24/05/2025
CLARIN, MISAMIS OCCIDENTAL, GIPASIDUNGGAN SA ARTA UG NAKADAWAT SA SEAL OF "eBOSS" COMPLIANCE..
NATIONAL NEWS - Gitimbaya sa Department of Information and Communications Technology Regional Office 10 (DICT-X) ang atong Lungsod sa Clarin, uban pa ang mga Kalungsoran sulod ug gawas niining Lalawigan sa Misamis Occidental nga sakop sa Rehiyon 10 nga adunay pag ila gikan sa Anti-Red Tape Authority (ARTA) ug pagka-dawat niini sa Seal of Electronic Business One Stop Shop (eBOSS) Compliance niadtong Mayo Baynte Dos (22), 2025.
Ang Pasidungog ug Selyo nga gihatag didto sa may Manila Hotel sa Ermita, Manila nagtimaan sa kinasingkasing ug dedikado nga paghatag serbisyo gikan sa Lokal nga Panggamhanan nganhi sa mga Konstityuwente nga haum sa pagtubag sa Moderno nga panahon. Samtang inubanan sa pagsubay gayud ug matinud-anon sa Republic Act (RA) 11032 o ang "Anti Red Tape Act of 2007".
Sa Opisyal nga page sa DICT-X, gihinganlan niini ug gi-congratulate ang Lungsod sa Clarin nga usa (1) sa mga Kalungsoran nga makusganon nga nipa-implementar sa eBOSS o ang modernong pamaagi sa pag kunsolta ug pag tubag sa mga "queries" sa bisan unsa nga importante nga katuyoan hilabi na mahitungod sa panginabuhi ug mga paninguhaan pinaagi sa mga Modernong Gadgets nga haum sa Modernong Panahon. Kini subay sa ginatawag nga "eLGU System" nga kasamtangan nga gihatagan gayud ug dakung papel sa pagpka-karon aron mahatagan ug kasayon ang mga Lungsoranon.
Samtang, kini usab nipa-undang sa gintawag nga "Red Tape". Kini mao ang mga ginadili nga mga Proseso sa tinuyo nga mga pag langan sa mga Transaksyon sa aktwal o pisikal nga mga Opisina tungod sa katuyoan sa korapsyon o modus sa pipila ka mga Oportunista.
Ang Lokal nga Panggamhanan sa Clarin, nga sa pagka karon, ubos sa ginatawag ta nga ROAMINAL ADMINISTRATION nila ni Action Man Mayor Jojo Dacer Roa Jr ug Ate ng Bayan VM Riza Oaminal-Delos Santos nihatag na usab ug timaan sa maayo nga dalan sa pagpang-dumala sa Lungsod. Kini diin, padayunon sa sunod nga Administrasyon, ang "PADAYON ASENSO CLARIN ADMINISTRATION" sa nagbansili nga si Mayor Elect Ging Oaminal-Delos Santos ug Vice Mayor Elect Jojo Dacer Roa Jr kauban ang tibook Konseho, bag-o o mga Re-elected, ang nasangpit nga Selyo ug Pasidungog nihatag ug timaan kanato nga kita sa sunod na usab nga mga katuigan makadahum sa anaa lamang gihapon sa mga maayo nga mga kamot sa pag dumala.
Via Migz NuΓ±ez | TriMedia Broadcasting
