01/08/2026
๐ข๐ฃ๐๐ก๐๐ข๐ก | ๐ง๐ต๐ฒ ๐ช๐ต๐ฒ๐ฒ๐น๐ ๐ผ๐ณ ๐๐๐๐๐ถ๐ฐ๐ฒ ๐๐ผ ๐ฅ๐ผ๐๐ป๐ฑ ๐ฎ๐ป๐ฑ ๐ฅ๐ผ๐๐ป๐ฑ, ๐ผ๐ฟ ๐๐ผ๐๐ป?
โMakakaasa kayo na ang gulong ng hustisya ay tumatakbo.โ - PBBM SONA 2026
Mayroong ibaโt ibang tunog ang boses ng hustisya. May boses ng katotohanan, katarungan, at pagbangon. Maraming Pilipino ang umasa na ang mga boses na ito ay muling maririnig mula sa talumpati ni Pangulong Ferdinand โBongbongโ Marcos Jr. sa kaniyang ikalimang State of the Nation Address (SONA) 2026. Subalit muling nahati ang opinyon at komento ng buong bansa sa kanyang mga isiniwalat na pahayag tungkol sa kalagayan ng bansa. Tunay nga ba na tumatakbo ang gulong ng hustisya para sa lahat? O patuloy lamang tayong pinapaikot kagaya ng isang gulong na may pinipili lamang na destinasyon?
Sa gitna ng ibaโt ibang kulay na sinusuportahan ng bawat isa, iisa lamang ang nais na makita ng lahat: ang tunay na kulay ng pangakong pagbangon ng pamahalaan. Hindi dapat humihinto ang gulong ng hustisya sa mga salita lamang at dapat din na wala itong pinipiling destinasyon na papanigan. Sa mahabang byahe ng pamumuno ng pangulo, sa tamang direksyon pa nga ba patungo ang Pilipinas?
๐๐ฑ๐๐ธ๐ฎ๐๐๐ผ๐ป: ๐๐ป๐ด ๐จ๐ป๐ฎ๐ป๐ด ๐๐ถ๐๐ฎ๐ต๐ฒ ๐ฃ๐ฎ๐๐๐ป๐ด๐ผ ๐๐ฎ ๐๐๐๐๐ถ๐๐๐ฎ
Ang paaralan ang unang destinasyon ng mga kabataan. Ipinagkakatiwala natin sa ating mga g**o ang manibela upang dalhin tayo patungo sa ating mga pangarap. Subalit kung walang sapat na suporta galing sa pamahalaan, magiging mahirap ang daan patungo sa ating inaasam na destinasyon. Sa nakaraang SONA ni Pangulong Marcos, isa sa kaniyang mga tinalakay ang mga kinakaharap ngayong krisis sa edukasyon.
Ayon sa pahayag ng pangulo, siya ay magpapatupad ng malawakang โSchool-Based Feeding Programโ ngayong taon na may layuning tulungan ang mahigit apat na milyong piling mag-aaral sa Pilipinas na lubos na nangangailangan ng nutrisyon. Tinalakay niya rin ang pagpapalakas ng seguridad sa mga paaralan dahil sa lumalaking kaso ng school violence at bullying, pati na rin ang mga dagdag na oportunidad para sa mga g**o at pagpapatayo ng mga panibagong classroom sa mga paaralan.
Subalit ang gulong ng pangakong pagsulong na ilang taon nang hinihintay ng taong-bayan ay hindi pa rin malinaw na nakararating sa atin. Ang proteksyong dapat sana'y matagal nang naibigay sa mga mag-aaral at g**o ay nananatiling pangako, dahil hanggang ngayon ay wala pa ring agarang hustisya at solusyong nakakamit ang mga biktima ng karahasan at pagpatay sa mga paaralan sa Pilipinas. Hindi maisasalba ng mga salita lamang ang buhay ng mga kabataan at g**o na inaasahan natin na magliligtas sa ating bansa sa hinaharap. Kung patuloy tayong makikinig sa mga matatamis na salita habang nakatingin sa mapait na realidad ng sistema ng edukasyon, walang pag-unlad at kapayapaan pa na mararanasan ang mga susunod na henerasyon ng mga mag-aaral at g**o sa Pilipinas.
Ayon sa kaniyang pangako sa nagdaang SONA noong nakaraang taon, walang g**o ang magreretiro sa pamamagitan ng kaniyang "Expanded Career Progression." Ngunit ang kaniyang programa ay para lamang sa mga piling g**o at hindi ito sapat upang tugunan ang dagdag na sahod at pantay na oportunidad para sa lahat ng mga g**o sa Pilipinas. Patunay dito ang malaking suliranin natin sa kakulangan sa bilang ng mga g**o at pagsisiksikan ng mga mag-aaral sa iilang silid-aralan sa bansa, dahil ang pinangakong pondo ay hindi nakarating sa pangakong destinasyon.
๐๐๐น๐ผ๐ป๐ด ๐ป๐ด ๐ฃ๐ฒ๐ฟ๐ฎ: ๐๐ป๐ด ๐ ๐ฎ๐ต๐ฎ๐ฏ๐ฎ๐ป๐ด ๐๐ถ๐๐ฎ๐ต๐ฒ ๐ป๐ด ๐๐ผ๐ฟ๐ฎ๐ฝ๐๐๐ผ๐ป
Mula noon, ang korapsyon sa Pilipinas ay isa sa mga pangunahing suliranin na hanggang ngayon ay patuloy pa ring gumugulong at naghahanap ng destinasyon na maaari nitong nakawan. Ayon sa pangulo, mahigit 25 billion pesos ang maibabalik na pera galing sa mga nanakawโmula sa mga ghost projects, misallocated, at confidential funds. Sa mahigit isang trilyon na nawawalang salapi, limang bilyon pa lamang sa mga ito ang naibabalik umano sa ngayon. Taliwas sa mabilis na pagkawala at pagkaubos ng mga perang nakuha ay ang mabagal na pagkilos ng hustisya upang maibalik ito sa taong-bayan.
โHindi ako pangulo ng aking pamilya. Hindi ako pangulo ng aking kaibigan. Ako ay Pangulo ng Pilipinas, at ang tungkulin ko ay sa inyo: ang aking mga kapwa Pilipino.โ
Isang madamdaming panayam mula sa pangulo habang isinasaad niya ang pagkakakulong ng kaniyang kamag-anak na si dating Speaker Martin Romualdez at iba pang mga taong sangkot sa flood control corruption. Ayon din kay Pangulong Marcos, nagsagawa siya ng malawakang reporma sa Department of Public Works and Highways (DPWH) at panibagong trabaho para sa mga bagong graduate at manggagawa. Subalit ang totoong pagbabago at hustisya ay magiging ganap lamang kung ang lahat ng mga sangkot ay mabibigyan na ng mukha ng pangalan. Ang napakalaking halaga ng pera na hindi pa naibabalik sa bulsa ng mga Pilipino ay isang paalala sa atin na ang katotohanan ay hindi pa rin pumapanig sa taong-bayan. Ang kailangan ng bansa ay sagot na may aksyon at hindi sagot na layunin lamang na protektahan ang mga sangkot sa korapsyon.
Hindi na maaalis sa sistema ng Pilipinas ang salitang korapsyon, maliban na lamang kung lahat ng Pilipino ay magsasama-sama patungo sa tamang destinasyonโang pagpili ng tama at maaasahang pinuno. Sa mahabang pamumuno ng Administrasyong Marcos, marami sa atin ang nabigo na ang mga katangian na ito ay makita mula sa kaniya. Ang patuloy na pagtaas ng kaso ng korapsyon at kahirapan sa Pilipinas ay taliwas sa magandang imahe na kaniyang ibinahagi sa nakaraang SONA. Ang mga pangako na napako ang siyang dahilan kung bakit ang Pilipinas ay nananatiling wala sa tamang direksyon.
"๐ช๐ฒ ๐ฎ๐ฟ๐ฒ ๐๐ถ๐น๐ถ๐ฝ๐ถ๐ป๐ผ๐ ๐ฎ๐ป๐ฑ ๐ช๐ ๐๐ข ๐ก๐ข๐ง ๐ฌ๐๐๐๐"
Mula sa ating pangulo mismo nanggaling na tayong mga Pilipino ay hindi sumusuko at hindi nagpapatalo sa anumang laban. Subalit tayo mismo ang nagiging talunan sa sistemang walang malinaw na direksyon at puno ng malabong pangako sa taong-bayan. Ang tunay na matapang at matatag ay ang mamamayang may paninindigan sa tama at hindi basta-basta nagtitiwala. Karapatan nating lahat ang magtanong, umusisa, at makialam sa mga ginagawa ng gobyerno sa ating bansa dahil tayo ang lubos na maaapektuhan sa mga epekto nito.
Isa na rito ang nangyaring digmaan sa Middle East na nagdala ng takot at panganib sa maraming Overseas Filipino Workers (OFWโs) na naroroon at naging dahilan din ng pagtaas ng presyo ng langis at mga bilihin. Nagbigay ng tulong ang pangulo upang makauwi ang mga OFW sa Pilipinas at magkaroon ng trabaho. Nag-abot din siya ng ayuda para sa ilang mahihirap na pamilya. Subalit sa kabila ng lahat ng iyon, ramdam pa rin ng maraming Pilipino ang sakit ng kahirapan na nagtutulak sa kanila na maging matatag.
Binigyang-diin din ni Pangulong Marcos sa SONA ang kaniyang mga ipinatupad na "economic relief"โmula sa pagbibigay ng ayuda, pagpapatuloy ng benteng bigas, mabilis at murang internet, hanggang sa pagpapatupad ng libreng sakay. Ang mga proyekto na ito ay tunay na maganda sa pandinig ng mga mahihirap subalit ito rin ay mahirap mahagilap at maranasan sa reyalidad ngayon ng buhay. Bilang isang simpleng mamamayang Pilipino, ang umasa sa mga bagay na ito ay isang malaking pagkakamali, sapagkat hindi naman nito totoong napagaan ang kalagayan ng ekonomiya ng Pilipinas, bagkus patuloy pa rin nadarama ng mga Pilipino ang bigat ng pangako na hindi natupad.
๐๐๐๐๐ถ๐๐๐ฎ ๐ป๐ด ๐ฃ๐ฟ๐ผ๐๐ฒ๐ธ๐๐ผ: ๐๐ผ ๐ฅ๐ผ๐๐ป๐ฑ ๐ฎ๐ป๐ฑ ๐ฅ๐ผ๐๐ป๐ฑ ๐ผ๐ฟ ๐๐ผ๐๐ป?
โMga kababayan, sa ating pagbabalik-tanaw, kaya ko kayong harapin at sabihin na ginawa natin ang lahat ng nararapat upang malunasan ang mga epekto ng krisis.โ โ PBBM SONA 2026
Buong tapang na isinaad ni Pangulong Marcos ang mga salitang ito sa kaniyang nakaraang SONA. Ilan sa kaniyang mga proyekto ang makapagpapatunay sa kaniyang binitawang salitaโsubalit ito ay hindi lahat at hindi sapat.
Isa rito ang Tax Relief. Ipinatupad ng pangulo ang income tax bracket exemption at lower income tax cut na hanggang ngayon ay naisasagawa pa rin para sa mga Pilipino. Ganoon din ang pagpapatayo ng mga transportation railway sa Pilipinas, pati ang pagsasaayos ng PhilHealth system at pagkakaroon ng Nuclear Energy Production.
Ngunit patuloy pa ring umaaray ang maraming pasahero dahil sa mataas na presyo ng pamasahe at siksikan sa mga istasyon sa Pilipinas. Mayroong pagbabagong nagaganap sa PhilHealth, subalit lamang pa rin ang hirap upang matugunan ang daing ng maraming mahihirap. Ang kaniyang pangakong solusyon sa energy at electricity ay nagdulot lamang ng pagiging โhighest electricity ratesโ record ng Pilipinas sa buong Southeast Asia.
Paulit-ulit na lamang itong pinag-uusapan at binabanggit sa SONA, subalit patuloy pa ring umiikot sa kanilang mga kamay ang hustisya na dapat ay ilahad sa taong-bayan. Ang proyektong nangangako ng pagbangon ay naging dahilan pa upang bumaba ang estado ng hustisya para sa pag-unlad ng Pilipinas.
๐๐ฎ๐ฎ๐ป๐ผ ๐ฝ๐ฎ ๐ป๐ด๐ฎ ๐ฏ๐ฎ ๐ธ๐ฎ๐ต๐ฎ๐ฏ๐ฎ ๐ฎ๐ป๐ด ๐ฏ๐๐ฎ๐ต๐ฒ ๐ฝ๐ฎ๐๐๐ป๐ด๐ผ ๐๐ฎ ๐ฝ๐ฎ๐ป๐ด๐ฎ๐ธ๐ผ๐ป๐ด ๐ธ๐ฎ๐๐ป๐น๐ฎ๐ฟ๐ฎ๐ป?
Ano nga ba ang tunay na kahulugan ng pagsulong? Ito ay katulad ng pagpapaandar ng isang sasakyan, kailangan ng tunay na pagkilos at maaasahan na nagmamaneho. Ang pamumuno sa isang bansa ay maihahalintulad dito. Upang magkaroon ng tamang direksyon ang gulong ng hustisya sa ating bansa, kailangan ang maayos na pamamalakad ng isang pangulo.
Ang State of the Nation Address o SONA ay dinisenyo upang bigyan ng boses o pagkakataon ang pamahalaan hindi lamang upang ipahayag, bagkus patunayan din ang mga pagbabago at pag-unlad na kanilang isinagawa at isasagawa pa lamang para sa bansa. Subalit sa hinaba-haba ng talumpati ng pangulo, mas dama pa rin ng mga Pilipino ang tagal ng kanilang paghihintay na maranasan ang mga proyekto o ordinansa na dapat sana ay tunay na makarating sa taong-bayan.
Tunay nga na ang gulong ng hustisya ay tumatakbo ayon sa pangulo, subalit ito ay paikot-ikot lamang at tila walang malinaw na destinasyon na pupuntahan. Sa kawalan ng direksyon unti-unti itong bumababa sa dilim hanggang sa makalimutan ng pamahalaan ang ipinangako nilang pagsulong ng hustisya para sa taong-bayan. Gayunpaman, kailangan natin silang paulit-ulit na paalalahanan at panagutin para sa nararapat na serbisyo na dapat natin tinatamasa.
Ang tunog ng hustisya ay hindi natin maririnig kung patuloy tayong pipili ng mga lider na walang tunay na hangarin na tulungan ang bawat Pilipino. Paulit-ulit na boses na nga lang ba ang ating nais mapakinggan sa mga SONA? Dahil ang tunay na boses ng katotohanan, katarungan, at pagbangon ay atin lamang maririnig kung tayo ay magiging matalino sa pagpili ng mga lider na may tunay na hangarin patakbuhin ang โWheel of Justiceโ.
Mga salita ni Helianthus
Layout ni Xian Tristan Teano
