My Pets TV

29/06/2026

SEN. TITO SOTTO, NANGAKONG IPAGPAPATULOY ANG PAGLILINGKOD SA MGA PILIPINO

Nagpahayag si Senator Tito Sotto ng kanyang hangaring ipagpatuloy ang paglilingkod sa publiko, kasabay ng pagtiyak na mananatili siyang maaasahan ng mga pamilyang Pilipino.

Ayon kay Sotto, hindi natatapos sa kanyang kasalukuyang posisyon ang kanyang dedikasyon sa serbisyo publiko.

Aniya, patuloy niyang gagampanan ang kanyang responsibilidad at mananatiling katuwang ng mga mamamayan.

Sinabi rin niya na magsisilbing gabay ang kanyang mahabang karanasan sa panunungkulan upang maipagpatuloy ang paghahatid ng serbisyo sa publiko.

29/06/2026

LPA, MATAAS NA ANG TYANSA MAGING BAGYO IN 24 HOURS, POSIBLENG TUMAWID SA EASTERN VISAYAS AT SOUTHERN LUZON!

BREAKING: MATAAS na ang tyansa na maging ganap na bagyo ang Low Pressure Area sa silangan ng EasternSamar sa susunod na 24 oras, ayon sa PAGASA. Kung sakali, tatawagin itong bagyong HenryPH.

Inaasahang tatawid ito ng EasternVisayas, BicolRegion, MIMAROPA, at CALABARZON bukas. KUNG maging bagyo BAGO tumawid sa kalupaan, ASAHAN ANG PAGTAAS NG TROPICAL CYCLONE WIND SIGNAL sa mga nasabing lugar bilang babala sa sama ng panahon.

Maging alerto sa malawakang pag-ulan sa SouthernLuzon, kabilang ang MetroManila. Magdadala ng katamtaman hanggang sa malalakas na ulan simula ngayon ang nasabing sama ng panahon sa Eastern Visayas at Bicol Region, at unti-unting kakalat simula bukas. WeatherUpdate

Manatiling updated dahil posible pang magbago ang mga nasabing datos.

Source: DOST-PAGASA | 29 June 2026
PHILIPPINES WATCH

28/06/2026

CAMPUS SURVEY SA UP DILIMAN: ROBREDO NANGUNA SA 2028 PRESIDENTIAL PREFERENCE, VP SARA NAKAKUHA NG 0%

Nanguna si Mayor Leni Robredo sa isinagawang presidential preference survey ng social media page na KR TV - Main sa loob ng University of the Philippines (UP) Diliman sa Quezon City.

Batay sa resulta ng campus survey na isinagawa noong Hunyo 26, 2026, nakakuha si Robredo ng 72.7% ng mga boto mula sa mga respondent. Pumangalawa naman si Sen. Risa Hontiveros na may 18.2%.

Samantala, walang naitalang boto si Vice President Sara Duterte sa naturang survey.

Ayon sa KR TV - Main, ang inilabas na resulta ay mula lamang sa kanilang campus survey sa UP Diliman.

Patuloy namang nagkakaroon ng iba’t ibang survey at online poll kaugnay ng posibleng mga kandidato para sa 2028 presidential elections habang papalapit ang susunod na halalan.

27/06/2026

27/06/2026

TULFO: KWESTYUNIN ANG ANUMANG TANGKANG HARANGIN ANG IMPEACHMENT COURT

Iginiit ni Sen. Erwin Tulfo na dapat hayaang magpatuloy ang impeachment court sa pagganap ng mandato nito nang walang panghihimasok o anumang pagtatangkang hadlangan ang proseso.

Sa gitna ng nagpapatuloy na impeachment proceedings laban kay Vice President Sara Duterte, sinabi ni Tulfo na mahalagang mapanatili ang kalayaan at integridad ng impeachment court upang maging maayos at patas ang pagdinig sa kaso.

Ayon sa senador, nararapat umanong mabusising suriin ang anumang hakbang na maaaring magdulot ng pagkaantala o pagharang sa takbo ng proseso.

“Pag may humarang-harang [sa impeachment] kwestyunin na natin ’yun,” ani Tulfo.

Binigyang-diin pa niya na ang impeachment court ay dapat makapagtrabaho nang malaya at walang hindi nararapat na impluwensiya upang matiyak ang maayos na pagtalakay sa mga isyung inihaharap sa paglilitis.

26/06/2026

"ANG ABOVE 15 AY BELOW 16"

Sa gitna ng mga usapin kaugnay ng trahedya sa Tacloban City, nagpahayag ng puna si Atty. Edward Chico sa naging press briefing ng Malacañang hinggil sa aplikasyon ng Juvenile Justice and Welfare Act sa 15-anyos na suspek.

Ayon kay Chico, mistulang nakatuon lamang ang naging briefing ni Palace Press Officer Atty. Claire Castro sa paglilinaw na ang isang 15-anyos ay maituturing pa ring “below 16,” sa halip na bigyang-diin ang kabuuang probisyon ng batas.

Sa press briefing noong Hunyo 23, ipinaliwanag ni PNP Spokesperson Col. Allen Rae Co na maaaring sumailalim sa regular na paglilitis ang isang 15-anyos kung mapatutunayang kumilos ito nang may discernment, alinsunod sa Juvenile Justice and Welfare Act of 2006.

Sa naturang talakayan, sinabi ni Co na batay sa paunang pagsusuri ay nasa tamang pag-iisip ang mga suspek, ngunit sumingit si Castro upang itanong kung “below 16” ang edad ng isa sa kanila.

Kinumpirma naman ni Co na 15 taong gulang ang suspek habang muling binanggit ang isinagawang pagrepaso sa kaso.

Ibinahagi ni Chico ang kanyang reaksyon matapos ang naturang palitan, na nagbunsod ng panibagong diskusyon sa interpretasyon at pagpapatupad ng batas para sa mga menor de edad na nasasangkot sa mabibigat na krimen.

26/06/2026

PANGULONG MARCOS UMAAPELA SA PUBLIKO NG PANALANGIN PARA SA KANYANG TAGUMPAY

Hinimok ni Pangulong Ferdinand “Bongbong” Marcos Jr. ang mga Pilipino na samahan siya sa panalangin at pagkakaisa, na aniya’y mahalagang sandigan upang maayos na magampanan ng pamahalaan ang tungkulin nito sa sambayanan.

Ayon sa Pangulo, hinihiling niya ang panalangin ng publiko hindi lamang para sa kanyang sarili kundi para rin sa buong bansa.

Sinabi niyang ang suporta ng mamamayan ay mahalaga upang matagumpay niyang maisakatuparan ang kanyang mga responsibilidad bilang pangulo.

“Hinihiling ko sa inyong lahat na ipagdasal ako at nawa’y magtagumpay ako,” pahayag ni Marcos.

Binigyang-diin niya na ang tagumpay ng isang pangulo ay hindi lamang pansarili kundi tagumpay rin ng buong bansa.

Dahil dito, sinabi niyang nananatili ang kanyang layunin na maglingkod nang tapat at maayos para sa kapakanan ng sambayanang Pilipino.

26/06/2026

NAGPAPUTOK SA SUBDIVISION, LALAKI ARESTADO SA BARIL

NAIC, Cavite – Nauwi sa takot at kaguluhan ang isang mainitang pagtatalo ng mag-live-in partner matapos umanong magpaputok ng baril at magbanta sa mga residente ang isang 35-anyos na lalaki sa Barangay Malainen Bago, Naic, madaling-araw ng Hunyo 26.

Ayon sa ulat ng Naic Municipal Police Station (MPS), bandang 12:15 ng madaling-araw nang makatanggap ng tawag ang pulisya mula sa isang concerned citizen hinggil sa umano'y indiscriminate firing sa Malainen Park Residences.

Agad rumesponde ang Quick Response Team (QRT-4) at nadatnan ang mga complainant na nagsabing sila ay pinagbantaang babarilin ng suspek na tinukoy lamang sa alyas na "Jack."

Sa imbestigasyon, lumitaw na nagkaroon muna ng mainitang pagtatalo ang suspek at ang kanyang live-in partner, na kaibigan ng mga complainant. Sa gitna ng kanilang alitan, umano'y nagpaputok ng baril ang suspek bago mabilis na tumakas.

Hindi naman nasugatan ang apat na complainant.

Hindi nagtagal ay nagsagawa ng follow-up operation ang mga awtoridad sa Lontoc, Timalan Balsahan, Naic, Cavite kung saan naaresto ang suspek.

Nakumpiska mula sa kanyang pag-iingat ang isang Llama Caliber .380 pistol na may serial number 09353-95, kasama ang isang magazine na kargado ng pitong bala ng kalibre .380.

Nahaharap ngayon ang naarestong suspek sa kasong Grave Threats, Alarm and Scandal, at paglabag sa Republic Act No. 10591 o Comprehensive Fi****ms and Ammunition Regulation Act.

25/06/2026

Former Senator Antonio Trillanes IV criticized supporters of former President Rodrigo Duterte for continuing to believe fake news despite repeated misinformation. His remarks came after the International Criminal Court Trial Chamber III raised concerns about the spread of false claims regarding Duterte’s case, including recurring reports that he had already been released. Trillanes said some supporters appear to remain convinced by such misinformation, describing them as being “mesmerized” or “hypnotized.”