Ang Gat Uban

03/12/2025

𝗣𝗮𝗶𝗹𝗮𝘄 𝘀𝗮 𝗕𝗮𝘆𝗮𝗻 𝟮𝟬𝟮𝟱

30/11/2025

𝗞𝗢𝗟𝗨𝗠 | 𝗣𝗿𝗲𝘀𝘆𝗼 𝘀𝗮 𝗣𝗮𝘀𝗸𝗼: 𝗞𝗮𝗻𝗶𝗻𝗼𝗻𝗴 𝗞𝘄𝗲𝗻𝘁𝗼 𝗮𝗻𝗴 𝗧𝗼𝘁𝗼𝗼?

Kamakailan ay naglabas ng pahayag si Maria Cristina Aldeguer – Roque, kalihim ng Department of Trade in Industry (DTI), ang 500 umano ay maaari ng pagkasyahin para sa Noche Buena ng isang pamilyang Pilipino. Sa unang dinig, nakakapagtaka talaga kung saan sila kumuha ng datos para masabi ito.

Pero kung usapang reyalidad, para itong ibinaling tanong sa mga mamimili: tayo ba ang hindi marunong mag-budget, o sila ang hindi nakatingin sa tunay na presyo ng buhay? Sa kasalukuyang estado ng ekonomiya – mataas na presyo ng bilihin, pagtaas ng pamasahe, taas singil sa kuryente, hindi na bago sa mga Pilipino ang mag-adjust. Pero ang sabihing sapat na ang 500 para sa Noche Buena, lalo na ngayong kapaskuhan, ay tila pagtapak sa reyalidad ng karaniwang pamilyang Pilipino. At higit pa roon, tila nalilimutan na ng ilan ang tunay na diwa ng Noche Buena.

Hindi ito dapat maging pagsasanay sa pagtitipid. Ang Noche Buena ay simbolo ng pagsasama, pag-asa, at munting kasiyahan matapos ang mahabang taon ng paghihirap. Hindi kailangang maging engrande, ngunit hindi rin dapat ipilit na kasya sa isang pamilya ang selebrasyon kung ang laman ng hapag ay kinakapos at ang mga ngiti ay pilit.

Sapagkat ang tunay na diwa ng kapaskuhan ay hindi nasusukat sa presyong dapat pagkasyahin, kundi kalidad ng pagdiriwang na may dignidad. Paano mo nga ba pagkakasyahin ang halagang ito? Ang spaghetti pa lamang na may sauce, hotdog, at kaunting cheese ay halos sasakupin na ang 500. Kung maghahanap ka pa ng tinapay, prutas, inumin, o kahit murang hamon, tiyak lalagpas ka na sa inilaang halaga. Paano kung mas malaking pamilya?

Mas lalo ng imposibleng maisiksik ang tradisyunal na Noche Buena sa halagang sinasabi ng pamahalaan. Mas masakit isipin na habang pinagtitipid ang mga mamamayan, may mga taong nalalantad sa anomalya, milyon hanggang bilyon ang nawawala dahil sa kurapsyon – pera sanang makatutulong sa totoong nagpapasan ng bigat ng ekonomiya.

Kung ang mga nasa pwesto ay kayang ipagkibit-balikat ang ganoon kalaking halaga, bakit tila ba ang 500 ng sambahayan ang gustong ipagkasya? Isa lang ang malinaw: ang pahayag ay hindi katugma sa tunay na presyo, tunay na hirap, at tunay na kabuhayan. Kung may dapat ipagtanggol ngayong pasko, iyon ay ang karapatan ng bawat pamilyang Pilipino na makaranas ng kaunting ginhawa – hindi bigyan sila ng ilusyon na kaya ng ₱500 ang hindi naman talaga kaya.

03/10/2025

Pinangunahan ng Supreme Student Learner Government (SSLG) ang makulay na pagbubukas ng selebrasyon ng Pandaigdigang Araw ng mga G**o ngayong Oktubre 3 sa DMDPNHS Covered Court.

Nagsimula ang programa sa pambungad na pananalita mula kay Gng. Siony A. Lat, PhD., kung saan binigyan niyang importansiya at halaga ang sakripisyo at dedikasyon ng mga g**o sa larangan ng pagtuturo.

Matapos magbigay ng pambungad na pananalita, nagbigay naman ng mensahe ng pagpupugay ang School Parent-Teacher Association Chairperson na si Engr. Erwin Aloc.

"Kaya po, ako po, bilang magulang, marugod kong ipinaparating sainyo ang aking saludo sa inyong pagpupunyagi, dahil alam ko po [na] ang pagiging g**o ay hindi isang trabaho lamang, ito ay may kaakibat na sakripisyo, may kaakibat na tiyaga upang mabigyan ng magandang kinabukasan ang ating mga mag aaral upang mai-angat po ang ating antas ng edukasyon dito sa ating bansa." Ayon kay Engr. Aloc.

Nagbigay rin ng mensahe ang Supreme Secondary Learner Government President na si G. David Dylan Desembrana, para bigyan ng taos-pusong pasasalamat ang kaguruan ng Dr. Maria D. Pastrana.

"On behalf of the Supreme Secondary Learner Government, and to all learners of Dr. Maria D. Pastrana National High School, gusto po naming ipaabot ang aming taos-pusong pasasalamat at respeto sa ating pong mga g**o." Ani ni G. Desembrana.

"You remind us that education is not just for grades. Its about character, values and giving believing ourselves. Kaya ngayong araw na ito, we celebrate you —our teachers, our mentors, our everyday heroes." Dagdag niya.
Sa pagpapatuloy ng programa, nagbigay ng pagtatanghal ang mga estudyante at kaguruan mula sa iba't-ibang club at organisasyon tulad ng pag-awit, pagsayaw at eksibisyon.

Sa sumunod na bahagi ng programa, nagbigay naman ng token of appreciation ang mga estudyante bilang tanda ng pasasalamat sa kanilang husay at dedikasyon sa larangan ng pagtuturo.

Nagbigay naman ng palatandaan ang ilang g**o para sa mga estudyante na dalahin nila sa hinaharap.

"Para sa akin, ang pinaka-gusto kong matandaan ng mga estudyante ay na kaming mga g**o ay hindi lamang kami para magturo sa classroom, bukod doon ay kami ay katuwang ng inyong mga magulang para kayo ay mahubog, hindi lamang sa talino o talento, kundi na rin sa kagandahang asal." Saad ni Gng. Eden Sanchez, Ulongg**o II ng Senior High School Department.

"At tsaka, ang gusto kong pinakang-matandaan ninyo ay sana hindi makalimot ang mga estudyante sa mga g**o kapag sila ay naging successful na." Dagdag niya.

"Yung nais ko lang na maunawaan ng mga bata na maitanim sa kanilang isip —na ang g**o ay hindi lamang isang teacher. Isa rin din itong nagsisilbing pangalawang magulang nila dito sa school. Nagtuturo ng kabutihan, para madala nila sa kung saan man sila pupunta sa future." Ani ni Gng. Rowena Dumaran, G**o I.

Bakas ang kasiyahan ng mga g**o sa naging preperasyon ng Supreme Secondary Learner Government sa ginanap na selebrasyon ng nasabing programa.

Layunin ng naturang programa na bigyang-pugay ang walang sawang serbisyo, dedikasyon, at pagmamahal ng mga g**o na nagsisilbing gabay at inspirasyon ng mga kabataan.

//Ni Will Benimerito
//Photos: Greyshan Tejada & Claire Dioleta

27/09/2025

𝗞𝗢𝗟𝗨𝗠 | 𝗔𝗥𝗔𝗟𝗜𝗡 𝗢 𝗔𝗟𝗢𝗡: 𝗦𝗜𝗡𝗢 𝗔𝗡𝗚 𝗨𝗨𝗡𝗔𝗛𝗜𝗡?
Sa bawat araw ng klase, tunay na malaki ang sakripisyo ng ating mga g**o upang maihatid ang kaalaman. Sila ang gumagabay at nagbibigay ng direksyon sa mga kabataan upang matuto at magtagumpay. Gayunpaman, may mga pagkakataon na ang kanilang lubos na dedikasyon ay nagiging labis sa pananaw ng mga mag-aaral. Overtime sa klase, may dagdag na aktibidad na ipinapadala sa gabi, at kung minsan pa, may ipinamimigay na gawain kahit pa may kalamidad—mga sitwasyong nagiging hamon hindi lamang sa pagkatuto kundi pati sa katahimikan ng isip ng mga estudyante.
Hindi maikakaila na ang mga g**o ay may mabuting intensyon. Nais nilang masig**o na natututo ang bawat isa at nagagamit nang tama ang oras. Subalit hindi rin maitatanggi ang bigat na dulot nito sa mga kabataan, lalo na sa panahon ng unos. Sa gitna ng bagyo, baha, at kawalan ng kuryente, paano nga ba makakapagtuon ng pansin ang isang estudyanteng abala sa pagbabantay ng lagay ng kanilang tahanan? Hindi ito nangangahulugan ng pagtakas sa responsibilidad, bagkus, ito ay panawagan para sa kaunting pag-unawa.
Mahalaga ang aralin, ngunit higit na mahalaga rin ang pagkilala na may tamang panahon para sa lahat ng bagay. Ang pagtuturo ay hindi nasusukat sa dami ng ipinapagawa, kundi sa kalidad ng kaalamang naiiwan sa mag-aaral. Kapag labis ang gawain, nawawala ang pagkakataon ng kabataan na tunay na magmuni, umintindi, at masapuso ang kanilang natutunan. Ang sobrang bigat ay nagbubunga lamang ng pagod, at sa kalaunan, ng kawalan ng gana.
Sa kabilang banda, tunay din namang kahanga-hanga ang mga g**o na buong pusong iniaalay ang kanilang oras at lakas. Ang kanilang sakripisyo ay hindi matatawaran. Subalit higit silang hahangaan kung ang kanilang malasakit ay may kasamang pagkilala sa tunay na sitwasyon ng kanilang mga estudyante. Sa oras ng sakuna, mas kailangan ng kabataan ang pagkalinga at pag-unawa kaysa karagdagang papel na kailangang ipasa. Ang malasakit na ipinapakita ng g**o sa kanyang mga estudyante ay isa ring anyo ng pagtuturo—isang aral na higit pang tatatak kaysa anumang nakasulat sa libro.
Ang tanong ay nananatiling bukas: aralin o alon, sino ang uunahin? Marahil ang pinakamahalagang aral na maipapasa ng isang g**o ay hindi nagmumula sa dami ng gawain, kundi sa kakayahang makiisa, umunawa, at makinig. Sapagkat ang tunay na layunin ng edukasyon ay hindi lamang magturo ng kaalaman, kundi maghubog ng tao na may malasakit sa damdamin ng kapwa.

21/09/2025

𝗞𝗢𝗟𝗨𝗠 | Daluyong ng Taumbayan Laban sa Baha ng Katiwalian

Sa bawat patak ng ulan tila may kasamang patak ng dugo ng bayan. Ang tubig na dumadaloy sa kalsada ay hindi lamang baha kundi alaala ng mga pondong nawaldas at kinulimbat. Ngayong Setyembre 21 2025 habang ginugunita ang isang madilim na kabanata ng kasaysayan muling umaalingawngaw ang sigaw ng bayan sa lansangan sa pamamagitan ng Trillion Peso March.

Hindi ito simpleng pagtitipon. Ito ay isang dambuhalang martsa ng pag aaklas laban sa sistemang nilamon ng katiwalian. Isang trilyong piso ang ipinangako para pigilan ang baha ngunit ang natigil lamang ay ang daloy ng pag asa. Ang mga estero ay nananatiling barado ngunit ang bulsa ng ilang nasa kapangyarihan ay tila hindi nauubusan ng agos. Habang ang mga maralita ay lumulubog sa putik at lumilikas sa mataas na lugar may mga nasa poder na animo’y lumalangoy sa karangyaan at luho.

Mapait na biro ng kasaysayan na ang araw ng Martial Law ay siya ring araw ng bagong panawagan para sa hustisya. Noon katahimikan ang ipinataw at ang takot ay naging batas. Ngayon naman galit ng bayan ang umuugong at tapang ang kanilang sandata. Ang Trillion Peso March ay hindi lamang protesta laban sa pondong nawala kundi simbolo ng pagtindig ng sambayanan. Ito ay panawagan na sapat na ang pamahalaang bulag at p**i sa hinaing ng mamamayan.

Ngunit ang pinakamalaking tanong ay kung saan tutungo ang lakas na ito. Ang bawat sigaw ba ay aabot hanggang korte. Ang bawat plakard ba ay magiging ebidensya. Ang bawat hakbang ba ay magbubukas ng pintuan sa tunay na pananagutan. Kung hindi ito mangyayari mananatiling ritwal ang protesta at tuluyang lulubog ang bayan hindi lamang sa baha kundi sa kawalan ng hustisya.

Hindi sapat ang pag usad sa kalsada kung hindi uusad ang hustisya. Hindi sapat ang pagtindig ng libu libo kung hindi matutumba ang mga bulok na nakaupo. Ang laban na ito ay hindi lamang laban ng kasalukuyan kundi laban para sa kinabukasan ng mga susunod na henerasyon.

Ngayon ang araw na nagpapakita na ang bayan ay hindi latian na kayang tapakan. Ito ay agos na kayang bumaha at magpabago ng takbo ng kasaysayan. At kung may bahang dala ang katiwalian darating ang mas malakas na daluyong ng taumbayan na walang sinuman ang makap**igil.

14/09/2025

Pagbati sa mga naging delegado ng Ang G*t Uban sa katatapos na Division Schools Press Conference sa Lucban, Quezon (Sept. 12–14, 2025)!

Ang inyong dedikasyon, tapang, at pagsusumikap ay tunay na kahanga-hanga. Ipagpatuloy ang alab sa pamamahayag 🔥

Pasasalamat din po sa mga sumusunod:

Magulangin
Mayor Ninong Erwin
Sir Mario Guevarra
Ma'am Ronalaine Aloc
Sir Erwin Aloc
AGU SPA/Coaches

14/09/2025

Pagbati sa Associate-Editor ng Ang G*t Uban!

David Dylan Desembrana
🏆 CHAMPION
Pagsulat ng Balita
Division Schools Press Conference 2025
Coach: Ma'am Michelle Ursolino

Ipinagmamalaki ka ng ating Paaralan👏🔥

06/08/2025

Kita Kits, Pastranians! 🤗

𝗔𝗥𝗘 𝗬𝗢𝗨 𝗥𝗘𝗔𝗗𝗬?

As we gear-up for more story coverages this school year, Dr. Maria D. Pastrana National High School will hold G*t Uban InkCamp 2025 School-Based Press Conference on Friday-Saturday, August 8-9.

Get your pens ready to write stories that matter as we conduct mini-lecture series for print and visual journalism.

See you there, Pastranians!

26/07/2025

26/07/2025

Bagong Tinta, Bagong Sigla! ✒️✍

Isang panibagong pahina ang bubuklatin ng Ang G*t Uban sa pagdating ng ating bagong kasama sa pagsusulat at pagbabalita!

Sa kanilang pagpasok, tiyak na mas lalalim ang bawat salita, mas sisiklab ang diwa ng katotohanan, at mas lalawak ang tinig ng kabataan.

Abangan ang mga balitang kanilang isusulat, ang tinig nilang magpapasigla sa bawat talata. Malugod naming tinatanggap ang bagong haligi ng Ang G*t Uban! ⚔

11/07/2025

NGAYON | Itinanghal nang kauna-unahang Ginoong Maubanog Festival 2025 sina G. Edward Pasamba ng MSEMSAT at Bb. Sophia Alcancia ng Cagsiay III NHS.

Nakamit naman nina G. Richmond Cioco ng DMDPNHS at Bb. Leianne Lerum ng MSEMSAT ang 1st Runner Up.

Samantala, nag-uwi naman ng 2nd Runner Up sina G. Lance Castillano ng Cagsiay I NHS at Bb. Khrezca Oquendo ng DMDPNHS.

via David Dylan Q. Desembrana, Rheyl Hexene C. Calucin, Ram M. Pasatiempo

11/07/2025

NGAYON | Nakapasok na sa Top 3 Finalist ng Ginoo at Binibining Maubanog Festival 2025 sina:

G. #3 Lance Castillano (C1NHS)
G. #5 Edward Pasamba (MSEMSAT)
G. #1 Richmond Cioco (DMDPNHS)

Bb. #1 Khrezca Oquendo (DMDPNHS)
Bb. #5 Leianne Lerum (MSEMSAT)
Bb. #7 Sophia Alcancia (C3NHS)

via David Dylan Q. Desembrana, Rheyl Hexene C. Calucin, Ram M. Pasatiempo