Misamis Observer

04/09/2026

WATCH THE PRESS CONFERENCE OF PLT.COL. LAGURA, SEPT. 3, 2026

Wala pay 24 ka oras, naaresto na sa kapulisan ang usa sa duha ka gi...

04/09/2026

HAZE ALERT SA OZAMIZ! MAG-AMPING TA OZAMIZNONS!

03/09/2026

OCNHS Miapil sa DepEd Nationwide School Safety Drill

Ozamiz City, Misamis Occidental- Malampusong miapil ang mga estudyante, magtutudlo, ug school officials sa OCNHS sa gipahigayon nga DepEd Nationwide School Safety Drill, Sept. 3, 2026.

Pinangulohan ni School Principal Lilibeth Abamonga, katimbang ang Ozamiz LGU, DepEd Ozamiz, Ozamiz PNP, Lam-an Barangay Council, ug City Disaster Risk and Management Office, aktibong nakigbahin ang tibuok eskwelahan sa maong safety drill aron mapalambo ang kahibalo ug ka-andam sa mga estudyante ug personnel panahon sa emerhensiya, ilabina kon simbako may mahitabo nga shooting incident sama sa Tacloban ug Zamboanga City dili pa lamang dugay.
Gipakita sa mga partisipante ang hustong pagsunod sa safety protocols, para mapanalipdan ang ilang kaugalingon ug ilang mga classmates
Pinaagi sa maong kalihokan, gipasiugda sa OCNHS ang kamahinungdanon sa kahandam, disiplina, ug panaghiusa aron masiguro ang kaluwasan sa matag miyembro sa school community.
Sa gipahigayon exclusive interview sa Misamis Observer, gipahayag ni Ms. Abamonga ang daily preventive measures nga gi-patuman sa school security personnel aron mapaniguro nga luwas ang kinabuhi sa mga estudyante, magtutudlo ug mga bisita sa eskwelahan.
Gipasiugda sa administrasyon sa OCNHS nga ang maong kahigayonan usa ka mahinungdanong lakang aron itanom sa huna-huna sa mga kabataan ang importansya sa disiplina, pag-amgo, ug panaghiusa aron kanunayng maseguro ang kaluwasan sa tanan batok sa mga wala damhang kalamidad.

03/09/2026

WALA PAY 24 KA ORAS!
PRO10 NAKADAKOP SA OZAMIZ ROBBERY SUSPECT; KAUBAN PATAY SA POLICE ENCOUNTER

OZAMIZ CITY, Misamis Occidental — Wala pay 24 ka oras, naaresto na sa kapulisan ang usa sa duha ka giilang suspek sa pagpanglungkab sa usa ka commercial establishment sa Ozamiz City.
Ang ikaduhang suspek namatay atol sa police encounter human giingong mipusil batok sa mga operatiba niadtong Septiyembre 2, 2026.
Nahitabo ang robbery pasado alas-11:15 sa gabii niadtong Septiyembre 1, diin giingong misulod ang mga suspek pinaagi sa buslot nga ilang gihimo sa likod nga konkretong bungbong sa establisemento.
Gipugos usab nila ang pag-abli sa vault ug nakakuha og gibanabanang ₱60,000 nga cash.
Pinaagi sa crime scene processing ug pagsusi sa CCTV footage, nailhan sa mga imbestigador ang duha ka suspek nga giila sa alyas nga “Joe” ug “Boy,” mga residente sa Ramon Magsaysay, Zamboanga del Sur.
Nasuta usab nga si “Joe” adunay warrant of arrest tungod sa Robbery case sa Zamboanga del Sur.
Gikonektar sa inisyal nga imbestigasyon ang duha sa Pondoyo Robbery Group, nga gikatahong naglihok sa Zamboanga del Sur ug mga kasikbit nga rehiyon.
Gituohang nalambigit usab sila sa mga robbery incident sa Gingoog City, Misamis Oriental, niadtong Pebrero 2026, ug sa Tudela, Misamis Occidental, niadtong Abril 24, 2026.

Human makuha ang importanteng impormasyon, gilunsad sa Ozamiz City Police Station (Ozamiz CPS) ang hot pursuit operation ug nadakpan si “Joe” sa iyang pinuy-anan.
Gisubay dayon sa mga pulis ang pinuy-anan ni “Boy” nga nahimutang sa duol nga lugar.
Apan sa dihang misulod ang mga operatiba sa maong area, giingong mipusil si “Boy” gamit ang kalibre .45 nga pi***la batok sa mga pulis.
Mitubag ang mga operatiba aron depensahan ang ilang kaugalingon. Naigo ang suspek ug namatay tungod sa mga samad sa bala.
Si “Joe” pasakaan og tukmang kaso tungod sa Robbery ug paglapas sa Republic Act No. 10591, o Comprehensive Fi****ms and Am******on Regulation Act.

Gidayeg ni PBGEN Nestor C. Babagay, Jr., Regional Director sa PRO10, ang mga personnel sa Ozamiz CPS tungod sa ilang paspas nga imbestigasyon, pag-ila ug pagpangita sa mga suspek.
Matud pa niya, nagpakita ang maong kalampusan sa importansya sa focused ug intelligence-driven policing.
Sulod sa wala pay 24 ka oras, nakakuha ang mga imbestigador og importanteng impormasyon, nailhan ang mga suspek ug nadakpan ang usa kanila.
Matud sa PRO10, magpadayon ang kapulisan sa ilang kampanya batok sa robbery ug uban pang kriminal nga kalihokan pinaagi sa legal ug koordinadong operasyon.

📌 SOURCE: RPIO PRO 10

03/09/2026

MR. DIY ROBBERY SA OZAMIZ, DALI NASULBAD PINAAGI SA CCTV; USA PATAY HUMAN MANLABAN SA PULIS

OZAMIZ CITY – Dakong tabang sa kapulisan ang mga nakuha nga closed-circuit television (CCTV) footage aron daling masulbad ang nahitabong pagpanglungkab sa Mr. DIY Department Store, City Hall Drive, niadtong Setyembre 1, 2026.

Kini ang gipadayag ni PLt. Col. Mark Green Lagura, ang Chief of Police sa Ozamiz City Police Station, human nadakpan ang usa sa mga suspetsado ug napatay usab ang igsoon niini atol sa hot-pursuit operation.

Base sa imbestigasyon, nahitabo ang pagpanglungkab sa Mr. DIY branch nga nahimutang sa City Hall Drive niadtong Setyembre 1 tali sa alas 11:00 sa gabii hangtod sa alas 12:00 sa tungang gabii.

Tungod sa tabang sa CCTV footage sa maong establisiyemento, ug images cross matching sa mga robbery suspects sa mga syudad ug mga probinsya sa nasud, dali ra nga nailhan sa mga awtoridad ang mga suspetsado nga residente sa Brgy. Campo 4, lungsod sa Ramon Magsaysay, Zamboanga del Sur.

Pagka-hapon sa Setyembre 2, 2026, pasado alas dos, gilusad sa Ozamiz PNP ang hot-pursuit operation sa Purok 4, Brgy. Campo 4, Ramon Magsaysay aron dakpon ang mga suspetsado.

Sigon ni Lagura, samtang gidakop sa mga operatiba ang manghod, kalit nga nanlaban ug namusil una ang igsoon niini gamit ang kalibre .45 nga pi***la. Tungod niini, napugos ang kapulisan sa pagpanalipod sa ilang kaugalingon, hinungdan sa pagkamatay sa maong suspetsado.

Narekober sa kapulisan gikan sa operasyon ang duha ka pi***la ug ang gibana-banang ₱20,000 nga cash nga gisulod sa DIY pouch.
Sa pagkakaron, nagpadayon pa ang lawom nga imbestigasyon sa kapulisan aron tinuod nga masuta kung adunay uban pang kasabwat ang mga suspetsado sa nahisgutang robbery incident.

02/09/2026

Serbisyo Alang sa katawhan. Alang sa pamilya. Alang sa Asenso Segundo Distrito.

“𝙈𝙊𝙍𝘼 𝙆𝙊’𝙂 𝙂𝘼𝙇𝙐𝙏𝘼𝙒 𝙎𝘼 𝙃𝘼𝙉𝙂𝙄𝙉 𝙎𝘼 𝙆𝘼𝙇𝙄𝙋𝘼𝙔.” 🧡

Ika-Lima na ni Mrs. Rita Cajeta nga miduol sa atong opisina tungod sa hospital bill sa iyang bana.

Sa iyang pinakabag-ong pag-avail sa ASENSO SEGUNDO DISTRITO FREE HOSPITALIZATION PROGRAM, ₱155,920.32 ang bill nga kinahanglan nilang bayran.

Dako kaayo nga kantidad para sa usa ka pamilya nga bisan nagtrabaho, dili gyud igo ang kita para sa balik-balik nga pagpa-ospital.

Lima ka higayon. Lima ka higayon nga wala nato siya pasagdi.

Sa tanan niyang pag-avail sa programa, ₱343,961.52 na ang total nga hospital bills nga atong natabangan ug na-zero.

“𝘔𝘰𝘳𝘢 𝘬𝘰’𝘨 𝘨𝘢𝘭𝘶𝘵𝘢𝘸 𝘴𝘢 𝘩𝘢𝘯𝘨𝘪𝘯 𝘴𝘢 𝘬𝘢𝘭𝘪𝘱𝘢𝘺.”

Kana nga kalipay, dili gyud masukod sa kwarta.

Kay matag hospital bill, naay usa ka pamilya nga nahadlok, nangita ug paagi, ug nag-ampo nga makapauli ang ilang minahal nga walay dugang nga kabug-at.

Mao kana ang gusto nato nga matabangan.

Alang sa katawhan. Alang sa pamilya. Alang sa Asenso Segundo Distrito.

01/09/2026

September 1 na!😀 Hapit na Pasko!🎄🎅🎄🎅🎄 Ting-kaon nasad ug lechon!😆🐷🐽 maong only the best from Salvador's Lechon House!👍👍👍

Merry Christmas!🎄😂

01/09/2026

🔥 PRAY FOR INDONESIA 🙏🇮🇩

Grabe na ang sunog sa West Kalimantan, Indonesia, diin libo-libong hotspots ang namonitor ug baga nga aso ang mikatag sa daghang lugar.

Niadtong Agosto 31, 7,377 ka hotspots ang natala, samtang 104 ka aktibong sunog ang padayon nga gisumpo. Sa ubang lugar, ubos sa usa ka kilometro ang visibility tungod sa baga nga haze.

Nagpakusog na ang mga otoridad sa operasyon gamit ang water bombing, aerial patrols, cloud seeding ug ground firefighting aron mapugngan ang pagkaylap sa kalayo.

Apan tungod sa hulaw ug init nga panahon, nagpabiling taas ang risgo sa dugang nga sunog.

🙏 Ampo para sa kaluwasan sa mga Indonesian nga naapektuhan, ug sa mga responders nga walay hunong sa pagpakigbisog batok sa kalayo.

Pray for Indonesia. 🇮🇩❤️

📷 Reuters / Associated Press

31/08/2026

🇵🇭 Happy National Heroes Day! Mabuhay ang mga bayaning Pilipino!

31/08/2026

Para sa TINUOD NGA ASENSO SEGUNDO DISTRITO! 🙌🏼👏🏼🧡