Wow Radio Midsayap

Wow Radio Midsayap The Most Trusted and Longest Running FM Radio Station in PPALMA Alliance since 2002

24/08/2025

WOW RATSADA BALITA

Galing at husay sa paggamit ng baril,ipinamalas sa pagbubukas ng Kalivungan Shootfest 2025CENTRAL MINDANAO-Kapanapanabik...
23/08/2025

Galing at husay sa paggamit ng baril,ipinamalas sa pagbubukas ng Kalivungan Shootfest 2025

CENTRAL MINDANAO-Kapanapanabik ang aksyon, galing, at husay ang ipinamalas ng mga kalahok sa pagsisimula ng Kalivungan Shootfest 2025 na ginanap sa PNP/MT. Apo Shooting Range sa CPPO Headquarters, Amas, Kidapawan City sa pangunguna ng Mt. Apo Practical Shooters Association, Incorporated.
Mismong si Governor Emmylou "Lala" J. Taliño-Mendoza at Vice Governor Rochella Marie "Ella" Taliño Taray ang nanguna sa pagbubukas ng aktibidad kung saan sa kanilang mensahe ay ipinaabot ng mga ito ang kanilang taos-pusong pasasalamat sa lahat ng mga nakiisa at nagbigay suporta sa selebrasyon ng ika-111 taong anibersaryo ng lalawigan ng Cotabato.
Tinatayang nasa 154 shooters at gun clubs mula sa iba't-ibang bahagi ng Mindanao na binubuo ng Marbel Practical Shooting Association, Ballistics Gun Club, DAVSUR Gun Club, Rio Grande Gun Club, Malaybalay Gun Club, Golden Grain Gun Club, Metro Gensan Gun Club, Gold Cup Davao, Team Davao, Magnus, at T'boli Practical Shooting Association ang lumahok sa iba't ibang kategorya at dibisyon ng kompetisyon na magtatapos bukas, Agosto 24, 2025.
Kabilang din sa mga lumahok ang ilang mga opisyal kabilang na sina DSWD 12 Regional Director Loreto V. Cabaya Jr., Municipality of Banay-Banay, Davao Oriental Mayor Lemuel Ian M. Larcia, PRO12 Chief of Regional Staff PCOL Harold S. Ramos, Davao Del Sur PPO Provincial Director PCOL Leo T. Ajero, at Aleosan Councilor Jason Cabaya.
Bumisita at nakiisa din sina boardmembers Ryl John Caoagdan at Rosalie Cabaya, Tulunan Mayor Lee Roy Villasor, at Nabalawag, SGA-BARMM Mayor Datu Rhenz Tukuran.(Garry Fuerzas with IDCD-PGO-NCOT)

Trail adventure sa 4th LALArga mountain bike challenge sa ikatlong distrito,matagumpay na idinaosCENTRAL MINDANAO-Higit ...
23/08/2025

Trail adventure sa 4th LALArga mountain bike challenge sa ikatlong distrito,matagumpay na idinaos

CENTRAL MINDANAO-Higit 150 bikers mula sa ikatlong distrito at mga kalahok para sa open category na mula sa iba't ibang lugar ang sabay-sabay na sumabak sa hamon ng trail sa Brgy. Bangilan, bayan ng Kabacan Cotabato sa 4th LALArga Mountain Bike Challenge (District 3), isa sa mga tampok na aktibidad ng Kalivungan Festival 2025 kung saan ramdam ang adrenaline at excitement sa bawat liko at ahon habang ipinapakita ng mga kalahok ang galing, tibay, at sportsmanship.

Sa pagbisita ni Gov. Emmylou "Lala" J. Taliño-Mendoza, pinasalamatan nito ang lokal na pamahalaan ng Kabacan sa pamumuno ni Mayor Evangeline Guzman na naging katuwang ng kapitolyo sa pagdaos ng naturang aktibidad para sa nabanggit na distrito. Pinaalalahanan din ng gobernadora ang mga kalahok na unahin ang kanilang kaligtasan at disiplina sa kalsada at trail, upang maging mas masaya at ligtas ang karanasan ng lahat.

Mas lalo pang naging masigla ang trail event sa presensya ng mga opisyal na sina Vice Governor Rochella Marie “Ella” Taliño Taray, 3rd District Board Member Joemar Cerebo, PAC Member for Youth and Sports Kerwyn "Chuckie" Pacifico, Vice Mayor Herlo P. Guzman at iba pang panauhin na nagbigay ng kanilang suporta at nagpaabot ng inspirasyon sa lahat ng kalahok.(Garry Fuerzas with IDCD-PGO-NCOT-August 24,2025)

Governor Mendoza nag-ikot sa ginawang paghahanda sa ika-111 anibersaryo ng probinsya ng Cotabato at Kalivungan Festival...
23/08/2025

Governor Mendoza nag-ikot sa ginawang paghahanda sa ika-111 anibersaryo ng probinsya ng Cotabato at Kalivungan Festival 2025

CENTRAL MINDANAO-Ilang araw bago ang pormal na pagbubukas ng ika-111 na taong anibersaryo ng probinsya ng Cotabato at Kalivungan Festival 2025, nag-ikot at binisita ni Governor Emmylou "Lala" J. Taliño-Mendoza ang ginagawang paghahanda ng mga munisipyo, kung saan ibibida ng mga ito ang iba't-ibang yaman at produkto ng kanilang bayan. Magiging tampok din dito ang mga tourism expo, trade fair, coop exhibits at maraming pang iba na tiyak na kagigiliwan ng mga bisita.
Ito ay bahagi ng pagtitiyak ni Governor Taliño-Mendoza na maging maayos, mapayapa at matagumpay ang taunang selebrasyon ng lalawigan.(Garry Fuerzas with IDCD-PGO-NCOT-August 24,2025)

Mga katutubo (IP) sa lalawigan ng Cotabato pinasalamatanCENTRAL MINDANAO-KINIKILALA ni Serbisyong Totoo Cotabato Governo...
23/08/2025

Mga katutubo (IP) sa lalawigan ng Cotabato pinasalamatan

CENTRAL MINDANAO-KINIKILALA ni Serbisyong Totoo Cotabato Governor Emmylou Taliño-Mendoza ang kahalagahan ng Kristyano, Muslim, at mga IP sa lalawigan ng Cotabato.

Kung kaya, muling isinagawa ang Kavurunan Festival na isa sa mga aktibidad tuwing Kalivungan Festival ng lalwigan.

Nagsama-sama ang mga IP sa USM Auditorium na kung saan kanilang ipinamalas ang kultura ng kanilang mga tribo.
Nagpasalamat naman si Gov. Taliño-Mendoza sa pagtugon ng mga IP sa lalawigan ganoon din ang ipinaabot nitong pasasalamat kay Kabacan Mayor Evangeline Pascua-Guzman sa pagtanggap na dito isasagawa ang nasabing aktibidad.

Pinasalamatan din nito si USM President Dr. Jonald Pimentel sa pagbukas ng unibersidad para sa mga IP.
Kaugnay nito, tiniyak ni Mayor Gelyn na sa Kabacan ay kanilang lubos na pinahahalagahan ang bawat sektor lalo at kung wala ang isa ay hindi matatawag na maunlad ang Kabacan.

Nagbigay pasasalamat din ito kay Gov. Taliño-Mendoza na naging daan sa patuloy na pagbibigay ng totoong serbisyo sa bawat isang Cotabateño.

Samantala, naging tagapagsalita naman si Mindanao IP Cluster Chair Nancy Catamco na kung saan kanyang tiniyak ang pangangalaga sa karapatan ng mga IP at pagbibigay ng totoong kahalagahan sa kanilang kultura.(Garry Fuerzas with Unlad Kabacan-August 24,2025)

23/08/2025

brownout diay ugma ug 11-hours sa PPALMA Area.
remind lang mi para apil mo kaguol.
⬛️⬛️⬛️
goodnight kuyawers!

22/08/2025

❔ May song request ka ba ❔
Comment your requested song dahil mapapakinggan mo yan bukas, 8AM - 10AM, sa
REQUEST NA!

LOOK: Pasok sa elementary public schools sa bayan ng Midsayap, suspendido simula ngayong tanghali!Narito ang facebook po...
22/08/2025

LOOK: Pasok sa elementary public schools sa bayan ng Midsayap, suspendido simula ngayong tanghali!

Narito ang facebook post ni Mayor Rolly ‘Ur da Man’ Sacdalan:

‘Dahil sa patuloy na buhos ng ulan, ang pasok sa elementarya sa lahat ng pampublikong paaralan sa Midsayap ay suspendido simula alas 12 ng tanghali ngayong araw, Aug 22. Mag-ingat po ang lahat.’

PDRRMO nagsagawa ng assessment at needs analysis sa mga lugar na naapektuhan ng LPA at Southwest MonsoonCENTRAL MINDANAO...
21/08/2025

PDRRMO nagsagawa ng assessment at needs analysis sa mga lugar na naapektuhan ng LPA at Southwest Monsoon

CENTRAL MINDANAO-Sa hangaring makita ang naging epekto ng sama ng panahon na dulot ng low pressure area at southwest monsoon sa ilang mga lugar ng lalawigan nagsagawa ng pre-disaster risk, damage assessment at needs analysis ang Provincial Disaster Risk Reduction and Management Office (PDDRMO) bilang pagtalima na rin sa direktiba ni Governor Emmylou "Lala" Taliño-Mendoza.
Kasama ang opisina ng Provincial Social Welfare and Development Office, Provincial Engineer's Office, Office of the Provincial Agriculturist, Integrated Provincial Health Office, Office of the Provincial Veterinarian, Cotabato Police Provincial Office at Bureau of Fire Protection, inisa-isa ang mga nakalap na ulat upang suriin ang naging epekto ng mga sunod-sunod na pag-ulan sa probinsya.
Ayon kay PDRRMO Acting Head Abril Espadera, layunin nito na mas lalo pang mapaghandaan ang posibleng epekto ng mga kalamidad, matukoy ang mga prayoridad na pangangailangan ng mga apektadong lugar, at makapaglatag ng agarang interbensyon para sa kaligtasan at kapakanan ng mga mamamayan.(Garry Fuerzas with IDCD-PGO-NCOT)

Eskwela Kooperatiba,itinaguyod ng kapitolyo para patatagin ang mga kooperatiba sa probinsya ng CotabatoCENTRAL MINDANAO-...
21/08/2025

Eskwela Kooperatiba,itinaguyod ng kapitolyo para patatagin ang mga kooperatiba sa probinsya ng Cotabato

CENTRAL MINDANAO-Batid ng pamunuan ni Governor Emmylou "Lala" J. Taliño-Mendoza ang malalaking nagagawa ng mga kooperatiba sa pagpapaunlad ng kabuhayan ng mamamayan, at maging sa pagsulong ng ekonomiya sa lalawigan, kaya bahagi ng mga programa ay ang patatagin ang existing cooperatives sa probinsya.
Kaugnay nito, itinaguyod ng Provincial Cooperatives Development Office (PCDO) sa ilalim ng pamumuno ni Shirly C. Pace, ang Eskwela Kooperatiba (Batch 1) na dinaluhan ng cooperative officers, management, and staff mula sa Paco Coconut Farmers Marketing Cooperative of Kidapawan City, Mindanao Transport Service Cooperative of Kidapawan city, Household Credit Society Cooperative of Pres. Roxas, Paglaum Multi-Purpose Cooperative of Pres. Roxas, KCEA Construction Supply and Consumers Cooperative of Kidapawan City, at Kibia Farmers Marketing Cooperative of Matalam.
Kabilang sa mga paksa sa limang araw na pagsasanay ay ang sumusunod: Understanding Mediation and Conciliation in Cooperatives; Silent Features of Republic Act No. 9520 “Philippine Cooperative Code”; Republic Act 9285 – The Alternative Dispute Resolution Act of 2004; Local Ordinances and Community Mediation Mechanisms; Common Conflicts in Cooperatives: Leadership, Financial Management, Resource Allocation, and Inter-member Disputes; Conflict Resolution Styles and Its Implications to Cooperatives; at Advance Mediation and Conciliation Techniques.(Garry Fuerzas with IDCD-PGO-NCOT)

Mahigit 300 indibidwal,nakiisa sa mobile flood donation activity sa Carmen CotabatoCENTRAL MINDANAO-Muling pinatunayan n...
21/08/2025

Mahigit 300 indibidwal,nakiisa sa mobile flood donation activity sa Carmen Cotabato

CENTRAL MINDANAO-Muling pinatunayan ng mga Cotabateño na ang pagkakaisa ay susi sa pagtulong sa kapwa, matapos nitong dagsain ang Mobile Blood Donation Activity na isinagawa sa RCDG Covered Court, Carmen Cotabato.
Sa pangunguna ng Integrated Provincial Health Office (IPHO), katuwang ang Cotabato Provincial Hospital (CPH), Cotabato Regional and Medical Center (CRMC) Mobile Blood Donation Team, at 12th RCDG Army Reservist, matagumpay na nakalikom ng 94 bags ng dugo mula sa mahigit 300 kalahok na kinabibilangan ng AFP reservist at mga mag-aaral mula sa iba’t ibang paaralan.
Ang blood donation program ay isa sa mga prayoridad na programa ng pamunuan ni Governor Emmylou “Lala” J. Taliño-Mendoza upang matiyak na may sapat na suplay ng ligtas at malinis na dugo na magagamit ng mga Cotabateño sa oras ng pangangailangan.(Garry Fuerzas with IDCD-PGO-NCOT)

Cotabateños, narito na ang talaan ng mga hosts, judges at guest performer ng inaabangang Mutya ng Cotabato 2025 Grand Co...
21/08/2025

Cotabateños, narito na ang talaan ng mga hosts, judges at guest performer ng inaabangang Mutya ng Cotabato 2025 Grand Coronation Night na gaganapin sa darating na Agosto 26, 2025, 7PM sa Provincial Capitol Gymnasium, Amas, Kidapawan City.
Sabay-sabay nating kilalanin ang susunod na kokoranahan bilang Mutya ng Cotabato. 👑✨️💚


Address

2nd Floor, Tenorio Bldg. , Sto. Niño Street , Poblacion 1
Midsayap
9410

Opening Hours

Monday 3am - 10pm
Tuesday 3am - 10pm
Wednesday 3am - 10pm
Thursday 3am - 10pm
Friday 3am - 10pm
Saturday 3am - 10pm
Sunday 3am - 9pm

Website

Alerts

Be the first to know and let us send you an email when Wow Radio Midsayap posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Wow Radio Midsayap:

Shortcuts

Share

Category