What are the opening hours?

Monday 3am - 10pm Tuesday 3am - 10pm Wednesday 3am - 10pm Thursday 3am - 10pm Friday 3am - 10pm Saturday 3am - 10pm Sunday 3am - 9pm

https://www.facebook.com/107440177861047/

Wow Radio Midsayap, 2nd Floor, Tenorio Bldg. , Sto. Niño Street , Poblacion 1, Midsayap (2025)

18/10/2025

ISANG MIDSAYAPENYO, KINILALA BILANG TOP 2% SCIENTIST SA BUONG MUNDO

Isang Midsayapenyo ang kinilala bilang Top 2% Scientist sa buong mundo ng Stanford Univerty ngayong taon.

Siya ay si Dr. Carlito Tabelin na residente ng Brgy. Poblacion 8, Midsayap, Cotabato.

Ito na ang kaniyang ikatlong sunod na taon na pagkilala sa prestihiyosong pandaigdigang listahan.

Si Tabelin ay nagtapos ng kaniyang elementarya sa Midsayap Pilot Elementary School at sekondarya sa Southern Christian College na kabilang sa Batch 1999 kung saan pinarangalan siya bilang Class Valedictorian.

Nagtapos naman si Tabelin bilang Magna Cum Laude sa kursong BS in Metallurgical Engineering sa Mindanao State University – Iligan Institute of Technology (MSU-IIT).

Nakuha niya ang kaniyang Doctor of Philosopgy (Ph.D.) at Master of Engineering (M.Eng.) in Field Engineering for Environment at Diploma in Sustainability Science sa Hokkaido University sa bansang Japan.

Sa kasalukuyan, si Tabelin ay Professor of Metallurgical Engineering at Executive Director of the Research Institute of Engineering and Innovative Technology sa MSU-IIT sa Iligan City.

Samantala, inihain sa Kamara ni Cong. Celso Gomera Regencia ng Lone Legislative District of Iligan City ang House Resolution No. 321 bilang pagpupugay kay Tabelin sa natanggap nitong parangal at pagbibigay pagkilala hindi lang sa nasabing lungsod kundi sa buong bansa.

Bumuhos naman ang pagbati at paghanga kay Tabelin mula sa kaniyang kapamilya, SCC-High School Batch 1999 at mga kapwa Midsayapenyos sa kaniyang natanggap na pagkilala sa buong mundo.

18/10/2025

🎄 68 DAYS BEFORE CHRISTMAS 🎄

Ang Kapaskuhan ay hindi lamang panahon ng mga regalo, kundi panahon din upang ipagdiwang ang buhay at pasalamatan ang bawat araw na pinagkaloob sa atin. Maligayang Pasko Kuyawers!

17/10/2025

Malalim napag-unawa sa Autism Spectrum Disorder (ASD) binigyang-diin sa mental health summit sa kapitolyo

CENTRAL MINDANAO-Bilang bahagi ng pagdiriwang ng Mental Health Month, matagumpay na isinagawa ng pamahalaang panlalawigan ang ikalawang iskedyul ng Mental Health Summit 2025, sa gabay pa rin ng temang “Beyond the Label: A Journey Through the Spectrum” sa Function Hall ng IPHO Building, Amas, Kidapawan City. Layunin ng aktibidad na palawakin ang kamalayan at pang-unawa ng lahat hinggil sa Autism Spectrum Disorder (ASD) at hikayatin ang mga kalahok sa nasabing aktibidad na kinabibilangan ng mga doktor at nars na nagmula sa iba’t ibang Rural Health Units (RHUs) at mga pampublikong ospital sa lalawigan na laging paigtingin ang respeto, malasakit, at pakikibahagi sa naturang usapin.
Sentro ng nasabing programa ang mga impormasyong ibinahagi nina Dr. Esper Ann J. Castañeda, isang psychiatrist, sa paksang “A Closer Look at the Spectrum: Understanding Autism” at Kelvin C. Callejo, isang autism specialist, sa “Intervention Approaches for Autism Spectrum Disorder.” Ipinaunawa rin nila ang mga mahahalagang kaalaman upang maunawaan ng malaliman ang mga indibidwal na nasa autism spectrum, pati na ang mga epektibong paraan upang masuportahan sila sa edukasyon, trabaho, at pang-araw-araw na buhay. Bukod dito, nagsagawa rin ng Group Dynamic Session sa pangunguna ni Beryl Anne Daquipa-Campued, isang psychometrician ng Integrated Provincial Health Office (IPHO).
Sa pamamagitan ng naturang aktibidad, pinatunayan ng pamunuan ni Gov. Emmylou “Lala” J. Taliño-Mendoza ang dedikasyon nito upang maisulong ang mga programa para sa kalusugang pangkaisipan at kapakanan ng bawat mamamayang Cotabateño. Ang aktibidad ay pinangasiwaan ng IPHO sa pangunguna ni Dr. Eva C. Rabaya at dinaluhan nina DOH–CHD XII OIC Assistant Regional Director Dr. Fatima Emban, Acting Governor Rochella Marie “Ella” Taliño Taray, at 1st District Board Member Shirlyn Macasarte-Villanueva na nagpaabot ng kanilang buong suporta sa programa.(Garry Fuerzas with IDCD-PGO-NCOT)

17/10/2025

Ocular/site visit sa panukalang Tourist Rest Area na itatayo sa lalawigan ng Cotabato,isinagawa

CENTRAL MINDANAO-Sa adhikaing mapasigla ang turismo, isinusulong ng Department of Tourism, katuwang ang Tourism Infrastructure and Enterprise Zone Authority (TIEZA) ang “Tourist Rest Area (TRA) Project” na magpapadama ng ginhawa at seguridad sa mga turista na dumadayo sa iba’t ibang pook-pasyalan sa bansa. Partikular na layunin nito ang matulungan ang mga manlalakbay o biyahero na gawing kaaya-aya ang kanilang karanasan sa pamamagitan ng pagkakaloob ng espasyo upang sila ay panandaliang makapagpahinga. Magiging daan din ito upang mabuksan sa kanila ang iba’t ibang serbisyo na kanilang kinakailangan lalo na sa mga may mahahabang ruta o destinasyon na tatahakin.
Sa ilalim ng isang tripartite partnership model, ilalatag ng DOT ang overall policy direction, concept at technical standards ng TRA project na itatayo sa loob ng provincial compound bilang “one -stop facility.” Samantalang, ibibigay naman ng TIEZA ang pondo upang isakatuparan ang nasabing proyekto, habang ihahanda ng kapitolyo ang lugar na kung saan isasagawa ang nasabing istraktura. Bukod dito, tungkulin din ng pamahalaang panlalawigan sa pangunguna ni Gov. Emmylou "Lala" J. Taliño-Mendoza na pangasiwaan ang pamamalakad, seguridad at kalinisan ng nasabing pasilidad upang matiyak ang pangmatagalang serbisyo at operasyon ng TRA project.
Sa idinaos na ocular/site visit ng proposed TRA project sa lalawigan, isinagawa ng TIEZA at DOT-12 sa pangunguna nina Architect Princessree Malabay at Engr. Domingo Sanches, kasama ang Technical Working Group na binubuo ng mga kinatawan mula sa Provincial Engineer’s Office, Office of the Provincial Planning and Development Coordinator, Provincial General Services Office ang site validation at technical assessment. Ang nasabing aktibidad ay itinaguyod ng Provincial Governor’s Office-Public Affairs Assistance, Tourism and Sports Development Division (PGO-PAATSDD) sa pangangasiwa ni Acting Head Russel H. Villorente.(Garry Fuerzas with IDCD-PGO-NCOT)

17/10/2025

Kapitolyo,kaisa sa pagpapaigting ng disaster related programs and policies sa rehiyon

CENTRAL MINDANAO-Nagtipon ang mga kinatawan ng Provincial Disaster Risk Reduction and Management Offices (PDRRMOs) mula sa iba’t ibang lalawigan ng Rehiyon XII kabilang ang probinsya ng Cotabato na pinamumunuan ni Governor Emmylou “Lala” J. Taliño-Mendoza, upang talakayin ang ipinapatupad na disaster management programs at contingency plan na makakatulong para mapanatili ang kahandaan sa posibleng pagtama ng anumang kalamidad sa rehiyon tulad ng naranasang lindol kamakailan lang sa bansa.
Ang pagpupulong ay ginanap sa OCD XII, Old Airport, Buayan, General Santos City, kung saan naging sentro ng talakayan ay ang iprinisentang earthquake related hazards, inventory of existing emergency preparedness plans, timeline of drills and exercises, tsunami and landslide prone areas, at iba pa. Pinag-usapan din ang mga hakbangin upang mapalakas ang koordinasyon at pagtutulungan sa mga kinauukulang ahensya na siyang magiging daan upang maibigay ang agarang interbensyon sa oras ng pangangailangan. Dito, hinikayat ni Regional DRRM Council XII Chairperson, Dir. Raylindo S. Aniñon ang mga local government units na paigtingin ang pagsasagawa ng earthquake drill bukod pa sa Quarterly Nationwide Simultaneous Earthquake Drill.
Naging kinatawan ng pamahalaang panlalawigan sa aktibidad si Jovito A. Secapure, LDRRMO I ng Cotabato PDRRMO kung saan dumalo rin sa aktibidad ang mga kawani ng Department of Education XII, Armed Forces of the Philippines (AFP), Philippine National Police (PNP), at Bureau of Fire Protection (BFP). Buo naman ang suporta ng ni Gov. Taliño-Mendoza sa mga estratehiya ng pamahalaan na makakatulong upang maayos at epektibong maipatupad ang disaster related programs and policies sa buong bansa na tumitiyak na may sapat na kahandaan at kapasidad ang lahat sa pagharap sa anumang hamon ng kalikasan.(Garry Fuerzas with IDCD-PGO-NCOT)

17/10/2025

Gov. Taliño-Mendoza kinilala ang mga g**o bilang huwaran at dedikadong taga-hubog ng kinabukasan ng mga kabataan

CENTRAL MINDANAO-Binigyang pugay ng pamunuan ni Governor Emmylou “Lala” J. Taliño-Mendoza ang mga g**o sa lalawigan na patuloy na kinikilala bilang huwaran at dedikadong taga-hubog ng kinabukasan ng mga kabataan. Sa “Culmination Program of the 2025 National Teachers’ Month” na inorganisa ng Department of Education (DepEd) Cotabato Schools Division Office sa pangunguna ni SDS Romelito G. Flores sa The Basket, Capitol Compound, Amas, Kidapawan City, inihayag ni Acting Governor Rochella Marie "Ella" Taliño Taray ang lubos na pagpapahalaga ng kapitolyo sa pagsisikap ng mga g**o.
“𝙈𝙞𝙣𝙖𝙢𝙖𝙝𝙖𝙡 𝙣𝙖𝙢𝙞𝙣𝙜 𝙢𝙜𝙖 𝙜𝙪𝙧𝙤, 𝙮𝙤𝙪 𝙖𝙧𝙚 𝙩𝙝𝙚 𝙨𝙞𝙡𝙚𝙣𝙩 𝙖𝙧𝙘𝙝𝙞𝙩𝙚𝙘𝙩𝙨 𝙤𝙛 𝙤𝙪𝙧 𝙣𝙖𝙩𝙞𝙤𝙣’𝙨 𝙛𝙪𝙩𝙪𝙧𝙚. 𝙄𝙣 𝙚𝙫𝙚𝙧𝙮 𝙘𝙡𝙖𝙨𝙨𝙧𝙤𝙤𝙢, 𝙮𝙤𝙪 𝙗𝙪𝙞𝙡𝙙 𝙙𝙧𝙚𝙖𝙢𝙨; 𝙞𝙣 𝙚𝙫𝙚𝙧𝙮 𝙡𝙚𝙨𝙨𝙤𝙣, 𝙮𝙤𝙪 𝙥𝙡𝙖𝙣𝙩 𝙨𝙚𝙚𝙙𝙨 𝙤𝙛 𝙝𝙤𝙥𝙚. 𝙔𝙤𝙪𝙧 𝙞𝙣𝙛𝙡𝙪𝙚𝙣𝙘𝙚 𝙧𝙚𝙖𝙘𝙝𝙚𝙨 𝙛𝙖𝙧 𝙗𝙚𝙮𝙤𝙣𝙙 𝙩𝙝𝙚 𝙛𝙤𝙪𝙧 𝙬𝙖𝙡𝙡𝙨 𝙤𝙛 𝙩𝙝𝙚 𝙘𝙡𝙖𝙨𝙨𝙧𝙤𝙤𝙢 𝙖𝙨 𝙞𝙩 𝙚𝙘𝙝𝙤𝙚𝙨 𝙞𝙣 𝙘𝙤𝙢𝙢𝙪𝙣𝙞𝙩𝙞𝙚𝙨, 𝙞𝙣 𝙛𝙖𝙢𝙞𝙡𝙞𝙚𝙨, 𝙖𝙣𝙙 𝙞𝙣 𝙚𝙫𝙚𝙧𝙮 𝙮𝙤𝙪𝙣𝙜 𝙨𝙤𝙪𝙡 𝙬𝙝𝙤 𝙙𝙖𝙧𝙚𝙨 𝙩𝙤 𝙙𝙧𝙚𝙖𝙢 𝙗𝙚𝙘𝙖𝙪𝙨𝙚 𝙤𝙛 𝙮𝙤𝙪. 𝙃𝙞𝙣𝙙𝙞 𝙢𝙖𝙣 𝙠𝙖𝙮𝙤 𝙥𝙖𝙡𝙖𝙜𝙞𝙣𝙜 𝙣𝙖𝙗𝙞𝙗𝙞𝙜𝙮𝙖𝙣 𝙣𝙜 𝙥𝙖𝙧𝙖𝙣𝙜𝙖𝙡, 𝙖𝙡𝙖𝙢 𝙣𝙖𝙢𝙞𝙣𝙜 𝙠𝙖𝙮𝙤 𝙖𝙣𝙜 𝙥𝙪𝙣𝙙𝙖𝙨𝙮𝙤𝙣 𝙣𝙜 𝙗𝙖𝙬𝙖𝙩 𝙥𝙖𝙣𝙜𝙖𝙧𝙖𝙥 𝙣𝙖 𝙣𝙖𝙩𝙪𝙩𝙪𝙥𝙖𝙙, 𝙗𝙖𝙬𝙖𝙩 𝙩𝙖𝙜𝙪𝙢𝙥𝙖𝙮 𝙣𝙖 𝙣𝙖𝙖𝙖𝙗𝙤𝙩, 𝙖𝙩 𝙗𝙖𝙬𝙖𝙩 𝙗𝙪𝙝𝙖𝙮 𝙣𝙖 𝙣𝙖𝙗𝙖𝙗𝙖𝙜𝙤,” pahayag pa ni Acting Gov. Taliño Taray.
Tiniyak din nito na ang kapitolyo, sa liderato ni Gov. Taliño-Mendoza ay patuloy na magiging kaisa ng mga g**o sa pagsasakatuparan ng magandang hangarin nito sa mga kabataan, at sa adhikain ng DepEd na mapalakas ang propesyon ng pagtuturo at matiyak ang pantay na edukasyon para sa lahat, “𝙏𝙝𝙚 𝙋𝙧𝙤𝙫𝙞𝙣𝙘𝙞𝙖𝙡 𝙂𝙤𝙫𝙚𝙧𝙣𝙢𝙚𝙣𝙩 𝙤𝙛 𝘾𝙤𝙩𝙖𝙗𝙖𝙩𝙤, 𝙪𝙣𝙙𝙚𝙧 𝙩𝙝𝙚 𝙡𝙚𝙖𝙙𝙚𝙧𝙨𝙝𝙞𝙥 𝙤𝙛 𝙤𝙪𝙧 𝙂𝙤𝙫𝙚𝙧𝙣𝙤𝙧, 𝙃𝙤𝙣. 𝙀𝙢𝙢𝙮𝙡𝙤𝙪 “𝙇𝙖𝙡𝙖” 𝙏𝙖𝙡𝙞𝙣̃𝙤-𝙈𝙚𝙣𝙙𝙤𝙯𝙖, 𝙨𝙩𝙖𝙣𝙙𝙨 𝙬𝙞𝙩𝙝 𝙮𝙤𝙪. 𝙒𝙚 𝙧𝙚𝙘𝙤𝙜𝙣𝙞𝙯𝙚 𝙮𝙤𝙪𝙧 𝙝𝙖𝙧𝙙 𝙬𝙤𝙧𝙠, 𝙮𝙤𝙪𝙧 𝙨𝙖𝙘𝙧𝙞𝙛𝙞𝙘𝙚𝙨, 𝙖𝙣𝙙 𝙮𝙤𝙪𝙧 𝙪𝙣𝙧𝙚𝙡𝙚𝙣𝙩𝙞𝙣𝙜 𝙡𝙤𝙫𝙚 𝙛𝙤𝙧 𝙮𝙤𝙪𝙧 𝙨𝙩𝙪𝙙𝙚𝙣𝙩𝙨. 𝙍𝙚𝙨𝙩 𝙖𝙨𝙨𝙪𝙧𝙚𝙙 𝙩𝙝𝙖𝙩 𝙬𝙚 𝙖𝙧𝙚 𝙤𝙣𝙚 𝙬𝙞𝙩𝙝 𝘿𝙚𝙥𝙀𝙙 𝙞𝙣 𝙨𝙪𝙥𝙥𝙤𝙧𝙩𝙞𝙣𝙜 𝙥𝙧𝙤𝙜𝙧𝙖𝙢𝙨 𝙩𝙝𝙖𝙩 𝙪𝙥𝙡𝙞𝙛𝙩 𝙩𝙝𝙚 𝙩𝙚𝙖𝙘𝙝𝙞𝙣𝙜 𝙥𝙧𝙤𝙛𝙚𝙨𝙨𝙞𝙤𝙣 𝙖𝙣𝙙 𝙚𝙣𝙨𝙪𝙧𝙚 𝙩𝙝𝙖𝙩 𝙚𝙙𝙪𝙘𝙖𝙩𝙞𝙤𝙣 𝙧𝙚𝙢𝙖𝙞𝙣𝙨 𝙩𝙝𝙚 𝙜𝙧𝙚𝙖𝙩 𝙚𝙦𝙪𝙖𝙡𝙞𝙯𝙚𝙧 𝙛𝙤𝙧 𝙖𝙡𝙡,” saad pa ni Acting Gov. Taliño Taray. Nasa naturang okasyon din sina DepEd-12 Regional Director Dr. Carlito Rocafort at Board Member Ivy Martia Lei Dalumpines-Ballitoc na nakisaya sa nabanggit na okasyon.(Garry Fuerzas with IDCD-PGO-NCOT)

17/10/2025

Revisiting and Crafting of the Provincial Health Code”idinaos para sa mas episyenteng serbisyong pangkalusugan sa mga Cotabateño

CENTRAL MINDANAO-Nananatiling prayoridad ng matibay na liderato ni Governor Emmylou “Lala” J. Taliño-Mendoza ang kalusugan ng nasasakupan nito. Bahagi ng kanyang pagsisikap upang matamo ang layuning “Health for All and Protection Against Infectious Diseases,” ay ang pagpapahusay ng serbisyong pangkalusugan at pasilidad, kasabay ng mga hakbang na ipinapatupad upang matiyak ang ibayong proteksyon ng mga Cotabateño laban sa anumang karamdaman.
Upang masig**o na patuloy na matutugunan ng kapitolyo sa pamamagitan ng Integrated Provincial Health Office (IPHO) ang pangangailangan ng taumbayan para matamo ang magandang kalusugan, idinaos ng kapitolyo sa pangunguna ni IPHO Head Dr. Eva C. Rabaya sa Parklay Suites, Kidapawan City, ang “Plenary Session for Revisiting and Crafting of the Provincial Health Code,” na umiiral simula noong 2004, bilang gabay sa pagbibigay ng health services sa lalawigan. Pakay ng nasabing aktibidad na mapahalagahan ang mga batas o polisiya at iba pang issuances kaugnay sa pagpapatupad nito para sa kapakanan ng public health, kung saan parte rito ang pagsasabatas ng Republic Act No. 11223 o ang Universal Health Care Law.
Ang nasabing kaganapan na may hangaring maibigay ang epektibong health services na umaayon sa kasalukuyang panahon at patakaran ay isasagawa rin sa sumusunod na clusters tulad ng: hospital/curative, public health/preventive, and administrative /regulatory sectors. Ito ay dinaluhan ng mga kawani ng IPHO; Chiefs of Hospitals ng walong district hospitals; mga kinatawan ng Sangguniang Panlalawigan; provincial budget, legal at planning & development offices; USM hospital; Carmen Municipal Hospital; at municipal health officers. Naroon din sina Philhealth Regional Office XII Medical Specialist I, Dr. Kevin Al D. Rabor at Provincial DOH Representative Joel Genzon.(Garry Fuerzas with IDCD-PGO-NCOT)

17/10/2025

❔ May song request ka ba ❔
Comment your requested song dahil mapapakinggan mo yan bukas, 8AM - 10AM, sa
REQUEST NA!

17/10/2025

MAYOR ROLLY SACDALAN, HUMANGA SA MGA KABATAANG MIDSAYAPENYO NA NAKIKIISA UPANG MAIPAHIWATIG AT MAIAYOS ANG MGA PROBLEMA SA KOMUNIDAD

Nagpahayag ng paghanga si Mayor Rolly ‘Ur da Man’ Sacdalan sa mga kabataan partikular sa mga estudyante na nasa likod ng Regina Student Publication ng Notre Dame of Midsayap College matapos ilabas ang kanilang artikulong ‘The SICK Side of Sikad’ o ‘SICKAD’.

Sa nasabing artikulo na ipinost sa kanilang official page ay tahasan nilang ipinahayag ang kanilang pagkadismaya sa mga tricycle drivers sa bayan ng Midsayap na nagpapakita ng negatibong imahe pati na ang paniningil ng mataas na pamasahe kahit sa mga estudyante.

Dahil dito, naglabas din ng ilang karanasan ang mga netizens kaugnay nito at nagkaroon ng makabuluhang diskusyon na naging daan upang maipaabot ito sa lokal na pamahalaan.

Ayon kay Mayor Sacdalan, hanga ito sa mga kabataan na nais maipahiwatig at maiayos ang mga nararanasang problema ng komunidad.

Hinikayat din ng alkalde ang patuloy na pakikiisa ng mga kabataan bilang bahagi ng pamayanan tungo sa magandang hinaharap.

Samantala, tiniyak ni Mayor Sacdalan ang pagbibigay aksyon sa isyong ito.

Panooring ang eksklusibong interview ng 104.1 Wow Radio kay Mayo Rolly ‘Ur da Man’ Sacdalan:

17/10/2025

Ilang magsasakang sa bayan ng Midsayap Cotabato binigyang parangal sa 2025 Provincial Farm Family Congress

CENTRAL MINDANAO-Nakatanggap ng pagkilala ang ilang magsasakang Midsayapenyo sa 2025 Provincial Farm Family Congress na inorganisa ng Pamahalaang Panlalawigan ng Cotabato sa pamumuno ni Governor Emmylou “Lala” Taliño-Mendoza.
Kinilala si Analyn V. Derequito bilang Outstanding Farmer Agripreneur 2025, bilang patunay ng kanyang sipag, dedikasyon, at inobasyon sa larangan ng agrikultura.
Samantala, pinarangalan din ang Midsayap 4H-Club bilang Gawad Saka Outstanding 4H-Club 2025. Nakamit din ng nasabing grupo ang ikalawang puwesto sa Search for 4H-Club Model Vegetable Garden at unang puwesto sa Best Ornamental Booth.
Kasama ng mga tumanggap ng parangal ang mga kinatawan mula sa Municipal Agriculture Office: si Agribusiness Coordinator Jane Oqueriza, Ornamental Coordinator Charlene Dacayo, 4H Coordinator Kristine Mae Batislaong, at Municipal Agriculture Officer Nora V. Henry.
Ipinahayag naman ni Mayor Rolly “Ur Da Man” Sacdalan ang kanyang paghanga at pasasalamat sa mga magsasaka at kabataang Midsayapenyo na patuloy na nagbibigay karangalan sa bayan at tumutulong upang mas mapaunlad ang sektor ng agrikultura.(Garry Fuerzas with Midsayap Infos)

17/10/2025

Local Expenditure Program para sa taong 2026,pormal nang nilagdaan at inindorso ni Mayor Rolly Sacdalan sa SB Midsayap Cotabato

CENTRAL MINDANAO-Pormal nang pinirmahan ni Mayor Rolly “Ur Da Man” Sacdalan ang Local Expenditure Program (LEP) ng Lokal na Pamahalaan ng Midsayap Cotabato para sa taong 2026. Kasunod nito, agad itong inindorso sa Sangguniang Bayan ng Midsayap para sa karampatang deliberasyon at pag-apruba.
Ang Local Expenditure Program ay nagsisilbing gabay ng LGU Midsayap sa tamang paggamit ng pondo, alinsunod sa mga patakaran ng Department of Budget and Management (DBM) at ng Local Government Code.
Pinuri naman ni Mayor Sacdalan ang Office of the Municipal Budget Officer sa pangunguna ni Imelda D. Morales sa kanilang dedikasyon at maayos na koordinasyon sa pagbuo ng naturang dokumento.(Garry Fuerzas with Midsayap Infos)

17/10/2025

Nutrition Education Class at Distribution of Dietary Supplementation,isinagawa sa Barangay Liliongan Carmen Cotabato

‎CENTRAL MINDANAO-Nagpapatuloy ang pamunuan ni Cotabato Governor Emmylou “Lala” J. Taliño-Mendoza sa pagsusulong ng mga health programs upang matamo ang magandang kalusugan ng pamilya at ng buong komunidad. Isa sa naging inisyatibo nito ang Nutrition Education Class at Distribution of Dietary Supplementation na isinagawa sa Barangay Liliongan Covered Court sa bayan ng Carmen Cotabato. Layunin ng aktibidad na mabahagian ng mahalagang impormasyon tungkol sa tamang nutrisyon, at mabigyan ng dietary supplementations at vegetable seedlings ang mga kalahok na kinabibilangan ng magulang ng mga batang kulang sa nutrisyon, pati na ang mga buntis at nagpapasusong ina.
‎
‎Partikular na tinalakay nina Provincial Nutrition Coordinator Jasmine Regaspi at Municipal Nutrition Action Officer (MNAO) Gretchen Quiñones ang paksang “Importance of Nutrition during Pregnancy and Complementary Feeding.” Gayundin ang “Importance of Breastfeeding” na ipinaliwanag ni DOH Nutritionist-Dietitian Cyndi Grace Casicas, at “Importance of Vegetable Gardening through Food Always in the Home (FAITH) Program” na ipinaunawa ni Municipal High Value Crop Coordinator Romel Arbado.
‎
‎Ang aktibidad ay itinaguyod ng Integrated Provincial Health Office (IPHO) sa pamumuno ni Dr. Eva Rabaya at dinaluhan naman nina Municipal Councilor Ivy Pobre at Barangay Kagawad Noel Coyos bilang mga panauhin.(Garry Fuerzas with IDCD-PGO-NCOT)

Wow Radio Midsayap

18/10/2025

18/10/2025

17/10/2025

17/10/2025

17/10/2025

17/10/2025

17/10/2025

17/10/2025

17/10/2025

17/10/2025

17/10/2025

17/10/2025

Address

Opening Hours

Website

Alerts

Contact The Business

Shortcuts

Share

Category

Monday	3am - 10pm
Tuesday	3am - 10pm
Wednesday	3am - 10pm
Thursday	3am - 10pm
Friday	3am - 10pm
Saturday	3am - 10pm
Sunday	3am - 9pm