19/08/2025
Helmet Saves Lifeβ
https://vt.tiktok.com/ZSALbWkja/
ππ ππππππ ππ πππ ππππππ SA PAGADIAN, NAGPADAYON
Pagadian City β Nagpadayon karong adlawa ang full implementation sa βNo Helmet, No Run Policyβ diin kapin sa 30 ka mga personahe sa Land Transportation Office (LTO) ang gipakatag sa nag-unang mga kadalanan sa tibuok dakbayan.
Kahinumdoman nga una nang nagpahigayon ang LTO og usa ka semana nga information dissemination aron ipahibalo sa publiko ang mahitungod sa hugot nga pagpatuman sa balaod batok sa mga motorista nga mosulod sa siyudad nga walay suot nga helmet.
Gawas niini, padayon usab ang ilang operasyon batok sa mga menor de edad nga magmaneho og motorsiklo, lakip na usab ang mga motorista nga walay rehistro ug lisensya.
Gipahimangnoan usab ni LTO Assistant Regional Director Johan Macaumbos ang mga ginikanan nga sila ang manubag sa kaso kon madakpan ang ilang menor de edad nga anak nga magmaneho og motor.
Ang maong lakang hugot nga ipatuman tungod sa sunod-sunod nga aksidente sa dalan nga nagresulta sa pagkawala sa kinabuhi sa mga biktima nga wala magsuot og helmet.
Dugang pa, gipahimangnoan sa LTO ang tanan nga motorista nga mogamit lamang og G-type helmets nga adunay Import Commodity Clearance (ICC) sticker aron masiguro ang kalidad ug kalig-on niini sa panahon sa pagbyahe.
Helmet that is approved by Enforcers : https://vt.tiktok.com/ZSALbWkja/
