19/07/2026
PAHAYAG MULA SA TANGGAPAN NG PUNONG BARANGAY
Barangay San Julian, Moncada, Tarlac
Ayon sa ulat na natanggap ng aming tanggapan, may mga batang sangkot umano sa insidente ng pagnanakaw ng motorsiklo sa Bayan ng Paniqui, Tarlac na nagsabing sila ay nakatira sa Purok Rizal (Riles Area), Barangay San Julian.
Matapos ang masusing beripikasyon at pagsisiyasat ng aming tanggapan sa opisyal na talaan ng mga residente ng barangay na na-update nitong buwan ng Hulyo, aming pinatutunayan na hindi rehistradong residente ng Barangay San Julian ang mga nabanggit na bata.
Sa kasalukuyan, ang mga nasabing menor de edad ay nasa pangangalaga ng MPS Paniqui, Tarlac para sa kaukulang imbestigasyon at mga legal na proseso.
Patuloy naming hinihikayat ang lahat ng mamamayan na maging mapagmatyag at makiisa sa pagpapanatili ng kapayapaan at kaayusan sa ating komunidad.
Kung may mapansing kahina-hinalang kilos o insidente, agad na ipagbigay-alam sa Barangay o sa pinakamalapit na himpilan ng pulisya.
Maging alerto. Mag-ingat sa mga kawatan. Ang sama-samang pagbabantay ay susi sa isang ligtas na pamayanan.
