AU The Standard - Andres Bonifacio Campus

02/10/2025

𝗟𝗨𝗠𝗜𝗡𝗔𝗥𝗔: 𝗜𝗴𝗻𝗶𝘁𝗶𝗻𝗴 𝗠𝗶𝗻𝗱𝘀, 𝗜𝗹𝗹𝘂𝗺𝗶𝗻𝗮𝘁𝗶𝗻𝗴 𝗛𝗲𝗮𝗿𝘁𝘀 – 𝗣𝗶𝗻𝗻𝗶𝗻𝗴 𝗮𝘁 𝗖𝗮𝗻𝗱𝗹𝗲 𝗟𝗶𝗴𝗵𝘁𝗶𝗻𝗴 𝗖𝗲𝗿𝗲𝗺𝗼𝗻𝘆 𝗖𝗹𝗮𝘀𝘀 𝟮𝟬𝟮𝟲 🕯️🔱

Matagumpay na idinaos ng Psyche Infinitum Association ang Pinning at Candle Lighting Ceremony ng Batch Luminara noong Oktubre 1, 2025, sa Arellano University – Andres Bonifacio Campus Gymnasium.

Tampok sa pagtitipon ang makabuluhang seremonya ng pagsisindi ng kandila, sagisag ng liwanag, kaalaman, at pag-asa ng mga mag-aaral sa kanilang paglalakbay tungo sa larangan ng Sikolohiya. Ang Pinning Ceremony naman ay nagbigay-diin sa kanilang pagtanggap sa hamon ng propesyon, kasama ang pangakong magsilbi nang may malasakit, dignidad, at integridad.

Higit pa sa isang tradisyon, ang pagtitipon ay patunay ng tapang at determinasyon ng bawat miyembro ng Batch Luminara. Sa temang “𝗟𝗨𝗠𝗜𝗡𝗔𝗥𝗔: 𝗜𝗴𝗻𝗶𝘁𝗶𝗻𝗴 𝗠𝗶𝗻𝗱𝘀, 𝗜𝗹𝗹𝘂𝗺𝗶𝗻𝗮𝘁𝗶𝗻𝗴 𝗛𝗲𝗮𝗿𝘁𝘀,” muling itinaguyod ng mga estudyante ang kanilang pangakong maghatid ng positibong pagbabago at inspirasyon sa lipunan.

Ang Pinning at Candle Lighting Ceremony ng Bachelor of Arts in Psychology Class of 2026 ay patunay ng kanilang tapang, dedikasyon, at handang paglilingkod bilang mga susunod na Sikolohista ng bayan.

Ulat ni Archel Bad-e Aguilar

02/10/2025

𝗣𝗦𝗬𝗖𝗛𝗧𝗢𝗣𝗜𝗔: 𝗔𝗻𝗻𝘂𝗮𝗹 𝗣𝘀𝘆𝗰𝗵 𝗔𝘀𝘀𝗲𝗺𝗯𝗹𝘆 𝟮𝟬𝟮𝟱–𝟮𝟬𝟮𝟲, 𝗜𝘀𝗮𝗻𝗴 𝗠𝗮𝘁𝗮𝗴𝘂𝗺𝗽𝗮𝘆 𝗻𝗮 𝗣𝗮𝗴𝘁𝗶𝘁𝗶𝗽𝗼𝗻 𝗻𝗴 𝗺𝗴𝗮 𝗣𝘀𝘆𝗖𝗵𝗶𝗲𝗳𝘀

Nitong nakaraang Oktubre 1, 2025, nagtipon-tipon ang lahat ng Psychology students sa AU Andres Bonifacio Campus Gymnasium para sa taunang Psych Assembly- PSYCHTOPIA 2025–2026!

Mula sa masiglang roll call, inspiring welcome message ni PIA President Gene Nathaniel M. Pascor, at pagpapakilala ng mga bagong opisyal, committees, at volunteers ay talagang ramdam na ramdam ang unity at excitement ng buong Psych department!

Pinasaya rin ang programa ng mga intermission performances mula sa AUPDC at Ms. Wendy Villasin, at syempre hindi mawawala ang nakakatuwang ice breaker game kung saan may nanalong Psych merches tulad ng tote bags, pamaypay, at ballpens!

Tampok din ang uniform at batch shirt showcase na proud na ipinakita ng ating mga psychology students para sa freshman at sophomore hanggang sa ating mga junior at senior psychology students, simbolo ng pride bilang Psychology students ng Arellano University.

Nagbigay din ng makabuluhang mensahe si Ms. Aivea Faith L. Gutierrez, RPm mula sa Guidance Office, at binigyang-parangal ang ating mga inspirational speakers sa pamamagitan ng certificate awarding.

Bago tuluyang nagtapos, nagbigay ng closing remarks si PIA Vice President Adia Ann Clearice J. Misenas, at syempre, hindi kumpleto ang pagtitipon kung walang group photo para i-capture ang memories ng napakakulay na event na ito!

Naging isang malaking tagumpay ang PSYCHTOPIA 2025–2026. Napuno ito ng energy, bonding, at inspirasyon para sa mga darating pang pagtitipon at activities.

Ulat ni Marianne D. Mesina

01/10/2025

𝗜𝗖𝗬𝗠𝗜 | 𝗢𝗡𝗘 𝗔𝗥𝗘𝗟𝗟𝗔𝗡𝗢, 𝗢𝗡𝗘 𝗕𝗘𝗔𝗧: 𝗔𝗨 𝗚𝗿𝗮𝗻𝗱 𝗣𝗲𝗽 𝗥𝗮𝗹𝗹𝘆, 𝗛𝘂𝗱𝘆𝗮𝘁 𝗻𝗴 𝗦𝗶𝗺𝘂𝗹𝗮 𝗻𝗴 𝗡𝗖𝗔𝗔 𝗦𝟭𝟬𝟭

Matagumpay na idinaraos ang Arellano Grand Pep Rally 2025 sa AU - Juan Sumulong Campus Gymnasium kahapon, na dinaluhan ng mga estudyante at faculty members ng pitong campuses upang ipakita ang kanilang buo at nagkakaisang suporta sa mga atleta na kakatawan sa Arellano University sa nalalapit na NCAA Season 101.

Sinimulan ang pagtitipon sa pamamagitan ng mga pambungad na gawain kabilang na ang isang intermission number mula Chiefs Drum Corps na nagbigay enerhiya at sigla sa mga dumalo. Agad naman itong sinundan ng pagpapakilala sa mga atleta mula sa track and field, chess, swimming, men and women's taekwondo team, basketball team, men and women's volleyball team at Chiefsquad.

Bukod sa pagtatanghal at pagpapakilala sa mga atleta na magtataas ng bandera ng Arellano University sa darating na NCAA Season 101, inihanda rin ang ilang mga palaro para sa mga manonood tulad ng Bring Me at Q&A na nagdagdag ng kasiyahan sa lahat ng dumalo.

Naging highlight din ang mini exhibition ng six-peat champions na Chiefsquad kung saan kanilang ipinamalas ang husay sa sayaw at stunts na nagpaalab sa damdamin ng mga manonood.

Muli namang na susubukin ang tapang at galing ng mga atleta ng Arellano University sa inaabangan na NCAA Season 101 na magsisimula sa ika-1 ng Oktubre, kung saan ay inaasahan na buong suporta ang ipapakita ng komunidad ng Arellano para sa kanilang mga atleta.

Ulat ni Micah Agudo at Alyssa Aguja

30/09/2025

𝐊𝐀𝐒𝐀𝐋𝐔𝐊𝐔𝐘𝐀𝐍𝐆 𝐍𝐀𝐆𝐀𝐆𝐀𝐍𝐀𝐏 | Kasalukuyang isinasagawa sa pamamagitan ng Zoom ang webinar para sa mga 2nd Year College Students na may temang “Substance Abuse Awareness: Protecting Our Future, One Choice at a Time.”

Sa ganitong pagtitipon, binibigyang-diin ang kahalagahan ng tamang desisyon at wastong kaalaman upang mailayo ang kabataan mula sa panganib ng bisyo at maling landas. Isang makabuluhang paglalakbay ng pagkatuto na naglalayong hubugin ang disiplina, kamalayan, at malasakit para sa kinabukasan.

Ulat ni: Marc Sean De Guzman

29/09/2025

𝐇𝐀𝐏𝐏𝐄𝐍𝐈𝐍𝐆 𝐍𝐎𝐖 | ARELLANO GRAND PEP RALLY 2025 COMMENCES AT JUAN SUMULONG CAMPUS

The Arellano University Chiefs jumpstarted the most-awaited 2025 Grand Pep Rally at the AU - Juan Sumulong Campus Gymnasium with a warm welcome for the Arellano Athletic Teams. The Arellano crowd came through with their loudest cheers and soaring spirits to showcase their support for the athletes as the NCAA Season 101 nears.

Athletes from Track and Field, Chess, Swimming team, Men and Women's Taekwondo team, Men's Basketball team, Men and Women's Volleyball team, ChiefSquad and the Drum Chiefs all gathered to boost the school spirit and foster a sense of unity.

Catch the live stream of the Arellano Grand Pep Rally 2025 at the official page of NCAA Philippines and show support for our athletes.

via Marygrace Joei Recario & Samantha Regodo

29/09/2025

𝐊𝐀𝐒𝐀𝐋𝐔𝐊𝐔𝐘𝐀𝐍𝐆 𝐍𝐀𝐆𝐀𝐆𝐀𝐍𝐀𝐏 | Kasalukuyang idinaraos sa AU Quadrangle ang mainit na debate ng mga mag-aaral sa Level 3 ng College of Nursing hinggil sa “Nursing Care and Management for the Elderly.” Nagbabanggaan ang talino at galing. Nagpapasiklaban ng isip at puso kung saan bawat argumento’y humihiwa sa kaisipan at bawat salita’y dumadaloy sa damdamin. Isang paalala na ang pag-aalaga sa mga nakatatanda ay hindi lamang tungkulin, kundi isang sining ng malasakit at dangal ng buhay.

Ulat ni: Kate Alexandra Baldesco

25/09/2025

JUST IN

URGENT ANNOUNCEMENT FOR ALL CAMPUSES:

As per Memorandum Circular No. 102, classes in ALL YEAR LEVELS IN ALL CAMPUSES WILL BE CANCELLED TOMORROW, September 26,2025 to SUNDAY, September 28, 2025 (Both online & offline) due to the anticipated effects of typhoon “Opong”.

Mag-ingat, Chiefs! 🌧️🌧️🌧️

24/09/2025

FOR ALL AU CAMPUSES:

All classes in all year levels will shift to online classes tomorrow, September 25, 2025 due to inclement weather.

Mag-ingat, Chiefs! ☔️

23/09/2025

Classes in all levels in all Arellano University campuses will RESUME today, September 24,2025 via ONLINE mode.

22/09/2025

FOR ALL AU CAMPUSES:

Classes in all levels are cancelled tomorrow, September 23,2025 in all branches of Arellano University, for both face to face and online classes.

No work for all teaching staff. Work for non teaching staff shall be at the discretion of their immediate superior.

Ingat, Chiefs!!! ☔️☔️☔️

21/09/2025

ADVISORY

Walang pasok sa lahat ng antas ng pribado at pambublikong paaralan, maging sa mga tanggapan ng pamahalaan (kabilang ang sa Pamahalaang Lungsod ng Pasig) sa National Capital Region bukas, September 22, 2025.

Ito ay alinsunod sa Office of the President Memorandum Circular No. 97, s. 2025 kaugnay ng inaasahang masamang lagay ng panahon dulot ng hanging Habagat at Bagyong .

Samantala, mananatiling may operations ang mga tanggapan na may kinalaman sa disaster preparedness at response at iba pang essential services (katulad ng Health Centers sa mga barangay).

Mag-ingat po ang lahat.

ADVISORY

Walang pasok sa lahat ng antas ng pribado at pambublikong paaralan, maging sa mga tanggapan ng pamahalaan (kabilang ang sa Pamahalaang Lungsod ng Pasig) sa National Capital Region bukas, September 22, 2025.

Ito ay alinsunod sa Office of the President Memorandum Circular No. 97, s. 2025 kaugnay ng inaasahang masamang lagay ng panahon dulot ng hanging Habagat at Bagyong .

Samantala, mananatiling may operations ang mga tanggapan na may kinalaman sa disaster preparedness at response at iba pang essential services (katulad ng Health Centers sa mga barangay, outpatient department ng Pasig City General Hospital at Pasig Hope Medical Center, Veterinary Services Department, pagproseso ng death registration at death certificate sa Temporary Pasig City Hall, at pagtuturok ng anti-rabies vaccine para sa tao sa Pasig Sports Center).

Mag-ingat po ang lahat.

21/09/2025

ANNOUNCEMENT

To ensure the safety of our athletes and students at the Andres Bonifacio Campus and Plaridel Campus, the scheduled Pep Rally 2025 tomorrow, September 22, 2025, has been postponed. Kindly wait for further announcements regarding the new schedule.

Thank you for your understanding.

Stay safe Chiefs!