26/07/2025
𝐔𝐌𝐀𝐍𝐎𝐘 𝐈𝐋𝐋𝐄𝐆𝐀𝐋 𝐍𝐀 𝐌𝐈𝐍𝐀𝐇𝐀𝐍 𝐍𝐆 𝐆𝐈𝐍𝐓𝐎 𝐒𝐀 𝐂𝐎𝐋𝐔𝐌𝐁𝐈𝐎, 𝐒𝐔𝐋𝐓𝐀𝐍 𝐊𝐔𝐃𝐀𝐑𝐀𝐓 𝐏𝐈𝐍𝐀𝐓𝐈𝐆𝐈𝐋
MAGKATUWANG na sinimulan na ng mga opisyal ng iba’t-ibang ahensya ng pamahalaan ang masigasig na kampanya laban sa illegal, small-scale gold mining sa Region 12, mas kilala bilang Central Mindanao.
Sa ulat nitong Sabado ng tanggapan ng abugadong si Felix Alicer, regional executive director ng Department of Environment and Natural Resources 12, at ng mga opisyal ng Police Regional Office-12, o PRO-12, nakumpiska, sa kanilang inisyal na operation nitong July 17, 2025, ang mga gamit sa illegal na pagmimina ng ginto sa Sitio Datal Saub sa Barangay Datal Blao sa Columbio, Sultan Kudarat.
Ayon sa mga officials ng DENR-12 at PRO-12, suportado ng administrasyon ni Sultan Kudarat Gov. Pax Mangudadatu ang naturang initial na crackdown laban sa illegal mining operations sa bayan ng Columbio.
Sa pahayag nitong Sabado ni Alicer at ng mga provincial officials, ang naturang anti-illegal mining operation ay magkatuwang na isinagawa ng mga kawani ng DENR-12, ng Mines and Geosciences Bureau 12, ng Environmental Management Bureau 12, ng mga kinatawan ng Sultan Kudarat provincial government at mga tropa ng PRO-12 at ng 39th Infantry Battalion ng Philippine Army.
Nakumpiska sa naturang anti-illegal mining operations sa Sitio Datal Saub sa Barangay Datal Blao ang ilang mga gamit sa pagmimina ng ginto, kabilang na ang mga hydraulic hoses na natagpuan ng inter-agency raiding teams, katuwang ang mga cause-oriented groups ng mga etnikong mga Blaan, sa makeshift mining shelters sa naturang lugar.
Ayon sa mga opisyal ng MGB-12, ng EMB-12 at ng PRO-12 at ng mga kinatawan ng mga indigenous communities, ang naturang anti-illegal mining operation ay batay sa mga reklamo ng local sectors na naging marumi na at naging kulay putik na ang tubig sa Dalol River sa Columbio dahil doon inaanod ang mga mining wastes mula sa mga small, illegal mining sites sa Sitio Datal Saub sa Barangay Datal Blao.
Photo via | DENR
