https://www.facebook.com/109380074667147/

Radyo Kabataan Now Na - Nueva Ecija, Palayan City (2026)

08/10/2026

𝗡𝗔𝗧𝗜𝗢𝗡𝗔𝗟 𝗧𝗘𝗔𝗠, 𝗡𝗔𝗚-𝗨𝗪𝗜 𝗡𝗚 𝟮𝟵 𝗠𝗘𝗗𝗔𝗟𝗦 𝗦𝗔 𝟮𝟬𝟮𝟲 𝗔𝗦𝗜𝗔𝗡 𝗚𝗔𝗠𝗘𝗦; 𝗣𝗜𝗡𝗔𝗞𝗔𝗠𝗔𝗥𝗔𝗠𝗜𝗡𝗚 𝗡𝗔𝗜𝗧𝗔𝗟𝗔 𝗠𝗨𝗟𝗜 𝗦𝗔 𝗟𝗢𝗢𝗕 𝗡𝗚 𝟲 𝗡𝗔 𝗗𝗘𝗞𝗔𝗗𝗔

Nagtapos ang kampanya ng Pilipinas sa 2026 Asian Games na may kabuuang 29 medalya, kabilang ang apat na ginto, siyam na pilak, at 16 na tanso.

Itinuturing itong pinakamalaking medal haul ng bansa sa Asian Games sa loob ng anim na dekada. Huling nalampasan ng Pilipinas ang naturang bilang noong 1966 Asian Games sa Bangkok, kung saan nakapag-uwi ang bansa ng 42 medalya.

Pinangunahan nina Carlos Yulo, EJ Obiena, at Jeus Gabriel Derick Yape ang pagkolekta ng mga gintong medalya. Dalawang ginto ang naiuwi ni Yulo sa gymnastics, habang nagdagdag ng ginto si Obiena sa pole vault at si Yape sa virtual taekwondo.

Nagtapos ang Pilipinas sa ika-17 puwesto sa medal standings ng 2026 Asian Games.

Source: Rapplr

07/10/2026

𝟏𝟒.𝟒𝟏% 𝐏𝐀𝐒𝐀𝐃𝐎 𝐒𝐀 𝐀𝐔𝐆𝐔𝐒𝐓 𝟐𝟎𝟐𝟔 𝐂𝐒𝐄-𝐏𝐏𝐓

Umabot sa 𝟯𝟰,𝟳𝟭𝟵 examinees ang nakapasa mula sa kabuuang 𝟮𝟰𝟬,𝟵𝟳𝟮 na kumuha ng 𝘼𝙪𝙜𝙪𝙨𝙩 2026 𝘾𝙖𝙧𝙚𝙚𝙧 𝙎𝙚𝙧𝙫𝙞𝙘𝙚 𝙀𝙭𝙖𝙢𝙞𝙣𝙖𝙩𝙞𝙤𝙣–𝙋𝙚𝙣 𝙖𝙣𝙙 𝙋𝙖𝙥𝙚𝙧 𝙏𝙚𝙨𝙩 (𝘾𝙎𝙀-𝙋𝙋𝙏).

Katumbas ito ng 14.41% 𝙥𝙖𝙨𝙨𝙞𝙣𝙜 𝙧𝙖𝙩𝙚 sa isinagawang pagsusulit.

Congratulations sa lahat ng mga pumasa! 🎉 Ang inyong sipag at paghahanda ay nagbunga. Para naman sa mga hindi pinalad, bumangon at mas paghandaan pa ang susunod na CSE.

Source: Civil Service Commission

07/10/2026

DRAYBER NG DELIVERY TRUCK NA NAHULOG SA PANTABANGAN, PUMANAW

Pumanaw ang 33-anyos na drayber na si Roberto Dela Cruz Nopal noong Biyernes, Oktubre 2, 2026, bandang alas-9:16 ng gabi, matapos ang insidenteng kinasangkutan ng minamaneho niyang delivery truck sa Sitio Magitel, Barangay Cadaclan, Pantabangan, Nueva Ecija noong Oktubre 1.

Matapos ang insidente, isinugod si Nopal sa PJG Provincial Hospital sa Cabanatuan City bago inilipat sa isang pribadong pagamutan sa Tarlac City, kung saan siya tuluyang binawian ng buhay.

Ayon sa kanyang asawang si Marie Portugal Nopal, nanghihinayang siya sa sinapit ng kanyang asawa at sinabi nitong sana ay naging mas mabilis ang proseso ng paglilipat sa Tarlac upang agad itong mabigyan ng karagdagang lunas.

Batay naman sa salaysay ng mga kamag-anak, malubha ang mga pinsalang tinamo ni Nopal sa insidente.

Naiwan niya ang kanyang asawang si Marie at dalawang anak na lalaki na kapwa bata pa. Kasalukuyang nakaburol ang kanyang mga labi sa kanilang tahanan sa Purok 3, Barangay Banitan, Guimba, Nueva Ecija.

Samantala, sinabi ni Marie na pinag-uusapan pa ng pamilya kung paano tutustusan ang mga gastusin para sa burol at pagpapalibing.

Source: Radyo Natin Guimba

07/10/2026

𝐏𝐀𝐍𝐈𝐍𝐈𝐆𝐀𝐖 𝐍𝐆 𝐑𝐄𝐈𝐍𝐀 𝐌𝐄𝐑𝐂𝐄𝐃𝐄𝐒 𝐕𝐈𝐂𝐄 𝐌𝐀𝐘𝐎𝐑 𝐇𝐀𝐑𝐎𝐋𝐃 𝐑𝐄𝐒𝐏𝐈𝐂𝐈𝐎, 𝐕𝐈𝐑𝐀𝐋; 𝐁𝐔𝐎𝐍𝐆 𝐊𝐔𝐖𝐄𝐍𝐓𝐎 𝐍𝐆 𝐏𝐀𝐍𝐆𝐘𝐀𝐘𝐀𝐑𝐈 𝐈𝐁𝐈𝐍𝐔𝐍𝐘𝐀𝐆

Nagkasigawan sina Reina Mercedes, Isabela, Vice Mayor Jeryl Harold Respicio at isang Kapitan na si Rafael Mercado matapos magalit ni Respicio habang nasa sesyon dahil sa hindi pa nagagawang Barangay Health Center na pinondohan ng 5M pesos na last year pa dapat nasimulan.

Ikinagalit naman ng kapitan ang pagturo sa kanila ni Respicio habang tinatanong sila kung sino ang mga humarang sa to***co farmers.

Halo-halong reaksyon ang inani ng video, may mga netizens na ikinatuwa ang inasal ni Respicio habang ang iba ay ikinagalit ito at sinabing "unprofessional" ang kaniyang ginawa.

Ayon kay Respicio, wala siyang pinagsisisihang ginawa o sinabi niya sa sesyon at katapatan lamang ang kaniyang hinahangad at pagtigil sa korapsyon ang kaniyang ginagawa para sa mga to***co farmers.

Narito ang mga buong video: https://www.facebook.com/share/v/1Vfs4GGqyV/ at https://www.facebook.com/reel/1042309485513871/

07/10/2026

𝗝𝗖 𝗜𝗕𝗔𝗟𝗘 𝗡𝗚 𝗕𝗢𝗡𝗚𝗔𝗕𝗢𝗡, 𝗡𝗨𝗘𝗩𝗔 𝗘𝗖𝗜𝗝𝗔, 𝗪𝗔𝗚𝗜 𝗕𝗜𝗟𝗔𝗡𝗚 𝗥𝗘𝗬𝗡𝗔 𝗧𝗔𝗟𝗔𝗞-𝗘𝗥𝗔 𝟮𝟬𝟮𝟲 𝗢𝗙 𝗧𝗛𝗘 𝗗𝗔𝗬

Muling nagbigay ng karangalan sa Nueva Ecija si JC Ibale ng Bongabon matapos siyang tanghaling Miss Q&A Reyna Talak-Era 2026 of the Day sa It’s Showtime kahapon.

Ipinamalas ni Ibale ang kaniyang kumpiyansa, mabilis na pag-iisip at husay sa pagsagot sa naturang kompetisyon, na naging daan upang makuha niya ang titulo bilang Reyna Talak-Era of the Day.

Mula Bongabon, Nueva Ecija, dala ni JC Ibale ang kaniyang talento at kumpiyansa, na naging dahilan upang ipagdiwang ng mga Novo Ecijano ang kaniyang tagumpay.

Photo: Angela Bautista, It's Showtime

06/10/2026

𝐁𝐀𝐆𝐎𝐍𝐆 𝐓𝐄𝐑𝐌𝐈𝐍𝐀𝐋 𝐒𝐀 𝐒𝐀𝐍 𝐉𝐎𝐒𝐄 𝐂𝐈𝐓𝐘, 𝐎𝐏𝐈𝐒𝐘𝐀𝐋 𝐍𝐀𝐍𝐆 𝐆𝐈𝐍𝐀𝐆𝐀𝐌𝐈𝐓

Opisyal nang ginagamit ang bagong terminal sa𝗦𝗮𝗻 𝗝𝗼𝘀𝗲 𝗖𝗶𝘁𝘆, 𝗡𝘂𝗲𝘃𝗮 𝗘𝗰𝗶𝗷𝗮 para sa mga biyaherong sasakay sa rutang 𝗦𝗮𝗻 𝗝𝗼𝘀𝗲–𝗟𝘂𝗽𝗮𝗼–𝗨𝗺𝗶𝗻𝗴𝗮𝗻–𝗕𝗮𝗹𝘂𝗻𝗴𝗮𝗼–𝗦𝗠 𝗥𝗼𝘀𝗮𝗹𝗲𝘀.

Dito na isinasagawa ang sakayan para sa nasabing ruta kasunod ng pagbubukas ng bagong terminal.

Layunin ng bagong pasilidad na gawing mas maayos at maginhawa ang pagsakay at pagbiyahe ng mga pasahero.

06/10/2026

𝐒𝐎𝐔𝐓𝐇𝐖𝐄𝐒𝐓 𝐌𝐎𝐍𝐒𝐎𝐎𝐍 (𝐇𝐀𝐁𝐀𝐆𝐀𝐓), 𝐓𝐀𝐏𝐎𝐒 𝐍𝐀 𝐀𝐘𝐎𝐍 𝐒𝐀 𝐃𝐎𝐒𝐓-𝐏𝐀𝐆𝐀𝐒𝐀

Idineklara na ng state weather bureau na PAGASA ang pagtatapos ng Southwest Monsoon o Habagat season nitong Lunes, Oktubre 5, kasunod ng unti-unting pagbabago sa lagay ng panahon sa bansa.

Ayon sa PAGASA, kabilang sa mga dahilan ng pagtatapos ng Habagat ang paglakas ng high-pressure system sa East Asia, pag-usad patimog ng Intertropical Convergence Zone (ITCZ), at paghina ng hanging Habagat at mga pag-ulan.

Kasabay nito, idineklara rin ng ahensya ang pagtatapos ng rainy season sa mga kanlurang bahagi ng Luzon at Visayas.

Gayunman, patuloy na pinapayuhan ang publiko na manatiling updated sa mga weather advisory ng PAGASA dahil maaari pa ring makaranas ng mga pag-ulan bunsod ng iba pang weather systems.

Source: DOST-PAGASA

06/10/2026

𝐀𝐋𝐅𝐀𝐌𝐀𝐑𝐓 𝐒𝐀 𝐒𝐀𝐍 𝐉𝐎𝐒𝐄 𝐂𝐈𝐓𝐘, 𝐆𝐔𝐌𝐔𝐇𝐎

Gumuho ang harapang bahagi ng isang Alfamart sa Barangay Pinili, San Jose City, Nueva Ecija noong hapon ng Oktubre 5, 2026, kasabay ng matinding buhos ng ulan at malakas na hangin sa lugar.

Gumuho ang harapang bahagi ng Alfamart habang nakararanas ng malakas na ulan at hangin sa lugar. Ayon sa mga residente, posibleng tinamaan din ito ng kidlat bago ang insidente, ngunit hindi pa ito nakukumpirma ng mga awtoridad.

Patuloy pang inaalam ang buong detalye ng insidente, kabilang ang lawak ng pinsala at kung may naiulat na nasaktan. Inaasahan din ang karagdagang impormasyon mula sa mga kinauukulang awtoridad kaugnay ng insidente.

Source: Jefferson Ellana Estabillo post

06/10/2026

𝟑𝟎-𝐀𝐍𝐘𝐎𝐒 𝐍𝐀 𝐁𝐀𝐁𝐀𝐄, 𝐓𝐈𝐌𝐁𝐎𝐆 𝐒𝐀 𝐌𝐀𝐍𝐇𝐔𝐍𝐓 𝐎𝐏𝐄𝐑𝐀𝐓𝐈𝐎𝐍 𝐒𝐀 𝐆𝐄𝐍. 𝐍𝐀𝐓𝐈𝐕𝐈𝐃𝐀𝐃

Arestado ang isang 30-anyos na babae na kabilang sa listahan ng mga wanted person matapos ang isinagawang Manhunt Charlie Operation sa Barangay Talabutab Norte, General Mamerto Natividad, Nueva Ecija noong Oktubre 1, 2026.

Pinangunahan ng Intel/Warrant Personnel ng General Mamerto Natividad Municipal Police Station, sa ilalim ng pamumuno ni PMAJ Roilan V. Gonzales, Chief of Police, ang operasyon katuwang ang iba pang yunit ng pulisya.

Naaresto ang suspek sa bisa ng Warrant of Arrest na inilabas ng Regional Trial Court, Third Judicial Region, Branch 27, Cabanatuan City noong Setyembre 7, 2026.
Kaugnay ito ng kasong Double Murder na may Criminal Case No. 41159-AF. Batay sa warrant, walang inirekomendang piyansa para sa pansamantalang paglaya ng akusado.

Ayon sa pulisya, nagpapatuloy ang kanilang pinaigting na operasyon laban sa mga wanted person bilang bahagi ng kanilang kampanya para mapanatili ang kapayapaan at seguridad sa mga komunidad.

Source: Gen. Natividad PNP

05/10/2026

𝐓𝐑𝐀𝐈𝐍𝐈𝐍𝐆 𝐏𝐋𝐀𝐍𝐄, 𝐁𝐔𝐌𝐀𝐆𝐒𝐀𝐊 𝐒𝐀 𝐀𝐑𝐀𝐘𝐀𝐓, 𝐏𝐀𝐌𝐏𝐀𝐍𝐆𝐀

Bumagsak ang isang training plane sa Barangay San Antonio, Arayat, Pampanga nitong Sabado, Oktubre 3.

Ayon sa MDRRMO Magalang, agad na rumesponde ang kanilang mga kawani, kasama ang Arayat BFP at Arayat MDRRMO, upang tugunan ang insidente.

Nagtamo naman ng minor injuries ang mga crew ng eroplano. Patuloy namang inaalam ang sanhi ng pagbagsak.

Courtesy: MDRRMO Magalang / Facebook

Radyo Kabataan Now Na - Nueva Ecija

08/10/2026

07/10/2026

07/10/2026

07/10/2026

07/10/2026

06/10/2026

06/10/2026

06/10/2026

06/10/2026

05/10/2026

Address

Telephone

Website

Alerts

Shortcuts

Share

Category

Listing takedown request