https://www.facebook.com/100326669630979/

Ang Liwanag, Pasay City (2026)

08/05/2026

TINGNAN: Opisyal nang ginanap ang unang araw ng On Air: TV Broadcasting Masterclass and Competition sa University of the Philippines - Diliman, College of Media and Communication, kung saan nagkaroon ng oportunidad ang mga mag-aaral mula sa Ang Liwanag at The Quantum na makinig sa mga propesyonal na mamamahayag ng bansa.

Sa ikalawang bahagi ng programa, idinaos naman ang scriptwriting bilang bahagi ng pre-production ng koponan.

Abangan ang Live TV Broadcasting simulation sa darating na Lunes, ika-11 ng Mayo.

📸 | G. Mark Balolo

05/05/2026

PaScians humakot ng parangal sa IKMC 2026
✍️ | Zacharie Macalalad

Sumungkit muli ng mga parangal pang-internasyonal ang mga mag-aaral ng Pasay City National Science High School (PCNSCiHS) matapos ang kanilang paglahok sa International Kangaroo Mathematics Competition (IKMC) na ginanap noong ika-6 hanggang ika-13 ng Abril.

Nagwagi ng gintong medalya si Khryzten Vhela Mateo sa Intermediate Division (Baitang 9 at 10) ng patimpalak.

Habang pilak na medalya naman ang nakamit nina Eisen Weins Vicente, Julian Raphael Carlos, Jarell Domingo, Kirsten May Cabildo, at Orange Zyrille Alcaraz sa parehong kategorya.

Tanso naman ang nakuha nina Alzen Lloyd Cruz, Bryan Trevor Narciso, Iñigo Galapon, Joseph Alfred Rogado, Juan Ian Antonio Cabingue, at Evamere Judea Santos.

Samantala, nagtamo ng pilak na medalya si Ivan Ray Timothy Bautista at tansong medalya ang natanggap nina Mikayla Jimaika Gobaton, Zane Noel Antonio Nadres, David James Somodio, Bryce Bonus, at Quendra Ulep sa Junior Division (Baitang 7 at 8 ).

Tansong medalya naman ang inuwi ni Filha Ray Penelope Bautista sa Senior Division (Baitang 11 at 12).

Itinanghal naman na Merit Awardees sina Carylle Angel Andres, Jayden Sabian Domingo, Leina Eavonne Miguel, at Jazlynn Nacario para sa Junior Division; Cesar Evangelista, Daryn Buco, at Mark Lorenzo Sales sa Intermediate Division; at Julie Mael Dimla para sa Senior Division.

Ayon sa IKMC, lahat nang nagawaran ng gintong medalya ay awtomatikong manonomina para sa Department of Science and Technology – Science Education Institute (DOST-SEI) Youth Excellence in Science (YES) Awards kung saan pinaparangalan nito ang mga mag-aaral na Pilipino mula elementarya hanggang senior high school na nagwagi ng ginto, pilak, o tansong medalya sa mga kinikilalang internasyonal na kompetisyon sa Agham at Matematika.

Layunin ng paligsahang ito na hasain ang kasanayan ng mga mag-aaral sa Matematika, linangin ang kritikal na pag-iisip, at palalimin ang pag-unawa sa mga konsepto.

“I think you don’t need to memorize excessively naman eh pero dapat alam mo ‘yung iba’t ibang fundamental concepts per sector ng Math para maka-solve ka ng problem. Kahit hindi ka familiar sa question na iyon, pwede mo naman i-apply doon ‘yung mga fundamental concepts sa iba’t ibang sector ng Math para makahanap ka ng sagot for the question,” ani Rogado.

Nagbibigay rin ito ng pagkakataon upang matukoy ng mga mag-aaral ang kanilang kalakasan at kahinaan sa larangang ito.

“Masasabi ko lang po na yung IKMC is nakapag-open ng isipan ko lalo sa areas ng Math na mahina pa ako, and kung saan pwede pa ako mag-improve,” ani Narciso.

Naipakilala sa mga mag-aaral ang kompetisyong ito sa pamamagitan ni G. Oscar L. Dacuba, g**o sa Sipnayan ng PCNSCiHS.

04/05/2026

🏛️ Celebrating National Heritage Month 2026
"Roots and Horizons: Our Shared Heritage, Our Collective Future"

As we observe National Heritage Month, Pasay City National Science High School joins the nation in honoring the rich tapestry of our past that defines our identity today. 🇵🇭

In the pursuit of scientific excellence, we often look forward...but true innovation is grounded in the wisdom of our ancestors. This year’s theme reminds us that our "ROOTS" provide the stability and values we need to reach for new "HORIZONS." By bridging the lessons of our history with the advancements of the future, we empower ourselves to build a more sustainable and culturally-rooted Philippines.

As PaScians, let us take pride in our diverse traditions, indigenous knowledge, and historical landmarks. They are not just relics of yesterday, but the very foundation of the "COLLECTIVE FUTURE" we are innovating today.

Let’s keep the flame of our heritage alive while we ignite the path toward progress! 💡🌾

19/04/2026

Liham para sa mga mananatiling mandirigma ng Agham at Teknolohiya:

Gaya ng isang digmaan, mababawasan, magdurugo, at masasaktan tayo. Isang digmaan sa loob ng pamantasan. Digmaang susubok sa lakas ng loob at kagustuhang may mapatunayan sa sarili. Isang entablado na kawangis ng mga lapis at mga papel ang mga pananggalang at armas nagpoprotekta sa mga sarili. Isang digmaan sa loob ng isang taon, iba-iba ang kasama at iba-iba rin ang mga kakaharapin. Ngayon, sig**o’y naitatanong na sa sarili kung kakayanin mo pa bang magpatuloy…

Sa totoo lang, ilang beses mo nang gustong sumuko. Mga gabing kapalit ng tulog ang mga konseptong kailangang aralin, mga pagsusulit na mapapaisip ka kung sulit pa bang magpatuloy. At higit sa lahat, ang mga pagkakataong hindi mo maintindihan kung bakit sa kabila ng gabundok mong aralin ay pakiramdam mo kulang pa rin. Mga sitwasyong sinusubok na ang ’yong katawan at mga moral sa buhay. Ngunit pinili mong ituloy kahit pagod ka na. Literal na strongest soldier dahil handa kang mag-alay ng dugo’t pawis para sa isang perpektong marka. Iyon ang patunay na lumalaban ka. Gaya ng mga duguan sa giyera, nagkaroon ka rin ng mga tanda ng paghihirap at mga patunay na handa kang gawin ang lahat para sa ’yong mga pangarap.

Hangad ko na sa gitna ng bawat kaguluhan ay makatatagpo ka rin ng masisilungan. Sa piling ng ’yong mga kaibigang magiging kakampi mo sa bawat laban, mga g**ong gagabay at maniniwala sa kakayahan mo kahit nagdududa ka sa sarili mo, at mga taong magsisilbi mong pananggalang sa likod—ang ’yong mga magulang at kawani ng paaralan na tahimik na sumusuporta sa bawat hakbang mo. Sa isang taong pakikibaka, hindi ka kailanman mag-iisa, mayroong mga kamay na sasalo at aagapay sa’yo kapag nais mong huminga at magpahinga.

At kahit alam nating hindi rito nagtatapos ang ‘yong pakikibaka para sa’yong mga pangarap, sa ngayon ay huminto ka muna at lingunin ang laban na iyong nalampasan. Saksi ang institusyong ito sa lahat ng ’yong paghihirap. Saksi ang mga medalyang may bakas ng paghihirap sa tagumpay na nakamit mo sa isang taong digmaan. Hindi man perpekto ang naging laban, pero totoo ang iyong paninindigan. Kaya sa susunod na tatawagin ka na namang lumaban, sana’y dalhin mo ang alaala ng tagumpay na ito—bilang patunay na kaya mo, at kakayanin mo pa.

Padayon Pascians at hangad namin ang inyong kasiyahan!

Nagmamahal,
Strongest Soldier ng PaSci

17/04/2026

NSPC 2026: Pangarap at Paninindigan
✍️ | Ayesha Salazar
🎨 | Leigh Ann Prado

Sa pagsikat ng araw sa silangan ng Pilipinas, may mga kabataang dala ang sigaw ng kanilang pangarap. Dinig ang kanilang mga iyak at palakpakan, ang bawat pahina ng kanilang mga papel ay may bakas pa rin ng tinta at pagod.

Ang Ormoc City ay hindi lang basta destinasyon para sa mga kabataang mamamahayag. Ito ay palatandaan na naabot na nila ang pinapangarap na National Schools Press Conference 2026. Isa itong dulo ng mahabang daan na tinahak ng mga mag-aaral na piniling magsulat kahit may pagkakataon namang mas madali ang tumahimik na lang.

Hindi madali ang landas ng isang mamamahayag. Habang ang iba’y nagpapahinga, sila ay nakikipagbuno ng mga ideya. Sa bawat pagsasanay, hindi lamang kasanayan at kahusayan ang hinahasa, kundi ang responsibilidad. Sapagkat ang pagsusulat ay tungkol sa katotohanan. Tungkol ito sa tapang na manindigan.

At sa bawat hakbang palapit sa Ormoc, bitbit nila ang higit pa sa talento. Bitbit nila ang mga kuwento ng kanilang mga pinanggalingan— ang paaralan at rehiyong kanilang kinakatawan… at ang sariling pangarap na matagal nang kinikimkim ng kanilang puso at isipan..

Dahil ang NSPC ay hindi lamang tungkol sa pagwawagi. Hindi ito tungkol sa medalya’t gantimpala.

Ito ay tungkol sa pagpapatunay na ang kabataan ay naghahangad at naghahanap ng katotohanan. Na sa murang edad, kaya nilang magmulat ng isipan at magbigay-liwanag sa mundong minsan ay nagbubulag-bulagan.

Sa dulo ng paglalakbay na ito, ang bawat pawis, bawat puyat, at bawat salita ay kailanman hindi masasayang.

Sapagkat ang pangarap na ito ay hindi lamang basta tinutupad.

Ito ay ipinaglalaban.
Ipinaglalaban nang may paninindigan.

06/04/2026

PAG-IKOT SA PANGARAP
𝘖𝘳𝘣𝘪𝘵𝘪𝘯𝘨 𝘋𝘳𝘦𝘢𝘮𝘴

✍️: Marc Jared Sario | AgTek
🎨: Leigh Ann Prado

“Mayroong kasabihang— The moon is beautiful isn’t it? Bakit hindi— Dadalhin kita sa buwan?” Ay isang mababaw na kasabihan kumpara sa literal na ambisyon ng National Aeronautics and Space Administration (NASA) habang aktibo nitong sinusundan ang Buwan sa pamamagitan ng paglulunsad ng Artemis II, isang planadong misyong may sakay na mga astronaut na naglalayong ipadala sila sa pag-ikot sa Buwan sa kauna-unahang pagkakataon mula noong panahon ng Apollo, ngayong Abril 1, 2026.

Isang espesyal na spacecraft na tinatawag na “Orion”, Idinisenyo ito upang dalhin ang mga astronaut nang mas malayo sa kalawakan kaysa dating eskpedisyong Apollo 13. Inaasahang lalampas ito ng higit sa 7,400 kilometro lampas sa likurang bahagi ng Buwan, na naglalagay sa humigit-kumulang 407,000 kilometro mula sa Daigdig.

Sakay ng spacecraft ang apat na Moon Bounded astronaut na sina NASA Commander Reid Wiseman, NASA Mission Specialist Christina Koch; unang babaeng lalayag, NASA Pilot Victor Glover; unang African-American na lalayag at Canadian Space Agency (CSA) Mission Specialist Jeremy Hansen; unang non-american na lalayag. Sila ay may mga layuning lumayag malapit sa buwan at dadaan sa cislunar zone, pagitan ng Buwan at Mundo, sila ngayon ay matagumpay na umiikot dito sa loob ng 10-araw na misyon.

Bagama’t hindi man nila layunin ang paglapag sa Buwan, nananatiling napakahirap ng kanilang gawain dahil sa dami ng mahahalagang tungkulin at sa inaasahang pagtataguyod nila ng mga makasaysayang rekord para sa mundo. Sa loob ng planadong sampung araw na misyon, pamamahalaan at susuriin ng mga astronaut ang mahahalagang life-support systems na sakay ng kanilang spacecraft. Habang umiikot sila sa mga polo ng Buwan, kukuha rin sila ng detalyadong mga larawan ng ibabaw nito upang suportahan ang mga susunod na misyon ng paglapag sa buwan.

Sa loob ng kanilang sampung araw na misyon, patuloy ang pagkayod ng mga astronaut sa mga life-support systems, iniikot ang Buwan, at kinukuhanan ito ng larawan para sa mga susunod na landing missions, isang patunay ng tapang, teknolohiya, at determinasyon ng sangkatauhan. Ang dating kasabihan na tila biro lamang ay magiging katotohanan, na nagpapaalala na ang limitasyon ng tao ay nasa ating paniniwala at aksyon. Dala-dala ang mga pangarap at ambisyon, ang ARTEMIS II ay nagsisilbing paalala sa mga taong kasabihan na kahit ito’y minsa’y sabi-sabi lamang ay maari pa rin itong maging realidad sa taong nangangarap— katulad ng NASA.

—

Sanggunian: https://explained.ph/to-the-moon-and-back-artemis-ii-successfully-on-orbit-on-course-for-a-defining-loop-around-the-moon/

04/04/2026

Sa muling pagkabuhay ni Hesus, nawa’y mapuno ang ating puso ng kagalakan at panibagong pag-asa. Ang araw na ito ay paalala na sa kabila ng dilim at pagsubok, may liwanag at bagong simula. Nawa’y dalhin natin ang diwa ng Pasko ng Pagkabuhay sa ating araw-araw na pamumuhay nang may pananampalataya, pag-ibig, at pag-asa.

Magsimula tayo muli nang may panibagong lakas at pananalig sa Kanya.

04/04/2026

Sa gitna ng katahimikan at pagdadalamhati, ang araw na ito ay sumisimbolo ng paghihintay at pag-asa. Nawa’y gamitin natin ang oras na ito upang pagnilayan ang ating pananampalataya at magtiwala sa plano ng Diyos, kahit sa mga sandaling tila walang kasiguraduhan ang lahat.

Sa ating paghihintay, nawa’y manatili tayong matatag at puno ng pag-asa.

03/04/2026

Sa araw na ito ng paggunita sa paghihirap at kamatayan ni Hesus, nawa’y pagnilayan natin ang lalim ng Kanyang sakripisyo para sa kaligtasan ng sangkatauhan. Ito ay panahon ng katahimikan at taos-pusong panalangin, upang mas mapalapit tayo sa Kanya at maunawaan ang tunay na kahulugan ng pag-ibig at pagtubos.

Nawa’y magsilbi itong paalala na ang tunay na pag-ibig ay handang magsakripisyo para sa kapwa.

02/04/2026

Sa pagsisimula ng Mahal na Araw, nawa’y maglaan tayo ng oras upang magnilay sa kababaang-loob at wagas na pagmamahal ni Hesus sa Kanyang mga alagad. Ang araw na ito ay paalala ng paglilingkod at pagsasakripisyo para sa kapwa, kaya’t nawa’y matutuhan nating magmahal nang walang hinihintay na kapalit at magpatawad nang buong puso.

Sa araw na ito, piliin nating maging daluyan ng kabutihan at pag-ibig sa iba.

—

💻 | Isabelle Flores

28/03/2026

Pagtatapos ng Batch 2026, isinagawa
✍️ | Alaiza Eunice Cruz
✅ | Joebbie Gaugano
📸 | Chainne Ysabelle Guevarra

Sa ilalim ng temang “Filipino Graduates: Prepared To Lead With Competence and Character,” matagumpay na idinaos ang ikasiyam na Seremonya ng Pagtatapos ng mga mag-aaral sa Ika-12 Baitang ng Pasay City National Science High School (PCNSciHS) nitong ika-26 ng Marso sa gymnasium ng paaralan.

Pormal na kinumpirma ang pagtatapos ng Batch 2026 ni Dr. Joel T. Torrecampo, CESO VI, Schools Division Superintendent, sa pamamagitan ni Dr. Renato B. Mesada, Public Schools District Supervisor (PSDS) ng Cluster 9. Ito ay matapos ang presentasyon at pagpapatunay ng mga kandidato na pinangunahan ng punongg**o na si Dr. Mark Anthony F. Familaran.

Sa kanyang pambungad na pananalita, hinamon ni Sofia Michiko L. Yamamoto (With High Honors) ang kanyang mga kapwa nagsipagtapos na isabuhay ang mga natutuhan sa paaralan bilang gabay sa hinaharap.

“Saan man kayo dalhin ng inyong mga landas sa hinaharap, nawa’y dala-dala ninyo ang diwa ng PaSci—ang pagiging determinado, may integridad, at may dignidad sa lahat ng inyong gagawin,” ani Yamamoto.

Nagbahagi rin ng inspirasyon si Julie Mael M. Dimla (With High Honors), na nagsabing ang pagtatapos ay hindi dulo kundi simula ng mas malalim na pagkatuto. Ayon sa kanya, ang tunay na punto ng buhay ay ang patuloy na pag-unlad sa kabila ng mga pagsubok.

Dinaluhan ang okasyon ng mga iginagalang na panauhin kabilang sina Hon. Imelda “Emi” Calixto-Rubiano, Punong Alkalde ng Pasay, at Konsehal Luigi Calixto-Rubiano.

Nagpaabot din ng mensahe sa pamamagitan ng bidyo sina Lone Representative Hon. Antonino G. Calixto at DepEd Secretary Sonny Angara.

Samantala, ibinahagi ni Dr. Maripaz T. Mendoza, Chief Education Supervisor-SGOD, ang mensahe mula kay Dr. Jocelyn DR Andaya, DepEd NCR Regional Director.

Bilang huling mensahe para sa batch, nagbigay ng Message of Gratitude si Filha Ray Penelope J. Bautista (With High Honors). Pinasalamatan niya ang institusyong nagsilbing gabay nila sa loob ng anim na taon at kinilala ang katatagan ng bawat mag-aaral.

Nagsimula ang programa sa ganap na ika-4:00 ng hapon sa pamamagitan ng tradisyunal na pagpasok ng mga kulay, mga opisyal ng SDO, punongg**o at kawaksing punongg**o, mga g**o, at mga magulang. Bilang simbolo ng kanilang pinagsamahan, inawit ng mga nagsipagtapos ang “Minsan” ng Eraserheads bilang kanilang graduation song.

Ang seremonya, na pinangunahan ni G. Mark Reniel L. Balolo bilang tagapagdaloy, ay pormal na nagtapos sa ganap na ika-7:00 ng gabi. Ang pag-alis ng mga kulay sa pangunguna ng Boy Scouts of the Philippines (BSP) ng PCNSciHS ang nagsilbing hudyat ng pagsasara ng isang kabanata at simula ng panibagong yugto para sa mga bagong "Iskolar ng Pasay."

Ang Liwanag

08/05/2026

05/05/2026

04/05/2026

19/04/2026

17/04/2026

06/04/2026

04/04/2026

04/04/2026

03/04/2026

02/04/2026

28/03/2026

Address

Website

Alerts

Shortcuts

Share

Category