Luntiang Tanglaw 2.0

30/11/2023

Ginugunita ngayong araw ang ika-160 kaarawan ni G*t Andres Bonifacio. Si Bonifacio ay kilalang matapang dahil itinatag niya ang Kataas-taasang, Kagalang-galangang, Katipunan , mas kilala bilang Katipunan o K*K na layong mapalaya ang Pilipinas sa Espanya. Isinabatas ang Republic Act No. 2946 na nagtakda sa November 30 ng kada taon bilang national holiday para gunitain ang kanyang kapanganakan.
Mabuhay ka, Andres Bonifacio! Mabuhay ang mga bayaning Pilipino!

Sinulat at gawa ni : Eunice Salvador

30/11/2023

Nanalo sa NOPSSCEA 2023 Literary Contest Elimination Round sa Filipino at English Deklamasyon sina Lordes Hilario at Isaac Zayco ng 6A sa John B. Lacson College Foundation Bacolod noong Nobyembre 28, 2023.
Sa kategorya ng English, lumahok ang pitong paaralan at sampung kalahok naman para sa Deklamasyon sa Filipino. Pasok ang dalawa sa elimination round at tinanghal na Kampeon sa nasabing patimpalak. Ang tagapagsanay sa Filipino ay si Gng. Mary Jossie Tingson at sa English ay sina Bb. Apple Kate Ablanque at Bb. Cindy V. Mori. Maghahanda naman sina Lordes at Isaac, para sa darating na Finals bukas, Disyembre 1.

Sinulat ni: Sophia Alexa Margaret M. Heradura
Larawan mula kay Gng. Mary Jossie Tingson

30/11/2023

Nagwagi sa NOPSSCEA 12 under basketball games ang USLS basketball team laban sa Hua Ming basketball team sa Hua Ming Gymnasium noong Nobyembre 27, 2023. Nasungkit ng USLS ang ika-5 panalo sa iskor na 64-53 laban sa Hua Ming. Ang USLS ay kasalukuyang may 5 panalo kasama ang mga naunang laro laban sa LCC-B, TCAI, BECLC, at UNO-R. Nasa final 4 na ngayon ang USLS kasama ang Tay Tung, Hua Ming, at STI-WNU. Sa Linggo, lalabanan ng USLS ang Tay-Tung, na kung saan mag-uuwi ng pilak ang mananalo at mag-aagawan naman para sa bronze medal ang matatalo.

Sinulat ni: Kate Villaflor
Larawan: Credits sa mga magulang ng Under 12 Basketball team ng USLS-IS

05/10/2023

Ngayon araw, ipinagdiriwang sa buong mundo ang " World Teacher’s Day ". Buong pusong pinasasalamatan namin ang lahat ng g**o sa kanilang sipag at tiyaga sa pagtuturo sa mga mag-aaral. Sa mga sakripisyo na inyong ginawa mula sa paghahanda ng aralin, sa pagbibigay ng marka, sa pagwawasto ng mga papel mula hatinggabi, umaga at hapon upang maturuan kami paano maging matalino at mabuting tao.
Hindi rin namin makakalimutan ang kasiyahang inyong ibinahagi at higit sa lahat sa walang sawang pagmamahal bilang aming pangalawang ina sa paaralan. Ang lahat na ito ay hindi natin makakalimutan. Mahal namin kayong lahat!
Mabuhay ang mga g**o!

Sinulat ni: Mikhail Viktor Chua
Likha ni: Eunice Angela Salvador

16/07/2023

“ Huli man daw at magaling, naihahabol din.”

Ang kasabihang ito ay nagbigay sa aking ng inspirasyon na ang bawat isa sa atin ay may kanya-kanyang panahon upang magtagumpay sa buhay at hindi ibig sabihin na naunahan ka man ng iba ay wala ka nang pag-asang makabawi pa.

Dahil natapos na ang klase, kukunin ko ang pagkakataong ito para pasalamatan ang mga taong nasa likod ng tagumpay ng publikasyon Luntiang Tanglaw sa taong panuruan 2022-20223. Bilang punong patnugot nais kong pasalamatan ang sumusunod:

Unang-una sa lahat nagpapasalamat ako sa Mahal na Panginoon sa pagbigay niya sa akin ng talento at talino sa pagsulat. Sa mabuting kalusugan upang magampanan ko ang aking gawain. Ikalawa, sa aking mahal na magulang. Maraming salamat po sa pagsuporta at paniniwala sa aking kakayahan na maging bahagi ng publikasyong ito. Ikatlo, sa aking mga mahal na kaibigan na nanatili sa tabi ko at hindi nagbigay sa akin ng dahilan para sumuko sa mga oras ng paghihirap sa pagsulat. Ikaapat, sa mga kapwa kong manunulat na tumulong sa akin sa pagharap sa pagsubok sa ating publikasyon. Isang malaking pasasalamat sa pagsagot sa hamon bilang isang manunulat, lalo na sa wikang Filipino. Alam kong hindi ito madali nung una ngunit habang lumilipas ang panahon, nagiging mahusay at magaling na tayo sa pagsulat. Ikalima, sa aming mahal na moderator, nagpapasalamat ako sa pagtitiwala at paniniwala sa akin na karapat-dapat ako sa posisyong ito, hindi lang sa akin kundi sa aming lahat. Ang iyong gabay, mga payo, at suporta ay hindi kailanman nasayang. Pakatandaan namin ang lahat ng iyong itinuro sa puso’t isipan man.

Masasabi kong hindi madali ang pagiging manunulat, lalo na sa wikang Filipino. Bago ka magsulat ay kailangan mong mag-isip ng mga salita, mga salita na angkop para sa artikulong iyong gagawin. Kahit na dumaan ako sa mga pagsubok, hindi ako sumuko. Sa patnubay ng aking mahal na moderator at sa suporta ng aking mga kapwa manunulat, ang pagsusulat para sa akin ay hindi na mahirap ngayon.

Ang pagsali ko sa publikasyong ito ay hindi lamang nagturo sa akin tungkol sa pagsulat kundi maraming bagay ang aking natutuhan na magamit ko sa aking pag-aaral at sa aking buhay. Nagawa kong magkaroon ng magandang koneksyon sa mga kapwa ko manunulat at parang isang pamilya na kami.

Ang tagumpay ng publikasyon ay hindi naging posible kung wala ang mga taong nasa likod nito walang iba kundi ang mga mahal kong kapwa manunulat at ang aming mahal na moderator. At nagpapasalamat din ako sa lahat sa sumuporta sa amin.

Sabay-sabay nating kilalanin nating ang mga taong nasa likod ng malaking tagumpay ng Luntiang Tanglaw sa taong panuruan 2022-2023!

13/03/2023

Para sa kaalaman ng lahat!

Pre-register now for SY 2023-2024

08/12/2022

08/12/2022

Nagwagi si Jonnyl Chryss B. Esmores ng 6A bilang kampyeon sa patimpalak na Filipino Declamation Contest Elementary Level ng NOPSCCEA 2022 Literary Contest at finalist naman si Lordes Isabelle B.Hilario ng 5C sa English Declamation Contest noong Lunes,Disyembre 5, 2022 na ginanap sa John B. Lacson Colleges Foundation Bacolod.
Nakapasok ang dalawang kalahok sa elimination round ng patimpalak sa Filipino at English Declamation kung saan si Jonnyl ay nakakuha pangalawang pwesto at unang pwesto naman ang nakuha ni Lordes noong Disyembre 1. May siyam na kalahok mula sa iba’t ibang paaralan ang naglaban-laban sa nasabing kompetisyon.
Ayon kay Jonnyl, para manalo ang Diyos lang daw ang sagot kaya kailangan dapat tayong magdasal palagi. Masayang-masaya siya dahil hindi niya inaasahang manalo siya. Dagdag pa niya,kahit ito man ay mahirap, kung gusto mong gawin dapat mag pursigido at magtiyaga dahil “Nasa Diyos ang awa, nasa tao ang gawa.”
Sina Ginang Mary Jossie Tingson at Ginang Michelle Aspiro ang tagapagsanay ni Esmores sa Filipino Declamation at sa English Declamation naman ay sina Binibining Rexel Arellano at Binibining Kynah Fuentes.Ipinagmamalaki ng lahat ang kanilang tagumpay at panalo.Animo La Salle!
Sinulat ni: Jerrine Tangga-an
Larawan mula kay Ginang Psalm Esmores

30/11/2022

Ang Araw ni Andres Bonifacio ay ipinagdiriwang tuwing Nobyembre 30 taun-taon sa ating bansa. Ngayong araw, ating ginugunita ang ika-159 na anibersaryo ng kaarawan ni Andres Bonifacio.
Ito rin ay ang pag-alala kay Andrés Bonifacio, na siyang nagtatag ng Katipunan, isang lihim na lipunan na nag-udyok ng Rebolusyong Pilipino noong 1896.
Si Bonifacio ay isang Pilipinong nasyonalista at rebolusyonaryo. Madalas siyang tinatawag na “Ama ng Rebolusyong Pilipino”.
Noong 1892, si Bonifacio ay isang tagapagtatag ng isang lihim na lipunan na tinatawag na "Kataas-taasang, Kagalang-galangang Katipunan ng mga Anak ng Bayan" (kilala bilang "K*K ") na lumaki at naging isang armadong kilusan na nagbunsod ng mga pag-atake sa mga kolonyal na pinuno ng Espanya. Si Bonifacio ang naging pinuno ng rebolusyonaryong hukbo ng Katipunan.
Ipinasiya niya na makakamit lamang ng Pilipinas ang kalayaan sa pamamagitan ng rebolusyon. Ipinahayag ni Bonifacio ang kalayaan ng mga Pilipino noong Agosto 23, 1896. Saludo kami sa iyong kabayanihan. Mabuhay ka!

Sinulat ni Deonne Varrera
Larawan mula sa Photo Courtesy of facebook.com/PresidentErap

05/10/2022

Sa lahat ng mga g**o, nagpapasalamat kami sa lahat ng bagay na inyong itinuro sa amin. Salamat sa palaging paggabay at pagsuporta sa lahat ng oras. Kayo ay aming itinuturing pangalawang ina sa paaralan. Hindi namin makalilimutan ang mga aral, payo, sakripisyo at tiyaga para maturuan kami nang tama at madisiplina. Pinapahalagahan at minamahal namin kayo. Hiling namin sa espesyal na araw na 'to ang inyong kasiyahan at mabuting kalusugan para maipagpatuloy ang inyong misyon sa buhay. Mabuhay ang mga g**o sa buong mundo!

Isinulat at grapiko ni: Deonne Varrera

22/09/2022

Sa muling pagbubukas ng klase sa ShiftEd 3.0. ay muling pagbabalik ng Luntiang Tanglaw para magbigay ng mga impormasyon, inspirasyon at magbigay aliw o saya sa inyong lahat.
Kung ikaw ay may talento sa pagsulat, pagkuha ng mga larawan, pagguhit at higit sa lahat may kasanayan bilang isang manunulat. Ikaw na ang hinahanap ng aming publikasyon. Makibahagi na sa paglikha ng mga makabuluhang sulatin at malinang ang iyong mga kakayahan sa larangan ng dyornalismo! Pindutin ang link at punan ang pormang ito:
https://docs.google.com/forms/d/e/1FAIpQLSdNfi7Lyb7WGcGHyw2rtrrq70dZEWCXk5plDV6tTY0MjRuB-Q/viewform

Kung mayroon mang mga katanungan, makipag-ugnayan lamang sa page ng publikasyon o sa [email protected]

Sabay-sabay nating abutin ang inaasam na bagong simula at nang muling makilala ang publikasyon na siyang maging Tanglaw ng ating kinabukasan.😀

Grapiko ni: Riza Marie Therese Martin

23/08/2022

Pormal na pagbubukas ng Buwan ng Wika 2022, ginanap Online

Inilunsad ng Departamento ng Filipino ang pormal na pagbubukas ng Buwan ng Wika 2022 kahapon sa online na klase. Buong ipinagmamalaki ng mga mag-aaral at ng mga g**o ang kanilang pagka-Pilipino sa pamamagitan ng pagsusuot ng magagandang Kasuotang Pilipino. Kasabay ng paglulunsad ng Buwan ng Wika ay pagdaos ng Misa ng Banal ng Espiritu sa pamumuno ni Padre Jerryviel Celestial na ginanap sa coliseum. Dinaluhan ito ng mga mag-aaral, mga g**o at ng mga staff ng paaralan.
Muling aabangan ang iba't ibang gawain inihanda sa linggong ito tulad Tagisan ng Lasalyanong Talino na inihanda ng issg at kolaborasyon nito sa Departamento ng Filipino, ang Pandemikolastasan ng bawat mag-aaral sa kani-kanilang pansilid na gawain at ang pagsagot ng iba't ibang katanungan sa Trivia sa Iba't ibang Diyalektong wika sa Pilipinas na inilathala sa BEU Bulletin at marami pang iba. Inaasahang magsusuot muli ng Kasuotang Pilipino ang mga mag-aaral at mga g**o sa Kulminasyon ng Buwan ng Wika sa Agosto 30.

Mga larawan: Filipino Department