https://www.facebook.com/111214251796683/

Pagsibol - MJA, Mataas na Kahoy, Tigbe, Norzagaray (2025)

29/09/2025

𝙉𝙀𝙒𝙎| Let's congratulate our Top 6 Journalists for the month of August and September. Leading the charge is our Chief-in-Editor 𝗝𝗲𝗳𝗳𝗲𝗿𝘀𝗼𝗻 𝗟𝗲𝘁𝗮𝗯𝗮𝗻, ensuring every story is gold. Behind the lens, we've got the unstoppable photo-power of 𝗖𝗵𝗿𝗶𝘀𝘁𝗶𝗮𝗻 𝗝𝗮𝗰𝗼𝗯 𝗣𝗼𝗹𝗹𝗲𝗱𝗼, 𝗞𝗲𝗻𝗻𝗶𝘃𝗶𝗰𝗸 who also nails our layouts, and our Head Photo-Boss, 𝗛𝗮𝘀𝗵𝗹𝗲𝘆 𝗔𝗯𝗲𝘀𝗮𝗺𝗶𝘀, with her right-hand wonder, 𝗜𝘀𝗮𝗯𝗲𝗹𝗹𝗮 𝗖𝗮𝗺𝗶𝗹𝗹𝗲 𝗔𝘇𝘂𝗿. Finally, keeping the facts straight and the stories sharp is News Writer Head 𝗖𝗵𝗿𝗶𝘀 𝗣𝗮𝘂𝗹𝗼 𝗔𝗻𝗱𝗿𝗲𝘀. These six didn't just meet the deadline, they smashed it with style and smiles. They bring the energy, the vision, and the passion that makes MJA Pagsibol the best!

Their pens and lenses have been on fire, capturing the heartbeat of our school and crafting narratives that jump off the page. From striking visuals to sharp reporting, their dedication is simply unmatched. Their work is a vibrant reflection of commitment and passion, making every edition of MJA Pagsibol a must-read.

| Written By Chris Paulo
| Layout By Kennivick Chan

26/09/2025

⚠️ 𝗧𝗬𝗣𝗛𝗢𝗢𝗡 𝗜𝗦 𝗡𝗢𝗧 𝗔 𝗝𝗢𝗞𝗘 ⚠️

"𝒑𝒘𝒆𝒅𝒆 𝒃𝒂𝒏𝒈 𝒎𝒂𝒈-𝒆𝒗𝒂𝒄𝒖𝒂𝒕𝒆 𝒋𝒂𝒏 𝒔𝒂 𝒊𝒏𝒚𝒐 𝒕𝒂𝒔 𝒕𝒂𝒃𝒊 𝒕𝒂𝒚𝒐 𝒎𝒂𝒕𝒖𝒍𝒐𝒈 "
"𝒄𝒖𝒅𝒅𝒍𝒆 𝒘𝒆𝒂𝒕𝒉𝒆𝒓"
"𝒉𝒊𝒏𝒅𝒊 '𝒚𝒂𝒏 𝒖𝒍𝒂𝒏, 𝒍𝒖𝒉𝒂 𝒌𝒐 '𝒚𝒂𝒏"

These phrases may sound funny and humorous, but on a serious note, a typhoon is not something to joke about. Some of us might be privileged enough to have a house to stay in during storms, but that is not an indication to engage in such immoral behavior as forgetting those who are not fortunate enough to have a roof to keep them dry and food to fill their stomachs, even for a while. Every typhoon has put many lives, homes, and futures at risk.

So, instead of posting and sharing unnecessary memes about typhoons, this is the time to stay informed and extend our hands to those who need it by sharing important information and donating.

Also, rather than wishing for cozy weather and class suspensions, let us hope for everyone's safety and a quick recovery for those who have been affected by the crisis.

𝘼𝙡𝙬𝙖𝙮𝙨 𝙧𝙚𝙢𝙚𝙢𝙗𝙚𝙧, 𝙞𝙩 𝙙𝙤𝙚𝙨𝙣'𝙩 𝙘𝙤𝙨𝙩 𝙖𝙣𝙮𝙩𝙝𝙞𝙣𝙜 𝙩𝙤 𝙗𝙚 𝙘𝙤𝙢𝙥𝙖𝙨𝙨𝙞𝙤𝙣𝙖𝙩𝙚 𝙖𝙣𝙙 𝙠𝙞𝙣𝙙. 🤝🏻🫂

𝙎𝙩𝙖𝙮 𝙨𝙖𝙛𝙚 𝙖𝙣𝙙 𝙙𝙧𝙮!☂️🌧️

| Written by Jewell Coleen Rosamiran
| Layout by Lester Sampitan

22/09/2025

𝗛𝗔𝗣𝗣𝗬 𝗙𝗔𝗠𝗜𝗟𝗬 𝗗𝗔𝗬!

𝗧𝗼𝗱𝗮𝘆, 𝗦𝗲𝗽𝘁𝗲𝗺𝗯𝗲𝗿 22, 2025, we celebrate one of our life’s greatest treasures—𝙤𝙪𝙧 𝙛𝙖𝙢𝙞𝙡𝙮. This is a beautiful reminder that no matter how busy life gets, family will always be our source of love, comfort, and strength. They are the ones who cheer for us in our victories and stand with us during hard times. Family makes every moment brighter, every challenge lighter, and every day more meaningful.

Let’s use this special day to share love, laughter, and togetherness. Whether it’s enjoying a fun meal, telling stories, playing games, or simply spending time side by side, these little moments are what create the sweetest memories. Today is about celebrating not just the people we are related to, but also those who feel like family, the friends and loved ones who make life warm and joyful. Here’s to hugs, smiles, and the happiness that only family can bring.

| Written By Chris Paulo Andres
| Layout By Kennivick Chan

22/09/2025

𝙀𝘿𝙄𝙏𝙊𝙍𝙔𝘼𝙇| Paggunita sa Batas Militar: Sugat na Iniwan Nito sa Bayan

Ngayong araw, Setyembre 21 ay muling ginugunita ng sambayanang Pilipino ang isa sa pinakamadilim at madugong kabanata ng kasaysayan—ang Batas Militar.

Ipinatupad ito noong Setyembre 21, 1972. Ito ay panahon ng pang-aabuso at paglabag sa karapatang pantao ng libo-libong Pilipino at pandarambong sa kaban ng bayan.

Sa ilalim ng diktaduryang Marcos, pinarusahan ang mga taong nagtangkang magsalita laban sa kanyang rehimen. Matatandaang 107,240 ang primary victims ng human rights violations: 34,000 ang tinorture at 3,240 ang pinaslang ng mga militar at pulis.

Nilabag rin ni Marcos Sr. ang kalayaan ng pamamahayag, at 464 na media outlets ang ipinasara. Tinatayang nasa $5–$10 bilyon ang sinasabing ill-gotten wealth.

Hindi lamang ito nananatili sa libro ng kasaysayan. Hanggang ngayon, ang mga biktima ng Martial Law ay hindi pa nabibigyan ng hustisya, hindi pa rin naibabalik ang perang ninakaw ng pamilya Marcos. Marami ang nawawala na hindi na natagpuan. Marami ang natutong manahimik dahil sa takot. Binabayaran pa rin ng mga Pilipino ang utang na iniwan ng Batas Militar. Patuloy pa ring nagdurugo ang sugat ng nakaraan sapagkat hindi naman ito ginagamot.

Ngayong araw mismo, nagtipon-tipon ang taumbayan sa Luneta at nagmartsa papuntang Mendiola. Ito ay para magpakita ng paglaban sa kasalukuyang korapsyon ng rehimen. Sa pamamagitan ng sigaw, plakard, at martsa, muling pinatunayan ng taumbayan na ang katotohanan ay hindi kailanman magbabago o matitinag. Ang alaala ng mga biktima ay mananatiling buhay sa diwa ng mga Pilipinong hindi papayag na makalimutan ito.

Ang paggunita sa Batas Militar ay hindi lamang pagbabalik-tanaw sa sakit ng nakaraan. Ito ay pagkilala sa tapang ng mga lumaban at nag-alay ng kanilang buhay para sa bayan. Ito rin ay isang panawagan sa kabataan at bawat Pilipino na manatiling mapagmatyag, gamitin ang boses para magsalita, at huwag hayaang maulit ang madilim na kabanata ng ating kasaysayan.

| Written by Tifanny Ramos
| Layout by Kennivick Chan
| Cartoon By Angelica Caluag

22/09/2025

𝐉𝐔𝐒𝐓 𝐈𝐍: Mayor Merlyn Germar has declared the 𝗦𝗨𝗦𝗣𝗘𝗡𝗦𝗜𝗢𝗡 𝗢𝗙 𝗖𝗟𝗔𝗦𝗦𝗘𝗦 at all levels public and private school. 𝘁𝗼𝗺𝗼𝗿𝗿𝗼𝘄, 𝗧𝘂𝗲𝘀𝗱𝗮𝘆, 𝗦𝗲𝗽𝘁𝗲𝗺𝗯𝗲𝗿 23, 2025, due to the threat of Super Typhoon "Nando." Stay safe, MJAIANS!

| Written by Chris Paulo Andres
| Layout by Kennivick Chan

21/09/2025

"𝗖𝗟𝗔𝗦𝗦 𝗦𝗨𝗦𝗣𝗘𝗡𝗦𝗜𝗢𝗡 𝗔𝗟𝗘𝗥𝗧"

𝗡𝗼 𝗖𝗹𝗮𝘀𝘀𝗲𝘀 tomorrow, 𝗦𝗲𝗽𝘁𝗲𝗺𝗯𝗲𝗿 22, 2025, for all levels at Mary Josette Academy, Inc., due to the recommendation of MDRRMC and the guidance of Mayor Merlyn Germar, as a precautionary measure for Super Typhoon "Nando". Stay safe, everyone!"

| Written by Chris Paulo
| Layout by Kennivick Chan

21/09/2025

𝙀𝘿𝙄𝙏𝙊𝙍𝙔𝘼𝙇| Bangungot ng Nakaraan, Nararapat Panagutan
‎
‎Walang makalilimot sa araw ng karumal-dumal na bangungot na sinapit ng mga Pilipino sa kamay ng mga talipandas.
‎
‎Mananatiling banaag sa isipan ng mga Pilipino ang hindi maghilom-hilom na galos na idinulot nang pagdeklara ng Martial Law noong Setyembre 21,1972. Hindi mabilang na pang-aabuso ang dinanas ng ating mga kababayan matapos bigyang pangil ang mga sundalo — may mga tinortyur, hinalay, at ang mga pinatay ay itinapon sa ilog at talahiban. Ilang dekada man ang lumipas ay walang makaiimbento ng lunas na magbubura sa mala-impyernong kasaysayan na handog ng mga hudas.
‎
‎Isinabatas umano ang pakulo upang mailigtas kuno ang ating bansa sa komunismo. Ito ang bukambibig ni Marcos bago ihayag ang nilagdaan niyang Proklamasyon 1081. Dito ipinakilala ang "Bagong Lipunan", ngunit ang mga nakaupo lamang ang nakinabang sa bagong lipunan na para sa mga Pilipino'y makabagong pamamaraan ng penitensya. Naging petsa de peligro para sa buhay ng ating mga kababayan ang proteksyong pamahalaan lamang ang pinaglilingkuran.
‎
‎Pinto tungo sa kamatayan ang sumalubong sa mga Pilipino dahil sa pamamayagpag ng propagandang pasismo. Kasabay nito'y tikom naman ang bibig ng midya sa katotohanan dahil sa bahag na buntot ng mga may kapangyarihan. Ang mga rallyista na patuloy sa pagbunyag ng katotohanan ay inunti-unti rin ng mga hangal. Bakit nga ba sa bawat katotohanang isinisiwalat, buhay ang kabayaran? Takot nga ba ang mga nasa trono sa mga edukadong Pilipino?
‎
‎Bilang pag-alala sa madilim na nakaraan ng bansa, nararapat na patuloy nating ipaglaban ang karapatan ng bawat isa, hindi lamang sa ibang bagay kundi sa demokrasya ng ating bansa. Hindi na p**i ang mga Pilipino sa henerasyon ngayon kung kaya't ang bawat ganid na nasa gobyerno ay dapat panagutan ang mga kasakimang kanilang ginagawa. Kinakailangan nating magkaisa upang patalsikin ang mga huwad na kuyakoy sa kanilang panunungkulan.
‎
‎Nakapasak na sa isipan ng bawat Pilipino ang masalimuot na epekto ng Martial Law, kung kaya't hanggang may mga nakaupong gustong maghari-harian walang tigil ang ating pag-aklas at paglaban para sa bayan.

| Written By Renz Oltiano
| Cartoon By John Llyod Guerrero
| Layout By Kennivick Chan

21/09/2025

𝙉𝙀𝙒𝙎| 𝗡𝗴𝗮𝘆𝗼𝗻𝗴 𝗔𝗿𝗮𝘄, 𝗦𝗲𝗽𝘁𝗲𝗺𝗯𝗲𝗿 21 2025 muling nagising ang bansa sa tunog ng mga yabag at sigaw ng pag-asa. Sa ilalim ng Proclamation No. 319, s. 2017, ang araw na ito ay inukit sa kalendaryo bilang 𝗡𝗮𝘁𝗶𝗼𝗻𝗮𝗹 𝗗𝗮𝘆 𝗼𝗳 𝗣𝗿𝗼𝘁𝗲𝘀𝘁 isang araw kung saan ang tinig ng mga Pilipino ay hindi na muling p**iitin. Ito ang araw na nagpapaalala sa atin ng madilim na kasaysayan ng Batas Militar noong 1972, at sa bawat plakard at bandila, muling itinatanghal ang matibay na paninindigan ng bayan 𝙣𝙖 𝙖𝙣𝙜 𝙩𝙪𝙣𝙖𝙮 𝙠𝙖𝙥𝙖𝙣𝙜𝙮𝙖𝙧𝙞𝙝𝙖𝙣 𝙖𝙮 𝙡𝙖𝙜𝙞𝙣𝙜 𝙣𝙖𝙜𝙢𝙪𝙢𝙪𝙡𝙖 𝙨𝙖 𝙨𝙖 𝙖𝙩𝙞𝙣.

Ang mga nagtipong Pilipino ay hindi lamang nagluluksa sa nakaraan, kundi nagtatanim ng binhi ng kinabukasan. Ang bawat hakbang sa lansangan ay isang paglalakbay patungo sa hustisya. Ang bawat sigaw na "𝙉𝙤 𝙩𝙤 𝘾𝙤𝙧𝙧𝙪𝙥𝙩𝙞𝙤𝙣𝙨" ay hindi lamang isang simpleng pagtutol kundi isang panatang ipaglaban ang katotohanan. Sa gitna ng agos ng problema at kawalang-katarungan, ang pagtitipon na ito ay nagpapatunay na ang diwa ng pagkakaisa ay nananatiling buhay. Ang tunay na lakas ng demokrasya ay hindi nasa mga gusali ng gobyerno, kundi nasa puso at tapang ng bawat mamamayan.

| Written by Chris paulo Andres
| Layout by Kennivick Chan

21/09/2025

𝙇𝙄𝙏𝙀𝙍𝘼𝙍𝙔 | Sa loob ng isang sasakyan, tanging halaklakan lamang ang naririnig dito habang sila’y patungo sa kanilang destinasyon. Harutan, biruan, at kulitan lamang ang naging pampalipas oras upang hindi mabagot sa byahe.

THIRD PERSON POV

Habang nagsasaya ang magkakaibigan, kapansin-pansin sa kabilang banda si Stella na tahimik at nagmamasid sa kapaligiran na para bang walang naririnig kundi ang huni ng mga ibon at paghampas ng hangin sa kanyang mga balat.

Mababakas sa kanyang mga mata ang pangamba sa lugar na kanilang tinatahak. Napansin ni Yori na tahimik ang kanyang nobya kaya’t tanging paghaplos lamang sa kamay nito ang kaniyang nagawa upang makuha ang atensyon nito. Hindi maiwasan ni Stella na mag tanong sa kanyang nobyo kung tama pa ba ang lugar na kanilang tinatahak kasi tila ba parang liblib at walang masyadong sasakyan siyang nakikita.

Narinig ni Sol ang tanong ni Stella na pumukaw sa kanilang atensyon at sabay-sabay silang sumilip sa bintana, ngunit matatayog na puno lamang ang kanilang nasilayan at ang nagpapaliwanag sa kapaligiran ay ang tanging ilaw na nagmumula sa sasakyan.

Ang kaninang sasakyan na puno ng kasiyahan na ngayo’y binabalot na ng katahimikan.

Habang nagmamaneho, napatingin si Shiloh sa salamin at napansing bakas na ang takot sa mga mukha ng kanyang kaibigan kaya hindi nya maiwasang ngumisi at humalakhak nang malakas na para bang nang aasar at sabay hininto ang sasakyan dahil naroon na sila sa kanilang destinasyon.

Bumungad sa kanila ang isang napakalaking bahay na tila ba parang napabayaan na sa sobrang daming sapot ng gagamba. Kinagabihan, napag-desisyunan nilang lumabas at gumawa ng bonfire. Nagpaalam si Shiloh at Yori na maghahanap ng kahoy. Sa kabilang banda, nagpaalam sina Stella at Sol na pupunta sa palikuran.

Pagkalabas ng cr ni Sol, nakita niyang tumatakbo at pawis na pawis na si Shiloh papalapit sakanya. Hinihingal siyang nagtanong kung nasaan si Stella ngunit nagtaka si Sol kung bakit puno ng dugo ang damit nito. Sabay silang napalingon dahil nakita nila si Stella na pababa sa hagdan at bagong hugas ng kamay.

Nagtatakang lumapit si Stella kay Shiloh at Sol at nagtanong kung anong nangyari. Nanginginig na sinabi ni Shiloh na habang nag hahanap sila ng kahoy ni Yori ay naghiwalay sila upang mapabilis ang paghahanap ngunit ng pagbalik nya, nakita nyang duguan na si Yori at naghihingalo na nakatingin sakanya at tila ba may nais isatinig ngunit may bigla na lamang pumana sa ulo nito.

Napansin ni Shiloh na para bang nagpalit ng damit si Stella na kanyang pinag taka at pinagbintangan na siya ang pumatay kay Yori, ngunit dinepensahan nito ang kanyang sarili at tinuro si Sol na bagong ligo rin at parang nanginginig sa takot.

Nagkatinginan ang tatlo at sabay sabay humalakhak ng napakalakas na parang nawawala sa sarili.

Sino? Sino nga ba ang salarin?

| Written by Nicole G. Cagabhion
| Layout by Kesha Oplado Gereña

20/09/2025

𝐈𝐍 𝐏𝐇𝐎𝐓𝐎𝐒| Himig ng Sining: Isang Pagdiriwang ng Talento ng Grade 12

Sa mga bulwagan na minsang tahimik at walang kulay, sumiklab ang isang pambihirang pagdiriwang ng sining at imahinasyon. Hindi lamang ito isang eksibisyon, ito ay isang makulay na paglalakbay sa malikhaing isipan ng mga mag-aaral sa Grade 12, kung saan ang bawat silid ay naging buhay na pahina ng isang aklat ng sining at pangarap.

Pagpasok sa espasyo ng 12-ABM, agad mong mararamdaman ang sigla at enerhiya. Ang kanilang lugar ay tila isang buhawi ng kulay at imahinasyon, bawat sulok ay kumikislap ng malikhaing ideya. Ang kanilang mga likha ay tila humihinga, at ang umiikot na coffee art stand ang naging sentro ng pagkamangha. Ang papuri ng mga g**o at hurado ay hindi lamang simpleng pagkilala—ito’y tanda ng kanilang pagkakaisa at matinding dedikasyon upang lumikha ng isang sining na tunay na obra-maestra.

Samantala, ang 12-Plato ay nagtanghal ng isang alamat ng pagtutulungan at kagalakan. Sa bawat tawanan habang nag-aayos, hanggang sa pagtatapos na puno ng saya, nabuo ang mga alaalang higit pa sa anumang likha. Ang kanilang eksibit ay hindi lamang nakakamangha dahil sa ganda, kundi dahil din sa init ng pagtanggap at saya ng kapaligiran. Ang pagod na kanilang dinanas ay napalitan ng matatamis na tagumpay at pusong umaapaw sa pagmamalaki.

Sa kaharian ng 12-Fibonacci, ipinakita nila na ang sining ay hindi lang ipinipinta—ito ay nililikha mula sa puso, imahinasyon, at malikhaing paggamit ng bagay na dati’y itinapon. Sa pamamagitan ng kanilang eksibit na “Fiboverse: Whispers inside the Nebula,” tila naglakbay ang mga bisita sa kalawakan ng imahinasyon. Ang kanilang sining ay nagkuwento ng mga damdaming hindi kayang ilarawan ng salita, mga kuwentong nararamdaman lamang ng puso.

Hindi rin nagpahuli ang 12-Descartes, na nagpatunay na sa likod ng pagiging simple, naroon ang tunay na ganda. Ang kanilang eksibit ay isang mapayapang espasyo kung saan ang bawat obra ay nagsalita nang tahimik ngunit malinaw. Sa tulong ng perpektong ilaw, mas nasilayan ang likas na kulay ng kanilang sining. At sa bawat bisitang lumabas mula sa kanilang silid—mula sa mga bata sa elementarya hanggang sa senior high, isang ngiti ang naiwan sa kanilang mga labi. Patunay na ang sining, gaano man kaliit o kasimple, ay may kakayahang magbigay ng tuwa.

Sa huli, ang art exhibit na ito ay hindi lamang proyekto sa Contemporary Arts, ito ay isang salamin ng pangarap, pagsusumikap, at pagkakaisa ng mga mag-aaral sa Grade 12. Bawat obra ay isang patunay na sa pagtutulungan, ang pangarap ay nagiging katotohanan, at ang simpleng ideya ay nagiging isang makulay na obra-maestra na pumupukaw sa puso at isipan.

| Written by Chris Paulo Andres
| Layout By Kennivick Chan

20/09/2025

𝐄𝐃𝐈𝐓𝐎𝐑𝐈𝐀𝐋 || ‎Baha ng Kasakiman
‎
‎Walang humpay ang paglusong ng mga Pilipino sa bahang dala ng mga ganid na pinuno.
‎
‎Maanomalya't saliwa sa hangarin ang epekto ng Flood Control Project ng Department of Public Works and Highways (DPWH), na layon sanang maaksyunan ang bahang dulot ng pagsalanta ng maraming bagyo sa bansa. Ang bilyon-bilyong pondo na nakalaan sa plano ay napunta sa bulsa ng mga mandarambong na nasa trono. Sintindi ng hagupit ng bagyo ang walang kupas na panggagantsyo ng mga nakaupo sa puwesto.
‎
‎Suntok sa buwan ang pangakong pag-ahon sa bahang dulot ng kalamidad bunsod ng kapabayaan sa pagwaldas ng pondo. Dagdag pa rito bunga ng walang kongkretong pagpaplano at kakulangan sa pag-usisa sa mga kontraktor at manggagawa, nauwi sa wala ang pagyari sa proyekto. Dahil sa kahangalan ng mga may kapangyarihan naudlot ang inaasam na kapayapaan. Patunay lamang na hindi baha ang magpapalubog sa ating bansa kundi katiwalian.
‎
‎Habang ang mga nakaupo'y nagpapakasasa sa kanilang mga ninakaw, ang mga mamamayan naman ng bansa na labis na apektado ng baha ay hikaos na sa pag-asa sa walang kahihinatnang paglunsad ng proyekto.
‎
‎Panahon na upang managot ang mga kurakot, sa baha ng sigalot na kanilang idinulot dahil sa kanilang pag-iisip na baluktot. Ang mga hangal na kontraktor at utak ng katiwalian ay dapat pagbayaran ang kanilang kalapastanganan sa pagdurog sa pag-asa na makaahon sa problema ng lipunan.
‎
‎Kinakailangang sibakin sa puwesto ang mga opisyal na ugat ng kasakiman at parusahan din ang mga kontraktor na imbis na ang proyekto ang pakatutukan, mas inuna pa ang pagpaparami ng laman ng kanilang mga bulsa. Nararapat din na sa bawat proyektong isasagawa ng gobyerno ay gumawa ng matibay at matalinong pagpaplano upang maiwasan ang pagsayang sa kaban ng bayan. Mabuti nang baguhin natin ang pananaw na ang mga problema sa lipunan ay mananatiling magpapahirap sa ating kalagayan, bagamat ating itatak sa ating pag-iisip na ito'y isang pag-asa upang tayo ay magtulong-tulong at magkaisa bilang iisang bansa.
‎
‎Harinawa'y tayo ay makaahon sa baha ng kasakiman ng mga hipokritong halang ang dila sa kapangyarihan.

| Written by Renz Oltiano
| Cartoon by Armela Lupangco
| Layout by Kennivick Chan

16/09/2025

𝐈𝐍 𝐏𝐇𝐎𝐓𝐎𝐒| "Ang Kantang Ito ay Para Sayo": Pagwawakas ng Buwan ng Wika na Puno ng Musika

Nagsama-sama ang mga mag-aaral ng Senior High School ng Mary Josette Academy, Inc. sa MJA Gymnasium noong Biyernes, Agosto 29, 2025, 1:00 ng hapon para sa huling kaganapan ng Buwan ng Wika: ang Vocal Solo.

Para sa patimpalak, pumili ang mga kinatawan ng bawat strand at seksyon ng mga OPM song mula sa dekada '90 upang magtanghal, na siyang pinakamagandang paraan upang tapusin ang Buwan ng Wika sa pamamagitan ng mga kantang isinulat at inawit ng mga Pilipino.

Masiglang nanood ang mga mag-aaral at nagpalakpakan para sa kanilang mga kinatawan gamit ang mga banner at lobo, at ang ilan ay nagdala pa ng mga tambol.

Bago nagsimula ang main event, inihayag ng MC na si G. Rosalito F. Soriano ang mga nagwagi mula sa mga kategorya ng Tula, Talumpating Handa, at Spoken Poetry.

Tula

1st Place: Sophia Paulene M. Solarte ng STEM 12 - Fibonacci
2nd Place: Althea Ucab ng HUMSS 12 - Plato
3rd Place: John Alpi S. Usaraga ng STEM 11 - Pythagoras

Talumpating Handa

1st Place: Shekina Bless Reofrir ng HUMSS 12 - Plato
2nd Place: Chris Paulo R. Andres ng ABM 12 - Archimedes
3rd Place: Tristance Torio ng STEM 12 - Fibonacci

Spoken Poetry

1st Place: Jhasper G. Anadon ng HUMSS 12 - Aquinas
2nd Place: Jefferson Letaban ng HUMSS 12 - Plato
3rd Place: Nicole Cagabhion ng STEM 12 - Fibonacci

Napuno ng pagmamalaki at kagalakan ang mga mag-aaral sa anunsyo na ito dahil nagwagi ang kanilang mga kaklase.

Umalingawngaw sa gymnasium ang malalakas na hiyawan at palakpakan bago pa man magsimula ang kompetisyon, na nagbigay ng kumpiyansa at suporta sa mga kalahok.

Isa-isang inawit ng mga kalahok ang kanilang piniling kanta.

Habang naghihintay sa resulta, tinawag muna ng MC ang mga nanalo sa Bayani Look-Alike Contest na ginanap noong Agosto 28, 2025, gayundin ang iba pang nagwagi sa mga kategoryang Sanaysay, Talumpating Di-Handa, Slogan, at Poster Making.

Bayani Look-Alike

1st Place: Charlyn C. Ladao ng HUMSS 12 - Plato bilang Gabriela Silang
2nd Place: Princess May Ann Divina ng ABM 12 - Archimedes bilang Melchora Aquino
3rd Place: Khem Benjiel Felisilda ng STEM 11 - Pythagoras bilang José Rizal

Sanaysay

1st Place: Chris Paulo R. Andres ng ABM 12 - Archimedes
2nd Place: Renz Oltiano ng STEM 12 - Fibonacci
3rd Place: Jannashia Nicole Mariano ng HUMSS 11 - Freud

Talumpating Di-Handa

1st Place: Kennivick Chan ng HUMSS 12 - Plato
2nd Place: Angel Catama ng STEM 12 - Fibonacci
3rd Place: Cris Madjos ng HUMSS 12 - Aquinas

Slogan

1st Place: Shylee Anne Doparco ng STEM 12 - Descartes
2nd Place: Shayne R. Fabriga ng STEM 12 - Fibonnaci
3rd Place: Guess Glodove ng HUMSS 12 - Plato

Poster Making

1st Place: Heart Ro-an Lapig ng STEM 12 - Fibonacci
2nd Place: Kesha O. Gereña ng STEM 11 - Pythagoras
3rd Place: Julia Sabina S. Espinol ng ICT 11-Bill Gates

Muling napuno ng hiyawan ang gymnasium habang tinatawag sa entablado ang mga nanalo.

Lahat ay naghintay nang may pananabik para malaman kung sino ang nagwagi sa Vocal Solo.

Tinawag ang 3rd Place, si Hashley C. Abesamis ng STEM 12 - Fibonacci, na nagtanghal ng "Ikaw ang Iibigin Ko" ni Jos Garcia, na nagdala ng kagalakan sa kanyang seksyon.

Sumunod na tinawag ang 2nd Place, si Lorenz Josh L. Bendoy ng HUMSS 12 - Aquinas, na nagtanghal ng "Ang Huling El Bimbo" ng Eraserheads, na umani ng parehong lakas ng suporta.

Sa huli, matapos ang panunukso ng MC, tinawag ang 1st Place, si Rezza Mae C. Gnilo ng HUMSS 12 - Plato, na umawit ng "Ang Buhay Ko" ng Asin.

Nagtapos ang programa nang may ngiti, pagbati, at ligaya sa bawat mag aaral ng senior high school.

✒️: Chris Paulo
🎨: Jane dayap and Lester Sampitan
📸: Stacee Mierra Baldorado, Justine Kennivick Chan, Shekainah Reofrir, Mark david Argota, Jamaica Villar, Hash Abesamis, Kaito Kyien

Pagsibol - MJA

29/09/2025

26/09/2025

22/09/2025

22/09/2025

22/09/2025

21/09/2025

21/09/2025

21/09/2025

21/09/2025

20/09/2025

20/09/2025

16/09/2025

Address

Telephone

Website

Alerts

Shortcuts

Share

Category