DYRG 101.5 FM 'Blue Radio'

18/10/2025

KRUSADA SA RADYO SABADO EDITION with ATTY. LITO SOLIBAGA JR. • OCTOBER 18, 2025

17/10/2025

LEYECO V UPDATES with RANESSA ALCARAZ • OCTOBER 17, 2025

17/10/2025

OFFICIAL STATEMENT

Ang DepEd Leyte nagpagawas og opisyal nga pamahayag bahin sa insidente sa pagpamusil sa Tanauan School of Craftsmanship and Home Industries.

Gimando sa tunghaan ang mas hugot nga seguridad ug suporta sa mga naapektuhan.

Padayon ang koordinasyon sa DepEd ug sa kapulisan sa maong insidente. l via JKDP

16/10/2025

LINOG NASAB!

Magnitude 6.2 nga linog niigo sa Surigao del Norte at 7:03 AM, October 17, 2025.

Epicenter: East of General Luna, Surigao del Norte

Instrumental Intensities:

Intensity IV – Cabadbaran City, Agusan del Norte; Hinunangan, San Francisco, Hinundayan, Silago (Southern Leyte); Surigao City (Surigao del Norte).

Gilauman ang mga aftershocks ug damages.

Source: Phivolcs

16/10/2025

NAGLISUD OG LAKAW HUMAN NADASMAGAN

ORMOC CITY - Naglisod og lakaw ang usa ka babaye human kini nadasmagan og motorsiklo samtang siya nitabok sa pedestrian lane, didto sa Anubing St. Brgy. Punta, Ormoc City, alas 12:55 sa udto, Oktubre 15, 2025.

Ang biktima usa ka 53 anyos, minyo, trabahante sa New Ormoc City National High School (NOCNHS) ug nagpuyo sa Brgy. San Pablo, ning dakbayan.

Samtang ang nagmaneho sa maong motorsiklo, usa ka 19 anyos, usa ka lalaki, usa ka estudyante sa kolehiyo ug nagpuyo sa Sitio Lawis, Brgy. Bawod, San Isidro, Leyte.

Base sa report, nagpakusog og pagpadagan ang driver sa motorsiklo ug pag abot sa lugar didto niya nadasmagan ang biktima.

Matod sa kapulisan, wa makabantay ang driver nga dunay nitabok sa karsada human kini nagdali paingon sa eskwelahan.

Ang driver ug biktima nagkasabot ra sa lugar diin nahitabo ang insidente.| Jupz Pascubillo

16/10/2025

NIPUGOS OG TABOK? 19 ANYOS NADASMAGAN

ORMOC CITY - Nalandig sa tambalanan ang usa ka 19 anyos nga lalaki human kini nadasmagan og sakyanan, didto sa Brgy. Cogon, Ormoc City, alas 11:45 sa buntag, Oktubre 15, 2025.

Ang biktima usa ka estudyante sa kolehiyo ug nagpuyo sa Brgy. Tinag-an, Albuera, Leyte.

Samtang ang nakadasmag sa biktima mao ang driver sa Mitsubishi L-300 van hamtong ang pangidaron, minyo, ug nagpuyo sa Brgy. San Isidro, Ormoc City.

Matod pa sa driver, sa dihang siya nagmaneho paingon sa Cogon rotunda, iyang nakit-an ang biktima kauban ang upat ka mga estudyante nga patabok sa pikas linya sa karsada.

Saysay sa driver, nipugos og tabok ang biktima bisan og alanganin, hinungdan nga iya kining nadasmagan.

Dali nga gidala sa tambalanan ang biktima human nakaangkon og mga kadaot sa lawas.

Ang driver sa van maoy motabang sa pagbayad sa gastohan sa pagpatambal sa biktima. | Jupz Pascubillo

16/10/2025

16/10/2025

TRUCK NATAGAK SA PANG-PANG SA VILLABA

ORMOC CITY - Nahulog sa pang-pang ang usa ka 10 wheeler truck human kini nawad-an og preno, didto sa Brgy. Buga Buga, Villaba Leyte, alas 5 sa hapon, Oktubre 15, 2025.

Ang truck gimaneho kini sa usa ka 56, nga lalaki, minyo, usa ka driver samtang ang iyang kaubang pahinante nag edad og 45, usa ka lalaki ug parehong mga nagpuyo sa probinsya sa Nueva Ecija.

Matod sa kapulisan, ang truck dunay karga nga mga uling ug nagbiyahe kini paingon sa lungsod sa Palompon.

Dugang sa kapulisan, nga walay naangol o nakalas sa maong panghitabo human nga ang driver ug pahinante dali kining nakaambak sa lugar.

Sa pagkakaron ang sakyanan lakip na ang mga kargang uling anaa pa sa lugar diin nahitabo ang insidente.| Jupz Pascubillo

16/10/2025

MAESTRA GIPUSIL SA BANA; SUSPEK NAGSELOS!

ORMOC CITY – Gipusil sa iyang bana ang usa ka maestra sa usa pampublikong tunghaan sa Tanauan, Leyte pasado alas 7 sa buntag, Oct 16, 2025.

Ang 48 anyos nga biktima diha na sulod sa tunghaan sa dihang niabot og kalit ang iyang 46 anyos nga bana ug gipusil kini gamit ang kalibre .38 revolver.

Naigo ang maestra sa iyang tuo nga abaga ug dali nga gidala sa iyang mga studyante ug kaubanan ngadto sa tambalanan.

Gilabay sa suspek ang pusil sa atop sa tapad nga builing.

Naabtan sa kapulisan ang suspek nga dunay dala nga balisong kay nisuway kini pagpasakit sa iyang kaugalingon apan napugngan sa kapulisan.

Gidakop ang suspek ug naa na sa kustodiya sa Tanauan Police Station.

Base sa inisyal nga imbestigasyon, buwag na ang duha apan nagselos ang suspek kay dunay laing ka relasyon ang biktima.

Luwas naman ang biktima ug kasamtangan nagpaalim sa tambalanan. l via GGJ

16/10/2025

12 KA CHINESE NATIONALS GIDAKOP SA TACLOBAN; MGA WAY BALIDO NGA PERMIT

ORMOC CITY - Nasikop sa mga otoridad ang 12 ka Chinese nationals tungod sa kalapasan sa Philippine Immigration Act o pagtrabaho nga walay balido nga visa o permit, didto sa Barangay 95-A, Caibaan, Tacloban City, Oktubre 15, 2025.

Nakasikop sa 12 ka langyaw sa hiniusang pwersa sa Bureau of Immigration (BI), National Intelligence Coordinating Agency (NICA), Armed Forces of the Philippines (AFP), ug Philippine National Police (PNP).

Ang mga dinakpan giingong mga opisyal ug empleyado sa Ocean Wave Communications (Philippines) Corp., diin nailhan usab kini nga Hailang Communications (Philippines) Company, usa ka internet service provider nga nag-operate sa Probinsya sa Leyte.

Sa imbestigasyon, nasayran nga ubay-ubay sa maong mga dinakpan nga mga Chinese ang nisulod sa Pilipinas gamit ang tourist visa ug sa ulahing bahin mi-apply alang sa Alien Employment Permits (AEPs) pinaagi sa pagpresentar ug dili balido nga Tax Identification Numbers (TINs) aron makakuha og working visa.

Nasuta nga ang uban kanila nakakuha og mga AEPs gikan sa lain-laing mga "petitioning companies" bisan nga ang tinuod nagtrabaho sila sa kompanya sa Ocean Wave.

Nasabtan usab nga ang mga dinakpan nakalapas usab sa ubang mga balaod sa Pilipinas, lakip na ang mga balaod sa pagpanrabaho pinaagi sa sayop nga representasyon, corporate law ug mga balaod sa pagbuhis alang sa pag-endorso sa sayop nga TINs. l Gwen Maurillo

16/10/2025

LEYECO V UPDATES with RANESSA ALCARAZ • OCTOBER 16, 2025

16/10/2025

GOMA SA RADYO with DJ ALLAN FIEL • OCTOBER 16, 2025