Bida News Update

03/08/2026

03/08/2026

BIDA BALITA OZAMIZ KARON

OZAMIZ CITY NAGKAUSA SA PAGSAULOG LANG SA 48TH NATIONAL DISABILITY RIGHTS WEEK

OZAMIZ CITY, Misamis Occidental – Nakiisa ang Local Government Unit (LGU) sa Ozamiz City sa pagsaulog sa 48th National Disability Rights Week nga gipahigayon niadtong Hulyo 17–23, 2026, subay sa Proclamation No. 597, s. 2024. Ang maong selebrasyon nagpunting sa pagpalig-on sa pagpanalipod sa mga katungod, kaayohan, ug patas nga oportunidad alang sa Persons with Disabilities (PWDs).

Gipasiugda sa LGU Ozamiz ang kahinungdanon sa paghatag og inklusibong serbisyo ug pagpalambo sa mga programa nga maghatag og mas maayong kalidad sa kinabuhi sa sektor sa PWD.

Ang maong kalihokan gisuportahan sa Kanunay Asenso Ozamiz Administration ubos sa liderato ni Mayor Sam Norman Go Fuentes, kauban si Vice Mayor Simplicia Bebie Neri ug ang mga miyembro sa Sangguniang Panlungsod.

Nagpadayon usab ang suporta gikan sa liderato sa probinsya pinaagi ni Governor Henry Oaminal, 2nd District Representative Congressman Ando Oaminal, ug Asenso Pinoy Party-list Representative Congressman Indy Oaminal, nga nagtinabangay sa pagpalig-on sa mga programa alang sa mga PWD ug sa pagpalambo sa usa ka komunidad nga walay biya ug adunay patas nga pagtagad sa tanan.

Pinaagi sa maong selebrasyon, gipakita sa LGU Ozamiz ang lig-on nga paningkamot sa pagpalambo sa usa ka mas inklusibo, mas makiangayon, ug mas mapinanggaon nga komunidad alang sa tanang katawhan.

02/08/2026

BIDA BALITA OZAMIZ KARON

NAGDAGAYDAY ANG KADASIG SA FIRST SK ASENSO OZAMIZ SPORTS LEAGUE 2026 PARADE

Hilabihan Ang kadasig ug enerhiya sa unang SK Asenso Ozamiz Sports League 2026 samtang nagmartsa ang mga SK officials ug mga batan-ong atleta gikan sa nagkadaiyang barangay sa Dakbayan sa Ozamiz atol sa grand parade.

Kini nga kalihukan gipangonahan ni SK Federation President Hon.Jahn Fel Duhaylungsod, sa lig-on nga suporta ni Kanunay Asenso Administration Mayor Sam Norman Go Fuentes kauban si Vice Mayor Simplicia Bebie Neri ug mga Konsihales ug nila Governor Henry Oaminal,2nd District representative Cong. Ando Oaminal , Asenso Pinoy Party list Representative Atty Indy Oaminal jr.

Nagpakita ang matag delegasyon sa ilang panaghiusa, disiplina, ug garbo sa pagrepresentar sa ilang tagsa-tagsang barangay, nga naghatag ug mabulukon ug makalingaw nga sugod sa maong kalihokan. Ang parada nahimong simbolo sa lig-on nga panaghiusa sa kabatan-onan pinaagi sa sports ug aktibong partisipasyon sa komunidad.

Alang sa tanang SK officials ug mga delegado, tan-awa ang mga retrato sa maong parada ug susiha kon makita ba ninyo ang inyong kaugalingon ug ang inyong mga kauban sa barangay. Ayaw kalimti ang pag-tag sa inyong mga higala ug ipaambit ang kahinam sa maong kalihokan isip pagsaulog sa panaghiusa, sportsmanship, ug kusog sa kabatan-onan sa Dakbayan sa Ozamiz.

Ang First SK Asenso Ozamiz Sports League 2026 nagpadayon sa pagpalig-on sa panaghiusa sa kabatan-onan pinaagi sa isports, pagtinabangay, ug pagpalambo sa talento sa mga batan-ong atleta sa siyudad.

02/08/2026

02/08/2026

02/08/2026

BIDA BALITA OZAMIZ

18TH SUNDAYS IN ORDINARY TIME
MOPH CHAPEL CARMEN ANNEX OZAMIZ CITY