An Naga Ngonian News

An Naga Ngonian News Aramun an pinaka-huring mga bareta manungod igdi sa syudad hale sa An Naga Ngonian (ANN) News.

An Naga Ngonian News is a radio - socmed program of the city government being aired live every Saturday from 11:00am to 12:00 noon at Kakampi Mo 100.7 fm featuring all programs, policies and actvities of the city.

29/10/2025

Bilog na bulan nin Nobyembre kada aldaw nin Domingo, magiging okupado an porsyon kan kalabaan kan Magsaysay Avenue sa ciudad nin Naga.

Pupunan kaya digdi an Carless Sundays kun sain itatampok an mga aktibidad arog kan jogging, zumba dancing, skating, magin art and agri fair asin iba pa katakod kan Bicycle Month.

Dae papaagihon sa lugar an mga lulunadan tanganing buwelo nanggad an mga aktibidad digdi.

Dalanon an report ni Joel Solina para sa AN NAGA NGONIAN.



29/10/2025

Sa selebrasyon kan Clean Air Month, makondusir nin libreng noise test sa mga motorsiklo an City Environment and Natural Resources Office.

Tangani malikayan an penalidad, aramon an rekomendadong lebel kan tanog kan motorsiklo sa report kan AN NAGA NGONIAN.



29/10/2025

Nangapudan an City Environment and Natural Resources sa mga nagparehistrong e-bike users o owners na kuanon na an saindang e-bike plates.

Igwa pa kayang labi 200 na old series e-bikeplates an dae pa kinukua sa nasambit na opisina.

Dalanon an report ni Joel Solina para sa AN NAGA NGONIAN.

-bike

28/10/2025

Matapos an masiring pagsara, uminangat an Sangguniang Kabataan Federation kan ciudad nin Naga asin pigbisto bilang Most Outstanding Sangguniang Kabataan Federation in the Philippines ngonian na taon.

Pigresibe an onra ni SK Federation President Jefson Felix.

Dalanon an report sa AN NAGA NGONIAN.

Sangguniang Kabataan Awards

28/10/2025

Pigiigutan kan Solid Waste Management Office na malinigan nanggad an mga pampublikong kamposanto sa ciudad pirang semana pa antes an undas.

May pakiolay sana an SWMO sa mga mapasiring sa kamposanto tangani magbisita sa mga lulubngan.

Dalanon an report ni Joel Solina para sa AN NAGA NGONIAN.



28/10/2025

Mawot ni Alkalde Leni Robredo na epektibong maipautob an mga ordinansa kan ciudad siring na sana kan eksistidong Transport and Traffic Code of Naga City.

Urog kaya ngoniang paparani na an undas kun nuarin pigaantisiparan an paggabat kan bulos kan trapiko sa ciudad, bentahe nanggad kun masusunod an ordinansa partikular sa truck ban.

Dalanon an report ni Joel Solina para sa AN NAGA NGONIAN.



28/10/2025

Sa ibong kan nagdadakol na kaso nin influenza virus asin pneumonia sa ciudad, pigasigurar kan City Health Office asin Naga City General Hospital na dae man dapat ikaalarma ini.

Makakatabang bilang panlaban sa viral infection an makusog na resistensya, tamang paglikay asin pagataman sa salud.

Dalanon an report sa AN NAGA NGONIAN.




28/10/2025

Naitala kan City Health Office an labi 800 na aktibong kaso nin Tuberculosis sa ciudad.

Tangani amay na mabulong an helang kan mga indibidwal na dae nagpapahiling sa duktor, nagkondusir an CHO nin TB active case finding na nagpuon na kan Lunes.

Dalanon an report ni Joel Solina para sa AN NAGA NGONIAN.



27/10/2025

Dinagsa nin mga bisita an kalabaan kan Kilometer 9, Pacol Naga City para sa makulor asin pinakaenot na Pacol Flower Festival---an Flores de Octubre.
Huli kan matrayumpong aktibidad, pigpaplanuhan nang mas pahiwason pa an festival sa ciudad kasabay kan planong mas pahiwason man an inektaryang umahan kan burak sa barangay.

Dalanon an report ni Ella Abrera para sa AN NAGA NGONIAN.



27/10/2025

Pigaantisiparan an pagruso liwat kan mga pasahero sa Bicol Central Station sa katapusan kan bulan para sa pagrumdom kan undas.
Alagad preparado na an manihamiento kan terminal katuwang an iba pang ahensya kan gobyerno.

Dalanon an report ni Joel Solina para sa AN NAGA NGONIAN.



24/10/2025

Naging positibo an epekto kan primero sa duwang wellness sessions na pigkondusir kan gobyerno lokal kan Naga para sa mga empleyadong kabale sa focus group.

Huli kaini pigpaplanuhan nang maging regular ini para sa iba pang empleyado urog na sa frontliners.

Dalanon an report ni Ella Abrera para sa AN NAGA NGONIAN.



Address

G/F Naga City Event Center II, Balatas Development Complex
Naga City
4400

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm

Website

Alerts

Be the first to know and let us send you an email when An Naga Ngonian News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to An Naga Ngonian News:

Shortcuts

Share

Category