RADYO BAGTING NEWS

03/08/2025

03/08/2025

KIA NGA SAKYANAN, KALIT NGA NASUNOG SA NORTH DIVERSION ROAD , DAO, PAGADIAN CITY!

Daling gitupsan sa kalayo ang usa ka KIA nga sakyanan nga adunay plate number KFS 967 karong gabii sa North Diversion Road, Bahada, Barangay Dao, Pagadian City.

Giingong alas 8:37 sa kagabii nakadawat na lamang og tawag ang mga personahe sa Bureau of Fire Protection gikan sa usa ka concerned citizen nga mao si Carlo Geraga mahitungod sa maong insidente.

Ang maong sakyanan ang gipanag-iyahan ni Mokamad Paunte, 43 anyos ug residente sa Aurora, Zamboanga del Sur.

Samtang gideklarar sa BFP nga kontrolado na ang kalayo alas-8:50 sa gabii ug walay gikatahong angol sa insidente.

Sa inisyal nga imbestigasyon sa mga otoridad, giingong nagsugod ang kalayo sa engine compartment apan hangtud ning kasamtangan nagpadayon pa ang gipahigayong imbestigasyon sa Bureau of Fire Protection.

Labot niini, nagpahimangno karon ang mga otoridad nga kanunay'ng susihon ang ilahang mga sakyanan adiser mobiyahe aron masiguro ang ilang kaluwasan.

03/08/2025

SR. SAN ISIDRO LABRADOR-POBLACION LABANGAN, GIKAWATAN!

Gikawatan ang kapilya sa Poblacion Labangan (Sr. San Isidro Labrador) Parokya sa Our Lady of Fatima Parish-Lantian, Labangan. Diocese of Pagadian, karong adlawa, Agosto 3, 2025.

Gisulod ug gikuha ang maong TABERNACLE ug CIBORIUM sa maong kapilya apan ang Blessed Sacrament niini gikatag sa maong Altar.

📸: OLFP Servers of the Altar-Lantian

03/08/2025

JUST IN: Sakyanan, gilamoy sa kalayo karon lang gabie, sa North Diversion Road, Barangay Dao, Pagadian City.

🎥: CTTO

03/08/2025

We're continuously growing each day, Ka-Bagting Fam! Daghang salamat sa makanunayong suporta alang sa paghatod sa tinuoray nga serbisyo og kamatuoran.

Padayon ta, kanunay. 🤍

Salamat, Ginoo. Happy Sunday, indeed.

PS. talented gyud pud ning mga reporters sa Bagting HAHA good vibes lang!

03/08/2025

NEWS UPDATE// PAYONG² DRIVER MIBANGGA SA NAKA-PARK NGA FISHCAR SA CURVADA, TUKURAN ZDS

Giingong patay ang usa ka payong² driver nga giilang si Marbie Banawa, hingkod ang pangidaron human mibangga sa nakaparadang fishcar sa may Kamanggahan, brgy. Curvada, Tukuran ZDS, pasado alas 6 sa gabie August 3, 2025.

Sigon sa iyaan niini nga gikan matod pa ang biktima sa sentrong bahin sa Tukuran, aron sa pagsundo sa iyang asawa nga naninda sa tabo, apan wala kini misakay tungod nakainom ang iyang mistir, tuod man mibyaheng nag-inusara si Marbie paingon sa brgy. Curvada.

Sigon pa sa mga nakasaksi sa hitabo nga kusog ang padagan sa biktima ug mikawat pa kini sa pikas linya, tungod niini na-sideswipe kini sa kasugat nga multicab rason nga nawad-an kinig kontrol sa iyang payong² ug mibangga sa nakapark nga fishcar nga niadtong higayona nangaon ang driver ug pahinante sa karinderya.

📷 CTTO

✍️RB40

03/08/2025

DAPIG SA KAMATUORAN | Religious Radio Program | SIMULCAST DXCA 106.3MHZ BELL FM & RADYO BAGTING 756KHZ | AUGUST 3, 2025

03/08/2025

VEHICULAR ACCIDENT|| ISUZU MISUNGAG SA SAMPOT SA TANKER TRUCK DIDTO SA MAHAYAHAY, DUMINGAG, ZAMBOANGA DEL SUR

Misungag sa sampot sa Tanker ang usa ka Isuzu Truck sa may kurbadahong bahin sa Brgy. Mahayahay, Dumingag, Zamboanga del Sur, karung hapon, August 03, 2025.

Sa impormasyon nga atong nasayran, nga naglatas sa national highway ang duha ka sakyanan sa managlahing direksyon. Ang Tanker paingon sa Sindangan, Zamboanga del Norte samtang ang Isuzu Truck paingon sa lungsod sa Dumingag apan pag-abot sa dapit nahitaboan miigo ang dulong sa Isuzu ngadto sa sampotang bahin sa tanker.

Nakakustodiya na karun sa Dumingag Municipal Police Station ang mga sakyanang nalambigit lakip ang mga driver.

📸DAISY MARIE MANUCAN

03/08/2025

JUST IN|| PIPILA KA MGA BALAY NATUMBAHAN OG KAHOY SA UPPER TIMONAN, DUMINGAG, ZAMBOANGA DEL SUR

Gumikan sa kusug nga pagbundak sa ulan nga may dalang hangin karung hapon, pipila ka mga balay ang natumbahan og kahoy lakip na ang balay sa nagngalang Rotsen ug Palong.

Nakigkutay gilayon ang BFP-Dumingag ngadto sa MDRRMO-Dumingag ug lineman sa Zamsureco 1 arun nga ilang marespondehan kini human ilang nadawat ang impormasyon kalabot sa maong insidente.

Makita sa video nga adunay mga kahoy nga natumba, poste sa kurente nga nahagba lakip ang pipila ka balay nga nadat-ugan og kahoy.

Video Courtesy: Pobreng Kapitana ug Kur Dap Ya

03/08/2025

LALAKI PATAY HUMAN MAHULOG SA TULAY SA MAGSAYSAY, TAGBINA, SURIGAO DEL SUR

Paty ang usa ka lalaki kaganihang kaganiha, August 03,2025 human kini mahulog sa tulay didto sa Barangay Magsaysay, Tagbina, Surigao del Sur.

Nasayran nga nagsakay kini og Single Motor nga nadisgrasya ug misaylo sa kilid sa tulay, 𝐡inungdan sa iyang kamatayon.

CTTO: McRonz

03/08/2025

EPHPHATHA: CFD Religious Radio Program | RADYO BAGTING 756KHZ | AUGUST 3, 2025