https://www.facebook.com/208143765696165/

Lawiswis Publication - CJO ICP Meycauayan, 1st PMS Building, Brgy. Saluysoy, Meycauayan City, Bulacan Meycauayan, Meycauayan (2026)

19/09/2026

Tagisan ng Husay at Talento: Talent Search 2026

Nagpakitang-gilas ang mga mag-aaral ng ICP Meycauayan sa Talent Search 2026, na ginanap sa Meycauayan Sports Complex.

Inumpisahan ang programa sa pambungad na panalangin na pinangunahan ni Ma'am Cristina Tipon Singcol, na sinundan naman ng pag-awit ng Pambansang Awit ng Pilipinas na pinangunahan ni Sir Hernani Colomer.

Nagsilbing hosts sina Sir Allen Jay Cruz at Ma'am Lorelyn Lupango, mula simula hanggang matapos ang programa. Bago lubusang umpisahan ang programa, nagbigay ng Opening Remarks si Prof. Ma. Anabella Uy Espiritu, Schools Administrator.

Pagkatapos nito ay nagpakitang-gilas ang Indak Icons para sa kanilang magarbong Opening Performance. Ipinakilala rin ang mga magsisilbing hurado para sa patimpalak na ito. Kabilang dito sina Sir Reymark Dacillo, Froilan Cedo at Prof. Nerilyn V. Alcera.

Limang estudyante ang magtatagisan sa kategoryang Vocal Solo, dalawa para sa Vocal Duet, anim para sa Dance Solo, at apat na grupo naman para sa Dance Group.

Para sa unang kategorya, Vocal Solo, nakuha ni Francis Bernardo ang ikalawang pwesto, at natamo naman ni Kenly ang unang pwesto. Sa huli, itinanghal na kampeon sa Vocal Solo si Jhanna Castuera.

Sa pagdako sa ikalawang kategorya, ang Vocal Duet ay nakuha nina Mika at Denver ang unang pwesto, at hinirang na kampeon sina Nica at Kazzy.

Bago tuluyang dumako sa ikatlo at panghuling kategorya ng Talent Search 2026, ay nagbigay muna ng Intermission Number si Sir Reymark Dacillo at Prof. Nerilyn Lacera. Pagkatapos nito ay naggawad naman ng Certificate of Participation para sa mga estudyanteng nakilahok sa patimpalak na ito. Hindi naman nagpatalo pagdating sa sayawan ang isang huradong si Ginooong Froilan Cedo pagdating sa kanyang Dance performance.

Sa pagpapatuloy para sa ikatlong kategorya, ang Dance Solo, natamo ni Peter ang ikalawang pwesto, samantalang napasakamay naman ni Kurt ang unang pwesto, at sa huli ay hinirang na kampeon si Rhian.

Sa pagdako sa ikahuling kategorya, ang Dance Group, naiuwi ng Iconique ang ikalawang pwesto, at nakuha naman ng The Dienamics ang unang parangal. Sa huli, itinanghal na kampeon ang Ameswag.

Sa pagtatapos ng Talent Search 2026, muling nasaksihan ang husay, talento, at determinasyon ng mga mag-aaral ng ICP Meycauayan na nagbigay-buhay sa entablado sa pamamagitan ng kanilang mga natatanging Talento.

📸 Photos: ICreatives
✍️ Article: Ardie Bantugan

13/09/2026

🎪 𝗖𝗝𝗢 𝗕𝗢𝗢𝗧𝗛 𝗜𝗦 𝗖𝗢𝗠𝗜𝗡𝗚 𝗧𝗢 𝗧𝗔𝗟𝗘𝗡𝗧 𝗦𝗘𝗔𝗥𝗖𝗛 𝟮𝟬𝟮𝟲! 🎪

Watching the performances can work up an appetite… so we got you. 👀

Swing by the 𝗖𝗝𝗢 𝗕𝗼𝗼𝘁𝗵 this 𝗦𝗲𝗽𝘁𝗲𝗺𝗯𝗲𝗿 𝟭𝟰, 𝟮𝟬𝟮𝟲 at the 𝗠𝗲𝘆𝗰𝗮𝘂𝗮𝘆𝗮𝗻 𝗦𝗽𝗼𝗿𝘁𝘀 𝗘𝘃𝗲𝗻𝘁 𝗖𝗲𝗻𝘁𝗲𝗿 and treat yourself to some of our booth favorites!

Come through the 𝗖𝗝𝗢 𝗕𝗼𝗼𝘁𝗵 for 𝗪𝗮𝘁𝗲𝗿 𝗕𝗼𝘁𝘁𝗹𝗲𝘀, 𝗝𝗲𝗹𝗹𝘆 𝗠𝗶𝗹𝗸, 𝗣𝗼𝗽𝗰𝗼𝗿𝗻, 𝗮𝗻𝗱 𝗮𝗻 𝗜𝗻𝘁𝗲𝗿𝗮𝗰𝘁𝗶𝘃𝗲 𝗠𝗲𝗺𝗼𝗿𝘆 𝗚𝗮𝗺𝗲!🎤🍿🧠

Whether you’re here to cheer, perform, compete, or simply enjoy the day, 𝘾𝙅𝙊 𝙝𝙖𝙨 𝙨𝙤𝙢𝙚𝙩𝙝𝙞𝙣𝙜 𝙬𝙖𝙞𝙩𝙞𝙣𝙜 𝙛𝙤𝙧 𝙮𝙤𝙪.

📍𝗠𝗲𝘆𝗰𝗮𝘂𝗮𝘆𝗮𝗻 𝗦𝗽𝗼𝗿𝘁𝘀 𝗘𝘃𝗲𝗻𝘁 𝗖𝗲𝗻𝘁𝗲𝗿
📅 𝗦𝗲𝗽𝘁𝗲𝗺𝗯𝗲𝗿 𝟭𝟰, 𝟮𝟬𝟮𝟲 | 𝗠𝗼𝗻𝗱𝗮𝘆
⏰ 𝟴:𝟬𝟬 𝗔𝗠 – 𝟱:𝟬𝟬 𝗣𝗠

𝗦𝗲𝗲 𝘆𝗼𝘂 𝗮𝘁 𝘁𝗵𝗲 𝗖𝗝𝗢 𝗕𝗼𝗼𝘁𝗵, 𝗜𝗖𝗢𝗡𝗦! 🎤💃🏻👑

31/08/2026

ICP BLUE SPIKERS, SUMAGASA SA FINALS; NAGKAMIT NG SILVER SA MEYCIPRISA 2026

MEYCAUAYAN CITY, Bulacan — Matapos sumabak sa championship round ng Volleyball competition ng Meyciprisa 2026, nasungkit ng Immaculate Conception Polytechnic (ICP) Blue Spikers ang Silver 1st Place matapos matalo sa The Cardinal Academy Inc. (TCAI) sa finals.

Bago ang championship, ipinakita ng Blue Spikers ang kanilang kontrol sa laro kontra Saint Mary’s, kung saan agad nilang kinuha ang momentum sa unang set. Naging pambungad na puntos ng koponan ang service ni Kyle Juevesano, habang si Josh Lastrollo naman ang nagsara sa set upang tuluyang makuha ng ICP ang 25–7 na kalamangan.

Hindi nagpahuli ang Blue Spikers sa ikalawang set matapos muling magpakita ng organisadong opensa at matatag na depensa. Si Euniqoh Navarro ang unang nagbigay ng puntos para sa koponan, habang si Vercel Olid ang nagtala ng huling puntos upang tapusin ang set sa 25–22, tuluyang itinatak ang panalo ng ICP laban sa Saint Mary’s.

Pagdating sa championship round, hinarap ng Blue Spikers ang TCAI sa laban para sa titulo. Maagang nakipagsabayan ang ICP, ngunit nakahanap ng puwang ang TCAI upang makuha ang unang set, 25–17. Patuloy namang lumaban ang Blue Spikers sa ikalawang set, kung saan naging dikit ang palitan ng puntos bago tuluyang maagaw ng TCAI ang set sa 25–23.

Sa ikatlong set, sinubukan ng ICP na makabalik sa laban at maituloy ang kanilang championship push. Gayunpaman, nanatiling matatag ang TCAI sa kanilang mga atake at depensa, hanggang sa makuha nila ang ikatlo at huling set sa 25–16.

Bagama’t hindi naiuwi ng Blue Spikers ang kampeonato, nagtapos ang koponan bilang Silver 1st Place, bunga ng kanilang matinding laban at tuloy-tuloy na determinasyon sa buong kompetisyon. Mula sa unang serve hanggang sa huling rally, ipinakita ng mga manlalaro ang kanilang kakayahang maglaro bilang isang yunit at manatiling lumalaban sa kabila ng pressure.

Sa bawat puntos na ipinaglaban at hindi isinuko, pinatunayan ng Blue Spikers na ang kanilang paglalakbay sa Meyciprisa 2026 ay hindi lamang tungkol sa resulta, kundi tungkol din sa disiplina, teamwork, at pusong lumaban hanggang sa huling puntos.

Isang mainit na pagbati sa ICP Blue Spikers sa kanilang Silver 1st Place finish! Saludo sa inyong husay, determinasyon, at laban mula unang serve hanggang championship point.

31/08/2026

Tatag at Tibay: ICP Blue Lynx, nagkamit Ng Unang Puwesto Sa 3×3 Men’s Basketball

MEYCAUAYAN CITY, Bulacan — Ipinamalas ng Immaculate Conception Polytechnic Meycauayan (ICP) ang husay, determinasyon, at tibay sa 3×3 Men’s Basketball ng Meyciprisa 2026 matapos makamit ang unang puwesto sa kompetisyon na ginanap sa Meycauayan College Annex Campus sa Malhacan, Meycauayan, Bulacan mula Agosto 24 hanggang 26, 2026.

Sa unang araw ng kompetisyon, matagumpay na sinimulan ng ICP ang kanilang kampanya matapos talunin ang SISRA, 13–4. Ipinakita agad ng koponan ang kanilang agresibong opensa at matatag na depensa sa kanilang unang laro.

Nagpatuloy ang kanilang laban sa ikalawang araw kung saan hinarap ng ICP ang St. Michael Academy Meycauyan Sto. Niño (SMAM-SN). Sa isang dikit na laro, napanatili ng koponan ang kanilang kalamangan hanggang sa huling segundo upang makuha ang panalo, 11–9. Si CJ Nicos Tilo ang unang nakapuntos para sa ICP sa naturang laro.

Sa ikatlong araw, muling sumabak ang Blue Lynx laban sa Colegio De Sto. Niño (CSN). Naging mainit ang palitan ng puntos sa buong laro, ngunit nanatiling determinado ang ICP na mapanatili ang kanilang kalamangan. Sa huli, nanaig ang koponan sa iskor na 9–7, sa pangunguna ni Tilo na unang nagbukas ng kanilang scoring.

Matapos ang mga panalong ito, tuluyang nakarating ang ICP sa championship round at muling humarap sa The Cardinal Academy (TCA). Sa isang matinding pagtatapos, nagtala ang ICP ng 11 puntos habang 13 puntos naman ang naitala ng TCA.

Bagama’t hindi naiuwi ng Blue Lynx ang huling panalo, naging makabuluhan ang kanilang paglalakbay sa buong kompetisyon. Mula sa unang laro hanggang sa championship, ipinakita ng koponan ang patuloy na pagsisikap, disiplina, at pagkakaisa sa loob ng court.

Kabilang sa mga kinatawan ng ICP sa 3×3 Men’s Basketball sina John Rodney D. Tumonong, Kyron Orbita, at CJ Nicos Tilo, sa pangunguna ng kanilang tagasanay na si G. Chester Pineda na buong pusong kumatawan sa paaralan sa bawat laban.

Ang kanilang paglalakbay sa Meyciprisa 2026 ay higit pa sa resulta ng isang laro. Bawat puntos, depensa, at laban ay naging patunay ng kanilang dedikasyon at pagmamahal sa isport.

Isang taos-pusong pagbati sa ICP Blue Lynx sa kanilang matagumpay na kampanya sa Meyciprisa 2026. Saludo sa inyong ipinakitang tapang, tiyaga, at pusong lumaban hanggang sa huling segundo.

25/07/2026

🚨 𝗔𝗧𝗧𝗘𝗡𝗧𝗜𝗢𝗡, 𝗜𝗖𝗢𝗡𝗦 ! 📰

𝗕𝗘 𝗧𝗛𝗘 𝗩𝗢𝗜𝗖𝗘. 𝗧𝗘𝗟𝗟 𝗧𝗛𝗘 𝗦𝗧𝗢𝗥𝗬. 𝗟𝗘𝗔𝗩𝗘 𝗔 𝗟𝗘𝗚𝗔𝗖𝗬.

The 𝑰𝑪𝑷 𝑪𝒂𝒎𝒑𝒖𝒔 𝑱𝒐𝒖𝒓𝒏𝒂𝒍𝒊𝒔𝒎 𝑶𝒓𝒈𝒂𝒏𝒊𝒛𝒂𝒕𝒊𝒐𝒏 (𝑳𝒂 𝑰𝒄𝒐𝒏𝒂 & 𝑳𝒂𝒘𝒊𝒔𝒘𝒊𝒔) is officially opening its Membership Registration for School Year 2026–2027!

Do you have the passion to write stories that matter, capture moments that inspire, or create content that informs and empowers? This is your chance to make your voice heard and your talent shine.

🖋️ 𝗪𝗿𝗶𝘁𝗲. 📸 𝗖𝗮𝗽𝘁𝘂𝗿𝗲.🎨 𝗗𝗲𝘀𝗶𝗴𝗻. 📢 𝗜𝗻𝘀𝗽𝗶𝗿𝗲.

Whether you're into News Writing, Feature Writing, Editorial Writing, Sports Writing, Copyreading, Photojournalism, Cartooning, Layout & Design, or simply eager to learn, there's a place for you in our publication.

📝 𝗠𝗘𝗠𝗕𝗘𝗥𝗦𝗛𝗜𝗣 𝗥𝗘𝗚𝗜𝗦𝗧𝗥𝗔𝗧𝗜𝗢𝗡
🔗 https://forms.gle/hFUU64gqwn7VyKMW6

If you have questions, feel free to message the ICP Campus Journalism Organization page or contact any CJO Officer.

Join us and be the voice of the student body. Join La Icona & Lawiswis today!

18/03/2026

‎𝗕𝗥𝗜𝗡𝗚 𝗛𝗢𝗠𝗘 𝗧𝗛𝗘 𝗕𝗔𝗖𝗢𝗡, 𝗜𝗖𝗢𝗡𝘀!🏅
‎
‎Meycauayan’s top campus journalists have arrived in Aurora, ready to take on the Regional Schools Press Conference 2026 with confidence and purpose. Representing ICP Senior High School and the City of Meycauayan, delegates from La ICONA and Lawiswis Publications step into the field prepared to write, report, and compete at their best.
‎
‎With determination and pride, they carry not only their skills but also the hopes of their school and community! As the competition begins, these young journalists aim to make their mark and bring home honor—proving they are truly RSPC-ready. 📝🗞️

06/03/2026

Muli, sa kauna-unahang pagkakataon, buong pusong ipinagmamalaki ng Pahayagang Lawiswis ang tagumpay na nakamit bilang 𝗜𝗞𝗔𝗔𝗣𝗔𝗧 𝗡𝗔 𝗣𝗜𝗡𝗔𝗞𝗔𝗠𝗔𝗛𝗨𝗦𝗔𝗬 𝗡𝗔 𝗣𝗔𝗛𝗔𝗬𝗔𝗚𝗔𝗡 sa Dibisyon ng Meycauayan (Secondary Filipino).🎖️

Dagdag pa sa karangalang ito, nakamit din ng publikasyon ang mga sumusunod na pagkilala:

🏅 Ikaapat na Pwesto – Pahinang Balita
🏅 Ikalimang Pwesto – Pahinang Lathalain
🥈 Ikalawang Pwesto – Pahinang Editoryal
🥈 Ikalawang Pwesto – Pahinang Agtek
🥉 Ikatlong Pwesto – Pahinang Isports
🏅 Ikaapat na Pwesto – Anyo at Disenyo

Ang mga karangalang ito ay sumasalamin sa walang sawang dedikasyon, sipag, at pagpupursigi ng mga batang mamamahayag ng ICP. Isa itong patunay na sa pamamagitan ng sama-samang pagsisikap, pagkamalikhain, at tapat na paglalahad ng katotohanan, patuloy na naipapakita ang kahusayan sa larangan ng pamamahayag.

06/03/2026

‎𝐇𝐢𝐬𝐭𝐨𝐫𝐲 𝐡𝐚𝐬 𝐛𝐞𝐞𝐧 𝐰𝐫𝐢𝐭𝐭𝐞𝐧 𝐢𝐧 𝐢𝐧𝐤 𝐚𝐧𝐝 𝐞𝐱𝐜𝐞𝐥𝐥𝐞𝐧𝐜𝐞. 🖋️
‎
‎In its 𝙛𝙞𝙧𝙨𝙩-𝙚𝙫𝙚𝙧 𝙥𝙖𝙧𝙩𝙞𝙘𝙞𝙥𝙖𝙩𝙞𝙤𝙣, La Icona Publication proudly secured the 𝘁𝗶𝘁𝗹𝗲 𝗼𝗳 𝟯𝗿𝗱 𝗕𝗲𝘀𝘁 𝗦𝗰𝗵𝗼𝗼𝗹 𝗣𝗮𝗽𝗲𝗿 𝗶𝗻 𝗘𝗻𝗴𝗹𝗶𝘀𝗵 (𝗦𝗲𝗰𝗼𝗻𝗱𝗮𝗿𝘆) among ten competing schools—an achievement that marks a remarkable milestone in its journalism journey.
‎
‎Adding to this triumph are recognitions for 2nd Best Layout Page, 3rd Best Editorial Page, 3rd Best Feature Page, 3rd Best Science Page, 4th Best Sports Page, and 5th Best News Page, proving that dedication, creativity, and truthful storytelling truly make headlines.
‎
‎Congratulations, La Icona!
‎From a debut appearance to a historic victory—this is only the beginning of many more stories of excellence to be written.
‎
‎-----
‎
‎Written and PubMat by: Jenmark S. Santos, Editor-In-Chief of La Icona Publication
‎
‎
‎
‎
‎
‎

28/02/2026

‎Immaculate Conception Polytechnic – Meycauayan is delighted to present the inaugural Official Digital Edition of The La Icona. This edition serves as a vibrant testament to the dedication, perseverance, and sacrifices of every campus journalist involved.

Each page is meticulously crafted with diligence and conviction, and every word reflects truth. We cordially invite you to explore the collective accomplishments of our Academic Year 2025–2026, enriched by the experience and guidance of the journalists from the Academic Year 2024–2025.

This digital edition is more than merely a publication; it embodies the voice, talent, and courage of our young campus journalists—both students and teachers—who have been the guiding lights and pillars behind this remarkable achievement.

Link: https://heyzine.com/flip-book/0a13f7ea6d.html
‎
‎
‎
‎
‎

28/02/2026

Sa kauna-unahang pagkakataon, buong pagmamalaking inihahandog ng Immaculate Conception Polytechnic – Meycauayan ang Opisyal na Digital na Sipi ng Pahayagang Lawiswis—isang buhay na patunay ng walang sawang dedikasyon, pagpupunyagi, at sakripisyo ng bawat mamamahayag ng paaralan.

Ang bawat pahina ay hinubog ng sipag at paninindigan at ang bawat salita’y inukit mula sa katotohanan. Inaanyayahan namin kayong tunghayan ang kabuuan ng bunga ng sama-samang pagsisikap para sa Taong Panuruan 2025–2026, na pinagyaman ng karanasan at paggabay ng mga mamamahayag noong Taong Panuruan 2024–2025.

Higit pa sa isang publikasyon, ang digital na siping ito ay sumasalamin sa tinig, talento, at tapang ng kabataang mamamahayag–mga mag-aaral at gurong nagsilbing haligi at ilaw sa likod ng tagumpay na ito.

Pindutin ang link na ito upang ma-access ang kabuuang dihital na sipi:
https://heyzine.com/flip-book/071bd71246.html

Lawiswis Publication - CJO ICP Meycauayan

19/09/2026

13/09/2026

31/08/2026

31/08/2026

25/07/2026

18/03/2026

06/03/2026

06/03/2026

28/02/2026

28/02/2026

Address

Website

Alerts

Shortcuts

Share

Category

Listing takedown request