Pahayagang Bedista

Pahayagang Bedista Opisyal na Pahayagang Filipino ng mga Mag-aaral ng San Beda College Alabang - High School Unit

TIGNAN | Bagong Grade 9 HSSC Representatives at Board Members, Itinalaga naNagtabla ang tatlong mag-aaral mula sa Baitan...
16/08/2026

TIGNAN | Bagong Grade 9 HSSC Representatives at Board Members, Itinalaga na

Nagtabla ang tatlong mag-aaral mula sa Baitang 9 sa isinagawang pagpili ng High School Student Council (HSSC) Representatives sa Manny Reyes Hall noong Hulyo 24, 2026.

Nanguna sina Cara Carabuena, Annika Concepcion, at Julianne Guzman na kapwa nakakuha ng 12 boto. Alinsunod dito, naglabas ng pahayag ang Commission on Student Elections – High School Unit hinggil sa proseso ng pagtukoy sa mga mananalo matapos ang isinagawang halalan.

Binigyang-linaw ng Komisyon ang proseso ng pagpili dahil dalawang miyembro lamang ang dapat mahalal bilang HSSC Representatives. Ayon sa Omnibus Election Rules, Article XV, Section 2, tutukuyin ang mananaig sa pamamagitan ng coin toss sakaling magkaroon ng tabla.

Gayunpaman, hindi na isinagawa ang nasabing paraan matapos magpaubaya si Julianne Guzman, na nagbigay-daan kina Cara Carabuena at Annika Concepcion na makuha ang dalawang puwesto bilang HSSC Representatives.

Samantala, itinalaga naman sina Bela Anatalio bilang Board Member para sa Arts, Social Science, and Humanities (ASSH) at Alyssa Geraldizo bilang Board Member para sa Business and Entrepreneurship (BE).

Ang nasabing halalan ay nilahukan ng 30 botante mula sa Baitang 9.

Isinulat ni: Sofia Giga
Idinisenyo ni: Felicity Rebosura

TIGNAN | Inanunsyo ng Office of the Director for Basic Education ang paglipat sa online learning modality mula Setyembre...
15/08/2026

TIGNAN | Inanunsyo ng Office of the Director for Basic Education ang paglipat sa online learning modality mula Setyembre 1 hanggang 15, 2026, matapos italaga ng Supreme Court ang San Beda College Alabang bilang Pambansang Punong-tanggapan ng 2026 Bar Examinations.

Sa nasabing panahon, isasagawa ang mga klase online sa pamamagitan ng LMS platforms, Genyo NXT, at Microsoft Teams. Magbabalik sa onsite learning ang mga mag-aaral sa Setyembre 16, 2026.

Isinulat ni: Sofia V. Giga
Idinisenyo ni: Kendra Sabino

BALITA | PB, kinilala ang bagong Lupon ng Editoryal para sa Taong Panuruan 2026–2027Matapos ang iskrining para sa mga ba...
14/08/2026

BALITA | PB, kinilala ang bagong Lupon ng Editoryal para sa Taong Panuruan 2026–2027

Matapos ang iskrining para sa mga bagong miyembro ng publikasyon, tinukoy din ang bagong lupon ng editoryal ng Pahayagang Bedista para sa Taong Panuruan 2026–2027.

Si Martha Ashley D. Areglado, isang mag-aaral mula sa STEM HAS 12 - A, ang mangunguna bilang pinuno ng bagong lupon ng mga patnugot. Sa kanyang pahayag, binigyang diin niya ang katapatan bilang pangunahing prinsipyo ng pahayagang pangkampus upang magkaroon ng daan sa katotohanan, integridad, at paglilingkod.

"Alam na natin ang ating layunin, ito ay gamitin ang panulat bilang kasangkapan sa katotohanan, integridad, at paglilingkod. Narito tayo upang magbigay boses sa mga tao. Sa bawat kwento na ating iuulat, nawa'y maging tapat tayo, matapang sa pagtatanong, at may pagmamalasakit sa kapwa." ani ni Areglado.

Naganap ang nasabing pagpapakilala sa mga bahagi ng editoryal noong July 24, 2026, sa oras ng club.

Isinulat ni: Sofia V. Giga
Idinisenyo ni: Kendra Sabino

TINGNAN | SLG NAGTAMPOK NG MGA FOOD BOOTHNagtampok ang Student Law Government (SLG) ng College of Law ng iba’t ibang foo...
30/07/2026

TINGNAN | SLG NAGTAMPOK NG MGA FOOD BOOTH

Nagtampok ang Student Law Government (SLG) ng College of Law ng iba’t ibang food booths mula sa Daily Greens PH, Wrap & Steam, Captain Calamares, Gie’s Little Shop, Le Bébé Café, Waffle & Co., at Biko ni Chef Negro bilang bahagi ng tatlong araw na programa para sa mga freshman at transferee na magtatagal hanggang Agosto 1.

Isinulat ni: Martha Ashley D. Areglado (S12A)
Kuha ni: Gavrylle Elishaheart A. Garboso (A12D)

TINGNAN | SAN BEDA PINAIGTING ANG ACCESS MONITORINGBilang bahagi ng pagpapatibay ng seguridad sa campus, ipinatupad ng S...
27/07/2026

TINGNAN | SAN BEDA PINAIGTING ANG ACCESS MONITORING

Bilang bahagi ng pagpapatibay ng seguridad sa campus, ipinatupad ng San Beda College Alabang ang RFID kiosks sa mga pangunahing gate at piling lokasyon sa loob ng paaralan sa pamamagitan ng Orange Apps at pakikipagtulungan ng iba’t ibang tanggapan ng paaralan.

Ayon kay Ms. Joana Marie E. Jovida, “Layunin nitong mapabilis ang pagsubaybay ng attendance, mapahusay ang seguridad at kaligtasan ng mag-aaral, at magkaroon ng mas maayos na access system para sa kabutihan ng paaralan.”

Isinulat ni: Matthew Andrei T. Bolido (S12G)
Kuha ni: Gavrylle Elishaheart A. Garboso (A12D)

TINGNAN | ADMINISTRASYON NAGSAGAWA NG EARTHQUAKE DRILLNakiisa ang mga mag-aaral mula Baitang 1 hanggang 12 at mga kawani...
27/07/2026

TINGNAN | ADMINISTRASYON NAGSAGAWA NG EARTHQUAKE DRILL
Nakiisa ang mga mag-aaral mula Baitang 1 hanggang 12 at mga kawani sa earthquake drill na isinagawa ng administrasyon sa harap ng Christ the King Building bilang paghahanda sa mga posibleng emergency, noong 8:00 AM.

Isinulat ni: Martha Ashley D. Areglado
Kuha nina: Gavrylle Elishaheart A. Garboso at Aliana Kyla F. Abrigo

TINGNAN | COMSELEC NAGDAOS NG HALALAN PARA SA IKA-9 NA BAITANGNagsagawa ng halalan ang Commission on Student Elections (...
24/07/2026

TINGNAN | COMSELEC NAGDAOS NG HALALAN PARA SA IKA-9 NA BAITANG

Nagsagawa ng halalan ang Commission on Student Elections (COMSELEC) sa Bulwagang Manny Reyes upang matiyak ang representasyon ng ika-9 na baitang sa High School Student Council (HSSC) at Technical High School Student Council (THSSC). Dumalo rito ang mga pangulo, pangalawang pangulo, at kalihim ng bawat klase sa ika-9 na baitang, kasama ang mga opisyal ng COMSELEC, HSSC, at THSSC, upang pumili ng tig-anim na mag-aaral na magsisilbing boses ng kanilang baitang sa bawat student council, sa ika-24 ng Hulyo 2026.

Isinulat ni: Cairis Victoria Y. Patinio (BE11B)
Mga kuha ni: Gavrylle Elishaheart A. Garboso (A12D)

Maalab na binabati ng Pahayagang Bedista ang mga bago at nagbabalik nitong mamamahayag ngayong T.P. 2026-27.Ipinakikilal...
22/07/2026

Maalab na binabati ng Pahayagang Bedista ang mga bago at nagbabalik nitong mamamahayag ngayong T.P. 2026-27.

Ipinakikilala ang 46 mag-aaral mula sa ika-9 hanggang ika-12 baitang na nakapasa sa Pagsusulit para sa mga Korespondent, Artist, Layout Artist, at Photojournalist (PAGKALAP).

Ang pagpili na sumapi sa pahayagang pang-mag-aaral ay pagpili na isulong, sa pamamagitan ng panulat at sining, ang tunay na interes ng kapwa mag-aaral. Lampas pa rito, nangangahulugan din itong pagpili na makisangkot sa mga kinahaharap na isyu ng lipunang Pilipino.

Ngayon, higit kailanman, pinaninindigan ng Pahayagang Bedista ang pagpapaigting sa: tinig ng taumbayan, gatla ng kalayaan!



GALERIYA: Sa unang Biyernes ng A.T. 2026–2027, ika-17 ng Hulyo, nagtipon ang mga High School Bedans sa kani-kanilang nap...
18/07/2026

GALERIYA: Sa unang Biyernes ng A.T. 2026–2027, ika-17 ng Hulyo, nagtipon ang mga High School Bedans sa kani-kanilang napiling organisasyon. Mula sa mga pagtatanghal ng sining o iba pang interes at talento hanggang sa mga oryentasyong nakalaan upang gumabay at sumagot sa mga katanungan, ang lahat ng ito ay nagsilbing magandang panimula para sa isang mabungang taon ng mga mag-aaral.

Kapsyon nina Anastasia Ysabelle Bohol at Mary Joyce Petilla
Larawan nina Janine Peneyra, Anastasia Ysabelle Bohol at Mary Joyce Petilla

TINGNAN: Isinagawa ang screening examination para sa mga aplikante ng Pahayagang Bedista ngayong unang araw ng club, ika...
17/07/2026

TINGNAN: Isinagawa ang screening examination para sa mga aplikante ng Pahayagang Bedista ngayong unang araw ng club, ika-17 ng Hulyo. Sa pamamagitan ng screening na ito, inaasahang maipamalas ang kanilang kakayahan sa pagsusulat, pagdidibuho, at pagkuha ng larawan.

Kapsyon ni Julia Valerie Manalese
Larawan nina Janine Peneyra, Aliana Kyla Abrigo, at Julia Valerie Manalese

Address

8 Don Manolo Boulevard, Cupang
Muntinlupa City
1770

Opening Hours

Monday 7am - 5pm
Tuesday 7am - 5pm
Wednesday 7am - 5pm
Thursday 7am - 5pm
Friday 7am - 5pm

Website

Alerts

Be the first to know and let us send you an email when Pahayagang Bedista posts news and promotions. Your email address will not be used for any other purpose, and you can unsubscribe at any time.

Shortcuts

Share

Category