27/08/2025
๐๐๐ ๐๐๐ ๐ฅ๐๐ฌ, ๐๐๐ฌ๐จ๐ค ๐ฌ๐ ๐๐๐ฆ๐ข๐ฌ ๐๐๐ญ๐๐ฉ๐จ๐ฌ ๐๐๐ฅ๐ฎ๐ง๐ข๐ง ๐๐ง๐ ๐๐ฅ๐ฎ๐ ๐
๐๐ฅ๐๐จ๐ง๐ฌ ๐ฌ๐ ๐๐จ-๐จ๐ซ-๐๐ข๐ ๐๐๐ญ๐๐ก ๐๐ฅ
Isang mainit na do-or-die basketball match ang nasaksihan kanina sa Intramurals nang magharapan ang Red Eagles at Blue Falcons. Sa unang kwarter pa lamang, agad na nagpakitang-gilas ang Red Eagles matapos makuha ang bentahe sa iskor na 20-11.
Gayunpaman, hindi basta sumuko ang Blue Falcons. Sa ikalawang kwarter, nagsalba si Jeus Cauilan para sa kanyang koponan sa pamamagitan ng sunod-sunod na three-points, dahilan upang tumabla ang laban sa 47-all bago pumasok sa halftime.
Mas naging dikit ang laban sa ikatlong kwarter kung saan nakalamang ng isang puntos ang Blue Falcons, na lalong nagpainit sa tensyon ng laro.
Ngunit pagsapit ng huling yugto, muling bumangon ang Red Eagles sa pamamagitan ng sunod-sunod na puntos nina Bricks Zyven Anicalโisang learner with hearing impairment na nagsilbing inspirasyon sa laroโat Nathaniel Gacad Jr. Sa kanilang matatag na depensa, pinatibay nina Prince John Cyruz Pagie at Jonathan Dominguez, hindi na nakabawi ang Blue Falcons.
Nagtapos ang laban sa iskor na 93-77, pabor sa Red Eagles. Pinangunahan ni Bricks Zyven Anical ang opensa ng Red Eagles matapos magtala ng 30 puntos, dahilan upang hirangin siya bilang Best Player of the Game.
Sa kanilang panalo, tuluyang nakapasok sa semifinals ang Red Eagles, kasama ang Yellow Hawks, habang tuluyang natanggal sa torneo ang Blue Falcons.
Isang makasaysayang panalo para sa Red Eagles, na nagpakita ng tapang, determinasyon, at pagkakaisa hanggang dulo ng laro.