https://www.facebook.com/318873897979503/

Dugong Maubanin, Mauban (2025)

12/05/2025

PWEDE BANG ANG BEI ANG MAGDEDESISYON KUNG SINO ANG MAG-AASSIST SA SENIOR AT PWD? MAGALING. MAGALING.

12/05/2025

PUBLIC ASSISTANCE SA ELEKSYON??? KAMPANYAHAN YAN AT PRESUMPTION NG VOTE BUYING. ANO NA SADSARAN? Unlawful Electioneering ‘yan. Magsipaghanda kayo pagkatapos ng eleksyon kung saang korte kayo pagkakakasuhan.

11/05/2025

MABALASIK ANG MGA TAO NG P**A SA DAUNGAN! ABA’Y AKALAIN MONG BUONG BARANGAY AY RESIGNED AT MAGWAWATCHER???
SINO PANG TAO MO KAP? 😂

29/04/2025

DESPERADO AT LOKOHAN.

Habang lumalapit ang halalan, may mga DESPERADO na gumagawa ng kwento at nagpapakalat ng LOKOHAN — tatak ng mga panggap na lingkod-bayan na gagawin ang lahat makapanglinlang lang ng taumbayan. Maubanin, GUMISING NA TAYO SA BASURANG STRATEHIYA NG GANITONG KLASENG POLITIKA. Bukod sa MALINIS AT MAPAYAPANG eleksyon, mas dapat nating ipaglaban ay MALINIS AT MAAYOS na kandidatura. HINDI KAMPANYANG NABABALOT NG DESPERASYON AT LOKOHAN.

Aba'y akalain mong nagbigay ang mga kaanib ng ebidensyang pinag-tagpi tagpi ng imahinasyon. Puro palabas. Sa ngalan ng personal na interes. Walang katotohanan. Ika nga, para lang sa PUBLICITY. Para lang masira ang pangalan ng mga tunay na naglilingkod ng tapat.

Napakadaling makipaglaro sa kapwa pulitiko. Makipagbatuhan ng putik. Makipagbangayan. Makipagbakbakan. Ngunit, pakatandaan natin: HINDI LARO ANG BUHAY NG MGA MAUBANIN. HINDI BIRUAN ANG PANGARAP NG BAWAT ISA NG MAGANDANG KINABUKASAN. HINDI SUGAL ANG KALAGAYAN NG BAYAN NG MAUBAN.

23/04/2025

Sagutin natin isa-isa ang mga pahayag ni Zarcastico Vines.

1. Zarcastico: Ang kaunlaran po ng isang bayan tulad ng tinatamasa ng Mauban ngayon ay hindi makakamit sa loob lamang ng tatlong taon ng panunungkulan. Taliwas po ito sa ideya ng iilang mga Maubanin. Di umano daw po ang kaunlaran daw ng Mauban ay naramdaman lamang sa panahon ng naka upong Mayor na si NINONG PASTRANA sa loob lamang ng tatlong panunungkulan nito mula noong 2022. Hindi po ako sang ayon sa ideya na yan ng iilang Maubanin na taga suporta ni Ninong Erwin.

Una, totoo naman na ang kaunlaran ng isang bayan ay hindi makakamit sa loob lamang ng tatlong taon. Ang pag-unlad ay karaniwang produkto ng mahabang proseso at ng sama-samang pagtutulungan. Subalit, hindi rin natin dapat isantabi ang katotohanang may mga lider na, sa loob ng maikling panahon, ay kayang gumawa ng malaking pagbabago dahil sa kanilang vision, political will, at epektibo at maayos na pamamalakad.

Pangalawa, maaaring nagkaroon ng pag-unlad ang Mauban noon. May mga programang naibigay ang mga nakalipas na administrasyon. Basic naman ang konsepto ng succession sa isang lokal na pamahalaan. NATURAL na kung may magandang ginawa ang dating lider ay dapat na ipagpatuloy ito ng bagong administrasyon. ANG TANONG AY KUNG NARAMDAMAN BA?

Sabi mo, hindi ka sang-ayon sa ideya na yang iilang Maubanin? Bakit kailangang kwestyunin ang nararamdaman ng ilan sa mga mamamayang Maubanin? Kung ‘yun ang nararamdaman nila, base sa karanasan nila, wala kang magagawa. Tandaan mong iba ang problema ng nakaraan sa kinakaharap ng Mauban sa kasalukuyan. At ang pag-unlad ay nasusukat. Hindi ito abstract na ideya o konsepto na walang panuntunan o standard.

2. Zarcastico: Sapagkat wala pong MAGIC sa pag papaunlad ng isang bayan. Wala pong.. Sa isang kumpas lamang ng kamay ay uunlad ang isang bayan tulad ng Mauban. Ang pag unlad po ng isang Bayan ay dumaan sa mahabang proseso at panahon. Sa pag tutulungan ng mga namumuno at ng taong bayan.

Tama po — wala talagang magic sa pag-unlad ng isang bayan.
At 'yan mismo ang punto: hindi ito magic, kundi EPEKTIBONG na pamumuno at maayos na pamamalakad. Ang mga nagawa sa ilalim ng kasalukuyang administrasyon ay hindi bunga ng isang "kumpas ng kamay," kundi resulta ng efficiency, political will, at malinaw na direksyon ng pamahalaan.
UULITIN NATIN, Hindi natin pwedeng baliwalain ang ginawa ng mga dating administrasyon. Pero ang labanan sa panahon ngayon ay BILIS, KALIDAD, AT SUSTAINABILITY.

Kung may nakikita tayong mabilis at konkretong pagbabago, ito'y dahil ginawa agad ang mga matagal nang kailangang gawin. Walang patumpik-tumpik. Naipatupad ang mga proyekto hindi dahil sa mahika, kundi dahil sa tamang proseso, mahusay na pag-prioritize, at disiplina sa trabaho.

3. Zarcastico: Ng magsimulang mag lingkod po si Mayor Erwin Pastrana ay maunlad na ang Mauban. Ang tanging gagawin lang niya ay magdagdag ay paunlarin pa ang maubanin. Wala na siyang poproblemahin dahil meron ng pera ang mauban.

“Maunlad na raw ang Mauban” bago pa man naupo si Mayor Erwin Pastrana. At ang trabaho niya raw ay dagdagan na lang ang nasimulan kasi may pera na ang bayan. Basta nagtapon na lang ng pahayag na walang sapat na basehan. Pero bilang kapwa Maubanin,—maunlad na ba talaga tayo noon? Kung maunlad na pala, NASAAN ANG DATOS??? NAIPAHAYAG BA SA MGA MAUBANIN KUNG GAANO NA SILA KAUNLAD? Kung talagang nanghihikayat ang nagpost nito ng matalinong diskurso: ILABAS MO ANG DATOS NA MAGSASABI NA MAUNLAD NA ANG MAUBAN NOON PA MAN. Ang panahon ngayon ay HINDI NA PANAHON NG BOLAHAN. DATOS ANG LABANAN. DATA DRIVEN. HINDI MARITESAN AT HAKA-HAKA.

At ang sinasabing “may pera na ang Mauban”— sa madaling sabi ba noon ay walang pera ang Mauban? Kawawa naman pala ang bayan na walang salapi. ULITIN NATIN: ILABAS MO ANG DATOS SA MGA PAHAYAG. Ang katotohanan, hindi sapat na may pera lang ang bayan. Ang mahalaga, may lider na marunong gumamit nito nang tama— may direksyon, hindi takot gumawa, at may malasakit sa tao. MALASAKIT.

Kaya 'wag nating maliitin ang mga nagawa sa loob ng halos tatlong taon. Hindi ito usapin ng dahil sa “naumpisahan na” o “may pera na.” Mga pahayag na walang kongkretong basehan. Ang maliwanag pa sa sikat ng araw: kung anuman ang bilis ng nakikitang at nararamdamang progreso ng Mauban ngayon: ito'y bunga ng sipag, tapang, at maayos na pamumuno.

4. Zarcastico: Kung matalino kang Maubanin mag isip isip ka...

Mga ganitong halimbawa ng pahayag ay parang kahalintulad ng pangmamaliit ng kapwa Maubanin. Sa totoo lang, hindi kailangan maging ‘matalino’ para makita ang totoo. Sapat na ang pagiging mapanuri. Lahat tayo—bata man o matanda, bago man o lumang henerasyon—ay may karapatang magpahayag ng opinyon at magpahalaga sa nakikitang pagbabago sa bayan. Hindi ito propaganda. Ito ang tinatawag na karapatang mamahayag.

Isa pa, ang pagiging Maubanin ay hindi nasusukat sa talino lang, kundi sa pagiging bukas sa katotohanan at pagkilala sa tamang ginagawa ng gobyerno—kahit pa hindi ito ayon sa ‘yong paniniwala. UULITIN NATIN, KINIKILALA NATIN ANG NAGAWA NG MGA LIDER NG MAUBAN, WALANG PIPILIIN. MULA SA UNA HANGGANG SA HULI. SUBALIT, MAGKAKAIBA ANG PAMAMARAAN NG PAMAMALAKAD NG BAWAT PAMAHALAAN AT KUNG SA SAPANTAHA NG MAUBANIN AY NARARAMDAMAN NILA ANG PROGRESO AT PAGBABAGO NGAYON, ANG SUSUNOD NA ELEKSYON ANG MAGPAPASYA.

04/06/2024

LULUTANG ULIT PARA MAGMALASAKIT?

Isang video mula sa isang Mauban ex-mayor ang pinalabas sa isang page na Mauban News kung saan nagbigay ito ng ilang suhestyon ukol sa pamamalakad ng lokal na pamahalaan ng Mauban patungkol sa sakuna.

Sa kasamaang palad ay binlock na tayo ni Mauban News dahil tayo ay nagcomment ng ilang katanungan na nakatuon sa ex-Mayor.

Huwag naman daw masamain at gusto laang ni ex-mayor na “makatulong.” Sige, huwag natin masamain. Pero magkomento tayo.

Aba’y “TULONG” nanaman. Ilagay natin sa tamang perspektibo mga Maubanin. Ang sagot natin sa salitang “TULONG” ni ex-mayor ay “TRABAHO.” Bakit trabaho? Hindi kasi nagiging kawani ng pamahalaan ang isang tao kung ang gusto lang ay “tumulong.” Ang mas kailangan ng bayan ng Mauban ay ang kawani o opisyales na “MAGTATRABAHO.” Kaya nga ang tanong natin sa video na dinelete na ni Mauban News ay:

Kung talagang nagtrabaho ang nakaraang administrasyon:

1. Nasaan ang kongkretong plano para sa flood mitigation na naka-angkla sa mga Guidelines na nilabas na ng mga international organizations patungkol sa Flood Risk Management?
2. Nasaan ang mga researches sa loob ng mahabang panahon na maaaring i-apply sa ikabubuti ng Maubanin?
3. Nakapag-imbita ba ng mga eksperto, sa loob at labas ng bansa, upang makakuha ng ekspertong opinyon sa flood mitigation and response?
4. Nasaan ang mga info-drive o kahit na anong anunsyo o awareness drive para sa patuloy na tumataas na sea-level, sea water intrusion, coastal land subsidence at climate change na siguradong apektado ang ating bayan ng Mauban?
5. Sa loob ng mahabang panahon, nasaan ang praktikal at makabuluhang organizational structures o pagkuha ng mga consultants (Disaster Risk Reduction (DRR) Specialists, Urban Planners, o Hydrologist) para maabot ang coastal resiliency?
6. Nasaan ang praktikal na land-use planning (establishing buffer zones) at engineering solutions (beach nourishment and coastal protection) sa mga nakaraang panahon?

Ilan lang yan sa mga katanungan natin. Pero halatadong hindi kaya o ayaw sagutin gamit si Mauban News kaya naman binlock na lamang tayo. Gusto natin ng mataas na uri ng diskurso para sa Maubanin, pero malinaw pa sa sikat ng araw na ang istilo na “KUNG HINDI PABOR SAKIN ANG USAPIN AY ALISIN” pa rin ang nananaig.

TANDAAN NATIN NA HINDI KOMPETISYON NI EX-MAYOR ANG KASALUKUYANG ADMINISTRASYON NI Ninong Erwin Pastrana. Sa mga sinabi ni ex-mayor ay parang nakaligtaan niyang ANG KOMPETISYON NIYA AY ANG MAHIGIT 40 YEARS NILANG PANUNUNGKULAN.

Ang mahilig na sagot ng mga kapanalig nila ay: matuwa kayo sa tinatamasa niyo ngayon na dahil sa dating administrasyon. Maging klaro ho tayo: ANG GINAWA NIYO AY BARE MINIMUM. Ang kailangan naming mga Maubanin ay serbisyo na nakakapag-pataas ng antas ng buhay at lipunan at hindi serbisyong “BASTA MERON” na lang. Tapos na ang Maubanin sa mga kyaw kyaw at bola-bolatas na mensahe. Kapag nagawa niyong SAGUTIN ang napaka-BASIC na katanungan na dapat ay ginawa ng isang coastal community katulad ng Mauban, SAKA LANG KAMI MANINIWALA NA HINDI KAYO NAMBOBOLA AT TOTOONG NAGMAMALASAKIT KAYO SA AMIN.

02/06/2024

INTELLIGENCE FUNDS SA MAUBAN?

Noong taong 2019, naglabas ng Annual Audit Report on the Municipality of Mauban ang Commission on Audit (COA). Kapansin-pansin ang Qualified Opinion ng COA at ang obserbasyon nito patungkol sa cash advances na UNLIQUIDATED (P1,729,210.18) at ang bahagi nito na INTELLIGENCE FUNDS (P340,000.00). Taong 2020, na-fully comply naman ng Lokal na Pamahalaan ng Mauban ang liquidation. Ang tanong lang naman dito ay bakit kailangan pa ng Audit Report bago maliquidate at maisagawang tama ang pagsunod base sa pamantayan ng COA-DILG-DBM-GCG and DND JMC No. 2015-01? At bakit nakakapag-cash advance kahit hindi pa liquidated ang nakaraang cash advance?

Nasa comment section ang iba pang detalye.

30/05/2024

LULUBOG NGA BA SA UTANG ANG MAUBAN?

Ang daming haka-haka. Ang daming kuru-kuro. Nagbigay ng wari baga’y maaanghang na detalye – PERO WALANG SUSTANSYA. Ang gusto lang kasi: MANIRA. Kahit magbato ng mga datos na walang saysay, hala bira lang. Manang-mana sa pinagmanahan. Mahusay magpairal ng katangahan. May kasabihan nga, kung anong puno, syang bunga.

Sabi ng kapatid nating si Rey Jugueta: “Pwede naman po magawan ng paraan yun kung may alam sila sa Batas.” Hala sige. BATAS ANG PAG-USAPAN NATIN. Pero para sa katulad ni Rey Jugueta na kakarampot ang kaalaman, pasimplehin natin.

1. Q: ANO ANG SINASABI NG BATAS TUNGKOL SA LGU LOAN?

A: Sec. 296 of the Local Government Code (LGC), Art. 395 of LGC Implementing Rules and Regulations: "LGUs may create indebtedness and avail of credit facilities for local infra and socio-economic development projects with government or private banks and lending institutions."

Sec. 324 of LGC:" Appropriations of 20% of the LGU’s regular income for debt servicing"

Anong ibig sabihin nito? Batas mismo ang nagsasabi na maaaring umutang o mag-loan ang isang LGU para sa proyektong imprastraktura at panlipunan. Magkano ang pwedeng utangin? Bente porsyento ng regular income ng LGU para sa debt servicing. Sa madaling sabi, pares ng dating administrasyon na may kakayanang umutang, gayundin ang kasalukuyang administrasyon. Ang basehan niyan ay ang batas mismo.

2. Q: Tama ba ang imik: “Si MAYOR Ninong Erwin Pastrana na po ang nagpatuloy ng LOAN o UTANG SA BANGKO na nagkakahalagang 500 MILYON.?"

A: Sa’yo na mismo nanggaling, NAGPATULOY. Sa madaling sabi, ang nakaraang administrasyon, na sa kasamaang palad ay hindi nagwagi ng 2022, ang nagproseso ng loan. Aba’y natural lamang na KUNG sa panahon ng kasalukuyang administrasyon na-aprubahan ang loan ay irelease ang pera sa kasalukuyang administrasyon.

3. Q: Tama ba ang imik: “Panahon na niya noong utangin na ang PERA sa BANGKO.”

A: Magulo kang kausap Rey Jugueta. Kakasabi mo lang: NAGPATULOY. Sa madaling sabi, doon pa lang sa dating administrasyon, mayroon ng aplikasyon para umutang.

4. Q. Tama ba ang imik: “hindi ba isa siya sa kumokontra noong 2022 eleksyon sa pagpapagawa ng Hospital?”

A: Sinong hibang ang hahadlang sa pagpapatayo ng hospital? Sa tagal na panahon na walang hospital ang Mauban, ay bakit hahadalangan? Ang LAGING HINAHADLANGAN ay ang PAG-UTANG ng WALANG KONGKRETO AT MALINAW NA PLANO PARA SA IMPRASTRAKTURA. LAHAT ITO, PINAG-AARALAN. HINDI NADADAAN SA MABILISAN AT HINDI PINAG-ISIPANG PARAAN.

5. Q: Tama ba ang imik: “Uutang na naman ang BAYAN ng MAUBAN ng 748 MILYON PISO para sa mga pagawaing proyekto. Bakit po UUTANG na naman MAYOR Ninong Erwin Pastrana. Huwag naman po ninyo IBAON sa UTANG ang BAYAN ng MAUBAN”

A: Kung hindi mo pa rin alam ang sagot, balikan mo yung number 1. Batas mismo ang nagtatakda ng kakayanan ng isang lokal na pamahalaan na umutang. May patakaran, panuntunan, at regulasyon ang pag-utang o ang credit financing. Hindi yan kung gusto lang ng Mayor ay mangyayari. Ano bang akala mo Rey Jugueta, tatanga-tanga ang mga bangko na pautangin ang isang LGU na walang kakayanang magbayad?

6. Q: Tama ba ang imik: “IIsang termino ka palang po SUBALIT magmula noong MAUPO ka bilang MAYOR ng MAUBAN ay nagka BAON BAON na sa UTANG ang BAYAN natin.”

A: Hindi mababaon sa utang ang Mauban. Dahil una pa lang, hindi ito makakautang kung hindi ito makakapagsumite ng mga dokumentong ito:

1. Sanggunian Ordinance na pinapayagan ang LGU na umutang.
2. Certificate of Net Debt Service Ceiling and Borrowing Capacity mula sa Bureau of Local Government Finance upang madetermina kung ano ang halagang maaaring utangin ng LGU.

Idagdag mo pa dito ang mga sumusunod:

a. Letter Request from the Local Chief Executive
b. Certification of existing loan duly certified by the Local Treasurer
c. COA Annual Audit Certificate
d. Certification by the Lending Institution

3. Monetary Board Opinion mula sa Bangko Sentral ng Pilipinas upang maidetalye ang implikasyon sa ekonomiya mula sa planong pag-utang.

Sa mga dokumento pa lang na nabanggit ay makikita nating hindi isang simpleng bagay ang pag-utang para sa LGU. Maraming kailangang isumite at patunayan sa mga nabanggit na ahensya ng gobyerno. Sa madaling sabi: HINDI ANG MAYOR ANG MAGDIDIKTA KUNG PAPAUTANGIN SYA O HINDI, DAHIL NAKABASE SA KAKAYANAN NG LGU AT SA PAG-COMPLY SA GABUNDOK NA PAMANTAYAN ANG PAG-UTANG.

7. Q: Tama ba ang imik: "UNAWAIN natin, SUMATUTAL ay 500 Milyon + 748 Milyon = 1.248 BILYON NA ang UTANG NA NG BAYAN NG MAUBAN ng dahil lang kay MAYOR Ninong Erwin Pastrana. ABA! ABA! PAG-ISIPAN po natin mabuti ito mga MAUBANIN.”

A: Hindi basta natuto kang mag-add at naglagay ka ng mga numero e magaling ka na. Ni hindi mo alam kung anong halaga ang papahintulutan ng COA, DOF, BLGF, at BSP. Yan ang proteksyon ng batas para sa lending institution at sa LGU creditor. Huwag nating ginagawang komplikado ang simple, at simple ang komplikado.

8. Q: Ano ang mga natutunan natin mula dito?

A: KLARO. Hindi madali ang mangutang para sa proyektong ilalagak sa ating mahal na bayan ng Mauban lalo na’t mataas ang pamantayan ng ibang ahensya ng gobyerno at pati ng mga bangko sa pag-utang ng isang lokal na pamahalaan.

KLARO: Ang mataas na pamantayan ay proteksyon hindi lamang sa nagpautang, gayundin sa lokal na pamahalaan - Upang masigurong HINDI ITO AABOT SA FISCAL CRISIS.

KLARO: Ang hamon sa kasalukuyang administrasyon ay mapatunayang mapupunta sa ikagaganda ng Mauban ang uutanging pera. Ang utang ay utang. Ito ay babayaran gamit ang pera ng taumbayan kaya’t hindi pwedeng mauwi sa WALA.

KLARO: Maraming nagpapakalat ng maling impormasyon. Mga marites na maraming oras para sa chismis at walang oras para magbasa ng batas. Walang kakayanang mag-isip ng “kritikal” at ang kayang gawin lang ay maging bulag na “kritiko”.

29/05/2024

LULUTANG LANG KAPAG ELEKSYON.

Huwag na tayong maglokohan. Nagpalugaw. Nagpa-wheelchair. Nagpapanggap na may pakialam. Kinakasangkapan ang sakuna. Lumalabas lang kapag malapit na ang eleksyon.

Pero sa humigit-kumulang na apatnapung taon, nasaan nga ba? Nasaan ang imprastraktura? Nasaan ang kongkretong plano sa basic services? Nasan ang maliwanag at praktikal na pagpapalago ng ekonomiya at kabuhayan? WALA.

Nasaan ang magaganda at de kalidad na eskwelahan? Nasaan ang ibang kursong pang-kolehiyo na sa nakaraan ay tinulugan na at ngayon lang inaasikaso? Nasaan ang blueprint sa pag-unlad ng ating mahal na Bayan ng Mauban? Nasaan ang pagbabantay sa karapatan ng mga nasa laylayan? WALA.

Nasaan ang pabahay? Nasaan ang gamot? Nasaan ang bagong establisyamento na mag-uusbong ng bagong trabaho at empleyo? Nasaan ang plano para sa mga magsasaka at agrikultura? Nasaan ang maliwanag na fiscal policy para umangat ang lebel ng munisipyo? WALA.

NATULOG ANG MAUBAN NG APAT NA DEKADA. ITATAK SA ISIP NIYO. APAT NA DEKADA. DALAWANG HENERASYON. WALANG PAG-UNLAD. AT KUNG UMUSAD MAN NGAYON NG HINDI IKAW ANG NASA POSISYON AT NAKATUNGHAY KA NA LANG, ABA'Y MAY GANA AT TIGAS NG MUKHA KA PANG BUMALIK?

Dugong Maubanin

12/05/2025

12/05/2025

11/05/2025

29/04/2025

23/04/2025

04/06/2024

02/06/2024

30/05/2024

29/05/2024

Address

Website

Alerts

Shortcuts

Share

Category