sa mga atleta ug pasilidad ginahimo aron masiguro nga husto ang direksyon sa programa.
‎
‎Dugang pa ni Chiu nga ilang ginaprioridad ang holistic development sa mga atleta dili lamang ang pisikal nga kahimsog, kondili usab ang mental ug emosyonal nga kahimtang. Alang kaniya, ang paghatag og suporta ug pagpalig-on sa morale sa team importante aron makasugakod sa pressure sa kompetisyon.
‎
‎Bisan pa sa mga kalisdanan, nagpabiling positibo ang PSDO nga pinaagi sa panaghiusa sa tanang sektor lakip ang lokal nga pamunuan, eskwelahan, ginikanan, ug mga atleta malabwan ang mga hagit ug makab-ot ang mas maayong performance sa umaabot nga Davraa Meet.

Writer: Jenisa Magbutong, DOrSU Intern

06/03/2026

𝐍𝐗𝐓 𝐆𝐄𝐍 𝐍𝐄𝐖𝐒 𝐄𝐩𝟎𝟏

Campus journalist and 𝗗𝗲𝘃𝗲𝗹𝗼𝗽𝗺𝗲𝗻𝘁 𝗖𝗼𝗺𝗺𝘂𝗻𝗶𝗰𝗮𝘁𝗶𝗼𝗻 𝗶𝗻𝘁𝗲𝗿𝗻𝘀 𝗳𝗿𝗼𝗺 𝗗𝗮𝘃𝗮𝗼 𝗢𝗿𝗶𝗲𝗻𝘁𝗮𝗹 𝗦𝘁𝗮𝘁𝗲 𝗨𝗻𝗶𝘃𝗲𝗿𝘀𝗶𝘁𝘆 (𝗗𝗢𝗥𝗦𝗨), together with UR-Radio Mati, paid a visit to the Provincial Sports Development Office (PSDO) headed by Mr. Peter Paul VIncent Chiu.

During the interview, Chiu emphasized the importance of physical, mental, and emotional preparation of athletes participating in the DAVRAA Meet 2026. He also expressed confidence that campus journalists will grow into responsible communicators and storytellers in the future.

🎥 𝑾𝒂𝒕𝒄𝒉 𝒕𝒉𝒆 𝒇𝒖𝒍𝒍 𝒓𝒆𝒑𝒐𝒓𝒕 𝒉𝒆𝒓𝒆.

Newshead/ Director: Myline Dela Peña
News Writer: Rich Laurel
Camera: Domenick Mamonong

04/03/2026

𝐃𝐚𝐯𝐎𝐫 𝐒𝐮𝐧𝐫𝐢𝐬𝐞𝐫𝐬, “𝐌𝐨𝐬𝐭 𝐈𝐦𝐩𝐫𝐨𝐯𝐞𝐝 𝐃𝐢𝐯𝐢𝐬𝐢𝐨𝐧” 𝐬𝐚 𝐃𝐀𝐕𝐑𝐀𝐀 𝐌𝐞𝐞𝐭 2026.
‎
‎Nagpabiling taas ang morale ug garbo sa delegasyon sa Davao Oriental Sunrisers human sila gipasidunggan isip “Most Improved Division” sa DAVRAA Meet 2026.
‎
‎Sa interview nga gipahigayon niadtong Martes, Marso 3, 2026 sa Provincial Sports Development Office, gipadayag ni Peter Paul Vincent Chiu ang iyang pagpasalamat ug kalipay sa nahimong kalampusan sa delegasyon.
‎
‎Sumala kaniya, dakong dungog alang sa Sunrisers ang maong pag-ila ilabi na nga gikan sila sa ika-10 nga dapit sa miaging tuig nga may pito ka bulawang medalya. Karong tuiga, misaka sila sa ika-9 nga puwesto nga may 14 ka gold medals, 19 ka silver, ug 24 ka bronze medals.
‎
‎Gipasabot ni Chiu nga ang titulo dili lamang nagpasabot sa kadaghan sa medalya, apan representasyon sa paningkamot, disiplina, ug panaghiusa sa mga atleta, coaches, trainers, ug sa padayon nga suporta sa lokal nga panggamhanan.
‎
‎Dako usab ang pasalamat sa maong opisyal sa amahan sa probinsya, nga si Governor Nelson Boy Dayanghirang, tungod sa iyang tabang ug suporta sa mga delegado nga nakahatag og dugang kadasig sa tibuok delegasyon.
‎
‎Ang maong kalampusan naghatag og dugang inspirasyon sa Davao Oriental Sunrisers aron magpadayon sa pagpaningkamot ug pagpauswag sa ilang performance sa umaabot nga mga torneyo, samtang gipamatud-an nga pinaagi sa panaghiusa ug determinasyon, posible ang mas dako pang mga kadaugan sa umaabot.
‎
Writer: Mariestella S. Fernando, DOrSU Intern
Photo: Darwin D. Jocosol, DOrSU Intern

13/01/2026

𝐑𝐚𝐝𝐲𝐨 𝐬𝐚 𝐌𝐚𝐭𝐢 𝐌𝐚𝐠𝐩𝐚𝐭𝐮𝐦𝐚𝐧 𝐨𝐠 𝐁𝐚𝐠-𝐨𝐧𝐠 𝐏𝐨𝐫𝐦𝐚𝐭 𝐮𝐠 𝐌𝐨𝐛𝐚𝐥𝐡𝐢𝐧 𝐬𝐚 107.5 𝐅𝐌 𝐒𝐮𝐠𝐨𝐝 𝐄𝐧𝐞𝐫𝐨 25, 2026.

Mati City, Davao Oriental — Gipahibalo sa management sa usa ka estasyon sa radyo sa Mati nga sugod Enero 25, 2026, magpatuman kini og bag-ong pormat nga nagtumong sa paghatag og mas daghang musika ug mas gamay nga istorya ubos sa temang “Less Talk, More Music.”

Kabahin usab sa maong kausaban ang pagbalhin sa frequency sa estasyon gikan sa 107.9 FM ngadto sa 107.5 FM. Tumong niini ang paghatag og mas tin-aw nga signal ug mas nindot nga audio quality alang sa mga tigpaminaw sa nahisgutang syudad.

Matod pa sa management, magpadayon gihapon ang ilang serbisyo sa publiko ug mas palig-onon pa ang ilang commitment sa paghatag og impormasyon ug musika.

Gilauman nga ang bag-ong pormat ug frequency maghatag og mas bag-ong kasinatian sa mga Matinians nga tigpaminaw sa radyo.