Maxbar Info TV

22/08/2025

22/08/2025

TAN-AWA| AMBULANSIYA UG EMERGENCY VEHICLES SA AGUSAN DEL SUR, NAKAPARADA SA NIGHT CLUB SA DAVAO

Trending karon sa social media ang hulagway sa tulo ka ambulansiya/emergency vehicles nga daw gikan sa Agusan del Sur nga nakapark sa gawas sa usa ka night club sa dakbayan sa Davao.

Sumala sa usa ka concerned netizen, misulod matud pa ang mga sakay sa maong sakyanan sa establisemento para sa usa ka kalihokan.

Gani, ang maong post online, napuno og pagsaway ug kalingawan.

Diin matud pa ni Lity Alfeche Duhaylungsod, pinaagi sa iyang komento, “Basin naa sila e rescue didto sulod sa club, Basin naay nagkanta didto og “Rescue me” maong ilang gi respondihan”.

Dugang pa usab ni Bing Plaza Rosales, “Pauli na na cla, nki-CR lng..”

Sa kasamtangang, padayon pang gipanubayan ning sibyaan ang maong isyu, ingon man nga wala pay opisyal nga tubag gikan sa mga otoridad o sa lokal nga panggamhanan kabahin sa hinungdan sa pagparada sa mga government-owned vehicles.

Photo Courtesy: CTTO

21/08/2025

20/08/2025