04/09/2026
ππππ | πβπΌβπΈπππβ ππΈ ππβπΎπΈβπΎ πΎπΈπΉππ, βπ βπΌπππππΈ ππΈ βπΈπΎππΈππππβ ππΈ π»πβπΈ (π)ππΈ ππΈπΎ-ππΎπππβ βπΎπΈ βπΈππΈππΉππΎππ ππΈ πΌπππΎπΈπ βπΎπΈ π»βππΎπΈπ
MEDINA, MISAMIS ORIENTAL β Duha ka lalaki nga mag-igsoon ang nadakpan sa usa ka drug buy-bust operation nga gipahigayon sa Medina Drug Enforcement Unit (MDEU), ubos sa pagpanguna ni Police Captain Teddy V. Macarayo.
Nahitabo ang operasyon alas 12:36 sa tungang gabii niadtong September 5, 2026, sa purok 1 barangay north poblacion lungsod sa medina, diin nadakpan ang duha ka mga suspetsadong nalambigit sa pagbaligya sa ilegal nga droga.
Giila ang mga suspek sa alyas nga βNik,β 33 anyos, ulitawo ug residente sa Purok 1, North Poblacion, Medina. usa ka helper sa iyang igsoon nga wiring installer.
Kauban usab niya ang iyang igsoon nga giila sa alyas nga βLong2,β 28 anyos, ulitawo ug residente usab sa maong lugar, ug nagtrabaho isip wiring installer.
Nasikop kini human mapalitan sa usa ka poseur buyer og usa ka sachet sa gituohang shabu gikan sa mga suspek.
Sa pag-rekisa sa duha ka mga indibidwal, nakuha gikan sa right front pocket ni alyas βLong2β ang usa ka puti nga plastic container nga adunay tulo ka elongated heat-sealed transparent cellophane nga kontaminado sa white crystalline substance nga gituohang shabu. Narekober usab gikan sa suspek sa susamang bulsa ang 500 pesos nga buy-bust money nga gigamit sa maong transaksyon.
Gibanabanang motimbang sa 0.8 grams ang kinatibuk-ang nakumpiskang gituohang ilegal nga droga, nga adunay estimated street drug price nga 5,440 pesos.
anaa na karon, sa kustodiya sa Medina Police Station ang duha ka mga dinakpan.
Ug Posible nga mag-atubang sa kasong paglapas sa Republic Act 9165, o mas nailhang Comprehensive Dangerous Drugs Act of 2002, ilabina sa Section 5 ug Section 11.
