https://www.facebook.com/100485442353340/

Ang Rizalian, Pasig (2026)

27/05/2026

‎𝙀𝙞𝙙 𝙖𝙙-𝘼𝙡𝙝𝙖 𝙈𝙪𝙗𝙖𝙧𝙖𝙠!
‎
‎Ngayong araw ng Miyerkules ay ipinagdiriwang ng ating mga kapatid na Muslim ang Eid Al-adha o Ang Pista ng Sakripisyo. Ito ang isa sa pinakamahalagang pagdiriwang sa Islam na pumapatungkol sa kahalagahan ng pananampalataya, pagmamahalan, at pagbibigayan o pagtutulungan ng ating mga kapatid na Muslim.
‎
‎Ang pagdiriwang na ito ay nawa'y magdala ng hinahangad nating kapayapaan para sa ating mga kapatid na Muslim lalong-lalo na sa ating lahat. Tayo'y makiisa sa makabuluhang pagdiriwang na ito.
‎
‎Muli, Maligayang Eid ad-Alha Mubarak sa ating mga kapatid na Muslim! 🌙✨
‎
‎✒️: 𝘔𝘢𝘳𝘪𝘢 𝘈𝘭𝘦𝘹𝘢 𝘑𝘶𝘯𝘪𝘰 | 𝘗𝘢𝘵𝘯𝘶𝘨𝘰𝘵 𝘯𝘨 𝘓𝘢𝘵𝘩𝘢𝘭𝘢𝘪𝘯
‎🎨: 𝘑𝘢𝘴𝘱𝘦𝘳 𝘕𝘩𝘦𝘺𝘵𝘢𝘯 𝘗𝘢𝘨𝘰𝘭𝘢 | 𝘓𝘢𝘺𝘰𝘶𝘵 𝘢𝘳𝘵𝘪𝘴𝘵 / 𝘦𝘥𝘪𝘵𝘰𝘳

19/05/2026

𝗔𝗻𝗴 𝗽𝗮𝗴𝗶𝗴𝗶𝗻𝗴 𝗺𝘂𝗹𝗮𝘁 𝗮𝘆 𝗵𝗶𝗻𝗱𝗶 𝘰𝘱𝘵𝘪𝘰𝘯𝘢𝘭—𝗶𝘁𝗼'𝘆 𝗶𝘀𝗮𝗻𝗴 𝗿𝗲𝘀𝗽𝗼𝗻𝘀𝗶𝗯𝗶𝗹𝗶𝗱𝗮𝗱.
‎
‎Kaliwa't kanan na ang katarantaduhan at kasinungalingan na ipinapamukha sa atin ng mga may kapangyarihan, kung kaya't nakapagtataka na may mga Pilipino pa rin na nananatiling pikit at tila bingi sa mga problemang ating kinakaharap.
‎
‎Bulag-bulagan sa mga problemang nagdudulot ng paghihirap sa ating bansa ngunit naghahangad ng mas maayos at magandang sistema ng pamamahala? Bago natin makamit ang mga iyan, lahat iyan ay may prosesong dapat pagdaan at ang unang hakbang upang mangyari ang dapat kaginhawahan na mayroon tayo ay ang manindigan, makibahagi, at mamulat sa reyalidad.
‎
‎Walang magagawa ang pagiging tahimik o neutral ngayong panahon, lalo na't hindi naman na tago sa atin ang mga katotohanan at kawalanghiyaan na ginagawa ng mga nasa gobyerno. Boses at paninindigan ang ating maitutulong sa panahon ngayon—boses na gagabay at patuloy na mumulat sa mga kabataan at pati na rin sa mga nagbubulag-bulagan pa.
‎
‎Kaya tayo'y magsama-samang manindigan at makibaka hangga't hindi nabubuwag ang problema sa Pilipinas. Nararapat lamang na tayong mga kabataan ang tumapos sa problemang sila ang dahilan. Tayo pa rin ang pag-asa sa bayang tila wala nang pag-asa.
‎
‎Manindigan, Makibahagi, at Mamulat!
‎
‎✒️: 𝘒𝘦𝘯𝘥𝘳𝘪𝘤𝘬 𝘑𝘢𝘺𝘮𝘦𝘴 𝘔𝘰𝘺𝘰| 𝘗𝘶𝘯𝘰𝘯𝘨 𝘗𝘢𝘵𝘯𝘶𝘨𝘰𝘵
‎🎨: 𝘑𝘢𝘴𝘱𝘦𝘳 𝘕𝘩𝘦𝘺𝘵𝘢𝘯 𝘗𝘢𝘨𝘰𝘭𝘢| 𝘓𝘢𝘺𝘰𝘶𝘵 𝘢𝘳𝘵𝘪𝘴𝘵/𝘦𝘥𝘪𝘵𝘰𝘳

10/05/2026

𝗠𝗮! : 𝙈𝙤𝙩𝙝𝙚𝙧'𝙨 𝘿𝙖𝙮 𝙎𝙥𝙚𝙘𝙞𝙖𝙡 𝙋𝙤𝙨𝙩𝙞𝙣𝙜
‎
‎Sa pagdiriwang ng Araw ng mga Ina, inihahandog sa inyo ng Ang Rizalian ang mga espesyal na lathalain para sa ating mga minamahal na ina.
‎
‎✍︎ : 𝘑𝘩𝘰𝘢𝘯𝘢 𝘝𝘪𝘳𝘢𝘺 | 𝘋𝘢𝘬𝘪𝘭𝘢𝘯𝘨 𝘐𝘭𝘢𝘸 𝘯𝘨 𝘛𝘢𝘩𝘢𝘯𝘢𝘯
‎✍︎ : 𝘙𝘦𝘻𝘦𝘪𝘭𝘦 𝘏𝘢𝘺𝘦𝘴𝘩𝘢 𝘒𝘪𝘴𝘩 𝘊𝘢𝘣𝘢𝘯𝘴𝘢𝘨 | 𝘓𝘪𝘸𝘢𝘯𝘢𝘨 𝘴𝘢 𝘗𝘶𝘴𝘰 𝘯𝘨 𝘛𝘢𝘩𝘢𝘯𝘢𝘯
‎✍︎ : 𝘉𝘰𝘳𝘳𝘰𝘮𝘦𝘰 𝘚𝘦𝘢𝘯 𝘠𝘣𝘳𝘢𝘩𝘪𝘮 | 𝘚𝘢𝘭𝘢𝘮𝘢𝘵, 𝘐𝘯𝘢𝘺!
‎
‎🎨: 𝘒𝘦𝘯𝘥𝘳𝘪𝘤𝘬 𝘑𝘢𝘺𝘮𝘦𝘴 𝘔𝘰𝘺𝘰 | 𝘗𝘶𝘯𝘰𝘯𝘨 𝘗𝘢𝘵𝘯𝘶𝘨𝘰𝘵
‎📝: 𝘔𝘢𝘳𝘪𝘢 𝘈𝘭𝘦𝘹𝘢 𝘑𝘶𝘯𝘪𝘰| 𝘗𝘢𝘵𝘯𝘶𝘨𝘰𝘵 𝘯𝘨 𝘓𝘢𝘵𝘩𝘢𝘭𝘢𝘪𝘯
‎

10/05/2026

𝟬𝟱•𝟭𝟬•𝟮𝟲 | 𝙈𝙖𝙡𝙞𝙜𝙖𝙮𝙖𝙣𝙜 𝘼𝙧𝙖𝙬 𝙣𝙜 𝙢𝙜𝙖 𝙄𝙣𝙖💐
‎
Ngayong araw ng Linggo, ika-10 ng Mayo, taong kasalukuyan ay ipinagdiriwang natin ang araw ng mga ina; ina na nag-aruga, gumabay sa atin, at nagbigay ng mga payo at aral na hanggang ngayon ay dala-dala natin.
‎
‎Hindi lamang ito simpleng araw para sa kanila, ito ay ang araw kung saan nabibigyang halaga ang kanilang mga sakripisyo at paghihirap para sa isang pamilya. Ngunit dapat hindi lamang ngayong araw, dapat araw-araw — lagi nating ipadama na mahal natin sila.
‎
‎Maligayang araw ng mga ina, Rizalians! 💞

04/05/2026

𝘔𝘢𝘭𝘪𝘨𝘢𝘺𝘢𝘯𝘨 𝘒𝘢𝘢𝘳𝘢𝘸𝘢𝘯, 𝘑𝘢𝘯𝘻𝘦𝘯!
‎
‎Maligayang Kaarawan sa ating Patnugot ng Isports, Janzen Lelouch B. Magno! Nawa'y umapaw ng pagmamahal, kaligayahan, at pagpapala ng Panginoon ang buhay mo. Hiling namin na magpatuloy ka sa iyong tinatahak na buhay, maging matagumpay at makamit ang lahat ng hinahangad! 🩵
‎
‎Muli, Maligayang Kaarawan, Janzen Lelouch B. Magno! 🎊🥳

03/05/2026

𝙒𝙤𝙧𝙡𝙙 𝙋𝙧𝙚𝙨𝙨 𝙁𝙧𝙚𝙚𝙙𝙤𝙢 𝘿𝙖𝙮 | 𝟬𝟰•𝟬𝟯•𝟮𝟲
‎
Ilang taon o dekada na natin ipinagdiriwang ang kaganapan tulad ng Wold Press Freedom. Sa bawat pagdiriwang na iyon ay tila wala namang pagbabago. Maraming tumitindig, mas lumalakas ang dagundong ng mga boses at hinaing na dapat at nararapat lamang na marinig. Ngunit sa kabila ng mga hindi mapapantayang kagitingin na ibigay ng mga mamamahayag sa Pilipinas at sa iba pang bansa, wala namang pagbabago.
‎
‎Taon-taon na lang may nadaragdag sa listahan ng mga pinatay na mamamahayag, na patuloy na nagbibigay ng pagtataka at kilabot sa nakararami.
‎
‎Walang mangyayari kung walang kikilos, walang dapat mamatay, at walang dapat manahimik. ✊

30/04/2026

𝟬𝟲•𝟬𝟭•𝟮𝟲 | 𝘼𝙧𝙖𝙬 𝙣𝙜 𝙢𝙜𝙖 𝙈𝙖𝙣𝙜𝙜𝙖𝙜𝙖𝙬𝙖
‎
‎Ngayong Araw ng mga Manggagawa, atin silang pasalamatan. Hindi lamang sa pamamagitan ng salita, kundi sa pagkilala sa bigat ng kanilang mga sakripisyo. Sila ay masisipag na mga manggagawang nagtatrabaho nang maayos, tapat, at may dedikasyon sa kabila ng lahat ng hamon na kanilang kinakaharap. Sila ang mga kamay na bumubuo sa ating mga tahanan, at ang mga isipang walang pagod na lumilikha ng solusyon para sa ating bansa.
‎
‎Sa gitna ng mahal na gasolina at korapsyon, ang marangal na paggawa ng bawat Pilipino ang nagpapanatili sa ating lahat na mayroon pa rin tayong pag-asa, pag-asang mabuhay ang mga manggagawang hindi sumusuko sa hamon ng panahon. Sila ang mga bisig na bumubuhat sa bansa habang hinihila tayo pababa ng korapsyon at kahirapan.
‎
‎Ngayong Araw ng Manggagawa, pasalamatan natin sila sa kanilang taos-pusong pagpapakahirap at walang
‎tigil na pagsusumikap. 𝘔𝘢𝘣𝘶𝘩𝘢𝘺 𝘢𝘯𝘨 𝘮𝘨𝘢 𝘮𝘢𝘯𝘨𝘨𝘢𝘨𝘢𝘸𝘢𝘯𝘨 𝘗𝘪𝘭𝘪𝘱𝘪𝘯𝘰, 𝘮𝘢𝘣𝘶𝘩𝘢𝘺 𝘢𝘯𝘨 𝘮𝘨𝘢 𝘮𝘢𝘯𝘨𝘨𝘢𝘨𝘢𝘸𝘢! 👨‍⚕️👷👨‍🏭
‎
‎✒️: 𝘑𝘰𝘩𝘯 𝘗𝘢𝘶𝘭 𝘎𝘰𝘳𝘪𝘰𝘯| 𝘉𝘢𝘩𝘢𝘨𝘪 𝘯𝘨 𝘞𝘰𝘳𝘥𝘴𝘮𝘪𝘵𝘩 𝘊𝘰𝘮𝘮𝘪𝘵𝘵𝘦𝘦
‎🎨: 𝘋𝘺𝘭𝘢𝘯 𝘗𝘦𝘥𝘳𝘦𝘳𝘢 | 𝘉𝘢𝘩𝘢𝘨𝘪 𝘯𝘨 𝘊𝘳𝘦𝘢𝘵𝘪𝘷𝘦𝘴 𝘊𝘰𝘮𝘮𝘪𝘵𝘵𝘦𝘦
‎

09/04/2026

𝗔𝗿𝗮𝘄 𝗻𝗴 𝗞𝗮𝗴𝗶𝘁𝗶𝗻𝗴𝗮𝗻| 𝟬𝟰•𝟬𝟵•𝟮𝟲
‎
‎Ating ipinagdiriwang ngayong araw ng Huwebes, Abril 9, taong kasalukuyan ang ika-84 ng paggunita sa Araw ng Kagitingan. Ito ang araw kung saan nagsakripisyo ang mga sundalo at mamamayan para sa kalayaan ng bawat Pilipino. Sila ang mga bayani na hindi nagdalawang isip na tumindig sa laban at hindi nag atubiling manindigan para sa karapatan at kalayaan. ⚔️
‎
‎Ang Araw ng Bataan at Corregidor ay isang pagbabalik-tanaw sa tapang, determinasyon, at sakripisyo na inialay ng ating kababayan. Para sa kalayaan at kapayapaan, handa silang i-alay ang kanilang buhay. 🇵🇭
‎
‎Nawa'y magsilbi silang inspirasyon para sa ating araw-araw na buhay at pagsubok. Maging matapang sa bawat problemang kakaharapin para sa kapayapaan. Maging malakas at tumindig sa gitna ng labanan. ✊🏻
‎
‎✒️: 𝘗𝘳𝘪𝘯𝘤𝘦𝘴𝘴 À𝘯𝘨𝘦𝘭𝘢 𝘊𝘳𝘶𝘤𝘪𝘭𝘭𝘰 | 𝘉𝘢𝘩𝘢𝘨𝘪 𝘯𝘨 𝘞𝘰𝘳𝘥𝘴𝘮𝘪𝘵𝘩 𝘊𝘰𝘮𝘮𝘪𝘵𝘵𝘦𝘦
‎🖼️: 𝘋𝘺𝘭𝘢𝘯 𝘗𝘦𝘥𝘳𝘦𝘳𝘢 | 𝘉𝘢𝘩𝘢𝘨𝘪 𝘯𝘨 𝘊𝘳𝘦𝘢𝘵𝘪𝘷𝘦𝘴 𝘊𝘰𝘮𝘮𝘪𝘵𝘵𝘦𝘦

05/04/2026

𝗟𝗶𝗻𝗴𝗴𝗼 𝗻𝗴 𝗣𝗮𝘀𝗸𝗼 𝗻𝗴 𝗣𝗮𝗴𝗸𝗮𝗯𝘂𝗵𝗮𝘆 | 𝟬𝟰•𝟬𝟱•𝟮𝟲
‎
‎𝘑𝘶𝘢𝘯 11:25-26
‎
‎𝘚𝘪𝘯𝘢𝘣𝘪 𝘯𝘪 𝘏𝘦𝘴𝘶𝘴 𝘴𝘢 𝘬𝘢𝘯𝘺𝘢, "𝘈𝘬𝘰 𝘢𝘯𝘨 𝘣𝘶𝘮𝘶𝘣𝘶𝘩𝘢𝘺 𝘴𝘢 𝘮𝘨𝘢 𝘯𝘢𝘮𝘢𝘵𝘢𝘺, 𝘢𝘵 𝘢𝘬𝘰 𝘳𝘪𝘯 𝘢𝘯𝘨 𝘯𝘢𝘨𝘣𝘪𝘣𝘪𝘨𝘢𝘺 𝘯𝘨 𝘣𝘶𝘩𝘢𝘺. 𝘈𝘯𝘨 𝘴𝘶𝘮𝘢𝘴𝘢𝘮𝘱𝘢𝘭𝘢𝘵𝘢𝘺 𝘴𝘢 𝘢𝘬𝘪𝘯, 𝘬𝘢𝘩𝘪𝘵 𝘮𝘢𝘮𝘢𝘵𝘢𝘺 𝘢𝘺 𝘮𝘢𝘣𝘶𝘣𝘶𝘩𝘢𝘺. 𝘈𝘯𝘨 𝘴𝘪𝘯𝘶𝘮𝘢𝘯𝘨 𝘯𝘢𝘣𝘶𝘣𝘶𝘩𝘢𝘺 𝘢𝘵 𝘴𝘶𝘮𝘢𝘴𝘢𝘮𝘱𝘢𝘭𝘢𝘵𝘢𝘺 𝘴𝘢 𝘢𝘬𝘪𝘯 𝘢𝘺 𝘩𝘪𝘯𝘥𝘪 𝘮𝘢𝘮𝘢𝘮𝘢𝘵𝘢𝘺 𝘬𝘢𝘪𝘭𝘢𝘯𝘮𝘢𝘯. 𝘕𝘢𝘯𝘪𝘯𝘪𝘸𝘢𝘭𝘢 𝘬𝘢 𝘣𝘢 𝘴𝘢 𝘴𝘪𝘯𝘢𝘣𝘪 𝘬𝘰?".
‎
‎Ang Easter Sunday o Linggo ng Pagkabuhay ni Hesus ay ang pinakamahalagang parte ng Mahal na Araw. Ito ang araw kung kailan ipinagdiriwang natin ang kanyang muling pagkabuhay mula sa kamatayan sa krus, tatlong araw matapos syang ipako krus o biyernes santo.
‎
‎Ang tinatawag na "Salubong" ang pinakatampok na tradisyon sa bansa na isinasagawa bago magbukas ang liwanag. Ito ay simbolo ng pagsalubong sa muling pagkabuhay ni Hesus. Kasabay nito ang pagdalo sa misa upang igunita ang kanyang muling pagkabuhay. At ang tinatawag na Paskua o Easter Salosalo dahil sa mahabang panahon ng sakripisyo, ang Easter Sunday ay araw ng masayang salosalo o masaganang kainan.
‎
‎Ngayong araw, tayo'y makiisa sa paggunita ng muling pagkabuhay ni Hesus. Ito ay nagpapatunay na kahit sya ay namatay dahil sa kasalanan ng buong mundo ay nagbabalik sya upang protektahan at alagaan tayong mga anak nya sa lupa. Sobrang laking sakripisyo ang kanyang ibinuwis para sa atin. Ang Easter Sunday ay nagpapaalala na pagkatapos ng kanyang kamatayan o Biyernes Santo ay laging may linggo ng pagkabuhay na simbolo ng bagong pag-asa at pagbangon.
‎
‎Maligayang Araw ng Muling Pagkabuhay ni Hesus! 🤍 ✝️
‎
✒️: 𝘔𝘢𝘳𝘪𝘢 𝘈𝘭𝘦𝘹𝘢 𝘑𝘶𝘯𝘪𝘰 | 𝘗𝘢𝘵𝘯𝘶𝘨𝘰𝘵 𝘯𝘨 𝘓𝘢𝘵𝘩𝘢𝘭𝘢𝘪𝘯
🎨:‎ 𝘋𝘺𝘭𝘢𝘯 𝘗𝘦𝘥𝘳𝘦𝘳𝘢 | 𝘉𝘢𝘩𝘢𝘨𝘪 𝘯𝘨 𝘊𝘳𝘦𝘢𝘵𝘪𝘷𝘦𝘴 𝘊𝘰𝘮𝘮𝘪𝘵𝘵𝘦𝘦

04/04/2026

𝗦𝗮𝗯𝗮𝗱𝗼 𝗱𝗲 𝗚𝗹𝗼𝗿𝗶𝗮| 𝟬𝟰•𝟬𝟰•𝟮𝟲
‎
‎𝘔𝘢𝘵𝘦𝘰 27:59-60
‎" 𝘒𝘪𝘯𝘶𝘩𝘢 𝘯𝘪 𝘑𝘰𝘴𝘦 𝘢𝘯𝘨 𝘬𝘢𝘵𝘢𝘸𝘢𝘯, 𝘣𝘪𝘯𝘢𝘭𝘰𝘵 𝘴𝘢 𝘮𝘢𝘭𝘪𝘯𝘪𝘴 𝘯𝘢 𝘵𝘦𝘭𝘢𝘯𝘨 𝘭𝘪𝘯𝘰, 𝘢𝘵 𝘪𝘯𝘪𝘭𝘢𝘨𝘢𝘺 𝘴𝘢 𝘬𝘢𝘯𝘺𝘢𝘯𝘨 𝘴𝘢𝘳𝘪𝘭𝘪𝘯𝘨 𝘭𝘪𝘣𝘪𝘯𝘨𝘢𝘯𝘨 𝘩𝘪𝘯𝘶𝘬𝘢𝘺 𝘴𝘢 𝘣𝘢𝘵𝘰; 𝘢𝘵 𝘪𝘨𝘪𝘯𝘶𝘭𝘰𝘯𝘨 𝘢𝘯𝘨 𝘪𝘴𝘢𝘯𝘨 𝘮𝘢𝘭𝘢𝘬𝘪𝘯𝘨 𝘣𝘢𝘵𝘰 𝘴𝘢 𝘱𝘪𝘯𝘵𝘶𝘢𝘯 𝘯𝘨 𝘭𝘪𝘣𝘪𝘯𝘨𝘢𝘯 𝘢𝘵 𝘶𝘮𝘢𝘭𝘪𝘴. "
‎
‎Ang Sabado De Gloria o mas kilala bilang " Black Saturday ". Tungkol ito sa panahon ng katahimikan, pagninilay at paghihintay. Sumunod ang araw na ito ay nasa pagitan ng Biyernes Santo at Linggo ng Pagkabuhay, kaya't ito ay may natatanging kahulugan ng paghihintay at pananahimik. Ang araw na ito ang panahon kung kailan si Hesukristo ay nakahimlay sa libingan matapos ang kanyang pagpapako sa krus.
‎
‎Ang gabi ng Black Saturday ay may mahalagang selebrasyon na tinatawag na Easter Vigil Mass. Dito nagsisimula ang paglipat mula pagkalungkot tungo sa kasiyahan. Sa misa na ito, ipinagdiriwang ang nalalapit na muling pagkabuhay ni Hesukristo, na tuluyang ipinagdiriwang sa Easter Sunday. Kaya't sa araw na ito, tayo'y magkaroon ng malalim na pagninilay at paghihintay, na nagpapaalala sa mga tao ng kahalagahan ng pananampalataya, pag-asa, at ang pangakong may liwanag pagkatapos ng kadiliman.
‎
‎✒️: 𝘑𝘰𝘩𝘯 𝘗𝘢𝘶𝘭 𝘎𝘰𝘳𝘪𝘰𝘯 | 𝘉𝘢𝘩𝘢𝘨𝘪 𝘯𝘨 𝘈𝘙 𝘚𝘵𝘢𝘧𝘧
‎🎨: 𝘑𝘢𝘴𝘱𝘦𝘳 𝘕𝘩𝘦𝘺𝘵𝘢𝘯 𝘗𝘢𝘨𝘰𝘭𝘢| 𝘓𝘢𝘺𝘰𝘶𝘵 𝘢𝘳𝘵𝘪𝘴𝘵/ 𝘦𝘥𝘪𝘵or
‎

03/04/2026

𝗕𝗶𝘆𝗲𝗿𝗻𝗲𝘀 𝗦𝗮𝗻𝘁𝗼 | 𝟬𝟰•𝟬𝟯•𝟮𝟲
‎
‎𝘓𝘶𝘤𝘢𝘴 23:46
‎"𝘚𝘶𝘮𝘪𝘨𝘢𝘸 𝘴𝘪 𝘏𝘦𝘴𝘶𝘴 𝘯𝘢𝘯𝘨 𝘮𝘢𝘭𝘢𝘬𝘢𝘴, " 𝘈𝘮𝘢, 𝘴𝘢 𝘪𝘺𝘰𝘯𝘨 𝘮𝘨𝘢 𝘬𝘢𝘮𝘢𝘺 𝘢𝘺 𝘪𝘱𝘪𝘯𝘢𝘨𝘬𝘢𝘬𝘢𝘵𝘪𝘸𝘢𝘭𝘢 𝘬𝘰 𝘢𝘯𝘨 𝘢𝘬𝘪𝘯𝘨 𝘦𝘴𝘱𝘪𝘳𝘪𝘵𝘶. " 𝘈𝘵 𝘱𝘢𝘨𝘬𝘢𝘴𝘢𝘣𝘪 𝘯𝘪𝘵𝘰, 𝘴𝘪𝘺𝘢 𝘯𝘢𝘭𝘢𝘨𝘶𝘵𝘢𝘯 𝘯𝘨 𝘩𝘪𝘯𝘪𝘯𝘨𝘢."
‎
‎Ang Biyernes Santo o tinatawag na Good Friday ay banal na araw na kung saan ay sumisimbolo sa pagpapakasakit, pagpapako sa krus, at ang pagkamatay ni Hesus. Ito ang Biyernes bago ang Pasko ng Pagkabuhay o Easter Sunday na isa sa itinuturing na mahalagang araw sa Mahal na Araw.
‎
‎Ayon sa Juan bersikulong 19:30 ay ipinapakita nito ang pagtatapos na kung saan ay naganap na o naisagawa ni Hesus ang utos ng kaniyang ama upang protektahan ang sangkatauhan mula sa kasalanan. Nagsakripisyo upang iparamdam nito ang kaniyang walang hanggang pagmamahal at sa sandaling kaniyang kamatayan sa krus. Gayunpaman, hindi pa rito natatapos ang lahat dahil sa kaniyang pagsasakripisyo ay nabura ang kasalanan ng buong mundo.
‎
‎Sa araw na ito ay alalahanin natin ang walang katapusang pag-ibig ni Hesus para sa atin. Hindi ito araw ng kalungkutan kung saan ay namatay siya sa krus, kundi ito ay araw ng pagpapasalamat. Kaya mamuhay tayo ng may malasakit at pagmamahal sa kapwa, tulad ng ipinakita n'ya sa atin habang sya'y nasa kalbaryo.
‎
‎✒️: 𝘔𝘢𝘳𝘪𝘢 𝘈𝘭𝘦𝘹𝘢 𝘑𝘶𝘯𝘪𝘰 | 𝘗𝘢𝘵𝘯𝘶𝘨𝘰𝘵 𝘯𝘨 𝘓𝘢𝘵𝘩𝘢𝘭𝘢𝘪𝘯
‎🎨: 𝘑𝘢𝘴𝘱𝘦𝘳 𝘕𝘩𝘦𝘺𝘵𝘢𝘯 𝘗𝘢𝘨𝘰𝘭𝘢| 𝘓𝘢𝘺𝘰𝘶𝘵 𝘢𝘳𝘵𝘪𝘴𝘵/ 𝘦𝘥𝘪𝘵or

Ang Rizalian

27/05/2026

19/05/2026

10/05/2026

10/05/2026

04/05/2026

03/05/2026

30/04/2026

09/04/2026

05/04/2026

04/04/2026

03/04/2026

Address

Website

Alerts

Contact The Business

Shortcuts

Share

Category