06/08/2026
Tungod sa Tigbakay: Mayor Bernie Tacoy ug 13 ka Opisyales sa Matag-ob, Gi kasohan sa Ombudsman Central Office
Quezon City — Agosto 6, 2026
Pormal nang nadawat sa Office of the Ombudsman (Central Office) ang Verified Affidavit-Complaint nga nagpasaka og criminal ug administrative cases batok kang Matag-ob Mayor Bernardino “Bernie” G. Tacoy ug 13 ka ubang pang opisyales, may kalabutan sa kontrobersiyal nga tulo ka adlaw nga tigbakay nga gihimo sa Brgy. Bonoy, Matag-ob, Leyte niadtong Hunyo 11, 13 ug 14, 2026.
Ang mga gikasohan mao sila:
• Hon. Bernardino G. Tacoy – Municipal Mayor
• Hon. Romeo N. Albarida – Vice Mayor
• Hon. Artemio T. Almoroto
• Hon. Joel N. Denoy
• Hon. Evangeline C. Carno
• Hon. Ricardo L. Giva
• Hon. Rodolfo N. Suñir
• Hon. Luz M. Boldero
• Hon. Jose B. Yap
• Hon. Eduardo I. Toledo
• Hon. Joel C. Tacoy
• Hon. Aiyanna Patrice M. Laurente
• Jose Jasper Edullantes
• PMAJ Jay Nuñez Zamora
Mga Kasong Kriminal
Sa reklamo, gihangyo ang Ombudsman nga makakita og probable cause aron kasohan ang mga respondents tungod sa giingong paglapas sa:
• Section 8, in relation to Sections 5(d) ug 5(e) sa Presidential Decree No. 449 o Cockfighting Law of 1974; ug
• Section 3(e) sa Republic Act No. 3019 o Anti-Graft and Corrupt Practices Act.
Mga Kasong Administratibo
Gipasakaan usab sila og administrative complaint tungod kay, sumala sa complainant, ang ilang gihimong pagtugot sa maong tigbakay mahimong maglangkob sa mosunod nga administratibong kalapasan:
• Grave Misconduct
• Serious Dishonesty
• Conduct Prejudicial to the Best Interest of the Service
• Abuse of Authority
• Gross Neglect of Duty
• Violation of Republic Act No. 6713
Mga Gihangyo sa Kihante
Sa iyang reklamo, gihangyo sa complainant ang Ombudsman nga:
✔️ Makakita og probable cause aron ma-indict/makihaan ngadto sa Sandigan Bayan ang tanang respondents sa mga kasong kriminal;
✔️ Deklarahon silang administratively liable ug ipataw ang angay nga administratibong silot ubos sa balaod, lakip ang dismissal from the service, kon mapamatud-an ang reklamo;
✔️ Ug, pending investigation, kon adunay legal nga basehan ubos sa Section 24 sa Republic Act No. 6770 ug sa mga lagda sa Ombudsman, ipaubos sila sa preventive suspension aron mapreserbar ang documentary evidence, malikayan ang posibleng impluwensya sa mga saksi ug mga empleyado, ug masiguro ang patas nga imbestigasyon.
Sumala pa sa reklamo, ang kontrobersiyal nga tigbakay gihimo bisan pa nga walay gipagawas nga Certification of No Objection o authority gikan sa Leyte Provincial Police Office (LPPO) alang sa maong kalihokan, nga sukwahi sa mga pahayag ni Mayor Tacoy nga adunay maong sertipikasyon.
Ang complainant sa maong kaso mao si Jennifer P. Torrevillas, residente sa Brgy. Mansahaon, Matag-ob, Leyte.
