99.9 Radyo Sincero Pagadian

26/08/2026

SINCERO BALITA
NEWS ANCHMOR: RHEA ABREA AND MELBERT GUHIL
6:00AM-7:00AM
AUGUST 27,2026

26/08/2026

PAMUKAW SA KABUNTAGON WITH HOT MAMA ATE LAYDS
4:00AM-6:00AM
AUGUST 27, 2026

Disclaimer:
I do not own the rights to the music being played in this live stream. All rights belong to the original artists and copyright owners. This music is played for entertainment purposes only and not for profit. No copyright infringement intended.

26/08/2026

ANCHOR🎙️
🌹SINCERO BALITA (6:00AM-7:00AM with Co-Anchor Ka-Sincero Melbert Guhil)
🌹UNANG PULSO:
PRINSIPYO SA RADYO SINCERO (7:00AM-8:00AM)
📍Monday to Friday, 99.9 Radyo Sincero Pagadian News Center

26/08/2026

BALITANG ALAS 5
ANCHOR: TONY BAGALANDO
AUGUST 26,2026

26/08/2026

HAPPENING NOW‼️
BASIN GUSTO PA MO MOHABOL GUYS?

The World Café of Opportunities Job Fair by TESDA Zamboanga del Sur.
📍Robinsons Pagadian
📍 Atrium, Upper Ground Level
🕙 10 AM–5 PM

❤️Connect with potential employers and discover exciting career opportunities.
🌹Your next career opportunity could be waiting for you!!

26/08/2026

LANTAWA‼️

WALAY IKAPALIT? ANAA NA TAY PWEDENG MADUOLAN. LIBRENG TAMBAL ALANG SA TANAN.

❤️PHILHEALTH MEMBERS
❤️YAKAP GAMOT
❤️PAGADIAN CITY PHARMACY
❤️75 COVERED MEDICINES

Yakap Gamot: 75 Free Medicines Available at Pagadian City Pharmacy

Ang programang Yakap Gamot nagtanyag og 75 ka matang sa libreng tambal nga makuha sa Pagadian City Pharmacy . Naglakip kini sa mga tambal para sa anti-infectious, anti-hypertensive and cardiology, anti-diabetic, ug uban pang kinahanglanong tambal diin kini libre ug abot-kaya para sa tanan.

Kining maong inisyatibo nagpamatuod sa padayong pagpaningkamot ni Mayor Sammy Co nga masiguro ang maayong panglawas sa matag indibidwal. Pinaagi niini mamenos ang gastos sa panglawas, makapadayon sa pagtambal ug himsog nga panglawas. Usa usab kini sa pamatuod sa administrasyon nga ang maayong panglawas dili pribilehiyo, kundili katungod sa matag indibidwal.

26/08/2026

LANTAWA‼️

BAG-ONG NAILA NGA DRUG PERSONALITY DAKPAN SA BUY-BUST OPERATION SA TITAY, ZAMBOANGA SIBUGAY

Nadakpan sa Buy-Bust Operation ang usa ka 24-anyos nga tricycle driver, giila sa kapulisan isip bag-ong natumbok nga drug personality sa Barangay La Libertad, Titay, Zamboanga Sibugay kaniadtong Agosto 22, 2026.

Ang suspek naila lamang sa alyas “Dember,” ulitawo ug residente sa Purok Bisol, Barangay Palomoc, Titay, nadakpan pasado alas 5:00 sa hapon atol sa operasyon.

Narekober gikan kaniya ang lima(5) ka sachets sa gituohang shabu nga adunay gibana-banang gibug-aton nga usa ka gramo ug gibana-banang Standard Drug Price nga P6,800.00.

Nakumpiska usab ang iyang cellphone, driver's license, usa ka Bajaj tricycle ug ignition key, lakip ang P500.00 nga marked money nga gigamit sa buy-bust operation.

Gipangunahan ang operasyon sa Municipal Drug Enforcement Team sa Titay Municipal Police Station ubos sa pagdumala ni PMAJ Arnold A. Espares, ACOP, kauban ang mga personnel sa Zamboanga Sibugay 2nd Provincial Mobile Force Company.

Ang mga nakumpiskang ebidensya gipadala na sa Zamboanga Sibugay Provincial Forensic Unit alang sa laboratory examination.

Samtang, anaa na sa kustodiya sa Titay MPS ang suspek alang sa tukmang disposisyon ug pagpasaka sa kasong may kalabotan sa giingong paglapas sa Republic Act 9165 o Comprehensive Dangerous Drugs Act of 2002.

RS News Desk
🎙️Rhea Abrea

26/08/2026

LANTAWA‼️

66 KA LOOSE FI****MS, BOLUNTARYONG GITUGYAN UBOS SA LNI PROGRAM SA ZAMBOANGA SIBUGAY

Gipakusgan sa 106th Infantry “Tigpanalipod” Battalion sa Philippine Army ang suporta niini sa mga programa sa gobyerno alang sa kalinaw, panag-uli ug normalisasyon sa Zamboanga Sibugay.

Lakip sa mga importanteng kalihokan mao ang pagbisita ni Presidential Adviser on Peace, Reconciliation and Unity Secretary Mel Senen S. Sarmiento sa Moro National Liberation Front (MNLF) Housing Project sa Barangay Taguisian, Mabuhay, diin iyang gisusi ang kahimtang ug pag-uswag sa maong proyekto.

Gihatagan usab og pagtagad ang mga programa nga nagtumong sa paghatag og socio-economic support sa mga kanhing combatant, ilang mga pamilya ug mga komunidad nga naapektuhan sa panagbangi, isip kabahin sa proseso sa normalisasyon.

Samtang, usa sa importanteng kalihokan nga gisuportahan sa 106IB mao ang SALW Turnover Ceremony nga gihimo sa Municipal Hall sa Payao, diin 66 ka loose fi****ms ang boluntaryong gitugyan ubos sa Localizing Normalization Implementation (LNI) Program.

Ang maong turnover giila isip dakong lakang sa pagpakunhod sa presensya sa mga loose fi****ms sa mga komunidad ug sa pagpalig-on sa seguridad sa lokal nga lebel.

Mitambong sa mga kalihokan sila BGen. Samuel G. Yunque, Commander sa 102nd Brigade; LtCol. Ezrael M. Oloan, Battalion Commander sa 106IB; mga opisyal sa kasundalohan; Congressman Marlo Bancoro sa First District; PCol. Barnard Dannie V. Dasugo, Provincial Director sa Zamboanga Sibugay Police Provincial Office; Mayor Joshua Carlo R. Mendoza sa Payao; Mayor Lito Aniñon sa Tungawan; mga opisyal sa provincial government ug uban pang stakeholders.

Sumala sa 106IB, ang maong mga kalihokan nagpakita sa padayong pagtinabangay sa mga ahensya sa gobyerno ug lokal nga komunidad aron mapalig-on ang kalinaw, seguridad ug reintegration.

Pinaagi sa maong Whole-of-Nation Approach, gihiusa ang mga paningkamot sa seguridad, kalamboan ug normalisasyon aron ang mga programa alang sa kalinaw direktang makahatag og kaayohan sa katawhan.

Padayon usab ang 106IB sa pakigtambayayong sa mga partner nga ahensya ug komunidad alang sa usa ka mas luwas, malinawon ug progresibong Zamboanga Sibugay.

RS News Desk
🎙️Rhea Abrea

26/08/2026

LANTAWA‼️

PROVINCIAL DIRECTOR, NAGPAKITA OG DALI NGA PAGTABANG HUMAN SA NAHITABONG AKSIDENTE SA DALAN SA BRGY GANGO, ZAMBOANGA SIBUGAY

Nakasaksi sa usa ka aksidente sa sakyanan sa Brgy Gango, Zamboanga Sibugay si PCOL BARNARD DANIE V. DASUGO, Provincial Director, uban sa mga personnel sa Office of the Provincial Director, samtang sila padulong s sa Tungawan alang sa usa ka opisyal nga kalihokan.

Wala magduha-duha ang Provincial Director sa paghunong ug paghatag dayon og hinanaling tabang sa mga nasamdan, bisan pa sa dili maayong panahon.

Iyang gimandoan usab ang mga kauban niyang personnel sa Philippine National Police (PNP) nga motabang sa mga biktima samtang gihulat ang pag-abot sa tukmang rescue personnel.

Ang iyang dali ug matinud-anong pagresponde nagpakita sa tinuod nga diwa sa serbisyo publiko—nga ang kapulisan andam kanunay sa pagresponde, pagtabang ug pagpanalipod bisan kanus-a, bisan asa, ug bisan pa lapas na sa naandang katungdanan.

Kini nga pagpakita og kalooy nagpamatuod nga alang sa mga personnel sa PNP, ang serbisyo dili kutob lamang sa ilang trabahoan. Usa kini ka panumpa ug responsibilidad nga ilang gidala bisan asa sila tawgon sa katungdanan.

Sa samang higayon, gipahinumdoman sa Zamboanga Sibugay Police Provincial Office ang mga motorista ug pedestrian nga mag-amping pag-ayo sa pagbiyahe, magpraktis og defensive driving, ug kanunay nga magmatngon sa dalan aron malikayan ang mga aksidente ug mapanalipdan ang kinabuhi.

RS News Desk
🎙️Rhea Abrea

26/08/2026

LANTAWA‼️

TRABAHANTE NGA SUSPEK SA CARNAPPING NAARESTO SA SAPAD, LANAO DEL NORTE

Naaresto ang usa ka 33-anyos nga lalaki, trabahante ug residente sa Lala, Lanao del Norte, ug gilista isip Top 3 Municipal-Level Most Wanted Person sa Tambulig Municipal Police Station (MPS).

Ang pagdakop nahitabo atol sa usa ka Manhunt Operation alas 10:32 sa buntag kniadtong Agosto 25, 2026, sa may Purok 4, Barangay Mapurog, Sapad, Lanao del Norte.

Gidakop ang suspek sa mga ginsakopan sa Salvador Municipal Police Station (MPS) ilawom sa PRO10, sa koordinasyon sa Tambulig MPS, pinaagi sa Warrant of Arrest nga gipagawas sa Presiding Judge sa RTC Branch 23, Branch 23, Molave, Zamboanga del Sur, pinetsahan Agosto 19, 2026.

Ang warrant may kalabotan sa paglapas sa Republic Act 10883, o mas nailhang “The New Anti-Carnapping Act of 2016,” diin ang girekomendar nga piyansa gitakda sa P300,000. Sa pagkakaron, anaa na sa kustodiya sa Salvador MPS ang suspek alang sa hustong disposisyon ug legal nga proseso.

RS News Desk
🎙️Rhea Abrea