15/12/2025
๐๐๐: ๐๐๐๐, ๐ข๐ง๐๐ฉ๐ซ๐ฎ๐๐๐ก๐๐ง ๐๐ง๐ ๐ฉ๐๐ ๐๐ข๐๐ข๐ ๐๐ฒ ๐ง๐ ๐๐๐ ๐ง๐ ๐ก๐๐ง๐ ๐ ๐๐ง๐ ๐๐๐,๐๐๐ ๐ฉ๐๐ซ๐ ๐ฌ๐ ๐ฅ๐๐ก๐๐ญ ๐ง๐ ๐ค๐๐ฐ๐๐ง๐ข ๐ง๐ ๐ ๐จ๐๐ฒ๐๐ซ๐ง๐จ
Kinumpirma ng Department of Budget and Management (DBM) na inaprubahan ni Pangulong Ferdinand R. Marcos Jr. ang paglabas ng Administrative Order (AO) No. 40 noong December 11, 2025, na nagbibigay-daan sa pag-release ng one-time Service Recognition Incentive (SRI) para sa lahat ng kwalipikadong kawani ng gobyerno para sa fiscal year (FY) 2025.
โWe thank President Bongbong Marcos for approving the release of SRI for our government workers. This is truly great news for our fellow public servants, who continue to dedicate their time and effort to serving the country. Patunay po ito ng patuloy na pagkilala at pagpapahalaga ng ating Pangulo sa hindi matatawarang serbisyo ng ating mga lingkod-bayan,โ saad ni DBM Acting Secretary Rolando U. Toledo.
Ayon sa AO No. 40, ang one-time FY 2025 SRI ay ibibigay sa lahat ng kwalipikadong kawani ng gobyerno sa iisang halaga na hindi lalampas sa P20,000.
Saklaw nito ang lahat ng civilian personnel na may regular, contractual, o casual na posisyon sa mga national government agencies (NGAs), kabilang ang mga nasa state universities and colleges (SUCs), at government-owned or -controlled corporations; pati na rin ang military and uniformed personnel; mga empleyado sa legislative at judicial departments at iba pang tanggapan na may fiscal autonomy; local government units (LGUs); at local water districts (LWDs).
Makakatanggap ng buong SRI ang mga kawani na nasa serbisyo pa ng gobyerno at nakapagsilbi ng hindi bababa sa kabuuang apat (4) na buwang maayos na serbisyo hanggang November 30, 2025.
Samantala, ang mga may mas mababa sa apat (4) na buwang maayos na serbisyo hanggang November 30, 2025 ay makakatanggap ng pro-rated na bahagi ng SRI, batay sa sumusunod:
Haba ng Serbisyo
3 buwan pero kulang sa 4 na buwan: 40% ng SRI
2 buwan pero kulang sa 3 buwan: 30% ng SRI
1 buwan pero kulang sa 2 buwan: 20% ng SRI
Mas mababa sa 1 buwan: 10% ng SRI
Para sa mga NGAs, ang pondong gagamitin para sa SRI ay ibabawas sa available Personnel Services (PS) allotment ng kani-kanilang ahensya sa ilalim ng FY 2025 General Appropriations Act (GAA). Kung kulang ang PS, maaaring kumuha ng pondo mula sa Maintenance and Other Operating Expenses allotments ng ahensya, alinsunod sa umiiral na budgeting, accounting, at auditing rules.
Para naman sa mga GOCCs, ang pondo para sa SRI ay kukunin mula sa kanilang approved corporate operating budgets (COBs) para sa FY 2025 lamang.
Para sa mga empleyado ng legislative at judicial departments at iba pang tanggapan na may fiscal autonomy, ang pondo para sa SRI ay ibabawas sa available PS allotment ng kani-kanilang ahensya.
Samantala, para sa mga empleyado ng LGUs, ang pagbibigay ng SRI ay pagbabasehan ng kani-kanilang sanggunians depende sa kakayahang pinansyal ng LGU, at alinsunod sa PS limitation sa LGU budgets sa ilalim ng RA No. 7160. Ang pondo ay maaaring kunin mula sa available FY 2025 appropriations o surplus, matapos maipasa ng lokal na sanggunian ang kaukulang supplemental budget (SB) para sa layuning ito, o sa pamamagitan ng augmentation alinsunod sa Section 336 ng RA No. 7160 at Article 454 ng Implementing Rules and Regulations nito.
Para naman sa mga empleyado ng LWDs, ang pagbibigay ng SRI ay pagpapasya ng kanilang Boards of Directors (BOD) at kukunin lamang mula sa kani-kanilang BOD-approved FY 2025 COBs.
Kung sakaling hindi sapat ang mga tinukoy na pondo para maibigay ang buong halaga ng SRI, maaaring magbigay ng mas mababang halaga, ngunit dapat pare-pareho para sa lahat ng kwalipikadong empleyado sa loob ng NGAs/GOCCs/LWDs/LGUs.
Ang FY 2025 SRI ay maaaring ipagkaloob hindi mas maaga sa December 15, 2025.
