Naujan Public Information Office

11/08/2026

11/08/2026

𝗠𝗮𝗿𝗮𝗺𝗶𝗻𝗴 𝘀𝗮𝗹𝗮𝗺𝗮𝘁 𝗽𝗼, 𝗠𝗮𝘆𝗼𝗿 𝗛𝗲𝗻𝗿𝘆 𝗝𝗼𝗲𝗹 𝗖. 𝗧𝗲𝘃𝗲𝘀! ❤️

Lagi po kayong nandiyan para sa amin, at ramdam na ramdam namin ang inyong malasakit, kalinga, at walang sawang pagtulong—lalo na sa panahon ng sakuna at pagsubok.

Mabuhay po kayo, Mayor! Maraming salamat sa inyong tunay na serbisyo at pagmamalasakit sa ating mga kababayan. 🙏❤️

11/08/2026

𝗧𝗮𝗼𝘀-𝗽𝘂𝘀𝗼𝗻𝗴 𝗽𝗮𝘀𝗮𝘀𝗮𝗹𝗮𝗺𝗮𝘁 ng Pamahalaang Bayan ng Naujan sa Municipal Disaster Risk Reduction and Management Office (MDRRMO) sa kanilang walang-sawang dedikasyon, kahandaan, at maagap na pagtugon sa bawat pangangailangan ng ating mga kababayan, lalo na sa panahon ng kalamidad at emergency.

Malaki ang inyong ambag sa pagpapanatili ng kaligtasan at kapakanan ng bawat Naujeño. Maraming salamat sa inyong katapangan, malasakit, at tapat na paglilingkod sa bayan. Tunay kayong maaasahang katuwang ng Pamahalaang Bayan ng Naujan.

11/08/2026

📚 𝗧𝗜𝗡𝗚𝗡𝗔𝗡 | 𝗡𝗔𝗨𝗝𝗔𝗡 𝗣𝗧𝗔 𝗙𝗘𝗗𝗘𝗥𝗔𝗧𝗜𝗢𝗡 𝗢𝗙𝗙𝗜𝗖𝗘𝗥𝗦

Pagbati sa mga magulang, g**o, paaralan, at iba pang katuwang sa sektor ng edukasyon na naglalayong palakasin ang ugnayan at pagtutulungan para sa pagtitipon ng Naujan PTA Federation. Noong Agosto 6, 2026, isinagawa ang nasabing programa sa Naujan Municipal High School. Sa nasabing pagtitipon, kinilala ang mga bagong halal na opisyal ng Naujan PTA Federation na magsisilbing katuwang sa pagsusulong ng mga programa at adbokasiya para sa kapakanan at pag-unlad ng mga mag-aaral.

Narito ang mga opisyal ng Naujan PTA Federation:

👤 𝗣𝗿𝗲𝘀𝗶𝗱𝗲𝗻𝘁 – Mr. Hanell Gonzales
Bagong Buhay Integrated School

👤 𝗩𝗶𝗰𝗲 𝗣𝗿𝗲𝘀𝗶𝗱𝗲𝗻𝘁 – Mrs. Annie Jean M. Geloso
Antipolo Elementary School

👤 𝗦𝗲𝗰𝗿𝗲𝘁𝗮𝗿𝘆 – Mrs. Marilyn O. Mortel, MPA
Leon Garong Memorial School

👤 𝗧𝗿𝗲𝗮𝘀𝘂𝗿𝗲𝗿 – Mrs. Mercy P. Remapillo
J. Ylagan Memorial School

👤 𝗔𝘂𝗱𝗶𝘁𝗼𝗿 – Mr. Bryan Jocel M. Cantos
Francisco Melgar Memorial School

Kaakibat nito ang patuloy na pagpapatupad ng mga programang THE BEST na Edukasyon para sa Lahat ni Mayor Henry Joel C. Teves ng Pamahalaang Bayan ng Naujan. Layunin nitong higit pang mapalakas ang suporta sa sektor ng edukasyon at matiyak na ang bawat batang Naujeno ay nabibigyan ng pagkakataon at suporta upang matuto, umunlad, at makamit ang kanilang mga pangarap.

Sa pamamagitan ng matatag na ugnayan ng Pamahalaang Bayan, mga paaralan, mga magulang, at komunidad, patuloy na isinusulong ang edukasyong inklusibo, dekalidad, at para sa lahat.

11/08/2026

𝗟𝗜𝗚𝗧𝗔𝗦 𝗧𝗜𝗚𝗗𝗔𝗦 𝟮𝟬𝟮𝟲 | Isinagawa sa Bayan ng Naujan ang Kick-Off Measles-Rubella Supplemental Immunization Activity (MR SIA) noong Agosto 10, 2026, bilang bahagi ng patuloy na kampanya upang mapalakas ang proteksiyon ng mga batang edad 6 hanggang 59 buwan laban sa measles at rubella.

Sa pamamagitan ng pagtutulungan ng Department of Health (DOH), Pamahalaang Panlalawigan ng Oriental Mindoro, MHO,at Pamahalaang Bayan ng Naujan, patuloy na hinihikayat ang mga magulang at tagapag-alaga na makiisa sa pagbabakuna upang madagdagan ang proteksiyon ng mga bata laban sa mga sakit na maaaring maiwasan sa pamamagitan ng bakuna.

Nakiisa sa mahalagang programa sina Mayor Henry Joel C. Teves at Vice Mayor Candido “Dan” Melgar Jr., kasama sina DOH Undersecretary Atty. Randy B. Escolango, DOH MIMAROPA Regional Director Dr. Rodolfo Antonio M. Albornoz, Provincial Health Officer II Dr. Cielo Angela Ante, Dra. Mary Jean Manalo, at iba pang mga opisyal, health workers, at katuwang mula sa national, regional, provincial, at municipal government.

Hinihikayat ang bawat Mindoreño na makiisa sa pagsusulong ng kalusugan ng mga bata. Para sa mas ligtas na komunidad, suportahan ang pagbabakuna at tiyaking nabibigyan ng karagdagang proteksiyon ang ating mga anak.

Makilahok, magpabakuna, at sama-samang pangalagaan ang kalusugan ng ating mga bata!

LIGTAS TIGDAS: Protektadong bata, mas ligtas na komunidad at mas maliwanag na kinabukasan!

Photo Credits to Tunay Kong Kaibigan - MAYOR JOEL TEVES