21/08/2025
INAHAN, GIP*TAY SA IYANG ANAK
Naukay ang mga silingan sa dihang nanimaho ang palibot sa usa ka balay sa Purok 6 Barangay Northern Poblacion Plaridel Misamis Occidental.
Gituohan nilang may nadugta nga patayng mananap busa ila kining gipangita.
Apan nakurat na lamang ang tanan sa dihang nadiskobrihan sa mga kabanay ang giulod nga patayng lawas sa usa ka babaye mga nailhan sa kadaghanan nga si Vicky ,kinsa naka angkon og daghang bun - og ug samad linubaan apil na ang pag gol-gol sa liog niini.
Dali nga miresponde ang mga sakop sa kapolisan ug nasuta nga ang anak niini ang mihunos sa kinabuhi sa iyang inahan .
Sa pasiunang imbestigasyon, giangkon sa suspek nga usa ka minor de edad pa lamang nga siya ang mihimo sa krimen.
Gisaysay sa suspek nga human sa iyang gihimo iyang gibutang sa ilawom sa katre sulod sa ilang balay ang lawas sa iyang inahan.
Nadangtan pa og lima ka adlaw ayha pa nahibaw -i ang maong kremin , August 20,2025.
Sa kasayoran nga nakuha pinaagi sa Brigada Oroquieta, usa ka silingan nga ginganlan og Berto, miasoy , nga sa wala pa nahitabo ang kremin , giingon nga duha ka adlaw nga wala pakan-a ang suspek ug sa gawas nalang kini matulog kay dili pasudlon sa inahan gumikan nga dili kini masugo sa ilang balay kay mag sige na lang kini og laag.
Sa pagkakaron, ang suspek anaa sa kustodiya sa Plaridel Municipal Police Station alang sa dugang pang imbestigasyon.
📸 Crowd source
