23/07/2025
JUST IN: Gitubag og positibo ni PNP Chief Gen. Nicholas Torre III ang hagit ni Davao City Mayor Sebastian "Baste" Duterte nga magsumbagay, nga iyang gitawag nga usa ka “charity boxing match” alang sa mga kababayan nga naapektohan sa bagyo ug baha.
Sa usa ka podcast niadtong Hulyo 20, giakusahan ni Mayor Baste si Torre nga nagasigeg pakusog tungod lang sa iyang posisyon, ug gikwestyon usab ang kalit nga pagsaka ni Torre sa ranggo isip PNP chief, ilabi na human siya ang mitudlo sa pagdakop kang dating Presidente Rodrigo Duterte – amahan ni Mayor Baste.
Sa interview karong Miyerkules (Hulyo 23), gipangutana si Torre bahin sa social media challenge. Midaug-daug siya ug katawa, ug miingon nga kaya ra niya ang 12 ka rounds.
“Tamang-tama, daghan ang nasalanta sa bagyo. Basin puwede nato gamiton ni nga oportunidad para manghatag og tabang, pinaagi sa usa ka charity boxing match karong Domingo sa Araneta,” matod ni Torre.
Dugang pa niya, mas maayo kon kada round adunay sponsor aron mas daghan ang makolekta nga pondo.
“Para dako-dako ang ma-raise nato, kada round, naa'y mo-sponsor,” iyang dugang.
Gipasabot ni Torre nga ang tanang malikom nga pondo sa event ipahatag sa charity para sa mga biktima sa tropical cyclones.
“It's a good opportunity para makatabang. Sigurado ko nga daghan ang mo-sponsor ani,” miingon ang hepe.
Plano pa gani ni Torre nga hangyoon ang Araneta Coliseum nga magbutang og boxing ring alang sa away.
“I'll ask Araneta to set up a boxing ring. Hopefully, they will oblige,” miingon siya.
Wala siya nagdahom nga maangol sila ni Baste, ug miingon nga pareho man silang adunay kasinatian sa boxing.
“Pareho ra mi og practice siguro, o kon nag-practice, okay ra gihapon.”
SOURCE: Philippine Star
