Romblon Sun Online

11/06/2026

Mekaniko, timbog sa buy-bust operation laban sa ilegal na droga sa Odiongan, Romblon

ODIONGAN, Romblon – Arestado ang isang 28 taong gulang na mekaniko matapos mabilhan ng ilegal na droga sa ikinasang buy-bust operation ng kapulisan pasado 11:00 kagabi, Hunyo 10, 2026 sa Barangay Poctoy, Odiongan, Romblon.

Nakilala ang suspek na si alyas “Jake”, 28 taong gulang , binata, mekaniko at residente ng Barangay Mayha, Odiongan, Romblon.

Ayon sa Odiongan Municipal Police Station (OMPS), isang buy-bust operation ang isinagawa ng mga operatiba sa pangunguna ng Municipal Drug Enforcement Unit (MDEU) ng Odiongan MPS sa koordinasyon ng PDEA MIMAROPA na nagresulta sa pagkahuli sa suspek na kinilala na bagong “street level individual” drug personality.

Nakabili sa suspek ang isang pulis na nagpanggap na poseur-buyer, ng isang pirasong heat-sealed transparent plastic sachet na naglalaman ng pinaghihinalaang ilegal na droga kapalit ang halagang P3,000.00.

Pagkatapos ng transaksyon ay nagpakilala ang pulis at agad na hinuli ang binatang suspek.

Nakuha rin sa suspek ang perang ginamit sa buy-bust operation na halagang P3,000.00 na marked money” at isang kulay itim na motorsiklong Suzuki Smash.

Ang pag-imbentaryo, pagkuha ng mga ebidensya ay isinagawa sa nasabing lugar, sa presensya ng suspek na sinaksihan ng opisyal ng Barangay Poctoy, Odiongan, Romblon at kinatawan mula sa media.

Tinatayang may bigat na humigit kumulang sa 0.5 grams at nagkahahalaga ng P3,400.00 ang nakuhang ilegal na droga sa lalaking suspek.

Ang suspek at ang nakuhang ilegal na droga ay dinala sa Romblon Provincial Crime Laboratory Office para sa kaukulang eksaminasyon.

Isinailalim sa kustodiya ng Odiongan MPS ang suspek na nahaharap sa kasong paglabag sa Section 5 Article II of RA 9165 (The Comprehensive Dangerous Drugs Act of 2002) na inihahandang isampa ng Odiongan MPS sa Provincial Prosecutor’s Office sa Odiongan, Romblon. (RSun Staff)

09/06/2026

JOKE TIME:
SAKRIPISYO

May isang barkong puno ng pasahero na naglalayag sa gitna ng karagatan nang biglang sumama ang panahon. Dahil overloaded, unti-unting lumulubog ang barko.

Lumapit ang Kapitan sa mga pasahero at sinabi, "Kailangan nating magbawas ng tatlong pasahero para hindi tayo tuluyang lumubog! Sino ang gustong magsakripisyo?"

Walang nagsasalita hanggang sa may tumayong Hapon. Sumigaw ito ng "Banzai Japan!" at tumalon sa dagat.

Sumunod naman ang isang Espanyol. Sumigaw din ito ng "Viva Espanya!" at tumalon din sa dagat.

Nag-aabang ang lahat kung sino ang pangatlo. Maya-maya, biglang lumapit ang isang Pinoy sa gilid ng barko. Itinaas ang kanyang kamao at sumigaw ng malakas: "Mabuhay ang Pilipinas!"
Sabay tadyak sa katabi niyang Bombay para mahulog ito sa dagat!

-o0o-
Juan: Tanungin mo ako ng English, sasagutin kita ng Spanish.
Pedro: What is more important? Heart or Mind?
Juan: Spanish!!!

-o0o-
Annulment
Isang magasawa ang dumulog sa korte para magpaannul.

Judge: Ano ang dahilan para kayo magpaannul?

Babae: (Nagsalita habang nakayuko) Your honor, katawan lang ang gusto niya sa akin.

Judge: Anong pruyba mo?

Babae: (Nakayuko pa rin) Tuwing nag love making kami tinatakpan niya ng towel ang mukha ko.

Judge: Ikaw Mister bakit mo ginawa yun?

Mister: No comment your Honor. Just see for yourself.

Misis: (Nagalit at ihinarap ang mukha sa Judge) See bastos talaga ang taong yan.

Judge: (Habang nakatingin kay Misis.) Annulment petition granted.
Ikaw naman lalaki, bakit ngayon ka lang nagfile ng annulment? Ang tiyaga mo.

08/06/2026

07/06/2026

AFP, nanawagang 'testigo, bodYguards na lang' itawag sa 18-ex Marines

Nilinaw ng Armed Forces of the Philippines (AFP) na ang 18-ex Marines na lumahok sa pagdinig ng Senado kaugnay ng umano’y mga anomalya sa flood control projects ay hindi na kabilang sa militar nang maganap ang mga alegasyong kanilang kinasasangkutan.

Sa pahayag noong Biyernes, Hunyo 6, 2026, sinabi ni AFP Public Affairs Office chief Col. Xerxes Trinidad na hindi na nasa aktibong serbisyo ang mga naturang indibidwal nang maganap ang mga kilos at pangyayaring tinatalakay sa imbestigasyon.

“While some reports have collectively described them as ‘Marines’ or ‘Ex-Marines,’ it is important to note that they were no longer in active military service at the time of the acts and allegations being discussed. These were undertaken in their private capacities and not on behalf of the AFP,” ani Trinidad.

Ayon pa sa opisyal, hindi rin lahat ng 18 indibidwal ay dating miyembro ng Philippine Marine Corps (PMC).

Aniya, ang patuloy na pagtukoy sa kanila bilang “Marines” ay maaaring magbigay ng maling impresyon na may kinalaman ang AFP o ang PMC sa mga sinasabing iregularidad.

ATOM, umalma sa ibinasurang kaso vs. pamilya Marcos
ATOM, umalma sa ibinasurang kaso vs. pamilya Marcos
“For accuracy, we respectfully encourage the use of the individuals’ names, or simply refer to them as witnesses, affiants, or former staff/bodyguards of the concerned personalities, as appropriate,” dagdag niya.

Muling napunta sa sentro ng atensyon ang mga nasabing testigo matapos nilang sabihin na nagsilbi silang security aides ng dating Ako Bicol party-list Rep. Zaldy Co at umano’y naghatid ng mga bag at maleta na may lamang pera para sa ilang pulitiko at kilalang personalidad.

Hindi ito ang unang pagkakataon na nasangkot sa kontrobersiya ang grupo. Noong Pebrero, sinabi ng Philippine Navy (PN) na apat sa 18 indibidwal ay hindi kailanman naging miyembro ng Navy o ng PMC, habang karamihan sa mga dating miyembro ay natanggal sa serbisyo sa ilalim ng dishonorable discharge.

Sa isang pahayag noon, sinabi ni PN spokesperson Capt. Marissa Martinez, “Based on official records, (four) were never members of the PN or the PMC (a type unit under the Navy). Majority of the individuals were discharged dishonorably from the service, while others were able to retire in good standing.”

Tumanggi naman si Martinez na tukuyin kung ilan eksakto sa mga dating miyembro ng PMC ang natanggal sa serbisyo sa ilalim ng dishonorable discharge.

“We cannot give a number because of the families, especially if they were dishonorably discharged,” aniya.

Patuloy ang pagbusisi ng Senado sa mga alegasyon kaugnay ng umano’y iregularidad sa mga flood control projects, kabilang ang mga pahayag ng mga testigong humarap sa pagdinig.

07/06/2026

Senior citizen natagpuan na walang buhay sa loob ng kuwarto ng kanyang bahay sa Calatrava, Romblon

CALATRAVA, Romblon – Nakahandusay sa sahig sa loob ng kuwarto ng kanilang bahay ang isang lalaking senior citizen at hindi na humihinga nang datnan ito ng kanyang pamangkin dakong 9:00 ng umaga ng Hunyo 5, 2026 sa Barangay Poblacion, Calatrava, Romblon.

Ang biktima ay kinilala na 73 taong gulang na lalaki at residente ng nasabing barangay.

Sa ulat ng Calatrava Municipal Police Station, personal umanong pumunta ng kanilang himpilan ang pamangkin ng biktima upang ipaalam ang pagkadiskubre sa bangkay ng kanyang tiyuhin sa loob ng silid ng kanilang tahanan.

Napag-alaman na ang biktima ay siyang nag-aalaga sa kanyang nakaratay na maysakit na asawa.

Pinapalagay na dahil umano sa dami ng responsibilidad at gawaing bahay ay maaring napagod ang biktima bago naganap ang nasabing insidente.

Base sa inisyal na imbestigasyon, walang indikasyon na mayroong naganap na “foul play” kaugnay sa pagkamatay ng biktima. Wala umanong kasama sa kanilang bahay ang mag-asawa.

Dinala ang bangkay ng biktima sa Rural Health Unit ng Calatrava para isailalim sa pisikal na pagsusuri ng manggagamot at pagkatapos ay ibabalik sa kanyang pamilya para sa kaukulang disposisyon. (RSun Staff)

07/06/2026

Lalaki na wanted sa kasong R**e inaresto

Himas rehas ang isang lalaki na may mandamyento de aresto matapos itong hulihin ng mga kapulisan nitong 2:30 ng madaling araw ng Hunyo 6, 2026, sa Barangay Poctoy, Odiongan, Romblon.

Ang suspek ay nakilala na si alyas “Joel”, 52 taong gulang, construction worker, may-asawa, at residente ng Barangay Madalag, Alcantara, Romblon.

Si “Joel” na ika-6 sa most wanted person ng Region 4B ay dinakip ng mga tauhan ng Romblon Police Provincial Mobile Force Company, (lead unit), katuwang ang Alcantara Municipal Police Station, PIU, Romblon PPO at PIT Romblon-RIU 4B, at Odiongan Maritime Law Enforcement Team, Romblon sa bisa ng Warrant of Arrest na inisyu noong Abril 29, 2026 ng Regional Trial Court, Fourth Judicial Region, Branch 82, Odiongan, Romblon.

Nahaharap ang suspek sa kasong Qualified R**e of Minor sa ilalim ng Criminal Case Nos. OD-3875, OD-3876, OD-3877 at OD-3878.

Walang rekomendang piyansa ang Korte para sa pansamantalang kalayaan ng akusado.

Kasalukuyang isinailalim sa kustodiya ng Alcantara MPS ang inarestong suspek para sa kaukulang dokumentasyon at disposisyon. (RSun Staff)

07/06/2026

Nilagareng kahoy na nakakarga sa Chariot nasabat ng mga pulis sa Odiongan, Romblon

ODIONGAN, Romblon – Kumpiskado ang mga nilagareng kahoy na nakakarga sa isang motorsiklong RUSI Chariot matapos itong mamataan ng mga pulis dakong 6:30 ng hapon, Hunyo 3 sa Barangay Bangon, Odiongan, Romblon.

Kinilala ang drayber na si alyas “Ruel”, 54 taong gulang, may-asawa, magsasaka at residente ng Barangay Tulay, Odiongan, Romblon.

Ayon sa Odiongan Municipal Police Station (OMPS), habang nagsasagawa ng pagpapatrolya ang mga operatiba ng Intel/MDEU sa nasasakupang lugar ay nakita ng mga ito ang isang kulay p**a na motorsiklong RUSI Chariot 175 na may mga karga na nilagareng kahoy.

Noong inusisa ang drayber at hinanapan ng kaukulang dokumento kaugnay sa mga kargang kahoy ay wala itong maipakita sa mga awtoridad.

Dahil dito, kinumpiska at isinailalim sa kustodiya ng Odiongan MPS ang nasabat na nilagareng kahoy kasama ang ginamit na sasakyan para sa kaukulang dokumentasyon at karagdagang imbestigasyon.

Sa pakipag-koordinasyon sa Department of Environment and Natural Resources (DENR) ay isinagawa ang pagsisiyasat ay napag-alaman na ang nakumpiskang nilagareng kahoy ay puno ng Mahogany at may kabuuang sukat na 211.99 board feet/cubic meters at tinatayang nagkahahalaga ng P10,599.50.

Kasong paglabag sa Section 77 of Presidential Decree No. 705 (Revised Forestry Code of the Philippines) ang inihahandang isampa ng Odiongan MPS sa Prosecutor’s Office laban sa suspek. (RSun Staff)

03/06/2026

03/06/2026

Ang paglunsad ng Project Pag-ibig sa Romblon State University, Odiongan, Romblon