Balitang-Balita

16/10/2025

“BASTA E USTU DAMUSAKAN MILA”

Ini ing matimid a amanu ng Mabalacat City Vice Mayor Jun Castro kaugne ning pamagpairal transparency and accountability king city government.

Nilino namu rin na manatili la kanung misasanmetung at mikakaintindi ilang manungkulan king syudad

via Atsing Malagu - Jenna Lumbang-Parungao

16/10/2025

Cong. LAZATIN, HINIKAYAT ANG DPWH NA MAGSAGAWA NG INSPECTION SA MGA OSPITAL, TULAY AT MALL SA UNANG DISTRITO

Matapos ang isinagawang inspeksyon sa mga paaralan sa Unang Distrito bg Pampanga hiniling naman ni. Cong. Carmelo “Pogi” Lazatin, Jr. sa Department of Public Works and Highways (DPWH) na suriin din ang integridad ng mga tulay, footbridge, ospital, at mall sa buong Unang Distrito ng Pampanga.

Ayon kay Lazatin, mahalagang masig**o ang kaligtasan ng publiko lalo na matapos ang sunod-sunod na lindol na naramdaman sa iba’t ibang bahagi ng bansa.

“Ginagawa natin ito para siguraduhin ang kaligtasan ng ating mga residente at maibsan ang kanilang pag-aalala,” ani Lazatin.

Noong Oktubre 15, 2025, personal na sumama si Lazatin sa inspectipn ng mga paaralan na isinagawa ng DPWH Pampanga 3rd Engineering Office sa pangunguna ni Engr. Arnold Ocampo.

Kamakailan din ay naghain si Lazatin ng House Resolution No. 368 na humihiling sa Department of Education (DepEd) na suspendihin muna ang face-to-face classes at gumamit pansamantala ng modular o online learning, upang mabigyang panahon ang pagbuo ng mga patakaran sa disaster preparedness at school safety.

✍️Atsing Malagu - Jenna Lumbang-Parungao

15/10/2025

Alam mo ba, pwede ka nang maki-explore sa world of breadmaking?

Gardenia’s factories are now open for public tours.
Mamangha sa kanilang state-of-the-art facility and
see how every loaf is made clean,safe and yummy.

Tara at makitour tayo kay Atsing Malagu - Jenna Lumbang-Parungao.

15/10/2025

CLASS SUSPENSION BY SCHEDULE SA ANGELES CITY, IPATUTUPAD UPANG BIGYAN DAAN ANG DISINFECTION NG MGA PAARALAN

Magpapatupad na ng suspension of classes sa mga public school ang lokal na pamahaalan ng Angeles City simula Huwebes, October 16 para sa malawakang disinfection ng mga paaralan.

Inatasan umano ni Mayor Jon Lazatin ang City Epidemiology and Surveillance Unit (CESU) at ng City Sanitation Team upang manguna sa disinfection. Ito bilang tugon sa naitalang pagtaas ng mga kaso ng Influenza-like Illness (ILI) sa syudad.

Bukod dito, magsasagawa rin ang City Engineering Office ng inspeksyon upang matiyak ang kaligtasan at matibay na kondisyon ng mga gusali ng paaralan.

Ang class suspension ay gagawing by schedule at naka-cluster ang mga paaralan.
Katuwang sa implementasyon ng istratehiyang ito ang Department of Education (DepEd) Angeles City.

Nanawagan naman ang city government sa mga magulang, g**o, at mag-aaral na manatiling maingat at panatilihin ang kalusugan sa gitna ng patuloy na seasonal flu cases.

✍️ Atsing Malagu - Jenna Lumbang-Parungao
📸 CIO Angeles

15/10/2025

14 NA MENOR DE EDAD, NARESCUE SA ANGELES CITY

Labing apat na mga menor de edad ang nasagip sa Angeles City sa isinagawang rescue operation ng City Social Welfare and Development Office (CSWDO) nitong Oktubre 14, 2025.

Ayon sa ulat ng CSWDO, narescue ang 2 lalaki sa paligid ng SM Clark at Astro Park, 9 na lalaki sa Malabanias, Korean Town, at Pampang Market, at 3 babae sa kaparehong mga lugar. Lahat ng mga ito a wala pang sa hustong gulang.

Dinala ang mga ito Kanlungan ng Kabataan Reformation Center upang mabigyan ng wastong kalinga, at iba pang intervention para makarecover mula sa kanilang pinagdaanan.

Ang regular na rescue operation na isinasagawa ng ACWDO ay batay sa mandato ni Mayor Jon Lazatin na gawin ligtas ang syuadad para sa lahat lalo na mula sa pang-aabuso sa mga kabataan. Bahagi ito ng child protection program ng City Government.

✍️ Atsing Malagu - Jenna Lumbang-Parungao
📷 CSWDO/ CIO Angeles

14/10/2025

BASAHIN | Opisyal na pahayag ng Schools Division Office of Angeles City kaugnay ng kumakalat na report sa social media na mayroon umanong nasa
9,000 mag-aaral nakararanas diumano ng mga sintomas na kahalintulad ng trangkaso.

14/10/2025

INITIAL INSPECTION NG GIANT LANTERNS

Binisita ng Giant Lantern Festival Barangay Accreditation and Regulatory Committee (BARC)
ang ginagawang giant lantern entries para sa Ligligang Parul 2025.

Nitong October 13, 2025, isinagawa ang initial inspection ng sampung mga kalahok na barangay sa pangunguna ni BARC Chairperson Gil Pamandanan at Co-Chairperson Minardo Sotto Jr., kasama ang mga kinatawan mula sa GLF Secretariat at City Tourism and Investment Promotions Office.

Layunin ng inspeksyon na tiyakin na maayos, hindi nahuhuli sa schedule ng paggawa ng parol at nakakasunod sa pamantayan ng festival.

Saklaw nito ang mga pangunahing bahagi ng paggawa ng parol tulad ng pagbuo ng balangkas at rotor, paglalagay ng mga bumbilya, at mga paunang gawaing elektrikal.

Narito ang mga kalahok na barangay ngayong taon :

• 𝗕𝘂𝗹𝗮𝗼𝗻
Lantern Maker: Mark Niño Flores Maker
• 𝗖𝗮𝗹𝘂𝗹𝘂𝘁
Lantern Maker: Syakina Leigh Bondoc
• 𝗗𝗲𝗹 𝗥𝗼𝘀𝗮𝗿𝗶𝗼
Lantern Maker: Ryan Joshua David
• 𝗗𝗲𝗹 𝗣𝗶𝗹𝗮𝗿
Lantern Maker: Florante Parilla, Parol Maker
• 𝗗𝗼𝗹𝗼𝗿𝗲𝘀
Lantern Maker: Teddy Aguilar
• 𝗦𝗮𝗻 𝗝𝗼𝘀𝗲
Lantern Maker: Mary Ann Torres
• 𝗦𝗮𝗻 𝗝𝘂𝗮𝗻
Lantern Maker: Arnel Flores
• 𝗦𝗮𝗻 𝗡𝗶𝗰𝗼𝗹𝗮𝘀
Lantern Maker: Edmar David
• 𝗦𝘁𝗮. 𝗟𝘂𝗰𝗶𝗮
Lantern Maker: Karl Ernest Quiwa
• 𝗦𝘁𝗼. 𝗡𝗶𝗻̃𝗼
Lantern Maker: Byron Bondoc

Samantala, ngayong 2025 ang ika-117 taon ng Giant Lantern Festival

via Atsing Malagu - Jenna Lumbang-Parungao
📸 CIO CSFP

14/10/2025

14/10/2025

PROTEKSYON NG MGA HUMAN RIGHTS DEFENDER, ISINUSULONG SA CITY OF SAN FERNANDO

Itinutulak ngayon ng Sangguniang Panlungsod (SP) ang pagbibigay ng sapat na proteksyon sa mga human rights defenders sa Syudad San Fernando.

Isinagawa ng SP Committee on Human Rights and Social Justice nitong October 13, sa Heroes Hall ang isang public hearing hinggil sa panukalang ordinansa ito.

Pinangunahan ni City Councilor Reggie “G4” David ang public hearing bilang author ng proposed ordinance na ito. Katuwang din sa pagdinig sina Councilor Noel Tulabut, Harvey Quiwa, Ate Kay Pineda, Jayson Castro Sicat, at Elmer Bengco.

Dumalo naman sa nasabing public hearing ang mga kinatawan ng barangay tulad ng mga punong barangay, secretary at mga miyembro ng VAWC (Violence Against Women and Their Children) desks, gayundin ang mga opisyal ng City of San Fernando Police.

Layunin ng panukalang ordinansa na protektahan ang karapatan at kalayaang pantao ng mga indibidwal at organisasyong nagsusulong ng karapatang pantao sa lungsod.

Kabilang sa mga probisyon nito ang paglikha ng Human Rights Division sa ilalim ng City Legal Office, pagtatalaga ng mga freedom park para sa mapayapang pagtitipon, at pagpapatupad ng mga programa sa edukasyon at impormasyon hinggil sa karapatang pantao sa mga paaralan at komunidad.

Samantala, present din sa nasabing public hearing sina SP Secretary Atty. Joeriz Balatbat at Atty. Cornelio Tallada, Jr. na kumatawan kay City Legal Officer Atty. Kristannico Abad. Nakiisa rin sa pagtitipon sina Atty. Socrates Padua mula sa Public Attorney’s Office at Atty. Nicolle Timoteo mula sa Commission on Human Rights.

via Atsing Malagu - Jenna Lumbang-Parungao
📸CSFP CIO

14/10/2025

Opisyal na pahayag ng DepEd kaugnay ng pagdedeklara ng class suspension ng mga lokal na pamahalaan

14/10/2025

Ibinandera ni Mabalacat City Mayor Geld Aquino sa kaniyang first 100 days report ang programang pangkalusugan at waste management na pinaiiral sa ilalim ng kaniyang administrasyon.

Ito ang Balitang Balitang Atsing Malagu - Jenna Lumbang-Parungao

13/10/2025

Naglabas ng memorandum si DPWH Secretary Vince Dizon nitong October 10 para sa indefinite suspension ng road reblocking works nationwide matapos itong makatanggap ng reports tungkol sa mga sinisirang kalsada kahit ito ay maaayos naman.

Iniutos ni Sec. Dizon ang pagrerepaso ng existing road reblocking policies. Inatasan din niya ang lahat ng regional at district offices na tapusin lahat ng ongoing road repair works sa kanilang lugar at siguraduhing hindi ito maiiwang nakatiwangwang.