Tingraw

29/03/2026

Let us celebrate another meaningful milestone in the lives of our students for the Junior High School’s 11th Moving Up Ceremony.

Witness their journey, honor their achievements, and be inspired as they take the next step toward a brighter future.

29/03/2026

Tomorrow will be Calabanga National Science High School’s 60th Recognition Day, a special celebration honoring the hard work, achievements, and dedication of our students.

Join us as we recognize the outstanding efforts and accomplishments of our learners. This meaningful occasion highlights not only academic excellence but also perseverance, growth, and character.

28/03/2026

𝐓𝐈𝐍𝐆𝐍𝐀𝐍 | 𝐓𝐮𝐫𝐧-𝐨𝐯𝐞𝐫 𝐏𝐫𝐨𝐣𝐞𝐜𝐭, 𝐆𝐨𝐥𝐝𝐞𝐧 𝐑𝐞𝐮𝐧𝐢𝐨𝐧, 𝐢𝐬𝐢𝐧𝐚𝐠𝐚𝐰𝐚 𝐧𝐠 𝐂𝐍𝐇𝐒 𝐁𝐚𝐭𝐜𝐡 𝟏𝟗𝟕𝟔

Matagumpay na isinagawa ng Batch 1976 ng Calabanga High School ang kanilang “Golden Reunion” bilang pagdiriwang ng ika-50 anibersaryo, kalakip ang isang turn-over ng makabuluhang proyekto nito para sa paaralan sa pangunguna nina nina Jaime Dulce, Rodel Coballes at Elsa Azañes, mga opisyal ng nabanggit na Batch.

Nagsimula ang programa sa isang motorcade at sinundan ng thanksgiving mass na pinangunahan ni Rev. Fr. Nelson D. Zaballa sa CNSHS Pavilion.

Isinagawa rin ang pormal na pagbabasbas ng proyekto bago ang pananghalian at opening program kung saan tampok sa programa ang turnover ng proyektong “Roofing of the Pathway” na opisyal na ipinagkaloob ng Batch 1976 sa pamunuan ng paaralan.

Tinanggap ito ni G. Lope C. Espiritu, punong g**o ng CNSHS bilang bahagi ng patuloy na pagpapabuti ng pasilidad ng paaralan.

25/03/2026

SOLI DEO GLORIA. As one CNSHS community, let us gather together in thanking the Lord for another school year that has passed together with our Grade 10 Completers. Join us in the Eucharistic Celebration, tomorrow, March 26, 2026, 8:00 am, at the CNSHS Hall.

23/03/2026

𝐖𝐚𝐠𝐚𝐬 𝐧𝐚 𝐏𝐚𝐠-𝐢𝐛𝐢𝐠 𝐬𝐚 𝐆𝐢𝐭𝐧𝐚 𝐧𝐠 𝐃𝐢𝐠𝐦𝐚𝐚𝐧: 𝐌𝐨𝐫𝐭𝐞𝐦 (𝐑𝐞𝐝𝐮𝐱) 𝐦𝐮𝐥𝐢𝐧𝐠 𝐛𝐮𝐦𝐮𝐡𝐚𝐲 𝐬𝐚 𝐲𝐮𝐠𝐭𝐨 𝐧𝐠 𝐭𝐚𝐧𝐠𝐡𝐚𝐥𝐚𝐧

Sa entablado kung saan nagsasalubong ang liwanag at dilim, muling nabuhay ang kuwento ng pag-ibig at kamatayan sa dulang Mortem (Redux) na matagumpay na itinanghal ng Teatro de Sta. Luisa–USI sa direksiyon ni Ginoong Alcid O. Valencia. Idinaos ang pagtatanghal sa Unibersidad de Sta. Isabel (USI) Auditorium noong ika-20 at 21 ng Marso, na dinaluhan ng mga mag-aaral, g**o, at panauhin mula sa iba’t ibang sektor.

Higit pa sa isang karaniwang pagtatanghal, inilatag ng dula ang masalimuot na ugnayan ng buhay at kamatayan sa gitna ng pananakop ng mga Hapon. Sa gitna ng kaguluhan ng digmaan, umusbong ang kuwento nina Concepcion at Kitaharo—isang pag-ibig na hindi natinag ng trahedya. Kasabay nito, binigyang-buhay ang karakter ni Kamatayan, na sa kabila ng kanyang kalikasan ay naghahangad ding maranasan ang magmahal at mahalin.

Sa likod ng makapangyarihang pagtatanghal ay ang dedikasyon ng mga artistang bumuo nito. Ibinahagi ni Yzhia Dhel Bascuña, na gumanap bilang anghel, ang kanyang karanasan sa pagganap na humamon sa kanyang personalidad.

“Kinakailangan na sa role ko ay kalmado ako most of the time. Sa personal, hindi ako ganoon kakalmado, ngunit dahil sa character na ito, natutunan kong maging kalmado lalo na sa mga tense na sitwasyon,” aniya.

Dagdag pa niya, naging malaking hamon ang pagsasaulo ng mga linya, lalo na’t ito ang kanyang unang pagkakataon bilang bahagi ng main cast, isang hakbang na nagpatibay sa kanyang kakayahan bilang isang artista.

Samantala, ibinahagi rin ni Shainalyn L. Sierte mula sa coro ang mensaheng iniwan ng dula sa kanya—ang kahalagahan ng pagpapakita ng pagmamahal sa kapuwa.

“Hindi sapat na nararamdaman lang natin, dapat naipapakita rin natin,” saad niya.

Ayon pa sa kaniya, nagbigay ang dula ng bagong pananaw sa mga simpleng bagay na madalas ipagwalang-bahala, at nagpaalala kung gaano karaming biyaya ang dapat ipagpasalamat.

Matapos ang halos dalawang oras na pagtatanghal, sinundan ito ng Talk Back session kung saan nagkaroon ng bukas na talakayan sa pagitan ng mga manonood at ng produksiyon. Dito, mas naunawaan ng mga dumalo ang lalim ng tema ng dula at ang mga personal na karanasan ng mga artistang bumuo nito.

Sa kabuoan, hindi lamang basta dula ang Mortem (Redux)—isa itong paalala na kahit sa pinakamahirap na panahon, nananatiling buhay ang pag-ibig. Isang simpleng kuwento, ngunit may malalim na mensaheng tumatagos sa puso ng bawat manonood, wagas.

📸 | Janclio H. Guerrero
✍️ | Marian Artista
📝 | April Angeline Arevalo

22/03/2026

𝐖𝐚𝐠𝐚𝐬 𝐧𝐚 𝐏𝐚𝐠-𝐢𝐛𝐢𝐠 𝐬𝐚 𝐆𝐢𝐭𝐧𝐚 𝐧𝐠 𝐃𝐢𝐠𝐦𝐚𝐚𝐧: 𝐌𝐨𝐫𝐭𝐞𝐦 (𝐑𝐞𝐝𝐮𝐱) 𝐦𝐮𝐥𝐢𝐧𝐠 𝐛𝐮𝐦𝐮𝐡𝐚𝐲 𝐬𝐚 𝐲𝐮𝐠𝐭𝐨 𝐧𝐠 𝐭𝐚𝐧𝐠𝐡𝐚𝐥𝐚𝐧

Sa entablado kung saan nagsasalubong ang liwanag at dilim, muling nabuhay ang kuwento ng pag-ibig at kamatayan sa dulang Mortem (Redux) na matagumpay na itinanghal ng Teatro de Sta. Luisa–USI sa direksiyon ni Ginoong Alcid O. Valencia. Idinaos ang pagtatanghal sa Unibersidad de Sta. Isabel (USI) Auditorium noong ika-20 at 21 ng Marso, na dinaluhan ng mga mag-aaral, g**o, at panauhin mula sa iba’t ibang sektor.

Higit pa sa isang karaniwang pagtatanghal, inilatag ng dula ang masalimuot na ugnayan ng buhay at kamatayan sa gitna ng pananakop ng mga Hapon. Sa gitna ng kaguluhan ng digmaan, umusbong ang kuwento nina Concepcion at Kitaharo—isang pag-ibig na hindi natinag ng trahedya. Kasabay nito, binigyang-buhay ang karakter ni Kamatayan, na sa kabila ng kanyang kalikasan ay naghahangad ding maranasan ang magmahal at mahalin.

Sa likod ng makapangyarihang pagtatanghal ay ang dedikasyon ng mga artistang bumuo nito. Ibinahagi ni Yzhia Dhel Bascuña, na gumanap bilang anghel, ang kanyang karanasan sa pagganap na humamon sa kanyang personalidad.

“Kinakailangan na sa role ko ay kalmado ako most of the time. Sa personal, hindi ako ganoon kakalmado, ngunit dahil sa character na ito, natutunan kong maging kalmado lalo na sa mga tense na sitwasyon,” aniya.

Dagdag pa niya, naging malaking hamon ang pagsasaulo ng mga linya, lalo na’t ito ang kanyang unang pagkakataon bilang bahagi ng main cast, isang hakbang na nagpatibay sa kanyang kakayahan bilang isang artista.

Samantala, ibinahagi rin ni Shainalyn L. Sierte mula sa coro ang mensaheng iniwan ng dula sa kanya—ang kahalagahan ng pagpapakita ng pagmamahal sa kapuwa.

“Hindi sapat na nararamdaman lang natin, dapat naipapakita rin natin,” saad niya.

Ayon pa sa kaniya, nagbigay ang dula ng bagong pananaw sa mga simpleng bagay na madalas ipagwalang-bahala, at nagpaalala kung gaano karaming biyaya ang dapat ipagpasalamat.

Matapos ang halos dalawang oras na pagtatanghal, sinundan ito ng Talk Back session kung saan nagkaroon ng bukas na talakayan sa pagitan ng mga manonood at ng produksiyon. Dito, mas naunawaan ng mga dumalo ang lalim ng tema ng dula at ang mga personal na karanasan ng mga artistang bumuo nito.

Sa kabuoan, hindi lamang basta dula ang Mortem (Redux)—isa itong paalala na kahit sa pinakamahirap na panahon, nananatiling buhay ang pag-ibig. Isang simpleng kuwento, ngunit may malalim na mensaheng tumatagos sa puso ng bawat manonood, wagas.

📸 | Lee L. Odiamar
✍️ | Marian Artista
📝 | April Angeline Arevalo

21/03/2026

Bronze on the international stage!🥉Congratulations Jemelson H. Arceo for receiving the Bronze Award during the Final Round of Guangdong- Hong Kong- Macao Greater Bay Area Mathematical Olympiad (Big Bay Bei) 2026: Senior Secondary Group, held last March 14, 2026.
Your hard work has truly paid off!🥳👏👏

Coach: Dina France T. Abordo

19/03/2026

𝐋𝐀𝐓𝐇𝐀𝐋𝐀𝐈𝐍 | 𝐌𝐚𝐭𝐚𝐭𝐚𝐠 𝐧𝐚 𝐈𝐥𝐚𝐰: 𝐋𝐢𝐰𝐚𝐧𝐚𝐠 𝐧𝐠 𝐊𝐚𝐛𝐚𝐛𝐚𝐢𝐡𝐚𝐧 𝐬𝐚 𝐋𝐢𝐩𝐮𝐧𝐚𝐧

May mga ilaw na kahit anong lakas ng hangin ay hindi kayang patayin. Tahimik lamang silang nagliliwanag, pero matatag—hindi sumusuko kahit napapalibutan ng dilim. Ganito ang kababaihan sa ating lipunan. Maaaring hindi sila laging napapansin, ngunit patuloy silang nagbibigay-liwanag sa buhay ng iba sa sarili nilang paraan.

Sa araw-araw, makikita ang kanilang halaga sa maliliit ngunit makabuluhang bagay. Sa umaga, sila ang unang gumigising upang ihanda ang pangangailangan ng pamilya. Sa simpleng amoy ng nilulutong pagkain at sa maayos na takbo ng isang tahanan, naroon ang kanilang pag-aaruga. Kahit pagod, patuloy silang kumikilos—may ngiti sa labi at tibay sa puso. Hindi man laging napupuri, ang kanilang sakripisyo ay nagsisilbing gabay at lakas ng kanilang mga mahal sa buhay.

Hindi lamang sa tahanan umiikot ang papel ng kababaihan. Sa paaralan, trabaho, negosyo, at pamahalaan, patuloy nilang pinapatunayan na kaya nilang makipagsabayan at manguna. Gayunpaman, hindi pa rin maikakaila na may mga hamon pa rin silang kinakaharap—tulad ng hindi pantay na sahod at kakulangan ng representasyon sa matataas na posisyon. Ipinapakita lamang nito na may mga hakbang pang kailangang gawin upang makamit ang tunay na pagkakapantay-pantay.

Tuwing buwan ng Marso, ipinagdiriwang ang National Women’s Month bilang pagkilala sa ambag ng kababaihan sa lipunan. Ngunit higit pa ito sa isang selebrasyon—ito ay paalala na ang paggalang at suporta sa kababaihan ay dapat ipinapakita araw-araw, hindi lamang sa isang okasyon.

Sa kabila ng lahat, patuloy na lumalaban at tumatayo ang kababaihan. Sila ay mga ina, anak, lider, at inspirasyon. Bawat isa ay may sariling kwento ng hirap at tagumpay, ngunit iisa ang kanilang ipinapakita—ang lakas na hindi matitinag. Gaya nga ng sinabi ni Miranda Kerr, “All flowers are beautiful in their own way, and that's like women too.” Ipinapakita nito na bawat babae ay may sariling ganda, lakas, at kahalagahan na hindi dapat ikumpara o maliitin.

Tulad ng isang ilaw na patuloy na nagliliwanag sa gitna ng dilim, ang kababaihan ay nagbibigay ng pag-asa at direksyon sa ating lipunan. At hangga’t patuloy silang lumalaban at nangangarap, mananatili silang matatag na ilaw na gabay sa mas maliwanag na kinabukasan.

Lathalain | Marian Artista, Patnugot ng Lathalain
Layout | John Arvin M. Aguila, Pagdidisenyo ng Pahina

17/03/2026