12/12/2025
#๐๐ซ๐ฃ๐ฅ๐ก๐ฒ๐๐ | ๐ญ๐ฑ๐ฑ ๐๐ ๐ ๐๐ ๐๐ฆ๐ง๐จ๐๐ฌ๐๐ก๐ง๐ ๐ฆ๐ ๐ฆ๐๐ฃ๐๐ก๐ ๐๐๐๐๐๐ ๐ ๐๐ฆ๐๐ ๐๐ฆ ๐ข๐๐๐๐๐๐ก๐ง๐๐ ๐ก๐๐๐๐๐๐ก๐๐ฃ๐๐ฆ๐ฌ๐ข ๐ฆ๐ ๐๐ข๐ ๐ ๐จ๐ก๐๐ง๐ฌ ๐ข๐จ๐ง๐ฅ๐๐๐๐ ๐ฃ๐ฅ๐ข๐๐ฅ๐๐ ๐ก๐๐ ๐๐๐ฃ๐๐๐๐๐๐ฌ๐ข๐ก ๐ฆ๐ ๐ญ๐๐๐; ๐ก๐๐๐๐๐๐๐๐ฌ๐๐ก๐ ๐๐๐ฆ๐ ๐๐๐๐๐๐ก๐ ๐ก๐๐๐๐ช๐๐ง!
Nakabenipesyo ang mokabat sa 155 ka mga Estudyante sa Caluya Elementary School, sa Sapang Dalaga Misamis Occidental sa gipahigayon nga Pagtinabangay sa Pag amuma sa Kabataan usa ka Outreach Program sa 1st Field Artillery "Beat 'Em" Battalion, AAR, PA karung adlawa, December 12, 2025.
Matud pa ni LTC ROGEL OMICTIN ang Commanding Officer sa 1FAB nga napili nila ang Caluya Elementary School tungod kay wala pa kini sukad nakabenipesyo sa susamang kalihokan nga hatod sa mga kasundalohan. Usa pa ning nagsingabot nga kapaskohan pinaage sa mga gasa nga bitbit sa 1FAB, RMN DXPR ug 96.7 IFM Pagadian, KBP-Zamboanga del Sur Chapter ug uban pa'ng mga stakeholders nakatabang kini ug nakahatag og kalipay sa mga magtutungha, mga magtutudlo, ug mga ginikanan sa maong Barangay.
Usa usab kini sa mga programa sa 1FAB kauban ang mga stakeholders aron nga mapaabot ang serbisyo Publiko ngadto sa mga komunidad nga nanginahanglan.
Ang mga magtutungha sa Caluya Elementary School nakabenipesyo sa Feeding Program ug ingon man gift giving activity. Kon asa matag stakeholders adunay bitbit nga mga gasa alang kanila. Nakadawat ang mga benipesyaryong mga kabataan og vitamins gikan sa RMN Foundation, milkbars gikan sa RMN DXPR Pagadian 603 ug 96.7 IFM News Pagadian, mga tsinilas, tumbler, ug uban pa nga gikan sa lain pang mga stakeholders.
Nidonar usab ang KBP-Pagadian Zamboanga del Sur Chapter ug lima ka mga standfan. Samtang ang LGU Sapang Dalaga mihatag usab og tag lima ka kilo nga bugas sa matag kabataan.
Sa mensahe ni Marie Nannete Calidguid ang School Principal sa Caluya Elementary School, gibutyag niini nga ang mga standfan nga ilahang nadawat dako kaayo kini og ikatabang sa ilahang tulonghaan tungod kay init matud pa ang temperatura sa maong lugar ilabina nga anaa nahimutang ang ilahang tulonghaan dool sa dagat, nagdugang pa sa kainit ang kahuot sa ilahang classroom.
Matud pa ni Calidguid nga aduna lay tulo ka mga Regular Classrooms nga gikan sa Deped ug gibahin kini aron nga mahatagan og dekalidad nga edukasyon ang mga kabataan sa maong lugar.
Nagpaabot usab siya sa iyahang pagpasalamat ngadto kang LTC Rogel Omictin, sa tibook pwersa sa 1FAB, RMN Pagadian, KBP- Zamboanga del Sur Chapter ug ingon man sa uban pang mga stakeholders nga nipaabot sa ilahang mga kinasing-kasing nga gasa ngadto sa Caluya Elementary School.
Samtang nitambong usab sa maong kalihokan si Hon Demmie Animas ang Sangguniang Bayan Member sa Sapang Dalaga Miss Occ. | Mar Alawan
