02/03/2023
NAGKALAMATAY SA PAGBUNGGUANAY SANG DUHA KA TREN SA GREECE, NAGDANGAT NA SA 46
Nagdangat na sa 46 ka tawo ang kumpirmado nga napatay samtang 10 naman ang padayon nga ginapangita sa nagluntad nga bungguanay sang duha ka tren sa pungsod Greece.
Suno sa otoridad sa lugar, posible pa nga magsaka ang death toll bangud may mga na-missing nga pasahero nga sakay sang passenger train.
Ginakabig ini bilang pinakamalala nga aksidente nga nagluntad sa maragtas sang nasambit nga pungsod.
Madumduman nga sakay sang pampasahero nga tren ang yara sa 350 ka tawo sang mabungguan sini ang kasugata nga cargo train malapit sa syudad sang Larissa.
Sandig sa imbestigasyon, nadiskaril ang una nga apat ka bagon sang isa ka tren bangud sa mabaskog nga impact sang pagbungguanay.
Kalabanan sa mga biktima amo ang mga estudyante sa isa ka unibersidad nga papauli na kuntani sa ila mga panimalay bangud sa holiday weekend.*
Ini nga balita ginadul-ong sang:
RSG | March 2, 2023
via Reuters
