05/08/2024
Masanagon nga kabuntagon kanatong tanan.
😃😃😃
Niining adlawa ang GUGMA ug GRASYA sa DIOS Amahan atong matagamtaman uban ang kinabuhi nga iyang Gilugwayan.
☝️☝️☝️
Pulong sa DIOS
Isalikway ninyo ang tanang kaligutgot, kapungot ug kasuko.
[ EFESO 4:31 ]
IPATIGBABAW ANG KALOOY
Reference;
EFESO 4:25-32
Sa dihang gibombahan ang mga tore sa World Trade Center niadtong Septiyembre 11, 2001, usa Si Greg Rodriguez Sa mga nabiktima Sa pagkagun-ob niini.
Isip iyang inahan, nagsubo si Phyllis ug ang iyang bana, ug gihunahuna sab nila kon unsaon nila pagdawat ang maong hitabo.
Niadtong tuig 2002, gikahibalag ni Phyllis si Aicha el-Wafi nga inahan sa usa sa mga akusado nga mitabang sa mga terorista sa maong pagpamomba sa WORLD TRADE CENTER.
Miingon si Phylis nga "giduo| nako siya ug giabrehan nako ang akong mga bukton. Naggakos mi ug nanghilak... Alang kanamo ni Aicha, may diha-diha nga panagkasuod tungod sa among mga anak", Gitagbo ni Phyllis si Aicha taliwala sa isig nila ka kasakit ug kasubo.
Nagtuo si Phyllis nga bisan ug may rason siya nga maghambin ug kaligutgot, dili kini makapahupay sa iyang giantos nga kasakit.
Sa iyang pagpaminaw sa estorya sa pamilya ni Aicha, gibati siyag kaluoy nga nakapugong kaniya sa pag-isip kanila nga mga kaaway. Nagtinguha siyag hustisya, pero nagtuo siya nga kinahanglang dili kita matintal sa pagpanimalos, nga maoy kasagaran natong bation kon masakitan kita.
Mao usab kini ang baroganan ug gustong ipakigbahin ni apostol Pablo kanato sa iyang pag-awhag: "Biyai ninyo ang kayugot, kapungot ug kasuko. Ayaw na kamo pagsiningkahay ug pag- insultohay"
(EFESO 4:31 ).
Sa atong pagtugyan niining maong mga makadaot nga mga kinaiya ngadto sa Dios, hatagan kita sa Espiritu ug bag-ong panglantaw. "Pagkaluy-anay kamo ug pagbaton ug malumong kasingkasing alang sa usag-usa", miingon si Pablo sa
(EFESO 4:32).
Dili imposible ang pagpaningkamot nga matul-id ang mga sayop samtang magdumili sa kaligutgot ug pagpanimalos, Hinaut nga tabangan kita Sa Espiritu Sa pagpakita ug kaluoy nga modaog Sa kaligutgot.
Dalaygon ang Pulong sa DIOS.
GODBLESS US ALL
🙏🙏🙏
Sa kanunay, Mag-amping.
