15/08/2026
Thank you for this beautiful write-up. 🥹
Waking up to this kind review AND seeing our film at NUMBER 1 TODAY on Netflix is so overwhelming.
Salamat, Goldwin Reviews. ❤️
Ganito, Ganyan, Ganoon (2026)
Directed by: Cholo Laurel
Kapag ang pelikula ay tungkol sa family drama, kadalasan ay alam mo na kung saan ito papunta. Magsisimulang masaya, may mag-aaway, tapos magbabati.
Kalimutan ang mga nakasanayan. Ang pelikulang ito ay walang pinupunan na checklist. Hindi rin naka-plano ang ending. Hinahayaan lang nila ang mga karakter na mabuhay.
𝘎𝘢𝘯𝘰𝘰𝘯 ang kanilang ipapakita. Kahit magulo ang pamilya, hindi sila nahihiyang ito’y ipagsigawan. Napaka-ingay. Andaming topic na nagkakasabay. Masakit sa tenga. Hindi magkaintindihan.
𝘎𝘢𝘯𝘺𝘢𝘯 sila makipag-usap. Kahit hindi mo alam ang detalye ng kanilang pinagdaanan, pamilyar na pamilyar ito sa pakiramdam. Walang bonggang dramahan, pero ito’y makatotohanan. Nakuha nila ang hulmahan ng isang pamilya.
𝘎𝘢𝘯𝘪𝘵𝘰 mag-ungkatan ng nakaraan. Kasabay ng ingay ng karaoke ay ang magkakaibang boses na nagtatalo. Naghahalo ang kulog ng ulan sa dabog ng kanilang mga damdamin.
Bawat aktor ay parang bahagi ng pamilya. Natural na ginampanan ni Gabriel Lazaro ang kanyang karakter.
Naparaming mabibigat ng emosyon ang kayang kimkimin ni Jodi Sta. Maria. Kahit hindi niya inilalabas ang lahat, nakikita at nararamdam pa rin ang mga ito.
Nakakabaliw at nakaka-aliw makita ang iba’t ibang lalim ng pag-arte ni Agot Isidro. Nagagawa niya ang lahat ng ito habang nananatiling tapat sa karakter. Halatang pinapatanda ang hitsura niya. Kahit may kulubot ang kanyang mukha at may puti siyang buhok ay mukha pa rin siyang bata.
May mga pangyayaring hindi malaman kung saan nagsimula. May mga bagay na hindi maipaliwanag kung bakit pa rin nila ginagawa. May mga hidwaan na hindi masagot kung paano ba magwawakas.
Sa mga pagkakataon na walang katiyakan,
dinadaan nila sa ganito, ganyan, ganoon.
Kahit walang eksaktong sagot, maiintindihan mo dahil minsan mo na rin itong napagdaanan. Kahit walang derechahang lunas, gagaan ang loob mo dahil mapagtatanto mo na hindi ka pala nag-iisa sa mga karanasang tulad ng ganito.
Ganyan ang naipadama ng pelikula. Ganoon lamang ang buhay, marahang sinasabi na magiging maayos din ang lahat.
May sira ang pader, ngunit nanatili pa rin ang tibay nito. Nalalagas ang mga dahon sa puno, ngunit may bago ring tumutubo. Malunod man ang puso sa lalim ng dagat, ngunit sa paghampas ng alon, katumbas nito ay yakap. Aahon ka rin.
Embrace the uncertainties this film has to offer. While the answers may not always be definite, there’s something comforting and validating in knowing that such experiences exist.
Life is a little bit of 𝘵𝘩𝘪𝘴 and 𝘵𝘩𝘢𝘵. Sometimes, you just have to live through what’s 𝘪𝘯 𝘣𝘦𝘵𝘸𝘦𝘦𝘯.
𝐆𝐀𝐍𝐈𝐓𝐎, 𝐆𝐀𝐍𝐘𝐀𝐍, 𝐆𝐀𝐍𝐎𝐎𝐍
Cast: Jodi Sta. Maria, Agot Isidro, Gabriel Lazaro, Gardo Versoza, Ruby Ruiz, RK Bagatsing, Mitch Valdez, Angel Aquino
Screenplay by: Cholo Laurel, Cody Abad, Shania Sumergido
Presented by: Unitel Straight Shooters Media
Release Date: August 13, 2026 on Netflix
A Movie Review by: Goldwin Reviews
