19/08/2026
Talagang Iba Na ang Panahon Ngayon
Ganito na ba talaga ang panahon ngayon, mga kabataan? Tanong ko lang talaga. Hindi rin natin puwedeng sabihin na dahil sa Roblox o mga online games kaya sila nakakagawa ng krimen. Noong panahon ng ’90s, naglalaro rin naman kami ng mga games tulad ng Counter-Strike, pero malaki pa rin ang respeto namin sa mga teacher namin.
Noon, kapag napapatamaan kami ng eraser ng teacher, tinatawanan lang namin at hindi agad ginagawang malaking problema. Ngayon, minsan kaunting pang-aasar o pagkakainis lang, parang hindi na kayang tiisin at maaari pang maging dahilan ng matinding away.
Kung nabubully man, may teacher, magulang, o trusted adult naman na puwedeng lapitan at kausapin. Hindi naman kailangang solusyunan ang problema sa pamamagitan ng violence o paggawa ng masama.
Isa rin sa napapansin ko ngayon ay parang unti-unting nawawala sa ibang kabataan ang kultura ng respeto. Noon, kahit kakilala mo, tinatawag mo silang Kuya, Ate, Tita, Tito, Lolo, Lola, Uncle o Auntie bilang pagpapakita ng respeto. Ngayon, minsan diretso na lang tinatawag sa pangalan, kahit mas matanda pa sa iyo.
Hindi naman ibig sabihin na lahat ng kabataan ngayon ay ganito. Marami pa rin ang mababait, magagalang at may magandang asal. Pero bilang mga nakatatanda at mga magulang, mahalagang turuan natin sila ng respeto, pagpipigil sa emosyon, at paglutas ng problema sa pamamagitan ng maayos na pag-uusap, hindi sa pamamagitan ng violence.
Talagang iba na ang panahon ngayon, pero sana ang respeto at mabuting asal ay hindi magbago. 😔
