Wow Radio Midsayap

Wow Radio Midsayap The Most Trusted and Longest Running FM Radio Station in PPALMA Alliance since 2002

Panibagong batch ng cash relief assistance ipinamahagi para sa ilang drayber ng Cotabato 3rd districtCENTRAL MINDANAO-Ab...
29/05/2026

Panibagong batch ng cash relief assistance ipinamahagi para sa ilang drayber ng Cotabato 3rd district

CENTRAL MINDANAO-Abot sa 713 na mga driver mula sa Kabacan, Matalam at Carmen Cotabato ang tumanggap ng tig limang (5) libong pisong Cash Relief Assistance mula sa Department of Social Welfare and Development (DSWD) sa pamamagitan ng tanggapan ni Cotabato 3rd District Representative Ma. Alana Samantha Taliño Santos.
Personal na dumalo si Cong Sam sa distribution, at kanyang pinaalalahanan ang mga driver na gamitin sa tamang paraan ang tinanggap na tulong mula sa gobyerno sa harap ng krisis sa petrolyo dahil sa kaguluhan sa ibang bansa.
Sinaluduhan naman ni Cotabato Governor Emmylou Taliño-Mendoza ang sipag at katatagan ng mga driver sa harap ng mga hamong kanilang hinaharap araw-araw.
Tiniyak rin ni Gov Lala na patuloy na magpapaabot ng tulong ang pamahalaang panlalawigan, kasama ang iba pang national line agencies, maging ang mga lokal na pamahalaan sa iba’t-ibang sektor ng komunidad.
Pinasalamatan din ng gobernadora ang magandang ugnayan ng PLGU sa mga lokal na pamahalaan DSWD, Congressional Office, maging ang National Government dahil nagtutulungan ang mga ito upang maihatid sa publiko ang mga programa’t proyekto na kanilang kailangan.(Garry Fuerzas with Unlad Kabacan)

Mahigit 16 libong pamilya sa Kabacan Cotabato,masayang tinanggap ang kanilang bigas sa unang araw ng rice distributionCE...
29/05/2026

Mahigit 16 libong pamilya sa Kabacan Cotabato,masayang tinanggap ang kanilang bigas sa unang araw ng rice distribution

CENTRAL MINDANAO-Ipinamahagi na ang tig sampung (10) kilo ng bigas sa 16,414 families mula sa labing-apat (14) na barangay ng Kabacan Cotabato para sa 1st batch ng ‘Bawat Bayan Makikinabang’ Rice Distribution ngayong araw.
Sa ngalan ng bawat pamilyang Kabakeño, nagpaabot ng taos-pusong pasasalamat si Mayor Evangeline Pascua-Guzman sa maayos na pamamahagi ng pamahalaang panlalawigan ng Cotabato sa liderato ni Governor Emmylou Taliño-Mendoza sa bigas na pinondohan ng 169million pesos ng national government sa ilalim ng Local Government Support Fund (LGSF).
Ngayong araw, mga pamilya ng mga barangay sa Aringay, Bangilan, Bannawag, Cuyapon, Dagupan, Kilagasan, Lower Paatan, Magatos, Malamote, Malanduague, Osias, Pisan, Salapungan at Upper Paatan ang tumanggap ng bigas.
Sa kanyang pagbisita sa Kabacan ngayong araw, tiniyak ni Governor Lala Mendoza na sa kabila ng bigas mula sa LGSF, mamamahagi pa rin ang pamahalaang panlalawigan ng regular na year-end relief dahil na rin sa maayos na fiscal management.
Tiniyak rin ni Gov Lala na batay sa kasunduan ng PLGU Cotabato at National Food Authority (NFA), malambot at dekalidad ang bigas na ipapamahagi sa mga pamilya sa lalawigan.
Aniya, sa susunod na buwan, LGU Kabacan naman ang mamamahagi ng bigas sa mga barangay mula sa LGSF para sa munisipyo. Bagama’t mas maliit ang pondo, makatitiyak ang publiko na hinahanapan ng paraan ng LGU sa pangunguna ni Mayor Gelyn na mabigyan ang lahat ng pamilya sa bayan.(Garry Fuerzas with Unlad Ka bacan)

29/05/2026

PUSO NG SERBISYONG TOTOO

Bola Kontra Droga,matagumpay na idinaos sa Kabacan Cotabato,3rd district pasok na sa semifinalsCENTRAL MINDANAO-Nanaig ...
28/05/2026

Bola Kontra Droga,matagumpay na idinaos sa Kabacan Cotabato,3rd district pasok na sa semifinals

CENTRAL MINDANAO-Nanaig ang sportsmanship, respeto at pagkakaisa sa ginawang ‘Bola Kontra Droga’ para sa Cotabato 3rd District sa Kabacan Cotabato.
Pasok na sa semifinals ang Team Kabacan para sa Volleyball Girls 12y.o under, Basketball Under 18y.o, Under 16y.o at Under 14y.o.
Nagpaabot ng pagbati si Kabacan Mayor Evangeline Pascua-Guzman sa mga manlalaro ng bayan, at sa lahat ng mga kalahok, maging sa kanilang Coaches sa pagpapakita ng camaraderie at sportsmanship na siyang diwa ng aktibidad.
Ang Semifinals ay gagawin sa Hunyo 2-3 habang ang Final Games naman ay sa June 04, 2026.(Garry Fuerzas with Unlad Kabacan)

Taysan, Batangas Mayor Brigido A. Villena, bumisita sa probinsya ng Cotabato CENTRAL MINDANAO-Bumisita sa tanggapan ni C...
28/05/2026

Taysan, Batangas Mayor Brigido A. Villena, bumisita sa probinsya ng Cotabato

CENTRAL MINDANAO-Bumisita sa tanggapan ni Cotabato Governor Emmylou “Lala” J. Taliño-Mendoza ang alkalde ng bayan ng Taysan, Batangas, na siya namang sinalubong ni Provincial Legal Officer Atty. John Haye Deluvio.
Dito, pinasalamatan ni Mayor Brigido A. Villena ang mainit na pagtanggap ng pamunuan ng gobernadora, kung saan nabigyan ito ng pagkakataon kasama ang kanyang pamilya na malibot ang MuseyoKutawato at matuklasan ang mayamang kasaysayan, kultura at tradisyon ng probinsya ng Cotabato sa pamamagitan ng mga likhang sining o obrang tampok sa museyo.(Garry Fuerzas with IDCD-PGO-NCOT)

Pitong bagong opisyal mula sa Cotabato na nagtapos sa PMA,binigyang-pugay ni Gov. Taliño-MendozaCENTRAL MINDANAO-Pitong ...
28/05/2026

Pitong bagong opisyal mula sa Cotabato na nagtapos sa PMA,binigyang-pugay ni Gov. Taliño-Mendoza

CENTRAL MINDANAO-Pitong magigiting na kabataang Cotabateño ang nagbigay ng karangalan sa buong probinsya matapos matagumpay na makapagtapos mula sa prestihiyosong Philippine Military Academy (PMA) Talang Dangal Class of 2026 nito lamang Mayo 16, 2026 sa Fort General Gregorio H. del Pilar sa Baguio City.
Kabilang sa mga bumisita ay sina 2LT Elaine Lyka O Canaya PA mula sa bayan ng Carmen kung saan nakakuha ito ng Aguinaldo Saber DTO'S Plaque Award, 2LT Adrian Rodel V Dapun PA at 2LT Ericka G Camangyan PA mula naman sa Kabacan, 2LT Frelyn Joy C Nuenay PA ng Kidapawan City, 2LT Clowe Marie F Sabando PAF ng Pikit, 2LT Jestoni D Lariosa PAF ng Pigcawayan at si ENS Leamar L Raposo PN mula naman sa bayan ng M'lang.
Hinangaan at pinuri ni Cotabato Gov. Emmylou “Lala” Taliño-Mendoza ang pagsisikap at hindi matatawarang pagpupursige ng mga batang opisyal na makapagtapos at magsilbi para sa kapakanan at seguridad ng bansa. Kasama din sa pagbisita si Boardmember Ivy Martia Lei Dalumpines-Ballitoc at former Matalam Vice Mayor Ralph Ryan Rafael.(Garry Fuerzas with IDCD-PGO-NCOT)

Higit sa P1.4M shares ng probinsya sa unang quarter ng taon mula sa EDC,tinanggap ni Gov. Taliño-MendozaCENTRAL MINDANAO...
28/05/2026

Higit sa P1.4M shares ng probinsya sa unang quarter ng taon mula sa EDC,tinanggap ni Gov. Taliño-Mendoza

CENTRAL MINDANAO-Malugod na tinanggap ni Cotabato Governor Emmylou "Lala" J. Taliño-Mendoza ang 1st quarter share ng probinsya ng Cotabato mula sa Energy Development Corporation (EDC) sa pangunguna ni Corporate Relations and Communications Division Head Ma. Nancy P. Ibuna sa Provincial Governor's Office, Amas, Kidapawan City.
Ang tseke na pormal na tinanggap ni Governor Taliño-Mendoza ay may kabuoang halaga na P1,479,406 mula sa pinagsamang Development and Livelihood Fund (DLF) at Reforestation, Watershed Management, Health, Environment and Enhancement Fund (RWMHEEF) ng nabangit ng kompanya.
Bawat quarter ng taon ay tumatanggap ang lalawigan ng 30% mula sa one-centavo per kilowatt-hour (P0.01/kWh) sa EDC na tumaas sa three-centavo per kilowatt-hour (P0.03/kWh) ngayong taon bilang pagtalima sa Energy Regulation No.1-94 ng Department of Energy.
Ang nasabing turn-over ay ginanap at sinaksihan naman nina Provincial Treasurer Gail V. Ontal at Provincial Planning and Development Officer Jonah J. Balanag.(Garry Fuerzas with IDCD-PGO-NCOT)

Gov. Taliño-Mendoza,kinilala ang karangalang nakamit ng isang iskolar ng Cotabato sa katatapos na Licensure Examination...
28/05/2026

Gov. Taliño-Mendoza,kinilala ang karangalang nakamit ng isang iskolar ng Cotabato sa katatapos na Licensure Examination for Teachers

CENTRAL MINDANAO-Inihayag ni Cotabato Governor Emmylou “Lala” J. Taliño-Mendoza ang kanyang pagkilala at pagpupugay sa tagumpay na nakamit ng isang iskolar ng Cotabato matapos itong mapabilang sa mga nanguna sa katatapos lamang na Licensure Examination for Teachers (LET).
Ang tagumpay ay nakamit ni Maebeth Kaye E. Servano mula sa Brgy. Poblacion, Kidapawan City.
Siya ay nagtapos ng kursong Bachelor of Physical Education sa University of Southern Mindanao (USM) Main Campus.

Nakamit ni Servano ang average na 93.40%, dahilan upang makuha nito ang Top 9 sa listahan ng mga pumasa sa nasabing pagsusulit na isinasagawa ng Professional Regulation Commission (PRC).
Ayon kay Governor Taliño-Mendoza, ang tagumpay na ito patunay ng husay, talino, at dedikasyon ni Servano na magsisilbing inspirasyon sa mga kabataang Cotabateño.(Garry Fuerzas with IDCD-PGO-NCOT)

Bagong hepe ng PRO-12 bumisita kay Gov Taliño-MendozaCENTRAL MINDANAO-Matapos maitalaga bilang bagong hepe ng Philippine...
28/05/2026

Bagong hepe ng PRO-12 bumisita kay Gov Taliño-Mendoza

CENTRAL MINDANAO-Matapos maitalaga bilang bagong hepe ng Philippine National Police (PNP) Region 12, bumisita sa tanggapan ni Governor Emmylou “Lala” J. Taliño-Mendoza si PBGen. Alan B. Manibog sa Provincial Governor's Office, Amas, Kidapawan City.
Sa kanyang pagdalaw, ipinaabot ni PBGen. Manibog ang kanyang hangaring mapagtibay ang ugnayan at pagtutulungan sa pamahalaang panlalawigan upang mapanatili ang katiwasayan, kaayusan, at kapayapaan hindi lamang sa lalawigan ng Cotabato kundi sa buong Region 12.
Sa kabilang banda, tiniyak naman ni Gov. Taliño-Mendoza ang buong suporta at pakikipagtulungan ng kapitolyo sa lahat ng mga programa at pagsisikap ng PNP tungo sa isang ligtas at maunlad na rehiyon. Nasa pagbisita rin si Acting CPPO Provincial Director PCOL Ramel B. Hojilla.(Garry Fuerzas with IDCD-PGO-NCOT)

Mga Nurses at Midwives ng LGU-Midsayap Cotabato,sumailalim sa MNIYCF trainingCENTRAL MINDANAO-Upang mabigyan ng karagdag...
28/05/2026

Mga Nurses at Midwives ng LGU-Midsayap Cotabato,sumailalim sa MNIYCF training

CENTRAL MINDANAO-Upang mabigyan ng karagdagang kaalaman at mapalakas ang kakayahan ng mga health care workers sa larangan ng nutrisyon, isinagawa ng Lokal na Pamahalaan ng Midsayap Cotabato ang Maternal Nutrition, Infant and Young Child Feeding (MNIYCF) Training para sa mga nurses at midwives na nangangasiwa sa iba’t ibang barangay sa bayan.
Tinalakay sa tatlong-araw na pagsasanay ang kahalagahan ng wastong nutrisyon ng ina at bata sa unang 1,000 araw, mga inirerekomendang IYCF practices, at iba pang kaugnay na paksa.
Naging resource speakers sa naturang pagsasanay sina IPHO Nutritionist-Dietitian II Jasmine C. Regaspi, RND, LGU Antipas Nutrition Coordinator Lea Arfe Langote, RN, at LGU Makilala Nutrition Coordinator Christine Mae D. Maraggun, RN.
Ang nasabing pagsasanay ay isa lamang sa mga programang isinusulong ng administrasyon ni Mayor Rolly “Ur Da Man” Sacdalan na layuning mas mapalalakas pa ang kampanya para sa kalusugan at wastong nutrisyon ng mga buntis at sanggol.(Garry Fuerzas with Midsayap Infos)

Katapatan ng mga personahe ng Kabacan Terminal Complex,pinasalamatan ng isang OFWCENTRAL MINDANAO-Labis ang pasasalamat ...
27/05/2026

Katapatan ng mga personahe ng Kabacan Terminal Complex,pinasalamatan ng isang OFW

CENTRAL MINDANAO-Labis ang pasasalamat ng isang Overseas Filipino Worker (OFW) na si Michelle Blanca Godito ng Barangay Poblacion, Pigcawayan, Cotabato sa pamunuan ng Kabacan Terminal Complex (KTC) dahil sa maagap nilang aksyon upang marekober ang kanyang nawawalang bagahe.

Ayon sa ulat ng Municipal Economic Enterprise and Development Office (MEEDO), mula Polomolok si Godito sakay ng Rural Transit at pauwi ng Pigcawayan via Kabacan sa pamamagitan ng Mindanao Transit.

Nang mapansin ni Godito na nawawala ang isa sa kanyang mga bagahe, agad siyang humingi ng tulong sa mga kapulisan at Terminal Supervisors na agad nag-imbestiga.

Sa tulong ng mga porter, konduktor, gwardya ng Rural Transit at dispatcher na si John Rey P. Tolomia, na-trace ang bagahe ng OFW at naibalik sa kanya.

Patuloy naman ang paalala ng LGU sa ilalim ng liderato ni Mayor Evangeline Pascua-Guzman na maging alerto sa lahat ng panahon habang tinitiyak na buhay ang diwa ng bayanihan at katapatan sa bayan.(Garry Fuerzas with Unlad Kabacan-May 28,2026)

Address

2nd Floor, Tenorio Bldg. , Sto. Niño Street , Poblacion 1
Midsayap
9410

Opening Hours

Monday 3am - 10pm
Tuesday 3am - 10pm
Wednesday 3am - 10pm
Thursday 3am - 10pm
Friday 3am - 10pm
Saturday 3am - 10pm
Sunday 3am - 9pm

Website

Alerts

Be the first to know and let us send you an email when Wow Radio Midsayap posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Wow Radio Midsayap:

Shortcuts

Share

Category