Malindang NewsLine

14/08/2026

SCAM ALERT ⚠️

Ang CARD, Inc., CARD Bank, CARD SME Bank, at CARD RBI ay hindi kailanman humihingi ng processing fee sa pag-transact ng loan.

Maging alerto upang makaiwas sa mga scammer!

Makipag-ugnayan lamang sa lehitimong Account Officer ng inyong center. I-report din sa kinauukulan ang mga kahina-hinalang transaksyon o komunikasyon.

14/08/2026

Usa ka mekaniko, sikop sa drug buy-bust sa Brgy. Gango

Tugyan sa Kapulisan sa Ozamiz City PNP ang usa ka 54 anyos nga si alyas Emoy usa ka mekaniko.

Kini human mapalitan sa gituohang shabu sa gihimong drug buy-bust operation sa Purok-5 Gango Ozamiz City nga gipanguluhan sa mga operatiba sa Ozamiz PNP 1pm Agosto 14 2026.

Inabagan sa mga operatiba sa 2nd PMFC ug 102nd RMFB 10.

Sa pag-body search sa suspek, nakumpiskar gikan niini ang lain pang mga sachet sa gituohang shabu nga miihap og napulo ug usa ka dakong sachet nga gituohang pulverized ma*****na leaves.

Atol sa operasyon anaa ang presensya sa bag-ong Hepe sa Ozamiz City PNP PLtCol. Mark Green Lagura.

Ang moang operasyon pinakaunang accomplishment ilalom sa iyang liderato.

Iyang gipasalig nga magpadayon ang hugot nga operasyon batok ilegal nga droga ug uban pang kriminalidad.

Alayon usab sa kampanya sa Kanunay Asenso Ozamiz Administration ilalom sa liderato ni Mayor Sam Norman G. Fuentes.

14/08/2026

Rice-corn farmers ug fisherfolks sa Ozamiz, nakadawat og ayoda gikan sa Dept. of Agriculture

Kapin sa 1700 ka mga mag-uuma og humay-mais ug mangingisda sa Ozamiz City ang nakadawat og ayoda nga tag P2, 325 matag usa gikan sa Department of Agriculture Region 10.

Usa lang ang DA sa mga national agency nga gitahasan sa buhatan ni Pres. Bongbong Marcos aron tunulan og ayodang pinansyal ang sektor sa mga mag-uuma ug mangingisda bunga sa kagubot sa kinatung-ang sidlakan.

Dako ang pasalamat sa Asenso Administration nga usa ang probinsya sa MisOcc nga naprayoridad sa ayoda sa DA-10 pinaagi ni RD Jose Apollo Y. Pacamalan ug OIC Regional Technical Director Lana May S. Racines.

Matud pa sa DA nga gamay lang ang maong ayoda apan magpadayon ang mga naandang interbensyon sama sa agricultural supply ug livestock distribution.

Sa ngalan ni Mayor Sam Fuentes ug Asenso Three Pillars Gov. Henry Oaminal, Cong. Ando Oaminal ug Asenso Pinoy Party-list Rep. Indy Oaminal.

Anaa ang presensya sa mga City ug Provincial Officials nga maoy mipadangat sa mensahe.

Committee on Agriculture Chair-Hon. Sancho Oaminal, Committee on Fisheries & Aquatic Chair-Hon. JunJun Saquin, Committee on Agriculture Chair-BM Winston Catane ug Ozamiz City Agriculture Officer-Paquito Gazal Jr.

14/08/2026

Rice-corn farmers ug fisherfolks sa Ozamiz, nakadawat og ayoda gikan sa Dept. of Agriculture

Kapin sa 1700 ka mga mag-uuma og humay-mais ug mangingisda sa Ozamiz City ang nakadawat og ayoda nga tag P2, 325 matag usa gikan sa Department of Agriculture Region 10.

Usa lang ang DA sa mga national agency nga gitahasan sa buhatan ni Pres. Bongbong Marcos aron tunulan og ayodang pinansyal ang sektor sa mga mag-uuma ug mangingisda bunga sa kagubot sa kinatung-ang sidlakan.

Dako ang pasalamat sa Asenso Administration nga usa ang probinsya sa MisOcc nga naprayoridad sa ayoda sa DA-10 pinaagi ni RD Jose Apollo Y. Pacamalan ug OIC Regional Technical Director Lana May S. Racines.

Matud pa sa DA nga gamay lang ang maong ayoda apan magpadayon ang mga naandang interbensyon sama sa agricultural supply ug livestock distribution.

Sa ngalan ni Mayor Sam Fuentes ug Asenso Three Pillars Gov. Henry Oaminal, Cong. Ando Oaminal ug Asenso Pinoy Party-list Rep. Indy Oaminal.

Anaa ang presensya sa mga City ug Provincial Officials nga maoy mipadangat sa mensahe.

Committee on Agriculture Chair-Hon. Sancho Oaminal, Committee on Fisheries & Aquatic Chair-Hon. JunJun Saquin, Committee on Agriculture Chair-BM Winston Catane ug Ozamiz City Agriculture Officer Paquito Gazal Jr.

13/08/2026

34 anyos, sikop sa drug buy-bust sa Purok-6 Tinaclaan Clarin Misamis Occidental, 12 midnight Agosto 13 2026.

Ang operasyon sa gipanguluhan sa mga operatiba sa Clarin MPS.

13/08/2026

Mga bakanteng kayutaan, planong pabuhisan

Gustong ipasubay ni Hon. Dinky Suizo kun' aduna na bay ordinansa ang Ozamiz nga nag-imposar og buhis sa mga kayutaan nga bakante o way tanom.

Kun' wala pa, gusto niya nga makamugna niini ang siyudad aron magamit ang mga idle land alang sa mas gipakusog nga food security, environmental rehabilitation sama sa tree planting ug mahimo usab kining local income generating gumikan kay makabayad og buhis ang mga land lord nga way mga tanom ang ilang mga yota.

Sumala sa datos sa CLUP Ozamiz nga ang siyudad adunay 17K hectares agricultural land ug 3/4 niini kalubi-an.

Sa iyang obserbasyon mas migamay pa karon ang produksyon sa mga abot gikan sa bukid gumikan kay halos ang dagkong kayotaan sa bukid wala nay saop sa rason nga naglikay ang mga Landlord nga mapailalom sa DAR-CARP ang ilang mga yota hinungdan nga gipangtipak ug gibahinbahin ug wala na pabantayi og mga saop nga mao untay kugihan magkultibar ug mananom.

Sa tanaw ni Hon. Dinky Suizo nga kun' mas makaimposar o makamugna og ordinansa labot niini ang siyudad, dili lang mas mapakusog ang agricultural production.

Apan venue usab kini nga makasulod og MOA ang City Hall partikular sa Tree Planting Program gumikan kay usa kini sa mga kondisyones exempted ang mga Landlord sa pag-imposar sa buhis.

12/08/2026

29 anyos nga babaye, positibo sa drug buy-bust sa Sinacaban MisOcc

Tugyan sa mga operatiba sa PDEU ang usa ka 29 anyos nga babaye.

Kini human mapalitan sa gituohang shabu human kini gipailalom sa drug buy-bust operation sa alas12 sa tungang gabii sa Purok-1 Casoy Libertad Bajo Sinacaban Misamis Occidental Agosto 13 2026.

Ang suspek residente sa Brgy. Upper Langcangan Oroquieta City.

Ang operasyon gipanguluhan sa mga operatiba sa Provincial Drug Enforcement Unit MOCPPO ug giabagan sa Sinacaban MPS, 2nd PMFC ug 102nd RMFB 10.

12/08/2026

PLtCol. Mark Green Lagura, bag-ong Hepe sa Ozamiz City PNP

Pormal na'ng gipahimotang si PLtCol. Mark Green Lagura isip Hepe sa Kapulisan sa Dakbayan sa Ozamiz.

Ang turnover ceremony gipahigayon Agosto 12 2026 sa Ozamiz City Police Station building gikan sa out-going Ozamiz City PNP OIC PMaj. Augustine Arazo.

Kini gisaksihan usab sa kaubang mga tag-as nga PNP Official sa PPO MisOcc ug sa siyudad nga sila si PLtCol. Harvey S. Abellanosa, PLtCol. Peter Rhyan B. Revillas ug Peace and Order Committee Chairman-Atty. Mars Tapayan sa ngalan ni Mayor Sam Norman G. Fuentes.

Ang bag-ong Hepe sa Ozamiz PNP dili na bag-o sa Ozamiz gumikan kay kanhi Force Commander kini sa 2nd PMFC.

Si PMaj. Augustine Arazo, mialagad sa Ozamiz City Police Station sulod sa 5 ka bulan human panguluhan ang Ozamiz PNP niadtong Marso 2026.

Sa iyang mensahe, gipasalig sa bag-ong Hepe nga ipadayon ang pagprayoridad batok ilegal nga droga ug uban pang nawong sa kriminalidad, community visibility nga mao usay numero-unong kampanya sa Kanunay Asenso Ozamiz Administration.

11/08/2026

11/08/2026

Tree planting proposed ordinance ni Hon. Junjun Saquin, gituki sa 2nd reading

Pending pa ang approval sa 2nd reading ang sugyot balaudnon nga giduso ni Environment Committee Chair-Hon. Juanito Saquin Jr. labot sa pagpahugot pa sa programa sa Tree Planting Activity.

Sumala sa reaksyon sa mga sakop sa konseho, pabor ang mayorya nga aprubahan sa labing dali nga panahon ang balaudnon.

Sa rason nga mas labing maayo nga adunay local version sa tree growing activity aron nga mas matutukan sa local level ang programa nga dili magsalig sa aktibidad sa nasyonal.

Gidayeg ni Majority Floor Leader Marcelian Tapayan ang aksyon sa sponsor sa pagtangtang sa pipila ka mga probisyon nga gihangyo sa Academe, DepEd ug sa Business Sector nga dili makahigalaon sa ilang bahin.

Paningkamotan usab sa sponsor nga makapahigayon og committee hearing ang member committee aron sa sunod regular session plansado na ang gamay'ng ratipikasyon bunga sa gipaapas nga mga suhestyon sa mga kauban nga mas makapanindot pa sa ordinansa.

Pabor usab ang konseho nga ang tree planting activity itunong sa Philippine Arbor Day nga giobserbar sa tibuok nasud matag June 25 aron adunay basihan ang ordinansa kung kanus-a himoon ang tree planting activity.🧡🧡🧡🇵🇭🇵🇭🇵🇭