15/07/2025
𝗘𝗔𝗥𝗟𝗬 𝗖𝗛𝗜𝗟𝗗𝗛𝗢𝗢𝗗 𝗖𝗔𝗥𝗘 & 𝗗𝗘𝗩𝗘𝗟𝗢𝗣𝗠𝗘𝗡𝗧 (𝗘𝗖𝗖𝗗) 𝗣𝗥𝗢𝗚𝗥𝗔𝗠. Bilang Chairperson kan Committee On Children, pinagmaray ta na magkaigwa ni Baseline Information kan ECCD Program sa banwaan sa paagi kan sarong Consultation Meeting kaiba an gabos na Child Development Workers (CDW) kan bilog na Ocampo.
Sa nasabing meeting na inatendiran man kan mga miyembro kan Committee on Children na sinda Coun. Tisay Soriano asin Atty. Charlo Brandes, naaraman ta an Status Quo or an presenteng sitwasyon kan ECCD Program sa Ocampo.
Nagkapira sa mga kaipuhan tawan nin atensyon iyo an dai "commensurate" na Monthly Honorarium kan MLGU para sa gabos na CDWorkers. Sobra an saindang sakripisyo, minsan nag-gagastos pa nin sadiri, makatabang sana sa kaakian. Saro pa iyo an kakulangan School Supplies kan mga Learners para makasabay sinda sa mga activities na ginigibo sa bilog na taon. Igwa pang nagpaabot patungkol sa saindang official travel allowances, equipment para sa centers, power and water connections and availability, structural issues kan mga Centers, printers, office supplies, asin iba pa.
Dakul an problema alagad luluway luwayan tang masolusyonan sa tabang kan sakuyang pag-iriba sa Sangguniang Bayan, kan Lokal na Ehekutibo, kan gabos na Punong Barangay asin Officials, asin siyempre kan Gabos na CDWorkers sa bilog na Ocampo.
Sa gabos po na Child Development Workers (CDWs), mati ko po an sakripisyo nindo lalo na sa pagtao nin PUSOG na PUNDASYON sa pagkanuod kan satuyang mga kaakian sa banwaan. Salamaton po saindo!
10 July 2025
