![[REPOST] NAGKAKAISANG PAHAYAG NG CLSU STUDENT PRESS COMMUNITY HINGGIL SA TOBOSO 19 MASSACREMariing kinukundena ng mga pu...](https://img5.medioq.com/692/313/122169348476923138.jpg)
03/05/2026
[REPOST]
NAGKAKAISANG PAHAYAG NG CLSU STUDENT PRESS COMMUNITY HINGGIL SA TOBOSO 19 MASSACRE
Mariing kinukundena ng mga publikasyon at samahan ng mga estudyante-mamahayag ng Central Luzon State University (CLSU) ang pagpaslang ng Armed Forces of the Philippines (AFP) sa siyam (9) na sibilyan sa isinagawa nitong operasyong militar sa Toboso, Negros Occidental, noong Abril 19. Sibilyan, mga estudyante, mamamahayag, researcher, at advocates ang kabilang sa mga naiulat na nasawi—isang tahasang pagyurak sa karapatang pantao na nangangailangan ng taimtim na pagtawag ng hustisya.
Kinabibilangan ng mga naiulat na biktima ang aming kapwa mamamahayag na si RJ Ledesma, regional coordinator ng Altermidya sa Negros, at Editor-in-chief ng Paghimutad – Negros Alternative Media. Ang buhay-mamamahayag ni Ledesma ay umikot sa paglubog sa kanayunan, pakikipamuhay sa mga rural na komunidad, at paglilimbag ng mga istoryang hindi sa kanya, kundi mga kwento ng tunay na kalagayan ng mga tunay na taong kanyang nakakadaupang-palad: mga magsasaka, mga manggagawa, at mga simpleng mamamayan.
Isa siya sa nagbigay ng boses sa mga magsasaka sa kanilang mga hinaing sa lupang sakahan, sa pait na dinaranas ng mga nagtatrabaho sa tubuhan, at sa kawalan ng tirahan ng mga pamilya sa ngalan ng huwad na pag-unlad.
Gayundin ang mga estudyante ng University of the Philippines na sina Alyssa Alano, Education and Research Councilor ng UP Diliman Student Council, at Maureen Keil Santuyo, peasant advocate ng National Network of Agrarian Reform Alliance – Youth (NNARA-Youth), at Errol Wendel, peasant organizer mula sa Unyon ng Manggagawang Agrikultura (UMA). Kabilang din sa mga nasawi ang dalawang menor de edad.
Bagaman patuloy ang paninindigan ng AFP na armado ang ilan sa mga nasawi at tahasang nagpapakalat ang mga social media trolls ng mga retrato ng mga wala nang buhay na indibidwal na may katabing mga di umano ay mga baril, hindi ito sapat na batayan ng estado upang bansagan silang mga miyembro ng New People’s Army lalo na at may kasaysayan ang AFP ng pagtatanim ng mga ebidensya sa mga kasong kagaya nito. Nauna nang kinompirma ng Communist Party of the Philippines sa isang email exchange sa Philippine Collegian na sina Ledesma at Alano ay hindi nila kaanib.
Sila ay nasa Negros lamang upang makipamuhay at alamin ang kondisyon ng mga magsasaka sa naturang isla, bagay na mahalagang gawain para sa mga mamamahayag upang tunay na maintindihan at matukoy ang mga suliranin nang sa gayon ay epektibong maipahayag ang mga nilalaman ng balita gamit ang mga nakalap na impormasyong hindi maibibigay ng mga aklat at apat na sulok ng paaralan. Ang tahasang pagpaslang at pagbansag sa kanila bilang mga ‘terorista’ ay isang direktang pag-atake sa kanilang konstitusyonal na karapatang tinatamasa dapat ng lahat.
Naisusulat din sa International Humanitarian Law ang proteksyon para sa mga sibilyan, na kanilang binigyang-kahulugan bilang mga indibidwal na hindi mga miyembro at nakikibahagi sa sandatahang lakas o alinmang armadong grupo. Isa ang Pilipinas sa nag-ratipika ng batas na ito at iprinoklama taong 1956.
Hinding-hindi kailanman maituturing na terorismo ang paglilingkod sa masa. Sa halip, ang tanging krimen na nangingibabaw dito ay pagtapak sa karapatang pantao, bagay na itinuturing na krimen at ipinagbabawal mismo ng Batas Republika Blg. 9851 o ang Philippine Act on Crimes Against International Humanitarian Law, Genocide, and Other Crimes Against Humanity.
Isang malaking kabalintunaan na ang mismong inaasahang magpatupad at sumunod sa batas na ito ay sila pang nangunguna sa pagsuway. Sa panahon ngayong pinapaslang ang mga ordinaryong mamamayang ang adhika lamang ay matulungan ang kanilang kapwa, nararapat nang lalong paigtingin ang panawagan para sa hustisya ng mga nasawi at proteksyon para sa mga patuloy sa paglilingkod sa kabila ng peligrong mismong ang gobyerno ang nagpapalaganap.
Nakikiramay ang buong CLSU Student Press Community sa mga pamilya ng mga sibilyang napatay sa gitna ng operasyong militar. Ipinananawagan rin namin na puspusin ng kinauukulan ang legal na pamamaraan at aspeto upang makamit ang hustisya sa mga buhay na sana’y magsisilbi pa para sa ating bayan.
Defend Press Freedom.
NAGKAKAISANG PAHAYAG NG CLSU STUDENT PRESS COMMUNITY HINGGIL SA TOBOSO 19 MASSACRE
Mariing kinukundena ng mga publikasyon at samahan ng mga estudyante-mamahayag ng Central Luzon State University (CLSU) ang pagpaslang ng Armed Forces of the Philippines (AFP) sa siyam (9) na sibilyan sa isinagawa nitong operasyong militar sa Toboso, Negros Occidental, noong Abril 19. Sibilyan, mga estudyante, mamamahayag, researcher, at advocates ang kabilang sa mga naiulat na nasawi—isang tahasang pagyurak sa karapatang pantao na nangangailangan ng taimtim na pagtawag ng hustisya.
Kinabibilangan ng mga naiulat na biktima ang aming kapwa mamamahayag na si RJ Ledesma, regional coordinator ng Altermidya sa Negros, at Editor-in-chief ng Paghimutad – Negros Alternative Media. Ang buhay-mamamahayag ni Ledesma ay umikot sa paglubog sa kanayunan, pakikipamuhay sa mga rural na komunidad, at paglilimbag ng mga istoryang hindi sa kanya, kundi mga kwento ng tunay na kalagayan ng mga tunay na taong kanyang nakakadaupang-palad: mga magsasaka, mga manggagawa, at mga simpleng mamamayan.
Isa siya sa nagbigay ng boses sa mga magsasaka sa kanilang mga hinaing sa lupang sakahan, sa pait na dinaranas ng mga nagtatrabaho sa tubuhan, at sa kawalan ng tirahan ng mga pamilya sa ngalan ng huwad na pag-unlad.
Gayundin ang mga estudyante ng University of the Philippines na sina Alyssa Alano, Education and Research Councilor ng UP Diliman Student Council, at Maureen Keil Santuyo, peasant advocate ng National Network of Agrarian Reform Advocates – Youth (NNARA-Youth), at Errol Wendel, peasant organizer mula sa Unyon ng Manggagawa sa Agrikultura (UMA). Kabilang din sa mga nasawi ang dalawang menor de edad.
Bagaman patuloy ang paninindigan ng AFP na armado ang ilan sa mga nasawi at tahasang nagpapakalat ang mga social media trolls ng mga retrato ng mga wala nang buhay na indibidwal na may katabing mga di umano ay mga baril, hindi ito sapat na batayan ng estado upang bansagan silang mga miyembro ng New People’s Army lalo na at may kasaysayan ang AFP ng pagtatanim ng mga ebidensya sa mga kasong kagaya nito. Nauna nang kinompirma ng Communist Party of the Philippines sa isang email exchange sa Philippine Collegian na sina Ledesma at Alano ay hindi nila kaanib.
Sila ay nasa Negros lamang upang makipamuhay at alamin ang kondisyon ng mga magsasaka sa naturang isla, bagay na mahalagang gawain para sa mga mamamahayag upang tunay na maintindihan at matukoy ang mga suliranin nang sa gayon ay epektibong maipahayag ang mga nilalaman ng balita gamit ang mga nakalap na impormasyong hindi maibibigay ng mga aklat at apat na sulok ng paaralan. Ang tahasang pagpaslang at pagbansag sa kanila bilang mga ‘terorista’ ay isang direktang pag-atake sa kanilang konstitusyonal na karapatang tinatamasa dapat ng lahat.
Naisusulat din sa International Humanitarian Law ang proteksyon para sa mga sibilyan, na kanilang binigyang-kahulugan bilang mga indibidwal na hindi mga miyembro at nakikibahagi sa sandatahang lakas o alinmang armadong grupo. Isa ang Pilipinas sa nag-ratipika ng batas na ito at iprinoklama taong 1956.
Hinding-hindi kailanman maituturing na terorismo ang paglilingkod sa masa. Sa halip, ang tanging krimen na nangingibabaw dito ay pagtapak sa karapatang pantao, bagay na itinuturing na krimen at ipinagbabawal mismo ng Batas Republika Blg. 9851 o ang Philippine Act on Crimes Against International Humanitarian Law, Genocide, and Other Crimes Against Humanity.
Isang malaking kabalintunaan na ang mismong inaasahang magpatupad at sumunod sa batas na ito ay sila pang nangunguna sa pagsuway. Sa panahon ngayong pinapaslang ang mga ordinaryong mamamayang ang adhika lamang ay matulungan ang kanilang kapwa, nararapat nang lalong paigtingin ang panawagan para sa hustisya ng mga nasawi at proteksyon para sa mga patuloy sa paglilingkod sa kabila ng peligrong mismong ang gobyerno ang nagpapalaganap.
Nakikiramay ang buong CLSU Student Press Community sa mga pamilya ng mga sibilyang napatay sa gitna ng operasyong militar. Ipinananawagan rin namin na puspusin ng kinauukulan ang legal na pamamaraan at aspeto upang makamit ang hustisya sa mga buhay na sana’y magsisilbi pa para sa ating bayan.
Defend Press Freedom.
