Mandirigma ng INC

11/06/2026

Matapos nyong marinig ang mga katotohanang ito, ngayon ang tamang pagkakataon para sa kaligtasan ng ating kaluluwa..

11/06/2026

ANG PANGALAN NG IGLESIANG ITINATAG NI CRISTO

Ang isa sa mga ikakikilala sa tunay na iglesia na itinatag ni Cristo ay ang pangalan. Ano ang pangalan ng Iglesiang itinatag ni Cristo at anu-ano ang ipinakikilala ng pangalang ito? Sa Roma 16:16 ay ganito ang nakasulat :

Roma 16:16
" Mangagbatian kayo ng banal na halik. Binabati kayo ng lahat ng mga iglesia ni Cristo. "

Sa Bagong Tipan, ang pangalang opisyal na itinawag sa Iglesiang itinatag ni Cristo ay Iglesia ni Cristo. Angkop na angkop ang pangalang ito sa pahayag ni Cristo:

"...itatayo ko ang aking iglesia "(Mat.16:18).

Ipinakilala ng Pangalang Iglesia ni Cristo ang pagmamay-ari ni Cristo sa Iglesia. Ipinakikilala rin nito ang pagkakaugnay ni Cristo at ng Iglesia:

" At siya ang ulo ng katawan, sa makatuwid baga'y ng iglesia." (Col.1:18)

Bukod sa mga nabanggit, ipinakikilala rin ng pangalang Iglesia ni Cristo ang kaugnayan nito sa kaligtasan:

Gawa 4:12
" At sa kanino mang iba ay walang kaligtasan: sapagka't walang ibang pangalan sa silong ng langit, na ibinigay sa mga tao, na sukat nating ikaligtas. "

Ang kaligtasan ay matatagpuan lamang sa pangalan ni Cristo. Marapat lamang, kung gayon, na ang Iglesia na itinatag Niya ay tawagin na sunod sa pangalang Cristo---Iglesia Ni Cristo---sapagkat ito ang ililigtas ni Cristo:

Efeso 5:23, MBB
" Sapagkat ang lalaki ang ulo ng kanyang asawa, tulad ni Cristo na siyang ulo ng iglesya, na kanyang katawan, at siyang Tagapagligtas nito. "

PATOTOO NG IBA'T IBANG RELIHIYON

Isang PARING JESUITA na si Francis B. Cassilly ay nagpapatotoo na ang itinatag ni Cristio ay tinawag na Iglesia ni Cristo o church of christ. Ganito ang kaniyang isinulat:

" 5. Si Jesucristo ba ay nagtatag ng Iglesia? Oo, mula sa lahat ng kasaysayan, kapuwa panlupa at hindi pangkabanalan, mula sa biblia na kinikilalang isang makataong kasulatan, ating nalaman na si Cristo ay nagtatag ng isang Iglesia, na mula sa kauna-unahang panahon ay tinawag na sunod sa Kaniyang pangalan, ang Iglesia Cristiana o ang Iglesia ni Cristo." [ Religion Doctrine and Pracrice, pp. 442-443]

Maging ang Prorestante na si Myer Pearlman ay nagpapatotoo rin na Iglesia ni Cristo ang itinatag ni Cristo. Tunghayan natin ang kaniyang sunulat:

"....hinulaan ni Cristo ang pagtatatag ng isang bagong kongregasyon o iglesia, isang institusyung sa Dios na dapat magpatuloy ng Kaniyang gawain sa mundo. Mat.16:18. Ito ang Iglesia ni Cristo...." [knowing the doctrines of the bible, p. 349]

Si James E. Talmage ng Mormon Church ay nagbigay rin ng patotoo na Iglesia ni Cristo ang wastong pangalan ng Iglesia na itinatag ni Cristo:

" Ipinagkaloob niya ang kapangyarihan sa Iglesia,ipinaliwanag niya ang kahalagahan ng pagtawag sa organisasyon sa pangalang marapat dito---Ang Iglesia ni Cristo...."[The Great Apostasy, p. 12]

Si John Hus na sinundan ng mga repormador ay nagpapatotoo rin na Iglesia ni Cristo ang itinatag ni Cristo:

" ' At sinasabi ko naman sa iyo, ikaw ay pedro, at sa ibabaw ng batong ito ay itatayo ko ang Aking Iglesia, at ang mga pintuan ng impiyerno ay hindi makapananaig laban sa kaniya. Ibibigay ko sa iyo ang mga susi ng kaharian ng langit, at anumang talian ninyo sa lupa ay tatalian sa langit at anumang kalagan ninyo sa lupa ay kakalagan sa langit' . Binabanggit ng Ebanghelyo rito ang tungkol sa Iglesia ni Cristo,ang kaniyang pananampalataya at ang kaniyang pundason at awtoridad. Ang Iglesia ay tinutukoy ng mga salitang,' itatayo ko ang aking iglesia' ." [Forerunners of the Reformation:The Shape of Lateb Medieval Thougt, p. 231]

IBA PANG KATAWAGAN SA IGLESIA

Itinatanong ng iba:

" Kung Iglesia ni Cristo ang pangalan ng tunay na iglesia, bakit sa Bagong Tipan ay may mababasa na IGLESIA NG MGA BANAL? "

Totoong sa Bagong Tipan ay may iba't ibang katawagang gamit upang tumutukoy sa Iglesia ni Cristo. Isa na rito ang "IGLESIA NG MGA BANAL" (1Cor.14:33). Subalit ang katawagang ito ay hindi siyang opisyal na pangalan ng Iglesiang itinatag ni Cristo, kundi, tumutukoy lamang ito sa uri ng mga kaanib nito :

1 Corinto 6:11
" At ganyan ang mga ilan sa inyo: nguni't nangahugasan na kayo, nguni't binanal na kayo, nguni't inaring-ganap na kayo sa pangalan ng Panginoong Jesucristo, at sa Espiritu ng ating Dios. "

Ang "Iglesia ng mga banal" ay katawagang tumutukoy sa uri o katangian ng mga kaanib sa Iglesia, sila ay binanal. Sila ay pinapaging banal kay Cristo (1Cor. 1:2) at tinawag upang mangagpakabanal (Roma 1:7). Sila ay pinili upang maging banal at walang dungis sa pagibig (efeso 1:4).

May mababasa rin sa Bagong Tipan na " IGLESIA NG MGA PANGANAY"( Heb.12:23).

Hindi rin ito tumutukoy sa pangkalahatang pangalan ng Iglesiang itinatag ni Cristo. Bagkus,ito ay tumutukoy sa mga judio na panganay o mga unang kaanib sa Iglesia na itinatag ni Cristo. Tinatawag din silang pangunahing bunga (Apoc.14:4). Kaya ang "Iglesia ng mga panganay" ay katawagang tumutukoy sa isang bahagi o lahi ng mga kaanib sa Iglesia---ang mga judio.

Mayroon ding mababasa sa Bagong Tipan na:

"Iglesia ng Galacia" (Gal.1:2)
" Iglesia ng Macredonia" (2Cor.8:1)
" Iglesia ng mga Gentil" (Roma 16:14)
" Iglesia ng Dios na nasa Corinto" (1Cor.1:2)
" Iglesia na nasa Antoquia" (Gawa 13:1)
" Iglesia na nasa Jerusalem" (Gawa 8:1)

At marami pang iba. Ang lahat ng ito ay tumutukoy hindi sa kabuuan ng Iglesiang itinatag ni Cristo, kundi sa mga lokal o mga dako na narating ng Iglesia ni Cristo sa panahon ng mga apostol. Sa katunayan, hindi angkop na tawaging " IGLESIA NG MGA GENTIL" Ang mga Judio na naging kaanb sa Iglesia. Gayundin naman, hindi angkop na ang Iglesia na nasa Jerusalem ay tawaging "Iglesia ng Macedonia" . Ngunit angkop na itawag sa mga kaanib sa Iglesia na itinatag ni Cristo saan man silang dako naroon ang pangalang Iglesia ni Cristo (Roma 16:16).

IGLESIA NG DIOS, ' CRISTIANO'

Sa bagong Tipan, lalo na sa mga sulat ni Apostol Pablo, maraming beses at ulit na tinawag ding "IGLESIA NG DIOS" ang iglesia na itinatag ni Cristo :

1Cor. 1:2; 11:12; 15:9; 2Cor. 1:1; Gal.1:13; 1Tim.3:5,15

Dapat mapansin na sa bawat pagkakataon na ginamit ni Apostol Pablo ang "Iglesia ng Dios", ito ay lagi niyang pinapatungkol sa mga Gentil na kaanib sa IGLESIA NI CRISTO. Ang tinatawag na na GENTIL ay hindi kabilang sa mga israelita at itinuturing na walang Diyos(Efe.2:12).

Dati ay hindi sila bayan ng Dios(Roma 9:24-25,MB) at hindi sila kumilala sa tunay na Dios (1Tes.4:5) sapagkat iniligaw sila ng mga piping Diosdiosan (1Cor.12:2).

Subalit ng sila ay maging kaanib sa Iglesia na itinatag ni Cristo, hindi na sila ibinibilang na TAGA IBANG BAYAN (Efe.2:19) sapagkat sila ay kinikilala na ng Dios bilang bayan Niya (Roma 9:24-25,MB). Samakatuwid, ang katawagang IGLESIA NG DIOS ay ginamit upang bigyang diin sa mga Gentil na umanib na-ay sa Dios na.

-repost

08/06/2026

Paninindigan ng mga Lingkod ng Diyos sa Gitna ng Tiwaling Pamumuno

Sa panahon na ang katiwalian at pagbaluktot ng batas ay tila laganap, maraming tao ang nagtatanong kung bakit hinahayaan ang ganitong kalagayan. Maging noong panahon pa ng propeta Habakkuk ay naranasan na ito, kaya’t hindi bago sa mata ng Diyos ang ganitong sitwasyon.

Kaguluhan at Katiwalian sa Lipunan

Habakkuk 1:3-4:
“Bakit puro kaguluhan at kasamaan ang ipinapakita mo sa akin?
Sa magkabi-kabila’y nagaganap ang pagwasak at ang karahasan; laganap ang karahasan at ang labanan. Ang batas ay walang bisa at walang pakinabang, at hindi umiiral ang katarungan. Sa husgado ay laging natatalo ng masasama ang walang kasalanan, kaya’t nababaluktot ang katarungan.”

Makikita dito ang isang lipunang puno ng pang-aabuso kung saan ang batas ay ginagamit hindi para sa katarungan kundi para sa pansariling kapakinabangan ng mga makapangyarihan. Ang tanong ng propeta ay tanong din ng maraming tao ngayon: nasaan ang katarungan?

Hindi Takot ang Tugon ng Diyos sa Kanyang mga Lingkod

Sa gitna ng ganitong sitwasyon, hindi ang pagiging tahimik o duwag ang itinuro ng Diyos sa Kanyang mga lingkod.

Josue 1:9:
“Hindi ba kita inutusan? Ikaw ay magpakalakas at magpakatapang na mabuti; huwag kang matakot, ni manglupaypay: sapagka't ang Panginoon mong Dios ay sumasa iyo saan ka man pumaroon.”

Hindi kailanman sinabi ng Diyos na magbulag-bulagan sa mali. Sa halip, ang Kanyang utos ay maging matatag, matapang, at hindi matakot dahil Siya ang kasama ng Kanyang mga lingkod.

Dapat ba na tayo ay manahimik na lamang at ipagsawalang kibo ang nangyayari sa ating lipunan?

Efeso 5:11:
“Huwag na kayong makikisama sa mga taong gumagawa ng mga bagay na walang ibinubungang kabutihan. Sa halip ay ibunyag ninyo ang mga iyon.”

Ipinapakita dito na ang pananampalataya ay hindi lamang tahimik na pagsunod kundi may pananagutang ilantad ang kasamaan. Ang katahimikan sa harap ng mali ay hindi laging katuwiran.

Halimbawa ng Katapangan ni David

Isang malinaw na halimbawa ng pananampalatayang may tapang ay si David. Kahit siya ay bata pa at maliit lamang kumpara kay Goliat, hindi siya natakot.

“Sapagka't ang pakikipagbaka ay sa Panginoon…” (1 Samuel 17:47)

Habang ang iba ay natatakot sa laki at lakas ni Goliat, si David ay umasa sa kapangyarihan ng Diyos. Sa halip na matakot sa panlilibak, siya ay tumindig at nagwagi dahil ang kanyang tiwala ay nasa Diyos, hindi sa sariling lakas.

At ang pangako pa ng Dios

Awit 27:1 “Ang Panginoon ay aking ilaw at aking kaligtasan; kanino ako matatakot?”

Roma 8:31 “Kung ang Diyos ay kakampi natin, sino ang laban sa atin?”

2 Timoteo 1:7 “Sapagka’t tayo’y hindi binigyan ng Diyos ng espiritu ng katakutan, kundi ng kapangyarihan, pag-ibig, at katinuan ng isip.”

Sa gitna ng katiwalian at pagbaluktot ng katarungan, ang mga lingkod ng Diyos ay hindi tinawag upang matakot o manahimik sa harap ng mali. Sa halip, sila ay tinawag upang maging matatag, magpakatapang, at ipanindigan ang katotohanan hindi sa sariling lakas, kundi sa patnubay ng Diyos na laging kasama nila saan man sila pumaroon.



-repost

07/06/2026

David at Goliath

Sa isang panahon ng takot at paghahamon, may isang hamon na tila higante makapangyarihan, maimpluwensiya, at kinatatakutan ng marami. Ang karamihan ay nanginginig at nag-aalinlangan, ngunit sa gitna ng tahimik na pagtingin ng marami, may isang hamong hindi inatrasan ng isang simpleng lingkod na tulad ni David isang batang pastol na hindi umaasa sa sandata ng tao kundi sa pananalig sa Diyos.
Sa ganitong larawan inihahalintulad ang bayan ng Dios ngayon na sa kabila ng mga pagsubok, panggigipit, at mga hamon mula sa mas makapangyarihang mga puwersa sa lipunan, ay nananatiling matatag at hindi natitinag. Hindi sa lakas ng tao o sa dami ng sandata nakasalalay ang lakas, kundi sa tiwalang ang Diyos ang tunay na lumalaban para sa Kanyang bayan.
Ang higanteng nagnanais magpasuko ay maaaring maingay at mapanupil, ngunit gaya ni Goliat, ito ay bumabagsak sa harap ng pananalig at katotohanang ang Diyos ang nagtatanggol sa Kanyang lingkod. Kaya’t ang mensahe ay nananatiling ganito: ang tunay na tagumpay ay hindi sa takot, kundi sa pananampalatayang kasama ang Diyos, walang higanteng hindi matitinag.

゚viralシ


-repost

04/06/2026

Know your limitations and respect the personal boundaries of others.

27/05/2026

Kawikaan 21:20

25/05/2026

Proud Pinoy! 🇵🇭 Proud Iglesia ni Cristo! 🇮🇹

24/05/2026

95th Anniversary Concert, Distrito ng Zambales South..

18/05/2026