29/03/2026
🧑✈️ Kapag Police o Sundalo ang nag-payo: “Opo, Sir! Masusunod po. Hindi na po mauulit, Sir. Maraming salamat po!” 🫡
🧑⚕️ Kapag Doctor ang nag-payo:
“Yes po, Doc! Maraming salamat po sa paalala. Gagawin po namin para maging maganda ang aming kalusugan. Malaking tulong po ito para sa amin!” 😊
🧔 Kapag Ulama o Ustadh ang nag-payo:
“Mind your own business! Feeling perfect! 🙄 Wag niyo kaming pakialaman! Buhay namin ‘to! Nyenyenye, blah blah blah!” 😒
Ang tanong: Bakit ganito ang reaksyon ng karamihan? 🤔
🔸 Hindi kasi professional si Ustadh – Sa mata ng ilan, ang pagiging Ustadh o Ulamâa ay hindi isang “formal profession” tulad ng pagiging doktor o pulis, kaya hindi sila tinatrato nang may parehong respeto.
🔸 Mahirap lang kasi si Ustadh – Dahil hindi kasing-taas ng ibang propesyon ang sahod o estado ng maraming Ustadh, may mga taong hindi nagbibigay ng halaga sa kanilang sinasabi.
🔸 Hindi kasi magaling sa Tagalog o Ingles si Ustadh – May ilang Ustadh na mas bihasa sa Arabic o sa kanilang lokal na wika, kaya kapag hindi nila naiparating nang maayos ang kanilang mensahe, nagkakaroon ng misinterpretasyon o pagmamaliit sa kanila.
🔸 Wala talagang mabuting asal ang ibang tao – May mga tao talagang ayaw nang mapagsabihan, lalo na kung ang payo ay tungkol sa moralidad at pananampalataya. Mas madaling tanggapin ang payo ng doktor o pulis dahil ito ay may kinalaman sa pisikal na kalusugan o batas, ngunit kapag tungkol sa pananampalataya, pakiramdam ng iba ay pinapakialaman ang kanilang buhay.
📍 Ngunit mahalaga ring tandaan:
Hindi perpekto ang ating mga Ulamâa at Ustadh — sila rin ay tao na nagkakamali at may kahinaan. Ngunit hindi ito dahilan upang sila ay hamakin, maliitin, o pagsalitaan ng masama. Sa halip, dapat tayong matutong makinig nang may bukas na puso, lalo na kung ang kanilang payo ay para sa ating ikabubuti.
✅ Ang respeto at mabuting asal ay dapat na ibinibigay sa lahat, anuman ang kanilang propesyon o estado sa buhay.
Wallâhu A’lam
📚Sinulat ni Shiekh Yusuf “𝓐𝓫𝓾 𝓩𝓱𝓪𝓴𝔂” Gonzales (hafidhahullâh)
____________________
🔎 (FaceBook | X | Instagram | YouTube | SnapChat | Google)
