Radyo Bandera 107.1 FM Olongapo City

03/08/2025

EVOLVING WITH YOU | A NEW ERA OF SM

🎉 88 malls. 3,500+ deals. One 40th celebration.
As SM Supermalls marks 40 years, we’re entering a new era—shaped by your lifestyle, your needs, and your everyday moments. From shopping and dining to wellness and community experiences, we're evolving with you. 💙

Join the celebration from August 1 to September 9 and enjoy exclusive deals and surprises in all SM malls nationwide.

Learn more: https://gosm.link/ANewEraOfSupermalls

SM at 40: A New Era of Supermalls, Continuously Evolving for You

03/08/2025

𝐑𝐚𝐝𝐲𝐨 𝐁𝐚𝐧𝐝𝐞𝐫𝐚 𝟏𝟎𝟕.𝟏𝐅𝐌 𝐎𝐥𝐨𝐧𝐠𝐚𝐩𝐨 | 𝐀𝐠𝐨𝐬𝐭𝐨 𝟑, 𝟐𝟎𝟐𝟓

𝐒𝐢𝐠𝐚𝐥𝐨𝐭 𝐬𝐚 𝐁𝐚𝐬𝐮𝐫𝐚 𝐬𝐚 𝐏𝐮𝐫𝐨𝐤 𝟏𝟑, 𝐁𝐚𝐫𝐚𝐧𝐠𝐚𝐲 𝐁𝐚𝐫𝐫𝐞𝐭𝐭𝐨 𝐍𝐚𝐮𝐰𝐢 𝐬𝐚 𝐔𝐦𝐚𝐧𝐨’𝐲 𝐊𝐚𝐫𝐚𝐡𝐚𝐬𝐚𝐧

OLONGAPO CITY — Isang usapin sa koleksyon ng basura ang nauwi sa tensyon at umano’y pananakit sa Purok 13, Barangay Barretto, ayon sa mga salaysay ng mga residente.

Nag-ugat ang alitan noong Hulyo 29, matapos mag-post sa social media si Raven Dela Cruz Literato ng mungkahi na ilipat ang garbage pick-up point malapit sa kapilya upang mas maging accessible ito para sa mga taga-komunidad.

Umani ng iba't ibang reaksyon ang naturang mungkahi. Isa sa mga tumutol ay si Purok Leader Michael Baloy Espinosa, na iginiit na maaaring magdulot ito ng abala at hindi kanais-nais na amoy sa mga kalapit na bahay.

Ayon kay Literato, naging mainit ang palitan ng salita online, hanggang sa umabot sa puntong personal umano siyang pinuntahan ni Espinosa sa kanilang tahanan. Sa kanyang reklamo, sinabi niyang nauwi ito sa agresibong komprontasyon at umano’y pananakit.

Noong Hulyo 31, nagharap ang dalawang panig sa Barangay Hall para sa mediation ngunit hindi nagkasundo. Dahil dito, humingi na si Literato ng tulong kay Milbert Adlawan ng Aksyon Bandera upang maisulong ang panawagan para sa imbestigasyon at pananagutan, lalo na’t isang opisyal ng barangay ang nasasangkot.

Wala pang opisyal na pahayag si Purok Leader Espinosa kaugnay ng isyu sa oras ng pag-uulat.

Nanawagan ang ilang residente ng Purok 13 para sa mahinahon at makabuluhang dayalogo sa mga usaping pan-komunidad, at para sa patas at maayos na pagresolba ng mga alitan sa barangay.

𝐏𝐚𝐫𝐚 𝐬𝐚 𝐤𝐚𝐫𝐚𝐠𝐝𝐚𝐠𝐚𝐧𝐠 𝐛𝐚𝐥𝐢𝐭𝐚 𝐚𝐭 𝐮𝐩𝐝𝐚𝐭𝐞𝐬, 𝐭𝐮𝐭𝐨𝐤 𝐥𝐚𝐧𝐠 𝐬𝐚 𝐑𝐚𝐝𝐲𝐨 𝐁𝐚𝐧𝐝𝐞𝐫𝐚 𝟏𝟎𝟕.𝟏𝐅𝐌 𝐎𝐥𝐨𝐧𝐠𝐚𝐩𝐨.

📷AI

03/08/2025

PAGHAHATID NG TULONG SA MGA KABABAYAN SA OLONGAPO NI DEPUTY SPEAKER JAY KHONGHUN, TULOY TULOY

Kahit unti-unti nang bumabalik sa normal ang paligid, ang bigat ng pinsala sa kabuhayan at puso ng ating mga kababayan ay hindi basta nawawala. Kaya’t habang may nangangailangan, tuloy rin ang walang sawang pagtulong mula kay Deputy Speaker Cong. Jay Khonghun.

📍 Brgy. New Kalalake
📍 Brgy. New Cabalan

💬 “Sa bawat pamilyang nawalan, sa bawat batang nagutom, sa bawat inang muling bumangon—naroroon kami. Hindi kami lalayo.”

Lubos ang pasasalamat sa ating mga katuwang sa barangay:
🫱 Kap. Eweng Sionzon
🫱 Dating ABC Randy Sionzon/Kgwd R.Sionzon Jr.
🫱 Kap. Delbert Muega
🫱 Nanay Estella
🫱 at lahat ng opisyal at volunteer na nagpakita ng malasakit at agarang pagkilos.

🫶 Ang tulong na ito ay hindi lang materyal. Ito ay paalala:
May gobyernong handang makinig, kumilos, at umalalay.

🕊️ Sa bawat pagsubok, may pag-asa. Sa bawat pag-asa, may Khonghun na kasama.

—

03/08/2025

3 lalaking sumaklolo, itinuring na bayani..
4 KABATAAN SABAY-SABAY NA NALUNOD, NASAGIP SA MORONG BATAAN ULAT NI JOJO PEREZ

NASAGIP sa tiyak na kamatayan ang apat na magkakaibigan na pawang mga kabataan matapos sabay sabay na malunod habang naliligo sa dagat at tangayin ng malakas na alon sa Sitio Fuerter, Morong, Bataan kahapon.

Sa ekslusibong panayam ng Radyo Bandera 107.1 FM Olongapo City kay Jerrouz Teodoro ,licensed lifeguard ng Acqua Resort nangyari ang insidente bandang ala 1:50 ng hapon nang makatawag ng pansin ang kaguluhan at sigawan sa tapat ng resort na kanyang pinagta trabahuhan,

Hindi na umano nagdalawang isip si Jerrouz at kaagad na tinakbo ang isa sa tatlong lalaki kabataan na nalulunod saka dali daling sinagip papunta sa pampang.

Sumunod na sinagip ni Jerrouz ang ikalawang lalaki na noon ay papalubog na subalit kaagad na naagapan gamit ang bitbit niyang floating device.

“Pagod na po talaga ako, kaya lang nakikita ko mula sa malayo sumisigaw yong ikatlong lalaki na humihingi ng tulong, mabuti na lang po at dumating ang kasamahan ko na si Jaymar Ulamot na lifeguard din” Ayon pa kay Jerrouz.

Habang ang ika apat na nasagip na babae ay dahil naman sa kabayanihan ni Arnold “Taruc” Mendoza

Mabilis namang naisugod ang apat na kabataan sa Rural Health Unit ng Morong para sa kaukulang atensyong medikal.

Samantala itinuturing naman na bayani ang tatlong kalalakihan na sumagip sa mga biktima dahil sa kanilang ipinakitang kabayanihan.

Patuloy naman ang paalala ni Morong Municipality Mayor Leila Linao Muñoz sa publiko na bawal ang anmang uri ng water sports at maligo sa dagat na isinailalim sa red alert status.

Napag alaman na pawang mga taga Limay Bataan ang apat na mga kabataan na dumayo lamang sa bayan ng Morong upang maligo sa dagat. ( Jojo Perez )

02/08/2025

BANDERA BALITA KASAMA SI DING GRAVO

02/08/2025

EDITORYAL NI KA-BANDERA JOJO PEREZ

DAGDAG SINGIL NG PENELCO KAAKIBAT AY LUHA AT PAWIS!

Isang panibagong dagok sa bulsa ng mamamayan ang kinaharap nitong nagdaang buwan ng Hulyo matapos ianunsyo ng Peninsula Electric Cooperative (Penelco) ang pagtaas ng singil sa kuryente ng P1.78.08 kada kilowatt-hour kung ikukumpara sa nakaraang buwan ng Hunyo.

Sa simpleng pagsusuma, ang mga pamilyang kumukonsumo ng 100 kWh kada buwan ay kailangang magdagdag ng P178.08 sa kanilang budget habang ang mga umaabot sa 500 kWh ay magbabayad ng karagdagang P890.40.

Mantakin mo ang halagang P890.40 ay halos katumbas na ng isang sakong bigas!

Isang pangunahing pangangailangan na mas pinipiling pagkagastusan ng ordinaryong manggagawa kaysa sa bayaring hindi nila lubusang nauunawaan.

Ayon sa Penelco, ang pagtaas ay bunsod ng pagbabalik sa dating rate matapos alisin ang pansamantalang adjustment base sa ERC Resolution No. 14, Series of 2022, na may kinalaman sa automatic cost adjustment at true-up mechanisms ng distribution utilities.

Dagdag pa rito ang pagtaas ng foreign exchange rate at ang gastos sa ancillary services sa transmission.

Mga teknikal na paliwanag na hindi naman lubos na nauunawaan nang malinaw ng karaniwang mamamayan at mas nakikita na lang sa mas mataas na electric bill.

Sa kabila ng mga paliwanag na ito, hindi ito sapat na dahilan para biglaang pabigatin ang pasanin ng sambayanan.

Lilinawin ko lang.

Hindi natin tinututulan ang dagdag singil ng Penelco sa bayarin, ang nais lamang natin ay ilabas ang saloobin.

Sa panahon ng mataas na presyo ng bilihin, pamasahe, at mga pangunahing serbisyo, ang ganitong pagtaas sa singil sa kuryente ay isang malinaw na kawalan ng konsiderasyon sa kalagayang pang-ekonomiya hindi lamang sa lalawigan ng Bataan, Olongapo at Zambales

Tila ba sa bawat dagdag singil sa kada kilowatt-hour ay may kaakibat na luha at pawis.

Bakit tila palaging ang taumbayan ang sumasalo sa epekto ng pagtaas sa pandaigdigang merkado?

Nasaan ang proteksyon para sa mga konsumer?

Hindi maikakaila na ang Pilipinas ay isa sa may pinakamataas na singil sa kuryente sa buong Timog-Silangang Asya, ngunit tila wala tayong maramdamang hakbang upang ito'y mapababa o kahit man lamang mapanatili sa abot kayang antas.

Gayunpaman IN FAIRNESS sa Penelco, maging ang Meralco ay nagkaroon din ng pagtaas sa kanilang singil sa kuryente na nagpatupad ng P 0.49 kada kilowatthour nitong buwan ng Hulyo.

Kung sinasabi ng Penelco na gumagawa sila ng hakbang upang mapanatili ang abot kayang serbisyo sana ay maging bukas ang Penelco sa kanilang mga consumer.

Makipag usap at magkaroon ng konsultasyon sa publiko bago magpatupad ng anumang taas-singil.

Hindi dapat maging normal ang ganitong sistema kung saan ang taumbayan ang laging huli sa paliwanag at inaasahang umunawa.

Huwag sana natin kalilimutan na ang supply ng kuryente ay hindi luho, hindi din kapritso sa halip ito ay isang napakahalagang pangangailangan ng bawat tahanan. ( Jojo Perez )

02/08/2025

PAMAMAHAGI NG FINANCIAL ASSISTANCE SA MGA KABABAYAN

Sa bawat pamilya na kumakapit, lumalaban, at patuloy na umaasa—naroon ang pamahalaang handang tumugon.

Sa pangunguna ni Deputy Speaker Cong. Jay Khonghun, katuwang si Mayor Jon Khonghun at Vg Jaq Khonghun,matagumpay na naipagkaloob ang Offsite Payout para sa halos 1,600 benepisyaryo.Isang konkretong hakbang ng pagtulong, katuwang ang Department of Social Welfare and Development (DSWD), upang maibsan ang bigat ng pang-araw-araw na hamon.

Hindi ito basta ayuda—ito’y pagkalingang sumasalamin sa puso ng pamumuno.
Ito ay mensahe ng pagdamay, na sa gitna ng hirap, may gobyernong hindi lumilingon sa iba kundi lumalapit sa tao.

“Sa panahon ng pangangailangan, andiyan ang gobyernong tunay na nagmamalasakit—hindi lamang nakikinig, kundi kumikilos.”

Sa bawat kamay na abot-tulong, sa bawat mata na napapawi ang luha, sa bawat pusong muling nagkaroon ng pag-asa—doon tunay na nabubuo ang diwa ng serbisyo publiko.

💚 Dahil sa bawat pamilyang may dalang pasanin, karamay nila ang
.

02/08/2025

⚖️ REPORMA 3PA with Jepro | Sabado 4:00–5:00 PM
📍 Radyo Bandera Olongapo 107.1FM
Pulitika. Pamahalaan. Pananagutan.
Isang matalinong talakayan ukol sa mga isyung pambansa — mula impeachment, charter change, hanggang reporma sa gobyerno.
Sa pamumuno ni Jepro, ihahain ang malalim na pagsusuri at panawagan para sa makabuluhang pagbabago.

📻 REPORMA 3PA — Hindi lang opinyon, kundi paninindigan para sa bayan!

02/08/2025

📢 AKSYON BANDERA ni Milbert Adlawan | Sabado 3:00–4:00 PM
Radyo Bandera Olongapo 107.1FM
Hindi lang ito komentaryo — ito ay tunay na serbisyo publiko!
Kasama si Milbert Adlawan, ilalapit natin ang mga hinaing sa kinauukulan, tatalakayin ang mga isyung kinakaharap ng bayan, at magbibigay daan sa mga solusyon.

📻 AKSYON BANDERA — Serbisyo Publiko, Hindi Publisidad!

02/08/2025

🎙 BALONG D' GREAT with Kuya Balong | Radyo Bandera Olongapo 107.1FM

Tawa, talino, at tunay na serbisyo publiko!
Samahan si Kuya Balong sa programang puno ng kwentuhan, tawanan, at makabuluhang talakayan — mula sa mga isyung pambayan hanggang sa personal mong hinaing!

📅 Lunes–Sabado
🕐 2:00PM – 3:00PM
📻 Ang Boses ng Masa, Kaagapay ng Sambayanan!

02/08/2025

SM CELEBRATES 40 SUPER YEARS WITH OVER 3,500 AMAZING DEALS

To mark its 40th anniversary, SM Supermalls is treating you to a massive celebration with 3,500+ deals from your favorite brands and stores nationwide!

Shop, Swipe, and Redeem via the SM Malls Online app from August 1 to September 9, 2025.

Get ready for exclusive promos, epic finds, and surprises you won’t want to miss—happening across 88 SM malls!

Celebrate with us and discover why everything’s better at SM.

Check out the complete list of deals here: https://gosm.link/SMMallsOnlineSuperDeals

02/08/2025

𝐑𝐀𝐃𝐘𝐎 𝐁𝐀𝐍𝐃𝐄𝐑𝐀 𝟏𝟎𝟕.𝟏 𝐍𝐄𝐖𝐒 | 𝐁𝐀𝐋𝐈𝐓𝐀𝐍𝐆 𝐏𝐀𝐌𝐁𝐀𝐍𝐒𝐀

📍𝐌𝐀𝐍𝐈𝐋𝐀, 𝐏𝐈𝐋𝐈𝐏𝐈𝐍𝐀𝐒 — 𝐀𝐠𝐨𝐬𝐭𝐨 𝟐, 𝟐𝟎𝟐𝟓

𝐏𝐁𝐁𝐌, 𝐏𝐈𝐏𝐈𝐑𝐌𝐀 𝐒𝐀 𝐁𝐀𝐓𝐀𝐒 𝐍𝐀 𝐌𝐀𝐆𝐏𝐀𝐏𝐀𝐔𝐑𝐎𝐍𝐆 𝐒𝐀 𝐁𝐀𝐑𝐀𝐍𝐆𝐀𝐘 𝐀𝐓 𝐒𝐊 𝐄𝐋𝐄𝐂𝐓𝐈𝐎𝐍𝐒 — 𝐂𝐎𝐌𝐄𝐋𝐄𝐂

Kumpirmado mula sa Commission on Elections (COMELEC) na si Pangulong Ferdinand "Bongbong" Marcos Jr. ay pipirma sa batas na magpapaliban sa Barangay at Sangguniang Kabataan Elections (BSKE) na nakatakda sana sa Disyembre 1, 2025. Gaganapin ang opisyal na ceremony of signing sa Agosto 12, 2025, alas-dos ng hapon, ayon kay Comelec Chairman George Erwin Garcia.

🗳️ 𝐀𝐍𝐎 𝐀𝐍𝐆 𝐍𝐈𝐋𝐀𝐋𝐀𝐌𝐀𝐍 𝐍𝐆 𝐁𝐀𝐆𝐎𝐍𝐆 𝐁𝐀𝐓𝐀𝐒?

* Mula Disyembre 2025, ang halalan ay ililipat sa unang Lunes ng Nobyembre 2026.
* Ang termino ng lahat ng kasalukuyang barangay at SK officials — kabilang ang mga nanalo noong 2023 — ay papalawigin sa apat (4) na taon, mula sa dating tatlong taon.
* May itatakdang term limits — hanggang tatlong sunod-sunod na termino lamang ang maaaring paglingkuran ng isang opisyal sa parehong posisyon.
* Ang susunod na halalan ay itatakda na sa bawat apat na taon tuwing Nobyembre.

🧾 𝐂𝐎𝐌𝐄𝐋𝐄𝐂 𝐓𝐔𝐋𝐎𝐘 𝐀𝐍𝐆 𝐏𝐀𝐆𝐇𝐀𝐇𝐀𝐍𝐃𝐀

Ayon kay Comelec Chairman Garcia:

> “Tinuloy namin lahat ng preparasyon. Hangga’t walang pirma si Pangulo, tuloy ang pag-imprenta ng balota at pag-ayos ng materials para sa December elections.”

Kabilang sa mga ginagawang paghahanda ng Comelec ay ang pansamantalang disenyo ng balota na walang petsa upang magamit sakaling ituloy man ang halalan sa Disyembre.

📝 𝐑𝐄𝐇𝐈𝐒𝐓𝐑𝐀𝐒𝐘𝐎𝐍 𝐍𝐆 𝐁𝐎𝐓𝐀𝐍𝐓𝐄: 𝐓𝐔𝐋𝐎𝐘 𝐏𝐀 𝐑𝐈𝐍

* August 1–10, 2025: Nationwide voter registration.
* Target ng Comelec na makapagrehistro ng 1 milyong bagong botante, kung saan kalahati ay mga kabataan para sa SK.

Kung mapirmahan ang batas, magpapatuloy ang voter registration mula Oktubre 2025 hanggang Hulyo 2026.

📌 𝐄𝐏𝐄𝐊𝐓𝐎 𝐒𝐀 𝐌𝐆𝐀 𝐎𝐏𝐈𝐒𝐘𝐀𝐋 𝐒𝐀 𝐎𝐋𝐎𝐍𝐆𝐀𝐏𝐎

Ang mga barangay at SK officials sa Olongapo City na nanalo noong 2023 ay mananatili sa pwesto hanggang matapos ang Oktubre 2026. Apektado nito ang mga proyekto, serbisyo, at youth programs ng bawat barangay sa lungsod.

⚖️ 𝐋𝐄𝐆𝐀𝐋 𝐍𝐀 𝐁𝐀𝐓𝐀𝐘𝐀𝐍

Matatandaang idineklara ng Korte Suprema na unconstitutional ang postponement law noong 2023 dahil walang malinaw na term extension. Ang bagong batas na ito ay tugma na sa desisyon ng Korte dahil may malinaw na termino at limitasyon.

📣 𝐏𝐀𝐀𝐋𝐀𝐋𝐀 𝐒𝐀 𝐌𝐆𝐀 𝐓𝐀𝐆𝐀-𝐎𝐋𝐎𝐍𝐆𝐀𝐏𝐎

* Magparehistro bago Agosto 10 para makaboto sa susunod na BSKE.
* Bantayan ang anunsyo ng Comelec, City Hall, at barangay centers tungkol sa mga bagong iskedyul.
* Makinig sa Radyo Bandera 107.1FM para sa mga opisyal na update at public service announcements.

𝐈𝐭𝐨 𝐩𝐨 𝐚𝐧𝐠 𝐑𝐚𝐝𝐲𝐨 𝐁𝐚𝐧𝐝𝐞𝐫𝐚 𝟏𝟎𝟕.𝟏 𝐎𝐥𝐨𝐧𝐠𝐚𝐩𝐨 — 𝐀𝐧𝐠 𝐏𝐢𝐧𝐚𝐤𝐚𝐫𝐞𝐬𝐩𝐞𝐭𝐚𝐝𝐨 𝐬𝐚 𝐍𝐞𝐰𝐬 𝐚𝐧𝐝 𝐂𝐮𝐫𝐫𝐞𝐧𝐭 𝐀𝐟𝐟𝐚𝐢𝐫𝐬.