23/04/2025
Samuel Macapinig Miklaro sa Isyu sa Kidnap ug Gilimod ang Kalambigitan ni First Lady Liza Marcos
Nagtubag si Samuel Macapinig, amahan ni Sheena Macapinig, sa mga isyu nga misulbong pag-usab online kabahin sa kustodiya sa iyang mga apo. Sa iyang video statement, iyang giilugan ang mga pasangil ni blogger Maharlika nga nagdawit kang First Lady Liza Marcos ug nag-ingon nga dunay nanghitabong kidnapping.
Gipasabot ni Samuel nga legal ug klaro ang proseso sa pagpauli sa mga bata gikan sa Turkey padulong sa Pilipinas. Gipakita niya ang mga dokumento gikan sa korte sa Parañaque nga nagtugot kang Francis Chua, amahan sa mga bata, sa kustodiya ug mao kini ang gigamit sa hangyo sa Turkish government para sa ilang repatriation.
Gisaysay usab niya nga si Sheena midala sa mga bata gikan sa U.S. padulong Turkey nga wala’y pahibalo ni Francis ug midistansya sa komunikasyon. Nagkabala ang pamilya tungod kay wala silay kasayuran kung asa ug unsay kahimtang sa mga bata.
Aron mapamatud-an nga legal ug malinawon ang proseso, gipakita ni Samuel ang mga litrato sa mga bata uban kang Francis ug sa iyang pamilya samtang naa pa sa Turkey, ug sa ilang pag-uli sa airport. Giklaro niya nga ang mga bata mitugot sa ilang pagpauli ug karon nagpadayon na sa ilang pag-eskwela sa Pilipinas.
Gidugang pa ni Samuel nga si Francis plano nga mobalik sa Turkey para ipadayon ang legal nga proseso para sa ilang anak nga si Shanai, apan nahibaloan nilang migikan na si Sheena padulong Belgium nga wala magpahibalo sa Turkish authorities. Tungod niini, gitan-aw ni Francis nga posibleng pasakaan og kaso si Sheena.
Sa kataposan, nagsulti si Samuel og mensahe nga puno sa pagbati para kang Sheena. Gihangyo niya nga mopauli na ug gipasalig nga gihigugma siya sa iyang ginikanan. Giingon niyang maayo nga amahan si Francis ug wala’y intensyon nga pasakitan siya. Giila usab nga bakak ang mga pasangil ug walay kalambigitan si First Lady Liza Marcos.
Magandang araw.Noong nakaraan, nagbigay ako ng pahayag para pasubalian ang paratang na pangingidnap daw ni Francis Chua sa 2 nyang anak na noon ay nasa Turke...
