Ang Dingas - Monkayo NHS Publication

03/04/2026

𝐒𝐈𝐍𝐔𝐏𝐀𝐍 𝐍𝐆 𝐌𝐆𝐀 𝐋𝐀𝐑𝐀𝐖𝐀𝐍 𝟐 | Hindi lamang sa entablado nasilayan ang tunay na diwa ng pagtatapos, kundi maging sa bawat ngiti, yakap, at masayang tagpong nabuo sa kabuuan ng araw na iyon. Sa likod ng pormal na seremonya ay mga munting sandaling hitik sa damdamin, alaala, at pasasalamat na magsisilbing bahagi ng makulay na paglalakbay ng Class of 2026.

Bawat kuhang larawan ay sumasalamin sa saya, ginhawa, at pagmamalaking hatid ng isang tagumpay na pinaghirapan at pinaghandaang maigi. Mula sa masasayang pagtitipon kasama ang pamilya, g**o, at mga kaibigan hanggang sa mga simpleng sandaling puno ng halakhak at pagbati, lalong pinagtibay ng araw na ito ang kahalagahan ng bawat taong naging bahagi ng kanilang tagumpay.

Sa paglipas ng seremonya, naiwan ang mga larawang hindi lamang nagsisilbing alaala ng pagtatapos, kundi patunay rin ng isang yugtong matagumpay na nilampasan. Higit sa anumang parangal o diploma, ang mga sandaling ito ang mananatiling buhay sa puso ng bawat nagtapos bilang paalala ng isang araw na minsan nilang pinangarap at sa wakas ay ganap nang natupad.

📸 𝘑𝘦𝘧𝘧 𝘋𝘢𝘯𝘪𝘦𝘭 𝘙𝘢ñ𝘰𝘭𝘢
👩🏻‍💻 𝘚𝘩𝘢𝘯𝘦𝘴𝘴𝘢 𝘖𝘮𝘢𝘱𝘰𝘺 & 𝘌𝘥𝘻 𝘈𝘥𝘳𝘪𝘢𝘯 𝘊𝘢𝘨𝘣𝘢𝘣𝘢𝘯𝘶𝘢

03/04/2026

𝐒𝐈𝐍𝐔𝐏𝐀𝐍 𝐍𝐆 𝐌𝐆𝐀 𝐋𝐀𝐑𝐀𝐖𝐀𝐍 𝟏 | Isang makabuluhan at makahulugang yugto ng tagumpay ang nasaksihan sa ginanap na 9th Commencement Exercises ng Monkayo National High School para sa Class of 2026 nitong Marso 30, 2026 sa Monkayo Dome. Sa gitna ng umaalingawngaw na palakpakan, masasayang ngiti, at mga matang hitik sa pangarap, buong dangal na tinahak ng mga nagsipagtapos ang entablado bilang pagkilala sa kanilang pagsisikap, tiyaga, at katatagan sa pagharap sa mga hamon ng kanilang pag-aaral.

Bawat sandali ng seremonya'y sumasalamin sa mahabang paglalakbay na kanilang tinahak, isang paglalakbay na hinubog ng pagpupursigi, sakripisyo, at walang humpay na pag-abot sa kanilang mga mithiin. Higit pa sa pagtanggap ng diploma at mga pagkilala, ipinamalas ng araw na ito ang bunga ng kanilang mga pangarap na minsang sinimulan lamang sa simpleng pag-asa at ngayo’y unti-unti nang nagiging ganap na katuparan.

Kasabay ng pagwawakas ng kanilang yugto sa Senior High School ay ang pagbubukas ng panibagong kabanata na hitik sa oportunidad, hamon, at mas matatayog na mithiin. Tunay ngang ang pagtatapos ay hindi lamang pagwawakas ng isang bahagi ng kanilang paglalakbay, kundi pagsisimula ng mas malawak na landas tungo sa kinabukasang kanilang tatahakin nang may tapang, dangal, at pag-asa.

📸 𝘑𝘦𝘧𝘧 𝘋𝘢𝘯𝘪𝘦𝘭 𝘙𝘢ñ𝘰𝘭𝘢
👩🏻‍💻 𝘚𝘩𝘢𝘯𝘦𝘴𝘴𝘢 𝘖𝘮𝘢𝘱𝘰𝘺 & 𝘌𝘥𝘻 𝘈𝘥𝘳𝘪𝘢𝘯 𝘊𝘢𝘨𝘣𝘢𝘣𝘢𝘯𝘶𝘢

01/04/2026

𝐒𝐈𝐍𝐔𝐏𝐀𝐍 𝐍𝐆 𝐌𝐆𝐀 𝐋𝐀𝐑𝐀𝐖𝐀𝐍 | Isang makabagbag-damdaming tagpo ng pagtatapos at panibagong simulain ang nasaksihan sa ginanap na 11th Moving-up Ceremony ng Monkayo National High School sa Monkayo Dome nitong Marso 30, 2026. Sa harap ng kanilang mga magulang, g**o, at kapwa mag-aaral, buong dangal na ipinagdiwang ng mga completers ang bunga ng kanilang pagsisikap at pagtitiyaga sa loob ng kanilang pananatili sa Junior High School.

Bawat ngiti, palakpakan, at hakbang patungo sa entablado ay sumasalamin sa mga pagsubok, sakripisyo, at alaala na kanilang nalampasan upang marating ang mahalagang yugtong ito. Hindi lamang ito simpleng seremonya ng pagkilala sa pagtatapos, kundi isa ring pagpupugay sa tibay ng loob at pangarap ng bawat kabataang handa nang humakbang tungo sa panibagong kabanata ng kanilang pag-aaral.

Higit pa sa puting kasuotan at mga parangal, pinatunayan ng araw na ito na ang bawat completer ay may dalang kwento ng pagpupursigi, pagbangon, at pag-asa. Tunay ngang ang moving-up ceremony ay hindi lamang pagwawakas ng isang yugto, kundi pagsisimula ng mas malawak na landas patungo sa kinabukasan.

📸 𝘑𝘦𝘧𝘧 𝘋𝘢𝘯𝘪𝘦𝘭 𝘙𝘢ñ𝘰𝘭𝘢
👩🏻‍💻 𝘚𝘩𝘢𝘯𝘦𝘴𝘴𝘢 𝘖𝘮𝘢𝘱𝘰𝘺 & 𝘙𝘰𝘯𝘦𝘦𝘯 𝘘𝘶𝘦𝘦𝘯 𝘓𝘦𝘥𝘦𝘴𝘮𝘢

01/04/2026

𝑺𝒂𝒎𝒑𝒖𝒏𝒈 𝑯𝒂𝒌𝒃𝒂𝒏𝒈, 𝑻𝒂𝒈𝒖𝒎𝒑𝒂𝒚 𝒂𝒏𝒈 𝑰𝒑𝒊𝒏𝒂𝒈𝒅𝒊𝒓𝒊𝒘𝒂𝒏𝒈 🧡🙌🏻✨

Hindi nasusukat sa ginto ang tagumpay, bagkus ito'y sa mga taong humahanga at nagpaparangal sa iyong paglalakbay.

Sa likod ng pagtatapos sa larangan ng Junior High School, may mga kuwentong nakaukit sa alaala, may kaakibat na kagandahan, kwento ng pagsubok, pagpupunyagi, at ng mga taong nagpupugay sa pagtatapos ng iyong paglalakbay.

Tila'y mga taong naging malapit sa ating buhay, ipinagdiriwang ang bawat hakbang at tagumpay, mga ilaw na maihahalintulad sa pamilya, itinuring ang karangalan ng isa bilang karangalan ng bawat isa.

Kaya't bilang pamilyang may pagkakaisa at pusong nagniningas, buong pusong binabati ng publikasyong Ang Dingas ang tagumpay ng mga manunulat na nagtapos sa paglalakbay sa larangan ng Junior High School.

Lubos ang aming paghanga sa pagkamit ng inyong pangarap, at nawa’y magsilbing inspirasyon ang inyong tagumpay sa bawat hakbang na tatahakin ninyo sa hinaharap. Yakapin ninyo ang bawat hamon, at dalhin ang mga aral at alaala ng inyong paglalakbay bilang gabay sa pag-abot ng mas mataas pang pangarap.

Sa pagtahak ninyo sa iba't ibang landas, nawa'y ipagmalaki ninyo ang pusong nagniningas at manatiling tapat sa inyong sarili, damhin ang pagiging kaakibat ng pag-unlad, sapagkat ang pamilyang minsang naging bahagi ng inyong paglalakbay ay hindi mawawala sa inyong puso at patuloy na magiging ilaw sa inyong buhay.

Sa huli, ang bawat hakbang na inyong tinahak ay patunay ng inyong sipag, tiyaga, at puso. Sa sampung hakbang na inyong nilakbay, tunay ngang tagumpay ay dapat ipagpugay. Muli, hindi matutumbasan ng anong salita ang aming pagmamalaki, salamat sa pagpapakita ng lakas, at pagmamahal sa paglago sa munting publikasyong Ang Dingas.

✍🏻 𝘙𝘰𝘫𝘢𝘯 𝘓𝘢𝘯𝘤𝘦 𝘍𝘳𝘢𝘯𝘤𝘪𝘴𝘤𝘰
👨🏻‍💻 𝘌𝘥𝘻 𝘈𝘥𝘳𝘪𝘢𝘯 𝘊𝘢𝘨𝘣𝘢𝘣𝘢𝘯𝘶𝘢

01/04/2026

𝐒𝐈𝐍𝐔𝐏𝐀𝐍 𝐍𝐆 𝐌𝐆𝐀 𝐋𝐀𝐑𝐀𝐖𝐀𝐍 | Isang makabuluhang yugto ng pagkilala at tagumpay ang nasaksihan sa ginanap na 54th Recognition Ceremony ng Monkayo National High School sa Monkayo Dome nitong Marso 31, 2026. Tampok sa naturang programa ang pagbibigay-pugay sa mga estudyanteng nagpamalas ng sipag, tiyaga, at kahusayan sa iba’t ibang larangan ng akademiko at ko-kurikular.

Sa bawat pangalang tinawag at parangal na iginawad, nasasalamin ang bunga ng kanilang pagpupursigi, sakripisyo, at walang sawang dedikasyon sa pag-abot ng kanilang mga pangarap. Naging simbolo rin ang seremonya ng inspirasyon at pagkilala sa mga kabataang patuloy na nagsisikap upang maitaguyod ang kanilang sarili at maipagmalaki ang kanilang paaralan.

Higit pa sa mga medalya at sertipiko, pinatunayan ng araw na ito na ang bawat tagumpay ay may kaakibat na kwento ng laban, pagbangon, at determinasyon. Tunay ngang ang pagkilala ay hindi lamang pagdiriwang ng panalo, kundi pagpupugay rin sa bawat hakbang na tinahak tungo sa tagumpay.

📸 𝘙𝘰𝘯𝘦𝘦𝘯 𝘘𝘶𝘦𝘦𝘯 𝘓𝘦𝘥𝘦𝘴𝘮𝘢
👩🏻‍💻 𝘚𝘩𝘢𝘯𝘦𝘴𝘴𝘢 𝘖𝘮𝘢𝘱𝘰𝘺 & 𝘙𝘰𝘯𝘦𝘦𝘯 𝘘𝘶𝘦𝘦𝘯 𝘓𝘦𝘥𝘦𝘴𝘮𝘢

01/04/2026

𝑰𝒏𝒊𝒍𝒂𝒕𝒉𝒂𝒍𝒂𝒏𝒈 𝑻𝒂𝒈𝒖𝒎𝒑𝒂𝒚: 𝑷𝒂𝒈𝒃𝒊𝒃𝒊𝒈𝒂𝒚-𝒑𝒖𝒈𝒂𝒚 𝒔𝒂 𝑵𝒂𝒕𝒂𝒎𝒐𝒏𝒈 𝑯𝒖𝒔𝒂𝒚 🎓🧡✨

Hindi lamang ito ang tagumpay ng isa, bagkus ay ang tagumpay ng bawat isa—simbolo ng ating husay at pagkakaisa bilang isang pamilya.

Sa bawat artikulo, editoryal, at akdang pampahayagan na ating ginagawa, natutunan natin na bumuo ng isang samahang hindi lamang para sa pagsusulat, kundi para sa pagkalinga at pagtutulungan ng bawat isa. Isang pamilyang handang magpunyagi sa bawat hakbang tungo sa husay at tagumpay.

Sa pagdating ng araw ng pagkamit ng ating mga pangarap, sama-sama nating ipagdiwang hindi lamang ang mga natamo kundi pati ang bawat hakbang at sakripisyo. Ipagpugay natin ang tagumpay hindi lamang bilang kaibigan, bagkus bilang isang pamilyang nagtutulungan.

Kaya't buong pusong nagbibigay-pugay ang pamilyang Ang Dingas sa mga nagtapos sa paglalakbay sa larangan ng SHS. Binabati namin kayo sa inyong tagumpay at kahusayan, at nawa’y magsilbing inspirasyon ang inyong dedikasyon sa lahat ng susunod pang hamon.

Dahil ang karangalang ito ay karangalan na rin namin, malugod namin itong ipagdiriwang at pahahalagahan. Kami ay magiging tanglaw na palaging sumusuporta sa pagkamit ng inyong medalya at diploma. Nawa’y magpatuloy ang inyong husay at dedikasyon, hindi bilang huwad kundi bilang kaakibat sa pag-unlad.

Sa huli, ang bawat tagumpay na ating ipinagdiriwang ay patunay ng ating sama-samang husay. Tiyak ngang ang tagumpay ng isa ay tagumpay ng bawat isa. Muli, kami'y saludong saludo sa karangalang inyong natamo, tunay ngang ang samahang pusong nagniningas ay ang pamilyang Ang Dingas.

✍🏻 𝘙𝘰𝘫𝘢𝘯 𝘓𝘢𝘯𝘤𝘦 𝘍𝘳𝘢𝘯𝘤𝘪𝘴𝘤𝘰
👨🏻‍💻 𝘌𝘥𝘻 𝘈𝘥𝘳𝘪𝘢𝘯 𝘊𝘢𝘨𝘣𝘢𝘣𝘢𝘯𝘶𝘢

20/03/2026

𝐒𝐈𝐍𝐔𝐏𝐀𝐍 𝐍𝐆 𝐌𝐆𝐀 𝐋𝐀𝐑𝐀𝐖𝐀𝐍 | Itinampok ng SPJ Recital 2026 ang husay at galing ng mga estudyante mula sa Special Program in Journalism ng Monkayo National High School sa Municipal Dome nitong Marso 17. Ang bawat pagtatanghal ay nagsilbing plataporma para ipahayag ang boses ng kabataang mamamahayag at ipakita ang kanilang dedikasyon sa pamamahayag.

Sa pamamagitan ng iba’t ibang presentasyon gaya ng radio broadcasting, pagsulat ng balita at editoryal, at photojournalism, naipamalas ng mga kalahok ang kanilang kakayahan sa paghahatid ng tama at makabuluhang impormasyon. Bawat palabas ay sumasalamin sa kanilang sipag, tiyaga, at pagmamahal sa larangan ng pamamahayag.

Higit pa rito, nagbigay ang recital ng pagkakataon upang marinig ang perspektibo ng kabataan sa mga isyu at karanasan ng komunidad. Pinatunayan ng SPJ students na kaya nilang magmulat ng isipan, magbigay-liwanag, at magpahalaga sa katotohanan sa kabila ng mabilis na pagbabago ng lipunan.

📸 Jeff Dan Rañola
👨‍💻 Edz Adrian D. Cagbabanua

20/03/2026

𝐋𝐀𝐓𝐇𝐀𝐋𝐀𝐈𝐍 | 𝗥𝗲𝘆𝗻𝗮 𝗻𝗴 𝗣𝗮𝗻𝘂𝗹𝗮𝘁, 𝗜𝗻𝘀𝗽𝗶𝗿𝗮𝘀𝘆𝗼𝗻 𝗮𝗻𝗴 𝗜𝘀𝗶𝗻𝗶𝘄𝗮𝗹𝗮𝘁

Hindi lang siya isang simpleng punong patnugot; siya ay isang tanglaw na gumigising sa konsensya, nagbubukas ng mata sa katotohanan, at nagbibigay-liwanag sa landas ng pagkakaisa at hustisya.

Sa bawat pangungusap sa kaniyang talumpati, bumabalot ang damdamin ng isang tunay na mamamahayag. Bawat salita ay piniling magsilbing salamin ng katotohanan at gabay sa katarungan. Hindi lamang ito isang simpleng pahayag, bagkus ito ay tinig na kumikilos bilang paalala at inspirasyon sa bawat isa na ang pamamahayag ay hindi lamang tungkol sa pagsungkit ng mga parangal, kundi tungkol sa paglilingkod sa katotohanan at sa bayan.

Bilang paglalahad ng mga natutunan, paliwanag ng punong patnugot ng Ang Dingas Publication, Roneen Queen Ledesma: "You don't have to be the best to START, you need to start to become the BEST. Minsan iniisip natin na kailangan magaling na agad bago sumali sa journalism, ngunit ang totoo, lahat ng mahuhusay na manunulat ay nagsimula rin bilang baguhan. Kailangan lamang ang 3P: puso, pagsisikap, at paninindigan."

Mula sa kaniyang mga natutunan, bawat salita at kilos ay nagiging inspirasyon para sa kabataan paalala na ang tunay na mamamahayag ay may pusong nag-aalab at kaalamang nagliliyab. Ipinapakita niya na ang kabataan ay may kakayahang maging instrumento ng pagbabago, tagapagtanggol ng katarungan, at liwanag ng pag-asa sa lipunan.

Kaya't nararapat na ang kabataan ay maging tagapagdala ng kanyang mensahe, maglingkod nang may integridad, at patuloy na magbigay-liwanag sa madilim na sulok ng lipunan, dahil sa bawat pangungusap sa kaniyang talumpati, napatunayan niya na kaya niyang magbigay-gabay at magsilbing Reyna ng Panulat na inspirasyon ang Isisiwalat.

✍🏻Rojan Lance Francisco
📸Jeff Daniel Rañola

20/03/2026

𝐋𝐀𝐓𝐇𝐀𝐋𝐀𝐈𝐍 | 𝗧𝗮𝗻𝗴𝗟𝗔𝗢 𝘀𝗮 𝗞𝗮𝘁𝗼𝘁𝗼𝗵𝗮𝗻𝗮𝗻: 𝗠𝗲𝗻𝘀𝗮𝗵𝗲 𝗻𝗴 𝗣𝗮𝗻𝗶𝗻𝗶𝗻𝗱𝗶𝗴𝗮𝗻

Hindi ang perpekto ang sukatan, kundi ang tapang na magsalaysay ng katotohanan.

Sa bawat talumpati, taglay ng kaniyang salita ang pagiging kaakibat ng pagbabago, na parang apoy na dahan-dahang nagliliyab sa puso ng nakikinig. Ipinapakita nito na ang paunang bahagi ng paglalakbay sa pamamahayag ay maaaring hindi perpekto, ngunit nagiging obra maestra kapag may kababaang-loob. Hinihikayat nito ang mga kabataan na bumangon mula sa kawalan at sumulong patungo sa mas maliwanag na kinabukasan.

Tulad ng sinabi ni Klayd Eli Lao, Punong Patnugot ng The Spark:
“Every draft is messy; however, it will become a masterpiece once you put your endless patience and humility.”

Tila nagmarka ng malalim na kahulugan ang kaniyang mga salita para sa kabataan, na ang bawat simula, gaano man ito kagulo o hindi perpekto, ay maaaring maging dakila, dahil ang paglalakbay sa mundo ng pamahayagan ay may prosesong magbibigay ng luhang rumaragasa o ngiting abot tainga.

Kaya't ang tunay na sukatan ng isang tagapagsalita o manunulat ay hindi ang kadalisayan ng kanyang unang bersyon, kundi ang tapang at determinasyon na ipahayag ang katotohanan at katarungan. Sa inspirasyong kaniyang ipinahiwatig, napatunayan niyang kahit ito man ang kaniyang “huling El Bimbo” sa pamamahayag, kaya pa rin niyang magsilbi bilang TangLAO sa Katotohanan na may Mensahe ng Paninindigan.

✍🏻Rojan Lance Francisco
📸: Jeff Daniel Rañola

19/03/2026

19/03/2026

𝐓𝐈𝐍𝐆𝐍𝐀𝐍 | Hapon ng Marso 17, ipinamalas ng mga mag-aaral mula sa Special Program in Journalism (SPJ) ng Monkayo National High School ang kanilang husay sa Municipal Dome ng Monkayo bilang bahagi ng Recital 2026.

Sa pamamagitan ng iba’t ibang presentasyon gaya ng radio broadcasting, pag-uulat, at pagsulat ng editoryal, naipakita ng mga kalahok ang kanilang kakayahan sa paghahatid ng balita at impormasyon. Bawat pagtatanghal ay sumasalamin sa kanilang sipag, disiplina, at dedikasyon sa larangan ng pamamahayag.

Hindi lamang ito naging entablado ng talento kundi isang pagkakataon upang marinig ang tinig ng kabataang mamamahayag. Pinatunayan ng SPJ na ang kanilang boses ay may lakas na magmulat, magbigay-kaalaman, at magbigay-halaga sa katotohanan sa gitna ng patuloy na pagbabago ng lipunan.

✍🏻Roneen Queen Ledesma
Mobile Journalist: Khylle Coja

18/03/2026

𝐁𝐀𝐋𝐈𝐓𝐀 | 𝗞𝘂𝗺𝗽𝘆𝗮𝗻𝘀𝗮 𝗮𝘁 𝗴𝗮𝗹𝗶𝗻𝗴 𝘀𝗮 𝗽𝗮𝗺𝗽𝗮𝗹𝗮𝗸𝗮𝘀𝗮𝗻 𝘁𝗮𝗺𝗽𝗼𝗸 𝘀𝗮 𝗦𝗣𝗦 𝗥𝗲𝗰𝗶𝘁𝗮𝗹 2026

Tampok sa programang bahagi ng Recital 2026 ang Special Program in Sports (SPS) ng Monkayo National High School, kung saan ibinahagi ng SPS ang kanilang galing at aktibong galaw sa sining ng pampalakasan sa bawat grupong kinabibilangan.

Bumida ang mga combative sports katulad ng; Arnis, Gymnastics, Boxing, at Taekwondo na itinanghal sa Monkayo Dome nitong Marso 17, araw ng Martes.

Sa Pangunguna ng mga Sport Specialist at SPS coordinator, mahusay na naipinamalas ng bawat estudyante ang galing sa kani-kanilang espesyalisasyon. Sa programang kumakatawan sa temang “HIYAS: ANG GINTONG DIWA NG MONKAYO”, kalahok ang aktibong suporta at presensya ng bawat magulang ng mga manglalahok ay matagumpay na naitawid ang programa.

Ayon kay Chrisha mae Biarcal, SPS Aerobic gymnastic student. “Our SPS recital helps me grow by boosting my confidence and letting me express myself better. It also teaches me discipline through practice, improves teamwork, and helps me stay calm and think fast during performances.”

Malaki ang naging handog ng aktibidad na ito sa bawat kalahok ng programa, na nagsilbing aral at disiplina sa karanasan ng bawat kalahok.

“Ang kaning program kay magpakita kung unsa tong ilahang nakat-unan every year. diria ra sa recital ma-awardan ug ma-acknowledge ang mga student nga naningkamot ug ni-shine sailahang specialization.” Ani ni Mae Ann Gler, SPS Coordinator.

Higit pa rito, ang programa ay nagsilbing tulay sa epektibong paghihikayat sa mga nakababatang henerasyon, at sa patuloy na suporta ng mga magulang patungo sa mas mataas na pribeliheyo sa mga lalahok dito.

Samantala, matapos ang nakakabilib na pagganap ng bawat kalahok, ay nagpatuloy nang ipinagkaloob ang pagkilala sa angking galing ng bawat indibidwal sa kanilang espesyalisasyon, ito ay nagbigay motibasyon na magpatuloy at mas hubugin ang kasanayan na mayroon ang bawat isa.

✍🏻 Handrea Jane Lingaya
🎥 Jeff Daniel Rañola
👨🏻‍💻 Edz Adrian Cagbabanua