RBAC News

RBAC News Contact information, map and directions, contact form, opening hours, services, ratings, photos, videos and announcements from RBAC News, Media/News Company, Unit 301 RHBC Corporate Building Damulog Road Brgy Daang Pare, Orion.
(3)

Rabino Broadcasting and Advertising Corporation (RBAC News) is committed to delivering accurate, fair, balanced, and independent news and content that serves the public interest.

Mas magiging accessible na sa mga residente ng Bataan ang mga serbisyo ng Anti-Red Tape Authority (ARTA) matapos magbuka...
12/05/2026

Mas magiging accessible na sa mga residente ng Bataan ang mga serbisyo ng Anti-Red Tape Authority (ARTA) matapos magbukas ang kanilang satellite office sa loob ng 1Bataan One-Stop Service Center for OFWs (1BOSSCO) sa ikalawang palapag ng The Bunker.

Ang pagbubukas ng tanggapan ay bahagi ng kasunduang nilagdaan nina ARTA Secretary Ernesto Perez at ng Pamahalaang Panlalawigan noong Pebrero 26 upang mapabilis at mapadali ang mga transaksyon ng publiko sa mga ahensya ng gobyerno.

Maaaring magtungo rito ang mga mamamayan para magsumite ng reklamo kaugnay sa mabagal na serbisyo, red tape, at iba pang usapin sa government transactions, gayundin upang humingi ng impormasyon at assistance hinggil sa mga programa ng ARTA. Bukas ang opisina tuwing Lunes mula alas-8 ng umaga hanggang alas-5 ng hapon.

12/05/2026

Nagbigay ng pahayag mula sa panig ng DENR si San Mariano, Roxas, CENRO — Ma'am Amor Asi ukol sa usapin ng pagpapa-alis sa ilang residente ng Suguicay Island.

Binigyang linaw ni CENRO Asi na ang DENR, katuwang ng LGU ay isinasaayos ang proseso ng pag-relocate ng mga mamamayan kaugnay ng claim ng isang pribadong sektor sa tituladong bahagi ng isla.

Ipinaliwanag din na patuloy ang ugnayan ng mga awtoridad sa mga naapektuhang residente upang masagot ang mga katanungan at maipaliwanag ang mga interbasyon sa pagtugon sa kasalukuyang sitwasyon.

Panuorin ang ekslusibong panayam ng RBAC News ukol sa isyung ito.

12/05/2026

Humingi ng suporta at panalangin si Senador Ronald “Bato” dela Rosa kaugnay ng ipinakitang umano’y warrant of arrest ng International Criminal Court (ICC) na inilabas ni dating Senador Antonio Trillanes IV.

Ayon kay dela Rosa, hindi para sa kanyang sarili ang kanyang ginagawa kundi para sa bansa. “I am doing this not for myself but for the sake of our country. Pilipinas na ang nakataya dito,” aniya.

Dagdag pa ng senador, handa siyang harapin ang anumang reklamo laban sa kanya. “Haharapin ko iyan, daan lang nila sa proseso. Kung may totoong warrant of arrest, dalhin nila sa local court, ayusin nila, then pag-usapan natin,” pahayag ni dela Rosa.

Samantala, kinumpirma ng International Criminal Court (ICC) ang paglalabas ng arrest warrant na ipinakita ni dating Senador Antonio Trillanes IV, na may petsang Nobyembre 6, 2025. Ayon sa ICC, ang warrant ay kaugnay ng imbestigasyon sa umano’y partisipasyon ni Senador Ronald “Bato” dela Rosa sa kampanya kontra droga ng nakaraang administrasyon.

Tinugon ng Malacañang ang panawagan ni Sen. Ronald “Bato” dela Rosa na huwag siyang ibigay sa ICC sa The Hague, Netherla...
12/05/2026

Tinugon ng Malacañang ang panawagan ni Sen. Ronald “Bato” dela Rosa na huwag siyang ibigay sa ICC sa The Hague, Netherlands matapos makumpirma ang arrest warrant ng International Criminal Court (ICC).

Ayon kay Usec. Claire Castro, kung sakaling maaresto ang senador, ipatutupad ng pamahalaan ang lahat ng kanyang karapatan at bibigyan siya ng proteksyong naaayon sa batas.

“Maski naman po iyong mga EJK victims ay humihingi ng proteksyon sa gobyerno. Ang akusado na katulad ni Sen. Bato ay humihingi ng proteksyon. Lahat naman po ay bibigyan ng proteksyon na naaayon sa batas,” pahayag ni Castro.

Umabot sa mahigit ₱1 milyon ang kita ng Anmay Cabagan Irrigators and Farmers Agriculture Cooperative matapos maipagbili ...
12/05/2026

Umabot sa mahigit ₱1 milyon ang kita ng Anmay Cabagan Irrigators and Farmers Agriculture Cooperative matapos maipagbili ang 17 metriko toneladang sibuyas sa tulong ng market linkage support ng Department of Agriculture.

Ayon sa DA – Agribusiness and Marketing Assistance Division ng MIMAROPA at Region IX, naibenta ang ani sa mga pamilihan sa Zamboanga Sibugay mula huling linggo ng Abril hanggang ikalawang linggo ng Mayo.

Nakatakda namang ipamahagi sa Dumaguete ang natitirang 3.6 metriko tonelada ng produkto.

Sinabi ng DA na bahagi ito ng tuloy-tuloy na inisyatiba upang palakasin ang market access ng mga lokal na magsasaka at mapataas ang kanilang kita.

Nilinaw ng Malacañang na hindi makikialam si Pangulong Ferdinand Marcos Jr. sa magiging takbo ng impeachment case laban ...
12/05/2026

Nilinaw ng Malacañang na hindi makikialam si Pangulong Ferdinand Marcos Jr. sa magiging takbo ng impeachment case laban kay Vice President Sara Duterte.

Ayon sa Palasyo, igagalang ng Pangulo ang proseso ng Konstitusyon kaugnay ng naging desisyon ng House of Representatives na isulong ang impeachment, na aniya ay batay sa mga ebidensya at dokumentong isinumite sa Kamara.

Samantala, nanawagan si Usec. Claire Castro sa Senado na tiyaking magiging patas ang magiging pagdinig sakaling umabot doon ang kaso.

“Kung ito ay mapunta na rin sa Senado, sana maging patas ang mga manghuhusga para sa kapakanan ng taumbayan,” pahayag ni Castro.

Dagdag pa niya, “Nasa kamay na po iyan ng Senado. Kung anuman po ang gagawin nila diyan, kung ito po ay papabor para sa taumbayan o papabor lamang sa isang tao, bahala na po ang taumbayan ang humusga para sa kanila.”

Nagpahayag ng pasasalamat si Senador Ronald “Bato” dela Rosa kay Ombudsman Boying Remulla matapos umano siyang mabigyan ...
12/05/2026

Nagpahayag ng pasasalamat si Senador Ronald “Bato” dela Rosa kay Ombudsman Boying Remulla matapos umano siyang mabigyan ng “advance information” kaugnay ng arrest warrant ng International Criminal Court (ICC) na may kinalaman sa war on drugs campaign.

Ayon sa senador, nagamit niya ang panahon mula Nobyembre noong nakaraang taon para sa bible study sa loob ng anim na buwan.

““Thank you at nag-enjoy ako at naka-bible study ako ng anim na buwan,” ani dela Rosa.

Sinabi rin niyang wala pa siyang pinal na plano at ipinauubaya na lamang ang lahat sa Diyos, ngunit pansamantala ay mananatili siya sa Senado.

Nang tanungin kung batid niya ang umano’y hakbang ng National Bureau of Investigation (NBI) na pigilan ang kanyang pagdalo sa mga pagdinig sa Senado, sinabi niyang wala siyang alam dito at umaasa lamang sa mga pahayag ng Malacañang kaugnay ng sitwasyon.

Dagdag pa ni dela Rosa, posibleng may pulitikal na motibo sa mga hakbang laban sa kanya, na aniya ay may kaugnayan sa usapin ng liderato sa Senado.
Nanawagan din siya sa Korte Suprema na panindigan ang soberanya ng Pilipinas, at hiniling kay Pangulong Ferdinand Marcos Jr. na huwag siyang isuko sa The Hague. Aniya, kung may pananagutan siya, handa niya itong harapin sa lokal na hukuman sa bansa.

Nag-iwan ng maikling pahayag si Sen. Kiko Pangilinan sa kanyang Facebook post kaugnay ng kasalukuyang nangyayari sa pama...
12/05/2026

Nag-iwan ng maikling pahayag si Sen. Kiko Pangilinan sa kanyang Facebook post kaugnay ng kasalukuyang nangyayari sa pamahalaan. Tinawag niya itong isang "temporary setback" at sinabing tuloy lamang ang kanilang laban para sa bayan.

Matatandaang isa si Sen. Pangilinan sa bumoto para muling ihalal na Senate President si Sen. Vicente Sotto III ngunit bigong naibalik sa puwesto dahil sa pagpabor ng 13 pang Senador na iluklok si Sen. Alan Peter Cayetano laban sa siyam habang dalawa naman ang hindi bumoto

Itinanggi ng Philippine National Police (PNP) ang kumakalat na social media post na nagsasabing may pahayag umano ang ah...
12/05/2026

Itinanggi ng Philippine National Police (PNP) ang kumakalat na social media post na nagsasabing may pahayag umano ang ahensya kaugnay sa pagpapatupad ng arrest warrant ng International Criminal Court (ICC) laban kay Senador Ronald “Bato” dela Rosa.

Ayon sa PNP, peke ang naturang post at hindi ito nagmula sa alinmang opisyal na communication platform ng organisasyon. Nilinaw din nito na hindi ito sumasalamin sa opisyal na posisyon o polisiya ng PNP.

Nagpaalala ang PNP sa publiko na maging maingat sa pagbabahagi ng hindi beripikadong impormasyon at iwasan ang pagpapakalat ng maling balita na maaaring magdulot ng kalituhan.

Kinalampag ni dating Senador Antonio Trillanes IV si SILG Jonvic Remulla kaugnay ng pagpapatupad ng arrest warrant ng In...
12/05/2026

Kinalampag ni dating Senador Antonio Trillanes IV si SILG Jonvic Remulla kaugnay ng pagpapatupad ng arrest warrant ng International Criminal Court (ICC) laban kay Senador Ronald “Bato” dela Rosa.

Ayon kay Trillanes, matapos makumpirma ang warrant ng ICC, dapat umanong tiyakin ng mga awtoridad ang agarang at maayos na pagpapatupad nito alinsunod sa proseso ng batas.

“Ngayon na nakumpirma na ng ICC ang warrant ni Bato, please lang, Sec. Jonvic a.k.a Mr. Dragnet, sana naman hindi mo na patakasin si Bato dyan sa Senate.” Ani Trillanes.

Dagdag pa niya, dapat mas tutukan ng ahensya ang operasyon laban sa mga wanted persons at tiyaking hindi makaiiwas sa batas ang mga sangkot sa mabibigat na kaso. Pinuna din ni Trillanes ang pagsasagawa ng presscon ni Remulla sa mga kasong tinututukan nito.

“Kung binawas-bawasan niya ang presscon niya, baka may nahuli siya. Lahat ng pugante ay malaya under Sec. Jonvic dahil hindi niya ginagawa ang trabaho niya.”

Tinalakay sa pagdinig ng Senate Committee on Health noong Mayo 11 ang pagpapatupad ng Health Facilities Enhancement Prog...
12/05/2026

Tinalakay sa pagdinig ng Senate Committee on Health noong Mayo 11 ang pagpapatupad ng Health Facilities Enhancement Program (HFEP) ng Department of Health (Department of Health), kasunod ng mga ulat ng mga naantalang proyekto at limitadong operasyon ng ilang pasilidad.

Ayon kay Sen. Raffy Tulfo, sa mahigit ₱8.7 bilyong pondo mula 2021 hanggang 2025 para sa 820 super health centers, 224 lamang ang kasalukuyang operational. Ibinahagi rin sa pagdinig na may 304 proyekto na naiulat na delayed.

Sinabi ng DOH na may mga hamon sa deployment ng health personnel at sa koordinasyon sa ilang implementing agencies. Ayon kay Health Secretary Ted Herbosa, may mga pasilidad na natapos ang konstruksyon ngunit kulang sa medical staff at kagamitan, habang patuloy ang pakikipag-ugnayan sa mga lokal na pamahalaan para sa operasyon ng mga ito.

Address

Unit 301 RHBC Corporate Building Damulog Road Brgy Daang Pare
Orion
2102

Website

Alerts

Be the first to know and let us send you an email when RBAC News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category